龍鳳食堂

营业中

休息中

weekend無神神遠征去荃灣行下街，不過surprise地尋找到間工業區好西😆Around 3點左右坐低，其實晏晝果餐未落格，所以兩個人只係order少量野食share咁。有瑞士汁雞翼啦，芝士撈公仔麵啦，吉列魚柳啦，同紅豆冰。價廉物美呢四個字絕對可以形容呢間港式餐廳🤗一碟雞翼有3隻，淋滿瑞士汁，好好食。魚柳估唔到比左咁大塊，兩個人分都唔覺少。炸得脆香都係好好食。公仔麵覺得更加係主角黎，surprise地芝士汁係淋滿，十分芝香非常好食可口。紅豆冰認真啲紅豆唔少，煮得軟所以味道甜，奶味都濃，所以係好好飲。好彩有黎荃灣同有食左呢間🤗覺得自己搵好西嘅radar好精準☺️

今日比較早開完會放工（4點😂），正正係下午茶時間，同同事過左黎公司附近嘅工廈食肆食啲野發洩下啲怨氣😛😛因為位於工廠區，所以餐廳唔做晚市，我就通常黎食早餐同下午茶多。Order左份邪惡但超超超好味嘅火腿芝士撈公仔麵，加配熱奶茶。我同事就order港式菠蘿包加配紅豆冰🙆🏻‍♀️🙆🏻‍♀️芝士撈公呢個配搭真係人間美食黎，襯熱食啲芝士好溶好香好好食呀！熱奶茶同樣係我嘅至愛，我通常嗌少奶嘅，飲到茶底好濃香☕️菠蘿包我自己都食過幾次，都係非常建議要襯熱食，菠蘿皮好酥化，麵包非常軟熟🍍🥯凍野我比軟少飲，但同事話杯紅豆冰嘅紅豆好足料同比預期中低糖，比左啖我試又真係幾好味喎！

今日去左南豐紗廠睇下野，3點幾行到攰近近地去左龍鳳食堂食個tea充個電~望落餐牌啲價錢全部都好貼地，岩晒我呢啲窮窮地嘅職場新丁🤓兩個人嗌左以下嘅野食share食，有炸雞髀，司華力腸，瑞士汁雞翼，肥牛芝士撈公仔麵，同好耐無飲嘅紅豆冰！🤩炸雞脾好大隻呀，識食一定係用手揸住黎食，炸得好香表面夠脆，肉質又幾嫩滑，非常推介！另外司華力腸又係肥美大大條～瑞士汁雞翼亦同樣出色，成隻雞翼由外到內都好入味，食得我地勁滋味，唔洗廿分鐘就清晒成碟野😂最後紅豆冰同我預期一樣好多紅豆粒，飲落又唔會太甜，係必嗌呀！

今日行完南豐紗廠，去左附近覓食，見到呢間好抵食既食堂。餐牌包括避風塘炒粉麵飯、中式芝士燴飯、甜豉油滑蛋系列、香濃咖喱、各式小炒、煲仔系列、港式扒飯餐、蔥油系列，仲有素食粉麵。一坐低，員工就送左兩碗中式例湯比我哋，係黃瓜煲排骨湯，感覺清甜，無加味精。避風塘豬扒炒公仔麵：用芽菜、香蔥、洋蔥、豬扒和公仔麵一齊炒，夠晒鑊氣，再以大量炸蒜鋪面，賣相吸引，香口惹味。粟米龍脷腩：龍脷腩啖啖肉，炸到金黃色，再將粟米蓉平均蓋上面，撈飯一流。韭黃叉燒炒蛋：韭菜香噴噴，叉燒香甜，加上滑溜既炒蛋，簡單又美味。紅豆咖啡：原來咖啡和紅豆混埋一齊既味道，效果相當夾，令我愛不釋手。總結，食物味道好，份量大，出餐快，員工服務態度好，必定再回訪。

位於荃灣工廠區附近（南豐紗廠及有線大廈內街）高質素平民福音：龍鳳食堂🎉其實一啲都唔難搵，喺正大街旁邊（入麗城小巴都可途經）門外已報滿各式各樣餐牌😋中西式飯餐，新式芝士特餐，避風塘辣餐應有盡有👍🏻入餐廳見人地碟蒸魚新鮮熱辣大大舊腩😂搞到我都即刻叫返個蒸魚飯試試佢🤭另外如果想叫小炒嘅，中午都有得叫仲好新鮮即叫即整👍🏻餐牌亦非常豐富：列哂星期一至六有咩好食👍🏻埋位坐低，職員已經自動拎上例湯，內裡仲要有舊豬骨俾我食，認真一流👍🏻 個例湯感覺冇乜味精，飲完唔口渴，真材實料😁蒸魚飯方面，份量相當唔錯，魚肉白滑，非常新鮮，冇腥味，蒸魚時間控制恰當，配上冬菜香蔥薑絲，唔錯👍🏻👍🏻另外見到餐牌有得+$6就有紅豆冰其實都幾抵，點知一飲真係好重奶香味冇溝水，紅豆亦夠淋亦夠甜，整杯紅豆冰非常高質👍🏻👍🏻👍🏻熱華田亦用大牌子華田粉沖味道夠濃夠正宗，絕非奶水👍🏻👍🏻👍🏻（淨係飲品都已經見到非常有誠意👍🏻👍🏻👍🏻🤭🤭🤭）另外我地亦都叫咗兩個小炒😋韭黃叉燒炒蛋：份量非常大，一啲都唔吝嗇，蛋香香氣撲鼻，調味亦恰到好處，唔會太咸，叉燒份量一啲都唔少，食落仲非常之夠火喉夠鑊氣，十分好食👍🏻我專登擺高一邊碟，睇吓會唔會好多油

荃灣工廠區首選茶記～新接手裝修後靚左光猛左👍🏻👍🏻餐牌選擇多左好多👍🏻早餐同下午茶餐都多左好多野揀🤤附近好幾間下午茶都冇炒野～個豬扒炒公仔麵好入味好有鑊氣👍🏻👍🏻必須要讚下個餐蛋麵隻蛋😌😌😌隻蛋煎得超靚🥰🥰冇煎穿又冇煎過熟～又唔會好易就爆蛋🤣最體貼仲要將隻煎蛋刻意放響餐肉上面～咁樣就唔會令到d湯碌熟左個蛋黃🥹🥹講真真係唔係好多間茶記會咁做👍🏻👍🏻👍🏻

今日要同同事開會所以我哋就早d去附近餐廳買外賣返去office。同事介紹呢間餐廳，估唔到咁早都咁多人嚟食午飯，見佢午餐嘅選擇都好多種類，有蒸魚，炒粉麵，蒸飯等餐廳除午餐亦都有好多選擇，芝士系列好吸引，我哋分別點咗以下幾款食物，份量超多。馬來炒貴刁好夠火喉，炒得乾身但又唔會係食落覺得好乾好鞋咁，味道惹味又唔會太濃同咸，唔同有d茶餐廳／冰室咁濃，讚呀！而且配料都好足，咸魚蒸肉餅肉餅好高質素，蒸嘅時間岩岩好，食落夠嫩，肉餅咬落有口感同juicy ，咸魚味濃又香，好好送飯。洋蔥汁牛扒煙肉飯呢個價錢真係超值，牛扒大大塊，唔會醃到太淋，啖啖肉，加埋煎香嘅煙肉，配埋洋蔥汁真係好邪惡但好開胃。滑蛋蝦仁飯超嫩嘅滑蛋，食落滑溜溜，蝦仁又多，少少蔥段，夾埋熱辣辣嘅飯好好食！

工業大廈食堂嚟講呢間幾有質素，而且價錢亦都相對貼地雖然餐廳坐落於工廈附近，不過食物嘅賣相都唔差沙嗲牛肉雙蛋飯嫩煮牛肉片、煎蛋和特製的沙嗲醬汁吸收沙嗲醬汁 辣味和微甜味 啖啖飯都好易落口色彩雖然簡單 好味食得晒就得 價錢優惠另外跟餐會有個例湯送椒鹽豬扒豬肉扒的外酥內嫩椒鹽 胡椒粉 炸蒜 香蔥 好地道嘅風味椒鹽豬扒視覺效果金黃色，外觀誘人豬扒有時可能會因為炸製過程中油脂吸收過多而變得油膩 呢份食落去，雖然熱血但唔會覺得好油龍鳳食堂荃灣沙咀道26-38號匯力工業中心地下3號舖

今日遠赴荃灣同朋友做gym，gym之前當然要食返一個豐富既早餐，朋友係荃灣居住同返工，所以帶咗我去佢平時返工幫襯嘅工廠區茶餐廳。雖然餐廳位於工廠區，但環境算好乾淨，面積幾大👍🏻早餐選擇非常多，甚至茶樓點心例如糯米雞同蘿蔔糕都有，價錢都好實惠。- 雞扒配炒蛋+茄汁豆雞扒幾大塊，比得上平時午餐雞扒飯既size，外皮香脆。炒滑蛋方面正常水平，加埋真係茄汁豆好滿足。- 牛扒配炒蛋+茄汁豆牛扒套餐比起雞扒餐貴$2，但係物超所值，size仲大塊過雞扒，牛味香濃之外肉質唔會太老，啖啖肉又好容易咬開。麵包烘底都十分香脆，加埋牛油真係好吸引🤩- 香煎豬扒出前一丁豬扒好大塊，肉質軟稔唔會好難咬開。出前一丁煮得啱啱好，口感彈牙。跟餐有火腿奄列或蘿蔔糕，我揀左前者，入面有勁多火腿，另外仲有牛油方包，烘底之後更好味。飲品方面，我叫左紅豆鴛鴦，佢同紅豆奶茶同紅豆咖啡一樣都要加$8，鴛鴦係茶餐廳獨有飲品，加左紅豆增加少少甜度。朋友就叫咗凍齋啡，食完真係充滿力量去做gym。

行完紗廠好肚餓 search OpenRice見到呢間茶餐廳就行入黎試下！估唔到性價比咁高～因為老公病左唔想食肉 如果唔係佢都好想試下芝士撈麵同避風塘炒野系列 睇落好吸引😍但好彩呢度都夠多健康素食選擇！想食清啲同減肥都有得揀韭黃蝦仁炒蛋 勁多大蝦仁 一碟有成7、8隻！真材實料！蒜蓉炒菜心 炒得岩岩好會過老！紅燒豆腐煲 估唔到豆腐塞滿成個煲 正啊！除左小菜外 佢仲有每日唔同A-I餐選擇 都係50蚊度 有例湯同野飲 呢個時勢都好抵食啦 如果喺附近返工一定會成日幫襯！

位置：龍鳳食堂 (荃灣)荃灣沙咀道26-38號匯力工業中心地下3號舖食後感：高質工廈食堂，平時係附近返工食親都油淋淋，今日黎左依間新開既工廈餐廳，非常之有驚喜，完全唔油膩，野食全部熱辣辣，餐具又乾淨。味道：餐湯：飲落完全唔口渴金銀蛋肉碎浸時菜（$74）時菜係菜心黎，都有20條左右份量足夠兩個人食，調味唔太咸，配上上湯，清清地都唔錯。菠蘿生炒骨（$74）走菠蘿（敏感唔食得）生炒骨係即炒，外脆內軟，炸皮唔太厚，調味同酒樓食到既小菜一樣咁正，酸酸甜甜好開胃。鮮茄肉片炒蛋（$67）蛋既份量好夠多，肉片咬落有口感，唔似用鬆肉粉「奶」過，蕃茄冇異味，十分新鮮。餐飲：朱古力夠濃紅豆冰夠奶夠香好味指數：工廈有咁高質既食堂，係附近返工既人真係有福氣啦。臨走前重見到隔離枱叫左碟乾炒牛河，碟牛河睇落都好有水準，炒得好乾爽，下次黎要試下炒野先得。

間唔中都會過嚟荃灣沙咀道呢邊啲工廈做嘢、送貨，最近食咗幾次呢間龍鳳食堂，啲嘢食都唔錯，最緊要就係性價比高，平平哋好抵食可以醫肚。呢日就揀咗個現炒豉椒排骨飯，都真係幾好食，好夠鑊氣，啲汁唔會好鹹，撈飯啱啱好。排骨份量都幾多，好足料，豉椒、洋蔥、青椒，呢啲都好多，排骨肉質正正常常唔會話好韌。午市飯餐有湯有嘢飲，例湯唔係只有水非常足料，咁啱呢日係青紅蘿蔔豬骨湯，飲落都似冇味精嘅。包埋嘢飲，叫咗杯凍華田，都真係好抵食，唔怪之得午餐咁爆。相信下次嚟荃灣都會過返嚟呢邊，始終晏晝都唔想食咁貴。

平時喺荃灣返工都會食個早餐，今次同事帶咗我去試龍鳳食堂嘅早餐。餐廳夠闊落乾淨，光猛坐得幾舒服。早餐好多選擇我樣樣都想試今日就揀咗個同事推介嘅超值抵食早餐，叫咗個$29火腿麵+雙蛋+油方包，仲有嘢飲。蕃茄愛好者嘅我加咗$3轉羅宋湯。早餐嚟到賣相豐富，好開胃，羅宋湯超濃足料，食到有好多蕃茄同埋雜菜，完全感覺到羅宋湯應該煲過夜，好入味，蕃茄味超重，但又唔會好重味精，飲完唔會口乾。面佢煮得韌到啱啱好，唔會太硬好掛湯。煎雙蛋係我嘅至愛，煎得好好，流心得來蛋味好濃。同樣要讚一讚佢嘅凍奶茶，雖然凍上，但仍然飲得出茶味同埋好滑。食個咁好嘅早餐真係有個Good morning☺️

係附近返工, lunch諗唔到食乜, 於是同朋友黎左呢間工廈福建炒飯師傅將好多海鮮淋上面, 而且份量都好唔客氣, 絕對有別於其他餐廳海鮮配料非常少, 呢個要俾like!炒飯粒粒分明, 而且好飽滿 ; 而醬汁鹹度亦都岩岩好, 唔會太重口味而影響飯既口感生炒牛肉飯份量非常多, 牛肉亦都好新鮮, 再配上爽口生菜, 口感更佳!另外配上一杯冰凍既檸檬茶, 冰涼快感, 尤其解渴!So far, 呢間茶餐廳主要服務工廈員工為主, 而價錢亦都恰當, 位置稍為偏離地鐵站各位網友如果想去, 要留意下位置點去啦~

今日同同事要加班，就係公司附近買外賣返去食，同事揀左呢間餐廳，食物味道出色，份量又多楊州炒飯炒飯好有鑊氣，粒粒分明，配料十足，蝦仁，火腿，叉燒同生菜絲等等，食落味道豐富，而且份量好多，好味道椒鹽豬扒飯夠晒邪惡但又非常惹味，豬扒有成4，5件大大塊，食落唔鞋口，外皮炸得夠香，非常好餸飯同事揀咗個羊腩飯，真係好識揀，咁凍嘅天氣食羊腩暖身，食落非常入味同夠火候，有皮有肉好正，雖然係套餐，但羊腩煲必備嘅靈魂支竹同馬蹄佢哋都唔會少，抵讚！配埋紅豆冰同紅豆奶茶，總算食返餐滿足嘅午餐再開工。紅豆冰用上煉奶，更加香甜好飲，紅豆奶茶都唔係間間餐廳有，必飲！呢間餐廳食物種類都好多，蒸飯，芝士系列都有，值得再幫襯！