龍門客棧蛇羹專門店

营业中

休息中

即刻過黎試試佢！等左一陣位 到我食了 點左個梅菜食餅黎試試佢 點埋個姐姐推薦既奶茶黎飲！好 開飯了 第一淡食落口，哇，食到家既味道 ，好耐帶食過咁好食既肉餅了！好快就食哂成個飯喇，就試飲下個奶茶 味道ok同出面奶茶唔似 可以！

大埔街市多美食就聽得多，平時真係好少入去尋寶。難得幾位朋友仔唔怕遠肯陪我試新嘢因為睇咗電視台節目先知街市裡面有檔隱世私房菜，今晚得我地一枱，感覺好似包場咁，食飯時仲有live music伴住好chill先上咗足料雞湯比我哋潤下喉龍，第一道係清蒸海斑，廚師細到將條魚切開一塊塊，放便我地拎，而且火候到位，唔會太老/唔熟，仲食到嗒嗒骨膠原添之後上嘅海蝦好嘢味，配合一啲麻辣嘅感覺，好開胃，海蝦嘅新鮮度可以提高點咸雞係其中必食嘅菜式，平平無奇嘅外表，食落勁滑身而且唔覺有雪味清蒸豆腐釀肉餅，豆腐滑到不得了，撈飯一流生煎藕餅配埋啲青瓜一齊食，感覺清新減低油膩感最後係香煎飽魚并黑椒水蜜桃，鮑魚清晒內臟，水蜜桃加咗黑椒粒😶最後仲有烚菜同嗒太租嘅糖水，滿足完滿嘅一餐

同時相約喺大埔食私房菜，幸好同事駕車好快黎到，來到好有家的感覺。雖然是街市裡面，但環境整潔。由於就來上飛機✈，所以點評幾道菜先先來腕湯，無味精，好喝。蝦每隻都好新鮮，不油膩但很香!鹹雞呢都好肉嫰，皮薄，好似以為自己食緊大陸的養🐔鮑魚爽，面有點脆，很滋味。我地7個大男人食到好滿足，個個都勁讚👍👍要讚老闆娘都好好人，夠親民 ，好有家的感覺😊值得再食的私房菜，記得打電話預約。

記得第一次來這裡吃飯係幾好年前，有日去寶湖街吃午餐，經過見到以為吃蛇羹，原來有客飯吃，當日試了蒸肉餅同鹹雞飯，一試便愛上。後來知道可以預訂私房菜，就約朋友試下，結果試過的朋友都大讚👍，又介紹其他帶朋友去吃。昨晚帶一班同事(共9人)去吃，老闆話8人就有4個海鮮，今日我們9人有5個海鮮，太開心了!首先每人一碗無味精靚湯，好清甜，跟住有條海斑，超級大條，蒸得剛剛好，魚肉好滑，重點係醬油，係有爸爸的味道，可以吃到一碗飯。另外驚喜係有超級肥美的北極貝，未吃過咁大隻，一口咬落去係有汁爆出來，好回味。鮑魚配沙律係每次都有，今次鮑魚煎得好香口，有脆邊。蒜蓉蝦每隻都好新鮮，炒蟹一樣，不但係靚蟹，而且炒功一流，唔會好似酒樓咁先走油，吃到鮮味!仲有鹹雞同整鴨都係在其它地方吃唔到的。吃到大家都好滿足，個個都勁讚👍👍👍👍唔止菜式好味道，老闆同老闆娘都好好人 。😊😊知道就快在樓上開新店，好期待!😋😋

已幫襯過5次私房菜，無數次去食中午飯，真的要推介一下，是一間好有內涵的食店。老闆同老闆娘殷切招待，對食物煮法有極高要求，專選新鮮食材，大埔友真係要前往一試。雖然環境是在街市內，但細小的空間充滿古典味。私房菜中的蝦，簡直冇得輸，暫時係我食過最出色嘅豉油王蝦，一定要講嘅係絕無味精，亦唔會將食材走油 真係靠師傅嘅炒功同新鮮的食材。另外不能不提係鮑魚（驚喜之作），每次將最後一口吞完，總會有失落的感覺，又要等下次私房夜才有得食了😭。300元，有4-5個海鮮，另有湯菜及咸雞（ 必試），白飯任食，個人覺得幾抵食，推介過的，都讚！（私房菜一定要電話訂位，午餐要留意一星期有2天休息的，去前要check清楚）

大埔美食多，街市內還臥虎藏龍，店名龍門客棧，午餐供應簡單客家中式飯餐，今天菜單是馬蹄蒸肉餅飯、咸雞、豉汁蒸油錐等，加$8還有全無味精的五指毛桃豬骨湯，很有家的感覺。而晚市則是沒有菜單的私房菜，獨立房間，自成一角可以開懷大吃大喝，而因為在街市內，近水樓台，海產日日新鮮，10人以上5海鮮3肉或6海鮮2肉加1湯1菜，看看今天我們的菜式吧。早前朋友盛讚龍門客棧的花膠湯，今天加錢將湯改為花膠湯，果然碗碗裝得滿滿花膠，加入雞肉及雲腿，雖然不是高級花膠，但味道濃香，啖啖花膠，感覺很豪氣。飲完這碗花膠湯已半飽，細食的朋友如我或許未能盡情享受其他餸菜，個人反而會期待無味精老火湯。 第一道是清蒸游水海黑鱲，老闆娘表示這段時間黑鱲進入繁殖期，會游回岸散春，魚身鮮味肥美，魚春甘香。花雕蛋白蒸蟹火候恰到好處，蟹鮮蛋白滑，對我們來說再重一點酒會更香。藥膳雞到來已酒香撲鼻，雞件滑而有質感，加上紅棗杞子好補身。 油爆大海蝦加了少許辣椒很惹味，鮑魚腍身，配新鮮沙律菜，賣相精緻，是必然的打卡位。貴妃蚌及油鹽水花甲也鮮味無得輸。 另一道肉是客家鹹鴨，鴨肉做得嫩滑，味道不死鹹，件件切得均勻，太大會覺油膩，

去寶湖買花，入去打個round，經過呢間鋪，聞到好香，就企喺度望住入面個廚師煮嘢食，個廚師好好人，見到我眼望望流晒口水咁就請我食咗一舊羊腩。咁就仲晒計喇！好好味！老細話個羊腩煲係今晚台客，午巿冇得食😭😭😭，所以就叫咗個肉餅飯。正！為咗食多次個羊腩煲...我已經訂咗下下星期嘅私房菜，個老闆又唔肯講有咩食....好神秘！不過，食完佢個lunch,都知唔會差！話曬無味精，同出面真係好唔同！好鮮！d肉唔係林pat pat! 唔會好似食緊粉咁！好彩夠為食！又俾我發現正野！食完私房菜，到時再寫食評😋😋😋😋

每晚只有一圍枱的私房菜，在一個頗為隱蔽的地方，網上甚少評價，只靠食過客人的口碑，如果不嫌路程遠，大家可以來到寶湖街市𥚃試一試。一個月前已經訂了一席，但是我們並不知道菜式，也不知道吃甚麼，老闆比較有性格，不會說亦不會有菜單，來之前只告訴我們當晚是三肉五魚一時菜，後來我們加了一個燉湯上枱先來一個淮山杞子海螺燉雞，可能是頭一味，連湯渣我們都想清埋，但是老闆好快收了，理由係怕大家吃不完之後的菜式海黑䲞，老闆再三強調是野生游水海鮮，又滑又鮮味，最後連頭也沒有得剩花彫花蟹蒸蛋，花蟹就非常甜美，只是蛋略嫌老了一點蟲草花紅棗冬菇蒸雞，這款菜式最搶手，紅棗冬菇味道交錯，入味無比，配飯一絶，但老闆娘又叫我們不要吃太多飯花彫煎蝦碌，蝦挑腸開邊非常入味，不過花彫味仍然是欠了一點，雖然如此但是味道很不錯水耕菜伴鮑魚，鮑魚煎香伴上香芝麻沙律汁，美觀之餘味道又清新清蒸大貴妃蚌，時間剛好，一點也不過火，醬油，熟油，蔥已經足夠提升鮮味油鹽水煮大蜆，味道煮法不似吃到的油鹽水，有一股鑊氣香，很特別的煮法10年陳皮蒸乳鴿，肉嫩入味，每一啖都充滿陣陣陳皮香味

本身黎呢個街市買酒，個老細介紹我地黎呢間吃飯。話好好味又冇味精細細間個好干淨，晏晝黎吃有5味餸簡。主要係蒸，次為煎，好健康我地嗌左「馬蹄吹筒仔蒸肉餅」$45「香蔥煎咸魚肉餅」$48連自家種月桂葉茶估唔到既香口同濃味，個蒸肉餅係啖啖吹筒仔（魷魚仔），個煎肉餅係好香蔥味，唔油。飯量岩岩好