235
56
8
| 餐厅: | 周記點心 |
|---|---|
| 资讯: |
为鼓励食肆透过提供食物份量选择和采取减少厨余措施，与顾客共同从源头减少厨余，环境保护署推出了「咪嘥嘢食店」计划，参与食肆如符合评核准则将获「咪嘥嘢食店」认可资格和获发「咪嘥嘢食店」的标志及标贴，以供张贴於店舖内和宣传，供顾客识别。此计划全年均接受申请，申请费用全免。
详情可浏览：https://www.wastereduction.gov.hk/zh-hk/waste-reduction-programme/food-wise-hong-kong-campaign
影片
开饭介绍
这里的西多士并非普通西多士，是流沙西多士，有奶黄、芝麻和芋泥三款味可选，非常邪恶，另芝麻虾多士也是不错的选择。
继续阅读
附加资料
https://www.dimsumlau.com/about
营业时间
今日营业
10:00 - 21:00
星期一
全日休息
星期二至五
10:00 - 21:00
星期六至日
09:00 - 21:00
公众假期
09:00 - 21:00
以上资料只供参考，请与餐厅确认详情
相关文章
🇭🇰讲到香港野，呢间周记点心+茶餐厅系我最欣赏嘅其中一间🧡佢响西营盘同港大站中间，茶餐厅格局但啲野食系传统同创新兼备🤪😌 响早几年佢因为自创流心西多士而爆红，算系始祖之一，另外都有好多中式点心提供，整体上СP值几高！-💛 <奶黄流心西多士> 呢个真系周记必点名物，两块炸方包夹住流沙馅睇落胀卜卜，一切开啲奶黄酱从中心澎湃地涌出黎😍😍西多偏腍唔算油，奶黄酱好有蛋黄同吉士粉香味，而且系多到每一啖点好多黎食都绰绰有余😚👍🏻另外仲有芝麻、朱古力紫薯等口味选择😌-🍤 <芝麻虾多士> 另一必点招牌菜式！虾多士外皮薄身、炸得金黄稣脆得黎唔油腻，面头舖满劲多白芝麻😝内馅系非常之厚身嘅虾胶，爽身弹牙而虾味十足，份量系多到满晒🤩点埋沙律酱食系世界级享受🥰👍🏻-🥛 <樽装奶茶> 呢个水准都唔错，茶味几浓，唔会过甜同涩😌-🧡其实周记嘅虾多士同流心西多士系响香港食过CP值最高🤫所以次次去亲都会叫，然后份量系多到两个人食完饱到唔太叫到其他野😂下次好想试下佢啲点心同银针粉听讲都系高质☺️
继续阅读
今日去开西环，路过一间之前有报道话好好食嘅点心茶餐厅，咁就二话不说见到入边有位即刻入去坐。😊侍应俾到餐牌之后，餐牌入边嘅选择好多😝，见到隔篱座都系好多人都系食西多士，而且西多士嘅馅料种类有几几款睇到都开心🥳！最后叫咗炸虾西多士、酱炒萝卜糕、糯米包，蛋黄马拉糕。！我自己觉得都系最好食都系虾西多士，佢嘅虾胶实在好厚好多，口感丰满又唔油，一整好就端出嚟，热辣辣🥰！份量都好足食咗好满足。可能本身食得太饱啦，其他点心食落去就都有正常酒楼水准，以一间茶餐厅嚟讲已经好唔错。今日晏昼4:00嚟到座位都唔算满，尚算坐得舒服。如果有机会再嚟西环，我都会再嚟食。🥳
继续阅读
每次到西环都要用好多时间去谂食乜，一来唔熟依头，二来依区有好多第二区冇嘅小店，所以间间都会想试下，今日就系比依间周记门口嘅相吸引咗入去。依间舖头卖嘅可以算是fusion点心吧，有虾饺烧卖，但又有西多士冻柠茶，大概全世界只有系香港依个地方，先会有咁跳嘅menu。点咗佢哋嘅下午茶餐，XO酱炒萝卜糕+餐饮（$52），另外点咗间舖嘅名物芝麻虾多士（$52）。先嚟嘅系萝卜糕，睇个样系唔错嘅，除咗有正常会用嘅芽菜、红萝卜一齐炒之外，仲有我钟意嘅唐芹，面头仲洒咗啲炒过嘅虾皮，样系唔错嘅，但萝卜糕嘅质地有啲奇怪，点解食落会有啲烟韧嘅？感觉有啲似炸脆咗再淋翻咁，但炒萝卜糕唔系应该干身架咩🤔我睇唔透，而且佢应该用咗非常多油去炒，碟底全是油，真系有影响食欲。再嚟嘅系芝麻虾多士，依个就真系唔错，方包中间夹住厚厚嘅虾胶，面头再黐满芝麻去炸，出嚟金黄色证明炸嘅时间恰到好处，不但样靓亦都好香，只系因为面包系一样非常吸油嘅食材，所以佢都唔例外，配上沙律酱本来酸酸哋系可以解腻嘅，不过谂深一层，沙律酱其实都系用油打成，所以都系点少少好喇。总结就系，下次如果再去，食蒸嘅点心好了，因为炸嘅太油喇。
继续阅读
曾经有一排，成日都听人讲周记点心，因为会个流心西多士好红。果阵我都仲未试，过左成十年都有，我成日夜晚都会食点心，咁经过呢到，就终于入去试下喇！唔试唔知咁好味😚 第一次去果阵，我叫左以下呢几样野食：· 春风得意肠(肠粉入边包住啲春卷）：新颖、新鲜· 章鱼鸡蒸饭：好好食，应该系𩠌同饭一齐蒸，所以啲饭都好香甜，硬度好适中，完全系我钟意𠮶种饭· 鹌鹑蛋烧卖： 有3粒，好食· 千层糕：我系因为挂住呢一味，所以隔一星期• 热杏仁霜： 够溶、够多（果只胶杯够哂大杯）👍🏻再去食第二次🤣🤣细个出面啲酒楼都冇，但系近年已经冇咗，好怀念。同埋呢度整得好好食，好有心机，层次分明，又唔会太甜👍🏻👍🏻👍🏻第二次，我试多咗一样嘢，就系• 烧卖（黑松露x 2 粒+明太子x2粒）同埋• 粟米鱼肚羹，有蟹柳，开正我果瓣😂🤣· 热杏仁霜： 转左保温杯，好似细左，挂住只胶杯🤣好开心有呢间点心咁好味，我可以多个地方食晚饭。店主店员都好有礼貌。不过次次人均消费都过百，$百几蚊，都唔平架，但我亦都明，一分钱一分货嘛。
继续阅读
间舖面积小。门外有楼梯。坐低三个人。有人做老细。「唔好同我计」好风一直吹。身家唔够砌。点咗几味嘢。最好虾多士。体控靓姊妹。热气好兄弟。满满芝麻香。一啖一魔鬼。朋友摇摇头。说话唔老例。跑步入大围。单车去广西。凤爪排骨饭。材料好架势。一只小鸡脚。几粒排骨仔。咬米饱一半。早知叫滑鸡。失败牛肉球。卖相唔美丽。味道难抢救。难为了上帝。我哋在人间。师傅在天际。虾饺过得去。烧卖唔好提。鸳鸯遭棒打。惨在咸得滞。怀旧千层糕。全场佢最弊。叫佢我唔啱。以前好巴闭。酒楼手工菜。要考你厨艺。服务都唔错。杯茶亦唔曳。周记唔系差。搭车要两睇。
继续阅读