龍點心 (Eastcore)

营业中

休息中

夜晚想食點心，就走咗嚟觀塘呢間新點心專門店，食新派點心。一龍大滿足一籠六件特色蒸點心🟡鹹蛋黃墨魚燒賣🟠蟹粉菠菜香蝦餃🟢酸菜魚鳳眼餃🔵松露野菌晶瑩餃⚪️筍尖蝦餃皇🍑碗豆桃子每一款都好有特色，而且真係有唔同嘅味道，鹹蛋黃燒賣裏便真係有鹹蛋蓉。脆脆富貴紅米腸粉紅米腸粉包著蝦肉脆皮春卷。蝦肉份量好足，仲可以點豉油、麻醬、泰式辣醬。鰻魚荷葉飯荷葉飯有冬菇、蝦米、雞肉、帶子、蝦，個飯本身已經好好味，再加上上面有幾舊鰻魚調一調個味。

龍點心 @lungdimsum📍觀塘觀塘道398-402號Eastcore1樓4號舖自己一條友食咩好🙆🏻‍♀️來左龍點心～飲返個夜茶🫖～呢到裝修設計好有特色感覺非常摩登～脆脆富貴紅米腸粉 $48粉紅色腸粉皮包住鮮蝦春卷入口層次分明～外軟內脆章魚肉餅飯 $58新鮮蒸起～上枱熱辣辣肉餅帶點咸香～配上章魚粒味道唔錯拉絲菠蘿包 $38原來係菠蘿包～內藏芝士菠蘿包入口回彈～外皮鬆香帶點菠蘿🍍香味配埋芝士好特別♥️茶位/$10 另收加一

Bookmark咗呢間點心店好耐，聽過身邊好多朋友都推介，所以收工就同屋企人去試下。餐廳地點都幾方便，我喺地鐵站出行五分鐘左右就到，我六點半左右去到就唔使等位住。餐廳地方闊落，可以睇住師傅 喺廚房整點心，別有一番風味。 我哋兩個人嗌咗幾樣嘢share：荀尖蝦餃皇最鐘意食蝦餃嘅我當然要試下 ，果然冇令我失望，皮薄但唔會好易爛，入面啲蝦好大隻夠彈牙鳳爪排骨飯因為實在太肚餓，所以要叫個飯，排骨畀得好多，肥瘦啱啱好，鳳爪都有三大隻，好欣賞佢嘅飯煲得唔錯唔會硬！脆脆富貴紅米腸粉呢個腸粉係是日mvp， 首先外皮係紅色，夠曬鮮豔， 佢會配埋三個醬汁，包括豉油，麻醬同埋泰式辣醬，所以食落唔會單調。腸粉皮好滑，入面有啲脆脆好似炸両咁樣，中間有包住大大粒蝦，口感超豐富，好好食！蘿蔔絲酥酥皮做得好好，真係好鬆化，入面嘅蘿蔔切到一絲絲 ，軟綿綿，係一個唔錯嘅飯後甜品 呢間餐廳仲有好多新式點心，今次因為同屋企人一齊所以無試到，但都好驚喜佢傳統點心做得好食，下次一定要試下佢嘅新式點心

♡‎ ♡‎‎ ♡‎ ♡ 觀塘 - 龍點心 ♡‎ ♡‎‎ ♡‎ ♡‎ 想食點心唔一定要去茶樓嘅而家新開咗好多點心專門店 價錢實惠，而且環境較企理今日介紹呢間龍點心絕對係我心目中點心專門店嘅頭幾位🫰🏻🔹炸饅頭豬柳漢堡 🔹 $42趁熱食 趁熱食炸饅頭又脆又帶香油味配埋豬柳、芝士、沙律醬簡直係完美組合🔹鳳尾蝦多士🔹 $50多士又係脆卜卜 不過呢種脆係爽脆😆蝦舖喺多士上 脆得嚟又有軟軟蝦肉🔹口水汁龍利魚腸粉🔹💥 $42（推！）吃辣者絕對要點！口水汁超惹味 反傳統唔用鼓油又唔會太辣太油第一次見有魚嘅腸粉成件事係滑上加滑🔹脆脆富貴紅米腸粉🔹 $46好有新年意頭嘅富貴腸粉 好大份好抵食梅紅色外皮帶點煙韌包住脆脆層食落超有口感～仲有三款醬俾你自由配搭🔹一龍大滿足🔹 $62兩個人食又想乜都試吓 就要嗌吓餐廳嘅set點心呢款又有特色餃子、包點、點心一龍有6樣野 超精緻之作最鐘意野菌餃子下次要嗌一籠啊！🔹黃椒醬排骨🔹 $36排骨好嫩口 同埋都係大大份肉好多 🔹榨菜麻辣牛肉飯 🔹 $52◆*．◆*．◆*．餐廳資訊◆*．◆*．◆*．📍龍點心 (Eastcore) (觀塘)觀塘觀塘道398-402號Eastcor

鐘意嘆茶既我🫖夜晚都想食下點心🥧🤣一於就去「龍點心」食下新派點心😋秉承了「匠心手藝，傳承創新」的品牌理念全新演繹中式點心一定要叫個🥢一龍大滿足💁🏻‍♀️入面有齊蟹粉菠菜香蝦餃、酸菜魚鳳眼餃、松露野菌晶瑩餃、筍尖蝦餃皇、碗豆桃子、鹹蛋黃墨魚燒賣 滿足你唔同口味😋🥢炸饅頭豬柳漢堡中西合璧 出乎意料之外既好味🤤脆脆嘅炸饅頭 入面係好juice既豬柳👍🏻🥢囗水汁龍利魚腸粉（辣）平時食得多叉腸、蝦腸魚🐟腸真係少食依個龍利魚腸粉好滑加埋啲辣 好開胃👌🏻

我們一行5人到了這家吃點心的餐廳試試，首先要說的是坐位真的很窄。而我們一行5人只有4人枱可以坐，雖然有一張6人枱，但因為我們只有5人所以沒有讓我們坐。(到我們離開也沒有客人坐)位置已經窄，加上4人枱要坐5個人真的很辛苦。要稱讚的是點心十分精緻，有不少點心在一般的心點店/茶樓是找不到的，款色有特色但不代色多，這邊的款色真的偏少。蒸籠不是傳統的蒸籠，他們訂做了自家方型的。有羊肚菌牛肉 - 我沒吃到 ，但家人說菌苦。紅米腸 - 有特色，味道正常。味道而言還算可以。但地段不方便跟價錢不便宜試試就好。

睇Youtuber介紹的「龍點心」出品精緻，賣相得體，相當吸引今次帶同樣鍾意飲茶嘅媽咪嚟潮聖一下裝修融合懷舊與創新風格，座位寬敞舒適茶錢每位$8️⃣==========🔹一龍大滿足 $62(酸菜魚鳳眼餃，蟹粉菠菜香蝦餃，筍尖蝦餃皇，松露野菌晶瑩餃，鹹蛋黃墨魚燒賣，豌豆桃子各一隻)一次過滿足六種味蕾感覺酸菜魚鳳眼餃：辣味十足，食得過癮蟹籽菠菜香蝦餃：蟹籽鮮味，菠菜幼嫩筍尖蝦餃皇：蝦餃皮薄，蝦肉帶鮮味松露野菌晶瑩餃：外皮軟腍，菇類新鮮爽彈鹹蛋黃墨魚燒賣：墨魚鮮味，口感微彈，加入滿滿的鹹蛋汁能提鮮豌豆桃子：壽包的樣子，包體鬆軟；內餡為豆香豐富的軟滑豌豆蓉，甜度適中推介指數：8/10==========🔹龍躉球蒸飯 $76龍躉片雪白新鮮，加入蟲草花，雲耳及蔥花菜心腍甜；白飯粒粒分明帶米香豉油經調較，鹹甜度適中推介指數：8/10==========🔹拉絲菠蘿包 $38外表得體的菠蘿包質地鬆軟，外皮微脆內餡芝士做到拉絲效果，味道輕淡唔覺膩推介指數：8.5/10==========埋單連加一$2️⃣1️⃣1️⃣「龍點心」出品夠創新，跟得上潮流，鍾意食點心的朋友可以一試🫰🏻

飲茶一d都唔會老土啦好似呢間龍點心，傳統中國特色但加入左好多新式元素。成件事即刻潮哂。 除左餐廳的裝潢後，呢度嘅點心都係比較新式賣相比平時的點心更精緻，而且味道亦很創新。先來這個點心拼盤 -- 一龍大滿足賣相同擺位，望落已經似高級野 筍尖蝦餃皇，酸菜魚鳳眼餃，松露野菌晶瑩餃，蟹粉菠菜香蝦餃，咸蛋黃墨魚燒賣，豌豆桃子酸菜魚鳳眼餃 : 估唔到酸菜魚可以做點心，酸酸辣辣超惹味魚子菠菜香蝦餃 : 中式餃子加入魚子，係咪第一次見, 但估唔到效果又出奇地夾松露野菌晶瑩餃 : 好靚的藍色餃，原來係加入了藍蝶豆花 入面係菇菌黎，又靚又健康呀~ 燒賣除左拼盤外，我自己又多一籠因為佢並唔係一粒普通既燒賣~haha 咸蛋黃墨魚燒賣d肉改用左墨魚滑，無豬肉咁漏入面係咸蛋黃流心架~ 係咪好得意~  仲好好食~呢度既流心真係不錯，奶黃流沙飽的流沙真的會噴出來大家食的小心要小心燙口呀~ 外貌早己改變，你還認得他嗎？這個是飲茶必點的腸粉脆脆富貴紅米腸粉不過外皮改用了紅米，好有新年氣氛，好有意頭入面除左有爽口蝦仁，仲係脆卜卜，就好以炸兩的精緻版咁~炸物叫了2個 一口咸水角雖然個名叫角，但外型就似煎堆仔咁~細細粒，真係一

今日咁岩媽咪話想去食點心, 就去左觀塘試下呢間人氣嘅新派fusion點心 🥟 又真係賣相有驚喜, 味道又唔差啵😌我地一黎就嗌左南北杏菜膽燉豬肺湯暖暖胃先, 之後分別有松露野菌晶瑩餃, 鳳爪金錢肚同埋脆脆富貴紅米腸粉, 都係間餐廳嘅推介菜式, 味道都幾特別, 除咗好食之外仲好易入口！跟住嗌左最有特色嘅一龍大滿足, 賣相好精緻🥰, 一籠有齊幾款點心, 兩個人食岩岩好, 乜都有得試☺️鰻魚荷葉飯好特別, 係其他茶樓一定無得食, 有賣相之餘又好味. 最後媽咪為食話想食甜點, 就嗌埋個黑金流沙包同豆腐布丁, 豆味好重味道勁濃 岩曬重口味既我🔝 🔝 😆😆媽咪食得開心, 我又影得開心🥳~~~~~~~~😋味道: 8/10📸賣相: 8.5/10🛋️環境：8/10💁‍♂️服務: 8/10💎性價比: 8.5/10💲人均：$100up⏪回頭率：85%~~~~~📍龍點心 (Eastcore)觀塘觀塘道398-402號Eastcore1樓4號舖~~~~~

想食點心又唔想去酒樓咁鬼嘈，朋友介紹我嚟呢間《龍點心》，佢係主打新派點心嘅專門店，裝修都幾有特式，菜式賣相亦相當精緻，用QR code 落單，夠晒方便！脆脆富貴紅米腸粉 $46咁吸引嘅賣相梗係要影返幾張相，影咗一陣入面仲係好脆，內層係好脆嘅蝦春卷，腸粉皮入口好滑身，蝦肉亦好新鮮，真係睇得又食得🤤一龍大滿足 $62呢款有6款唔同嘅點心，酸菜魚鳳眼餃、蟹粉菠菜香蝦餃、松露野菌晶瑩餃、筍尖蝦餃皇，鹹蛋黃墨魚燒賣同碗豆桃子，款式幾有創意，而且味道唔錯👍🏻鳳爪拼金錢肚(辣)$42｜鳳爪排骨飯 $56鳳爪同金錢肚飲茶都係必點，呢款兩個人食就啱晒，可以一次過食晒兩款，留肚再食其他點心🤪朋友係飯桶，夜晚點都要叫啲飯嚟食🤣一口鹹水角 $32｜拉絲菠蘿包 $38鹹水角的的式式好得意，炸得勁香口菠蘿包熱辣辣，外脆內軟豆腐布丁 $26｜紅豆沙奶蓋 $28芒果布丁就食得多，未試過豆腐布丁，幾有驚喜，布丁好滑，帶淡淡嘅豆腐香😀紅豆沙搭配綿密奶蓋，口感豐富又有層次

//龍點心 (Eastcore) (觀塘)觀塘觀塘道398-402號Eastcore1樓4號舖觀塘必試新派點心店座落觀塘商業大廈附近 放飯時間好多人等位點心店有多款特色點心款式！花多眼亂樣樣都想試😛裝潢亦有懷舊+時代感 座位尚算闊落舒適▪️酸菜魚鳳眼餃鍾意食辣既朋友必定要試！上面的酸菜魚嫩滑而且味道頗辣 食落好惹味開胃 但係個人覺得都幾辣下 一定比譚仔10小辣還要辣😥😥食完即刻飲好多水🤣🤣▪️脆脆富貴紅米腸粉賣相幾吸睛用黎打卡一樓 酒樓比較少見的點心 入面脆脆的口感加上皮夠薄～就咁食已經覺得好唔錯👍🏼▪️鵪鶉蛋燒賣唔似普通酒樓咁 呢到既鵪鶉蛋有濃濃既滷水味就咁食粒蛋覺得好好味😂😂燒賣唔會有太多既肥豬肉 口感ok唔會過分軟爛▪️羊肚菌牛肉球大大粒牛肉球 搭配羊肚菌 但呢個不算最特別 ▪️擔擔麵味道小辣可接受 花生醬味濃 湯底不會過分稠杰 ▪️土魷蒸肉餅飯白飯的質地唔會過分濕淰淰 軟硬適中 肉餅份量唔少而且上面亦有極多魷魚碎 略嫌魷魚碎味道偏咸 但整體不錯👌🏼▪️大澳蝦醬鮮魷卷新鮮炸起熱辣辣 有淡淡的蝦醬味 令胃口大開😂😂餡料亦有有好多鮮魷碎 搭配佢既醬汁食 完全不會感到肥膩 超快成碟被K.O.😅😅▪️拉

新派點心一直我都好喜愛，靚麻💕每間都有自己原創款式同特式！官塘「龍點心」都幾多人推薦，上次食隔離餐廳都見到佢多人排隊，咁我選擇當晚餐（應該少人一點，覺得😂）脆脆富貴紅米腸粉紅卜卜既腸粉外層，包住脆脆蝦春卷！賣相都幾靚💕味道不錯唔需要沾任何醬都好味！一龍大滿足六件各有特式，包包係班蘭饀唔算甜，味道尚可！紫色係松露餃，好香好濃烈既松露味道，都幾好食😋綠色皮係蟹粉菠菜香蝦餸，幾有特式有點咸咸地都不錯👍酸菜魚鳳眼餃我覺得最好食，少少微辣都幾夾！龍餃子我地加多籠「龍餃子」，款式同大滿足有點撞款，但因為幾好食想大家每人一粒🫰🏼荀尖蝦餃王蝦🦐好新鮮係爽既，所以每人食左三粒。。😂黑金流沙包我叫飯腳撕開比我影啫，做咩要比心型我啫😒撕開爆熱超流心，就算凍左都無凝固，奶黃味夠出不錯！鰻魚荷葉飯話晒都係晚飯，叫返個飽肚既先😂依個都幾特別，荷葉飯蒸得幾軟熟（係有饀架！）😂打卡幾好！特別喜歡有菊花普洱提供，因為唔多餐廳有得飲！^ 設有加一服務費^ 環境闊落舒適^ 限時90分鐘

【味道新穎賣相精緻可以一試🤩】以前無意經過呢個商場見到呢啲新派點心賣相精緻已經好想試😍今次終於排隊成功食到賣相精緻吸引嘅點心🥰食落都唔錯😚有啲款式仲幾新穎！.🍴一口豆腐強烈推介炸豆腐🥰外脆內軟，豆腐都好滑😍調味啱啱好，大推‼️.🍴黑金流沙包奶皇包細細個，食落仲要係流心！仲唔太甜，都幾沙😛不錯的‼️.🍴一口鹹水角細細個😬真係可以一口食曬😂好神奇地有鹹魚味🤣.🍴脆脆富貴紅米腸腸粉唔太厚，入邊果舊蝦春卷好脆😍真係見到大大舊蝦，口感豐富，推介❗️.🍴龍餃子 紫色係黑松露味，黃色係辣辣地，綠色蟹粉菠菜香蝦餃，係鹹鹹地，有啲鹹魚味，蝦餃正正常常，整體呢一個小伏😂個人接受唔到呢種太新穎🥲.🍴牛肚牛肚辣辣地好惹味😚底下啲腸粉好入味，好食！.💡有加一服務費💲-💎推介指數: 💎💎💎💎 (同一般酒樓食到嘅好唔同😋）💡性價比:✨✨✨✨🍴ENCORE指數: ⭐️⭐️⭐️⭐️（想帶老一輩試下🤪)-

以為Fusion 點心一定係要去好貴好高檔餐廳先有，估唔到觀塘呢間新潮點心咁正！朋友帶我黎食，開頭都抱住半懷疑心態驚fusion 點心有伏，但真係每到我三星期內上左兩次。最正係呢款脆脆紅米腸粉，兩次黎我都嗌呢款。好脆又足料隻蝦都好大隻，有三款丈分別係甜酸醬，花生醬，豉油，甜酸醬最好食，其實花生醬都好龍尾不過有啲膩得滯之後試咗酸菜魚蝦餃雖然我唔係好食得辣但都覺得好惹味，係要飲多幾杯水另一個係金沙蝦餃，咬落去會爆啲醬彈到周圍都係呢一款我覺得普普通通，但個金沙鹹蛋黃醬係食得出鹹蛋黃味，冇揸流攤最後就係黑金流沙包呢個就出面其他地方都食到，正正常常！總括來講呢間嘢真係好高質，買單時如果入埋做會員仲可以減$50超抵

今日去左觀塘食創意點心，款款都好特色，裝修又別緻。一籠大滿足，一次過試6款唔同款式，有酸菜魚鳳眼餃、蟹粉菠菜香蝦餃、筍尖蝦餃皇、松野晶塋餃、咸蛋黃墨魚燒賣、碗豆桃子。一籠粒粒唔同色，好吸晴，而粒粒好好味好特色，好足料。蝦餃彈牙，皮薄料多。龍燒賣就可以試4款口味，麻辣牛肉燒賣、龍蝦汁墨魚燒賣、滷水鵪鶉蛋燒賣、懷舊燒賣。我好鐘意麻辣牛肉燒賣，麻麻辣辣好正。鳳爪拼黑椒金錢肚，每次食點心都會點鳳爪金錢肚，咁啱呢度可以一次過試哂兩款，鳳爪金錢肚好入味，yummy。馬拉小籠包，湯汁滿滿，濃濃肉骨茶味道，鮮味更突出。燒汁肥牛腸粉，腸粉皮好滑，裏面夾住厚厚既肥牛肉，點上燒汁，好豐富。小棠菜苗好新鮮翠綠，爽甜清脆。食埋甜品豆腐布丁，好香豆腐味，又滑又香，好滿足。