101台式休閒餐廳 (千色匯) (已結業)

天氣開始涼，好自然就諗起火鍋。想簡單食個火鍋，飯腳又唔想食，咁可以點呀～咪就係嚟呢度，我有我嘅小火鍋，飯腳有飯腳嘅湯麵，問題解決。等咗一陣位，我order咗個台灣藥膳醉雞小火鍋跟台灣手工拉麵。每個位前面都有獨立電子爐，唔使爭，一人一鍋都冇問題～話明醉雞鍋，就一定係一個有酒味嘅湯底啦！煲起咗嘅湯底好香藥材味同酒味，至於火鍋料，有雞髀肉、包心菜、豆卜、紫洋蔥、金菇、魚腐、台灣腸、粟米、木耳、蕃茄片。最意外係火鍋用嘅雞脾肉非常新鮮，滾熟咗之後嘅雞俾肉非常嫩滑，好好食！加埋台式拉麵，非常飽。幾十蚊一個鍋，營養均衡，食完仲暖立立添！飯腳食嘅藥膳蕃茄牛肉湯麵，蕃茄湯同一般嘅唔同，因為湯底係藥膳湯底，係蕃茄味中有藥膳嘅甘甜，多一種層次。台式牛肉好大嚿，份量多，拉麵口感不錯，比較實淨嘅麵質唔會過腍。追加左滷水雞翼五隻，滷水汁夠濃，中型雞翼，呢個價錢來講不過不失。食熱辣辣嘅嘢就梗係飲凍飲啦，加$10有凍飲，叫咗蜂蜜綠茶、凍奶茶，大杯得誇張，好似用啤酒杯裝住咁，抵飲的～

呢幾日天氣凍到終於有冬天既感覺喇！點可以唔打邊爐呀😌 呢到有好多款台式小火鍋一人套餐藥膳椰子雞小火鍋 $85本身好鐘意飲椰子雞湯既我一見到呢個就心心眼😍，真係一滾就聞到超香既椰子味，大大舊既雞髀肉，仲有好多配菜，包括木耳、台灣腸、豆卜、魚腐等等，仲未夠飽？唔怕！仲有一大碗鹵肉飯，超滿足沙茶牛肉小火鍋 $79香港打邊爐好少會見到沙茶湯底，呢到既沙茶味都幾濃，甜甜地好似沙嗲醬既味，不過呢到既牛肉唔係一般打邊爐既肥牛，而係滑牛，可能唔係個個鐘意，但係我就覺得好夾呢個湯底。呢個餐選咗台灣手工拉麵，一樣大大碗👍🏻

呢排天氣咁凍當然要打邊爐，於是放工後約朋友一齊去💕我地點咗台灣藥膳椰子雞小火鍋同埋古早牛肉小火鍋，再加配朱古力雪香同凍檸茶。古早牛肉火鍋湯底係藥膳牛肉湯，味道香濃。牛肋骨好入味好香，牛肉燉到好軟熟，仲要份量十足！感覺就好似食緊台灣牛肉麵版嘅打邊爐。另外其他配料，例如魚腐同台灣腸都好好味。主食揀左台灣幼麵，份量一大碗，食落同香港食開嘅幼麵相似，夠彈牙。台灣藥膳椰子雞小火鍋好香椰子味，入面仲有大大隻雞脾，咬落啖啖肉，好正！配料同牛肉火鍋差唔多 ，亦都有大量嘅蔬菜，所以唔會食到好膩。主食揀咗台灣手工拉麵，麵身比幼麵粗，食落同樣彈牙~朱古力雪香同埋凍檸茶都夠大杯，份量夠曬打邊爐飲！埋單一人一百蚊，抵食！

今次又再到101台式休閒餐廳食晚飯， 位於荃灣眾安街68號千色匯I期地下G027號舖， 上次食過一次， 今次就試下其他款式。日式壽喜燒sukiyaki牛肉小火鍋+ 台灣手工拉麵$82、 鍋燒牛肉香葱海苔燒汁飯$51、 鹵水豬大腸$28、 凍柑桔檸檬$10、 熱朱古力雪香$11。日式壽喜燒sukiyaki牛肉小火鍋+ 台灣手工拉麵～ 湯底壽喜燒， 甜甜的口味， 火鍋配料有牛肉片、包心菜、豆卜、紫洋蔥、金菇、q彈正方形魚腐、台灣腸、木耳、粟米和蕃茄片等等，吃完後用剩餘的湯汁，放入台灣手工拉麵收尾，就是完美的食法。鍋燒牛肉香葱海苔燒汁飯～牛肉燒得夠香，味道濃郁，配埋香葱和海苔， 味道豐富口感更好。鹵水豬大腸～ 上次食過覺得唔錯今次再點， 依然口感軟腍， 鹵得入味。熱朱古力雪香～ 朱古力味香濃， 這裏的熱飲真是不錯。凍柑桔檸檬～ 柑桔檸檬酸酸甜甜又夠大杯，抵飲。 第二次來用餐今次很喜歡這裏的火鍋， 價錢相宜份量又多， 超值呢！

#荃灣 有日經過千色匯, 見到有101, 但係個餐牌同尖沙咀嗰間又唔係好同🤔, 竟然有火鍋食😱! 基於近日天氣變涼🥶, 一於食個火鍋吧! .🥥台灣藥膳椰子雞小火鍋 配 手工拉麵 $85 ~ 一開爐就聞到超級香椰子味, 🐥雞係脾肉, 超大隻超厚肉, 份量亦多到放滿晒成個鍋 (如圖)! 配菜亦唔少, 有腸, 🍄金菇, 🥬菜, 🌽粟米, 魚腐, 豆卜…等等,最後再食個手工麵, 份量實在好滿足!.🥩火鍋用美國穀飼肥牛片 $18 ~ 打邊爐總係想要有碟肥牛先覺圓滿!  .🍜台灣藥膳牛肉手工拉麵 $61 ~ 藥膳味唔算好濃, 唔會難入口! 手工拉麵好煙靭, 爽口彈牙! 🐄牛肉份量超多, 牛肉雖然唔係腍到一咬即爛, 但亦唔硬唔靭! 蘿蔔好入味, 煮得好透, 盡收精華! .🐖滷水豬大腸 $28 ~ 滷得入味, 滷汁味道偏甜, 大腸煙靱, 有咬口, 讚! .🥭凍愛文芒果汁 ~ 唔會勁多冰, 味道亦唔假, 飲落超舒服! 

雖說疫情下大家應盡量避免外出，以減低病毒傳播風險，但偶然也需到外邊走走，舒展筋骨，就算不能呼吸新鮮空氣，但也要看看綠色植物，令治癒心情的同時也能達到眼睛保健的功效。最近，愛上了德華公園，這兒的中式園林設計，的確令人有片刻忘憂的感覺！除此之外，亦愛上了德華公園旁邊，這家《101 台式休閒餐廳》，起初還以為這裡只是一間普通的台式餐廳，在偶然的情況下發現原來店子主打藥膳，頃刻愛上！自疫情爆發後，除了注重個人衛生，藥膳養生，相信也是令身體更健康的最佳方法。但作為『無飯主婦』，BeautySearch 能下廚打造幾碟家常小菜已是極限，藥膳這高水平的學問，還是交給專業人士煮理吧！《101 台式休閒餐廳》主打藥膳，而且選擇也不少，偶爾前來進補也是不錯的選擇。套餐當然是最抵食，不過，如果不是太餓，女士們未必吃清整個套餐喔！黑蒜農場雞米線是 BeautySearch 最愛，而今次，我搭配了上湯白菜豬肉餃及凍朱古力雪香，是超飽足的組合。濃濃的朱古力香及香脆的雪香片，可增加飲品的口感及味道，凍朱古力雪香令人添加了一份幸福感覺。黑蒜搭配嫩雞熬煮成的雞湯，不只有暖身補氣的功效，還包含很多維生素及養分，可以提升免

這晚在千色匯地下的101台式休閒餐廳用膳。當時大約5:30，所以除了全日供應的套餐，還可選擇下午茶。門口擺放紙袋讓客人暫存口罩，非常方便。這天揀了一客鍋燒牛肉麻醬涼拌麵。第一眼見到，覺得這麵的最大優點是麵已拌好！有些時候人懶起來，就是不單不想自己煮飯，連麵也不想自己拌。除了懶，其實有時也擔心自己拌得不均勻，影響味道；而當一切都交給大廚，食的一刻自自然然能安心享用最美味的麵條。麻醬份量恰到好處，麵條軟硬適中。牛肉煮得軟腍，醬汁調味香濃。配上青瓜和涼拌麵很夾，也加添營養。配上三隻鹵水雞翼，醃得很入味。飲品是朱古力雪香，朱古力味香濃，加上脆片提升口感層次。吃完涼拌麵飲杯熱飲，全身暖笠笠。

藥膳牛腩飯🥘藥膳上湯味濃甘甜，滋補有益。牛腩入口甘香，火侯十足，口感軟腍香滑上湯白菜豬肉餃🥟餃子內的豬肉餡不單肉汁豐富，肉質有嚼勁外，更吸收了白菜的精華，使豬肉嫩滑而不油腻。烹調餕餃子的湯汁，絕非坊間的味精湯，而是用了紅棗及杞子等材料煮成，味道香甜，有益健康鍋燒牛肉飯🍚肉質鬆化，牛味香濃的牛肉，薄薄的一片片與香滑開胃的肉碎，在碗上鋪得滿满，份量十足。飯粒吸收了肉汁，豐膄味美。鹵水雞翼🍗滷水汁把雞翼炆至軟腍嫩滑，味道香濃而不過鹹，一口咬下去，滷水汁滲滿咀內。飲品🥭芒果汁 不會過甜🍊柑桔檸檬 開胃潤喉

收工打算去荃灣行街，即刻搵下附近有無黃店，見到呢間台灣野有一人一鍋打邊爐！即刻試下！今日人唔太多~ 有sofa位靠邊坐~都好舒服~入到去已經聞到好多人打邊爐ge味道~好香啊！晚市都好多選擇~ 其實米綫、飯都好吸引~不過我地已經決定左打邊爐~仲有一人一鍋！係呢d時候就最安全啦！我地叫左【日式壽喜燒sukiyaki牛肉小火鍋】$82，可選擇飯、台灣手工拉麵、台灣幼麵、肉燥飯等等都得~哇~真係好大盤！配料有牛肉片、包心菜、豆卜、洋葱、金菇、正方形魚腐、台灣腸、木耳、粟米還有番茄。牛肉分量都好多~而且蔬菜都好夠！湯底係好正宗的壽喜燒湯，比我平時食的係偏甜~如果中意甜的應該會覺得好好味~所有配料都唔洗額外dim醬料已經好夠味~我個人最中意牛肉片~比一般滑牛肉更加有牛味~我地分別追加左【美國肥牛片】$18~偏肥不過好有咬口~配合壽喜燒湯底非常夾~追加【美國黑豚肉片】$18，豚肉唔會鞋~我個人中意{十}多陣~會入味好多！飲品我叫左【愛文芒果汁】跟餐+$10~ 超大杯好抵飲！唔會太甜！仲可以+$5變成超大杯！個人好中意食呢個【正方形魚腐】~好甜好多汁~可惜得一舊~呢個係美國肥牛~雖

午餐有咩好食?疫情之下盡量都避免日日外出食飯~但每日食外賣系非常之悶今次就去左試呢間台灣菜😎📍生薑豚肉肉燥飯 $49 / 鍋燒牛肉肉燥飯 $51一上菜先就發現原來呢到既野係好大份，我同媽媽2個去食，2個都食唔哂d飯🙈飯量超多，肉既份量亦都唔小，仲有d椰菜，紅蘿蔔拌下。台灣菜既好處就系點都會配一d蔬菜✌🏻肉燥幾香，肉燥配飯永遠係無敵，可惜我食既豚肉係食唔到薑味，但整體黎講算唔錯🌟📍上湯浸時蔬 +$19 / 上湯白菜豬肉餃 +25呢2個追加食物系有驚喜驚喜係邊呢? 就系佢個上湯，係用藥膳湯，淡淡既藥香同甜味，我同媽媽都不左幾啖湯黎飲🤭 後悔無試到佢既藥膳湯麵，因為開頭怕有時藥膳既味係會好怪…📍鹵水雞翼 +$20室溫既雞翼定放涼左? 味道正常既📍特級朱古力 +$8去到邊我都鐘意飲熱朱古力，而餐牌寫住特級朱古力，當然要試下佢估唔到，有陣胚芽朱古力既味道? 總之好香，超飽都仲飲要飲🤣 👍🏻

🎈是日下午茶抵食推介✨101 台式休閒餐廳🎈今日哥哥突然之間話想食米線🍜上網搜尋左一輪見到原來荃灣都有好多間米線舖.比較多人推介嘅就係呢間喺千色匯嘅101 台式休閒餐廳💗用料健康✅大人小朋友都啱食😛米線我哋揀咗蕃茄湯農場雞湯米線🍅蕃茄湯底非常濃郁，有海量既蕃茄，每一啖都好夠味😍仲好足料添🌟有六件雞！每件都嫩滑多肉，配料仲有雲耳、紅棗等等非常健康💚小食我哋都揀咗幾樣！滷水豬大腸其實已經好耐冇食😆因為好怕肥但係見到隔離枱啲人個個都食到好滋味🤣最後忍唔住都係要叫埋一齊試吓😍呢度既豬大腸肥瘦適中啱啱好✨滷水又夠入味！真係超級正😁上湯浸時蔬！油麥菜再加左啲紅棗同埋杞子一齊💚連啲湯都跟住飲咗幾啖😀滷水雞翼一碟有三隻💗滷水味夠入味，肉質鮮嫩爽滑，哥哥都話好好味自己食咗兩隻😍上湯白菜豬肉餃！實在太多隻我都唔記得咗有幾多😆 菜肉比例平均，每一粒都大大粒漲卜卜😍飲品我哋一人叫咗一杯✨凍朱古力同埋凍奶茶🧋完美嘅下午茶💗哥哥最欣賞就係佢哋嘅蕃茄湯農場雞湯米線🍜淨係個湯底已經食到舔舔脷😍佢哋仲有其他好多藥膳嘅米線下次一定要帶黎食下其他味道😛

之前幫襯過幾次，都係堂食食小火鍋，覺得都ok，今日行過千色匯就決定係到買外賣番去食，叫左一個藥膳牛肉幼麵同埋鍋燒牛肉肉燥飯。番到屋企馬上就開飯啦，牛肉麵同小火鍋個水準一樣都係ok既，但一開個飯就有d不妙…一開已經聞到少少膱味，以為係錯覺，試食左一片鍋燒牛肉，都幾好食，咁就加埋肉燥飯一齊食啦，一食，超重油膱味，真係重到會令人食到冇胃口…因為擔心會唔會d肉燥真係變左，打左去問，餐廳表示冇過期，即係平時既肉燥飯都係咁重油膱味…最後我地撥開晒d肉燥冇食，最慘係個陣膱味滲埋落d飯到，真係成餐都食得有d辛苦。其實麵類火鍋都唔錯既，但真心覺得以後唔敢再食佢依到有肉燥既野。（本身只係普通買外賣番屋企食，所以冇影相）

行完荃灣搵飯食，見呢個台式餐廳四四正正，就入去食過飯呢間餐廳主打一人一鍋打邊爐，仲有台式手工面，肉燥飯。好耐無得去台灣，好掛住夜巿嘅藥膳，所以叫左個香辣藥膳牛肉面。個面嘅藥膳味唔算太濃，都有台灣的味道。面條好彈，牛肉都好冧。三杯雞肉燥飯味道不錯，雞肉都算入味，肉燥送飯一流麻辣鹵水雞翼麻醬拌面，雙麻配合得好夾，芝麻好香，麻辣好刺激，只可惜面條有d冧。惠顧飯或者面仲可以追加小食同飲品，小食有好多選擇，我地揀左鹵水雞翼。

行完山最期待就係食飯，落左山就黎左千色匯。都未諗食咩，見到有呢間台灣嘢就食。星期日嘅呢個下午茶都多人，睇嚟都係好食，附近有餐廳但都無及。係出邊等一段時間先有位，好彩同行嘅小朋友都捱得下。呢間都算大，食物方面選擇都算多，都要諗左一陣先諗到食咩😛。藥膳牛肉米線，59元，料都幾足，湯頭都幾香。鍋燒牛肉麻醬拌麵，42元，本來係想食辣，但忘記叫，哈哈。味道正常，醬都夠撈，牛肉就可以，又唔會太硬，都幾好，配小小青瓜就無咁漏。成餐都可以，幾好。

其實間中都會食下。野食唔係話好好食..不過過得去。有時方便自己。以前啲職員..都好有禮貌.但依家多左個阿姐 好高嘅..應該入到去見到就知。啲態度差到 好似趕客。真係以後都唔會再幫襯🤦🏻‍♀️