龍鳳祥餃子館 (已結業)

今日去開佐敦，本來想食澳牛，但見到條長長既人龍，就決定行前兩步入龍鳳祥餃子館。 餐廳用左中式裝修，牆上掛滿一個個中式掛式，其實係一道道菜名。嚟餃子館梗係食餃子啦，其實餃子款式唔算多，得7款，單叫餃子一碟有10隻，係冇湯既，可以加錢要麵。我就加左$5要雙拼餃，可以試多個味嘛！揀左蕃茄蛋餃同京蔥羊肉餃。餃子皮好薄，2款餃都好足料！蕃茄蛋入面好乾身，唔會有蕃茄d汁搞到水汪汪，d蛋甜甜地，清清地好好食。京蔥羊肉餃相對就濃味好多，但可以放心有羊肉得黎又唔會好羶，配埋切碎既京蔥好有北方既味道，唔抗拒羊肉既人都絕對應該試下！

朋友去食過呢間龍鳳祥餃子館 ，話質素幾好，而且入面有個好得意既麵，一個字有3隻牛，話我上中意食食牛一定要去試下甘話。既然朋友推介，就搵左日自己去試一試喇，朋友所講既3隻牛麵，就係呢碗牛犇麵，其實加埋前面果個牛字應該有4隻牛先真，犇字讀'奔'，本身個字係指好多牛一齊係到奔仔甘解，但可能呢到想形容佢地既牛肉麵有幾甘重牛味，所以就用左呢個字黎做菜名。講番野食先，個湯底真係好濃牛肉味，但係又唔夠得佢好"SO"，牛肉雖然唔算煮得好林，不過絕對唔係好鞋硬唔開果種，係比較有咬口果隻。呢到既麵用左上海麵，同濃湯底都幾夾，麵亦唔會好糊，條條都幾分明，幾好。奇甘份量好大，D牛好似食黎食去都食唔完甘，都值得一試。

一直都靠男朋友仔搵吃既我，今次都唔例外，而且每一次都好有驚喜。今日7點左右就黎到，已經有人開始等位。雖然店面唔算好大，但流轉量好高，好快就有位了。店舖細細，位置比較密密麻麻。餐牌種類好多，因為第一次吃，真係想樣樣都叫，哈哈哈哈最後我地2個人，叫佐2碗面，一碟水餃，一份細豬耳，加一杯凍豆漿。凍豆漿好快就到，雖然話係凍豆腐，但完全無冰係豆漿，感覺好實在，絕對唔呃稱。加上甜度適中，解渴好味。話咁快，細豬耳就上場了。豬耳係我好喜歡既小食，因為貪佢爽口有咬感。龍鳳既千層醬既豬耳有少少麻辣，肉同爽口位分配得岩岩好，各佔一半。吃到底會有青瓜絲，清涼爽脆，一齊吃，岩岩好中和豬耳既油份。的確係一個好好既配合男朋友叫佐個牛犇面🤔<----研究個犇字點讀都無結論，但店員每上一度菜都有叫個菜名，唯有等店員慢慢介紹。大讚，湯底好吸引我，唔油，清甜。無錯，的確有甜味。午犇好鬆軟，佢既鬆軟唔係一夾就散果d，係入口輕輕一咬就鬆，唔黏牙，加上少少肥肉，一流。p.s 吃到最後，湯底都係無油份浮面，感覺好健康。跟住就到我既紅燒肉拌面，一直要求吃肥豬肉既我，實係叫呢款既。話就話拌面，但湯汁都好充實，每一條面都可以沾上

這間餃子店也是我常去的，雖然店舖細細座位不多，但人流快， 就算要等都好快有位， 不過當然係比較逼夾。快食之選牛犇麵 - 牛肉都唔少，肉質剛剛好，唔會太硬唔會太林！湯係呢度最出名，不過都唔知有冇加味精雞絲粉皮有大有細，大嘅$38，冇咩特別，份量都算多煎餃子要加錢， 各有各好啦煎既就香口啲，我試過番茄蛋味覺得好似蕃茄炒蛋放咗入餃子，都係喜歡食有豬肉嘅！白菜餃子簡簡單單就最好羊肉嘅話味道可能會濃啲加湯的話係另上，加五元就有，都幾抵！

晚上8點幾入座，開始陸續有枱食完走，位置太迫，又起身又座低俾人走，又俾侍應阿姐執枱，枱又細，坐得極吾舒服。叫咗韮菜水餃，三鮮煎餃，再加$5拼酸辣湯。明明酸辣湯叫2個，俾得1個，話賣晒，轉個頭後面張枱大大碗酸辣湯面俾另一個客。狂sell要我轉豆漿，話吾要，寧願取消酸辣湯，但都繼續sell 豆漿，在極度不滿情況下才去取消。千層豬耳味道一般，有味精。水煮餃子及煎餃不夠肉汁，特別係煎餃超乾，又吾夠肉汁，不推薦！收銀時拒收5毫子，離譜！下次吾會幫襯。

今日行到去佐敦諗住食米線，點知見到間食餃子又吾錯特別門口有張麻辣冷面張就被吸引左入去試下。入到去勁迫，根本就係背貼背有點辛苦，我地叫左一個面，2款餃和1個小食。蕃茄蛋餃子配蕃茄湯底..皮偏厚身而一咬食到蕃茄蛋，但入面材料不是很多而且湯底可能太有希望，反而覺得似蕃茄醬整出黎，勁杰身，有點失望。三鮮煎餃食落豬肉吾係好多，但每隻都有一隻蝦係入面，配上醋和辣醬都可以。千層豬耳好特別，一層層豬耳食落少凍有口感好味道，有少少辣度。麻辣冷面吾好預係勁辣，食落似xo醬感覺，吾太差，混一起食都吾錯，面反而吾係咁多，餸勁多都幾清新。

點了京葱羊肉餃，千層豬耳，及豆漿🥛餃子：要襯熱食，因為皮咬落軟綿綿的，很舒服的感覺，但當涼了點，皮開始變得煙un...有點失望是完全沒有羊肉味, 我是喜歡吃羊的，但這肉不但沒羊味，基本上是一點味道都冇😐(我都唔知究竟裡面是否真是羊肉🙄)豬耳: 看似鹵水的，但不夠味。它卻聲稱是🌶，其實只是淋了唔麻唔辣的花椒油，所以食落有d油。。而且可能切得比較薄，沒有咬落脆軟骨的快感😔豆瓣醬偏咸，注意不要點太多🚫店面偏小，桌椅偏多，坐落有點迫👨‍👩‍👧‍👧好吃的餃子店多的是，但唔係好多地方會整千層豬耳，而我是特意為豬耳來的，可惜失望而回。。。所以應該不用再幫襯😕

我同男朋友都係餃子愛好者，所以有一日見到呢間店就約定搵日黎食。上星期終於有時間黎食啦店舖裝潢走中國風，都幾靚，我地去食個陣都有一兩枱嘅外國客人，睇黎外國人都中意食餃子我地叫左兩款餃子，兩款小食，仲有兩杯豆漿第一款係肉三鮮，45蚊有十隻大大粒嘅水餃，都幾抵。味道同一般的餃子相約，但特別係水餃入面有大大隻原隻鮮蝦，而且啲蝦好爽口，感覺好新鮮。三種材料配搭得都幾好，唔會只有單一種味，口感都豐富。點埋餃子醋同豆瓣醬一齊食👍🏻果然係招牌餃子。另外我們仲叫左個白菜豬肉餃加酸辣湯。份量又係好豐富，酸辣湯加五蚊就有，但入面嘅材料好多，有滿滿嘅雞絲，木耳仲有荀。白菜豬肉餃本身味道都幾好，餃皮厚度岩岩好，配上湯底嘅酸辣味，好惹味，食完仲好飽肚。我地仲叫左兩款小食雞絲粉皮（$20）同千層醬豬耳。兩款小食都比我想像中好食。雞絲粉皮中各材料的比例掌握得好，雞絲，青瓜同粉皮比例差唔多，可以一次過食晒三種材料的味道同口感。味道同一般嘅雞絲粉皮差唔多，不過我中意呢度嘅麻醬落得好多，因為麻醬係呢個小食嘅精華，加埋小小芝麻香，食唔停另一款小食係千層醬豬耳。呢度嘅豬耳係一大片而唔係一小片，一層一層嘅豬耳，所以食落去口感特別

位於佐敦既餃子熱店，主打平價，高質餃子，亦有麵類，飯類選擇肉三鮮（6.5/10)($45) 龍鳳祥餃子店係近期既餃子熱店，價錢唔貴。肉三鮮就自佢地既招牌餃子。肉三鮮即係豬肉，韮菜加蝦仁。45蚊十隻。饀料夠，原隻蝦仁夠爽口嫩滑，韮菜味都出到。餃子味道較淡，清清地，唔錯！！蕃茄蛋係佢地另一隻招牌，食落味道清新特別，好有住家菜感覺，餃子皮薄，蛋炒得夠嫩滑，餡料不會過多，岩岩好恰到好處，一人食十粒真係無乜難度哈哈豬手撈麵　都非常唔錯，豬手份量夠多，辣味反而幾豬，豬一啲都唔『蘇』，肉質鮮嫩，撈下麵，簡簡單，非常好味。

上週六假期相約了朋友聚舊，所以特意來到她家附近跟她吃午餐，我們沒有預先說好吃什麼，隨意入了這家專門賣餃子的上海餐館吃我們的聚舊午飯一進去已濟滿客人在用餐，一張張木桌、簡潔的石牆裝修，令人吃得自在，估計味道更令人吸引。餐牌上的選擇很多，我們點了三款食物一齊分享<<家鄉紅燒肉拌麵>>燒肉份量挺多，口感軟熟，每一層肉都包著平均的脂肪，吃起來很有層次感，而且惹味香口，每條拌麵都沾滿濃郁的肉汁，整碗麵的味道相當入味<<羊肉汆麵>>用了特濃蕃茄湯底淆煮，帶有香濃蕃茄香，羊肉每塊都是薄切帶微膻味，吃起來很好有口感，跟蕃茄湯底味道很配，極度推介<<肉三鮮餃子>>即是共有三種各不同的餡料包在一齊，豬肉、韭菜、蝦仁，餃子外皮非常薄，驚喜到令我一吃愛上的是餡料多韭菜少豬肉，蝦仁入口超爽口，這裡的餃子確實無懈可擊，還可以外帶生餃子，跟堂食是一樣價錢，忍不住堂食吃完後都買了少許帶回家煮麵吃，餃子的湯底用了秘製牛犇湯底，牛犇比平常吃的牛腩更軟腍，湯底相當濃郁，有種特別香的牛肉味豆漿是新鮮即磨，喝起來只是微甜，很好喝

裝修有中國特色，但嘢食偏咸，無咩辣味。我地叫咗個九菜餃子加酸辣湯，餃子啲餡好似食緊潮州粉果，只不過個皮唔同咗，個個酸辣湯攪两攪就變咗水甘，水雲水渣雲渣，d料好小，仲有食落去有陣怪醋味，仲要加5蚊，把鬼。仲有千層豬耳， 係畀出面食有特色 ， 唔係一隻隻，而係一層層，但唔酸又唔辣， 雲桂香都好食過佢 ，仲有好大陣蒜蓉闢雪味，攪到好咸好口干（ 師傅應該很重）。個碗面，d面有d淋但未去到湖，個d汁又入唔入味，又無色d面白雪雪，無乜味，得d五花肉係好食-化。location:4/5price：3/5taste：2/5

今日約左朋友去尖沙咀買情人節禮物，為來緊的情人節做準備，早左到朋友又未放工就去食個午餐。佐有間自家包製的餃子店，鋪頭細細人客非常多。餐牌，全部單點沒有套餐，但性價比相當高。包餃子的材料。凍豆漿。豆味清甜突出，甜度不高，合我心意。秘製牛犇麵。其實唔知點讀，但知道是鎮店湯麵就試一試。湯底非常清甜，牛清湯完全不油膩，牛肉軟腍不鞋口，湯麵入口相當彈牙，味道的確不錯。店鋪的出名水餃，點個雙拼。蕃茄雞蛋水餃，入口清甜清新，不會太膩太飽濟，入口茄味突出。肉三鮮是豬肉、韮菜和蝦仁，多一份肉香和爽甜蝦仁，非常滿意。

其實真係好多年無咩坐定定去睇下電視，最近某台有新飲食節目，見好似幾吸引就睇哂成集，其中介紹嘅一間就係此店當中有被食物所吸引，隔天就馬上去試,當天星期日人有點多，店舖不是很大，檯櫈之間空位不多<千層醬豬耳> $25/細應該是用上某食物的膠質煮成漿身，再將豬耳一層層放入再雪凍，食落非常爽口脆身，仲有麻辣味<醉雞> $58雞件肉質都幾厚肉實嫩，雞皮與肉之間不會有太多肥脂，但酒味唔算好濃，入面有青瓜做底<韭菜豬肉> $40 加入5可轉酸辣湯底酸辣湯都幾酸，但辣度欠奉，入面都幾足料嘅而餃子皮薄帶點煙韌，入面韭菜7成豬肉3成左右肉汁豐富，韭菜都幾香

今天晚上為孩子添置農曆新年服裝作派對用，所以晚上帶著兒子往裕華國貨。之後往白加士街找吃，見餃子店開店在名食街，所以抱著期望一試。叫了羊肉餃子，酸辣湯；肉飯，豆漿作晚餐。店子小，服務員態度好像親切；隔鄰台坐著一對男女，粗言穢言，單單打打；食品質素，餃子水準中上，酸辣湯不酸不辣，肉飯很一般，但過了一會身體感到麻痺，經驗是食品味精太多！兒子吃飯可能速度慢，服務員走來説：「嘩，啲飯俾你食都凍哂囉，要唔要加啲熱水碌吓去呀！」隔座美男聽了笑騎騎，這樣店子還是等倒閉算了。

龍騰九天喚彩霞，鳳毛麟角珍寶藏，呈献開媚慈愛食，祥和喜慶年豐登。地鐵的南港島綫為區內帶來新氣象，繁忙的香港人又增添上方便之途，擠迫的路也可呼出一道微笑。我與靚太專程到此遊歷一番。在星期日的下午，列車上乘客並不多，於是可細心欣賞車廂內的美麗畫作及行程當中的露天景象。由海怡半島站出發，還不到三十分鐘，便可到達佐敦站了。《龍鳳祥餃子館》是今次專程到‘佐敦’的原因。它的餃子皮有傳統北方口感，再加上些廣東雲吞特式，在白白餃子皮裏透着丁點餡料顏色。尤其在<蕃茄雞蛋>餃子上，更是表露無遺啊。近距離觀看，有如雪球內藏有金片子和紅寶石，使我急忙放在嘴裏試試牙力。一嚼之後，發覺蛋味十分香濃，配合帶少許甜酸味的蕃茄，别樹清新滋味。<京蔥羊肉>餃子是截然不同的選擇。它擁有羊肉的清新羶味，對好此道的我與她，真是喜從喉底來呀！溫馨提示：只要加五蚊，便可配合不同的湯底，今次是酸辣湯，一個非常可取的配搭。而下次絕對要試試 ‘ 秘制牛犇 ’ 湯底了👌