4號烤吧 (已結業)

天氣終於不那麼熱，想吃烤魚又想吃串燒又想放鬆飲兩杯，於是去4號烤吧試試！青花椒酸菜烤魚（小辣），這種烤魚與傳統的燒烤有着明顯的不同，它是採用了「先烤後燉」的特別做法，運用了「烤、燉」兩種烹飪工藝的精華製作而成，大大一盤，視覺上的滿足，還有花椒、香菜、酸菜、豆卜等，很豐富。味道方面，不算重口heavy，辣汁滲入嫩滑的魚肉內，加上令人非常開胃的酸菜，非常惹味而沒有那種強烈人工味精的負擔感。凌波魚大大條，肉厚而滑，外皮烤得香脆，加上配料充足，非常香口。烤魚怎可少得配料，豆卜、蘿蔔片、紅薯粉等，盡吸烤魚精華，加上任裝的白飯，不難吃光一碗又一碗。而且，這裡的配料只是$9，價錢相宜，可試多款。雞肉串大大串，厚肉嫩滑，外面烤得恰到好處，不會太乾身。燒韮菜是我的最愛，也是大陸燒烤的烤蔬菜類精萃，烤過後的韮菜沒有青味，而烤香尤其濃烈。燒雞軟骨，大大粒非常有嚼勁，不會細細粒「唔夠喉」，調味粉微辣，配啤酒一流。啤酒方面，飲了兩款生啤，Hoegarden花香味重，適合串燒。Suntory黑啤的麥味重，適合吃烤魚！最後還有免費甜品黑芝麻糕，飲三杯生啤，埋單只係4百尾，抵食！

今晚去了間唔錯嘅烤吧，地方闊落之餘，座位都十分舒適！這裡主打烤魚同雞煲火鍋外，還有串燒選擇，因朋友十分吃牛什，今次就點了個牛之豐盛，用料十足味道足夠，一來就已經可以食用不用等待，雖然我就唔係好食內臟，但個牛坑腩真係汶得十分軟熟食滑，十分好味，個汁加埋任吃嘅白飯真係最喜佳配搭！當然食到六六七七就可追加火鍋配料，今次加了個超級爽口嘅黑栢葉，配上個濃郁湯底，味道更入味！除了火鍋外串燒亦點了安格斯一口牛，入口多汁香軟！而小吃嘅話梅涼瓜，真係推介之作，入口清涼帶點酸，話梅味道配埋涼瓜嘅甘味，真係十分好味！為了個湯底加了碗任添白飯，今晚食得十分滿足！

大埔一向係我覓食嘅地方之一，今日去朋友屋企玩完之後，黎到呢間食串燒同烤魚嘅餐廳一入座就見到三張大大嘅menu，有火鍋有烤魚有串燒有前菜有小食，又有特色飲品，好多嘢簡，又樣樣都好想食係餐紙上面畫咗想食嘅嘢之後，發現呢度好細心咁贈送咗手套同圍巾，咁就唔怕整到件衫同手喇好快就上咗我地點嘅食物首先係口水雞，本身我fd係比較怕辣既人，但係佢食呢個口水雞都一啖接一啖。因為佢既辣唔係純粹既辣，而係又香又辣，再加上少少甜，加上雞好嫩滑，所以呢一碟超好食。最後連佢汁入面既所有配菜都要食晒先捨得食完 XD食口水雞既期間，我地既水果茶到左喇，$48一渣，可以斟到4杯左右，好抵飲！水果茶既味道上，橙汁既成份較多，之後係檸檬既香，同埋百香果既酸甜，成個配搭好正呢。係小食入面我地簡左呢碟炸餃子，$30有5隻，大大粒既炸餃，好脆口，餡料好足  加上沙律醬黎食超正。跟住就到我地既主角串燒sssss！呢個係一口安格斯牛，最少要叫2串，所以就同fd一人一串喇。每一口都係大大粒既安格斯牛柳粒，最緊要係牛味好濃，加上肉質嫩，無筋。之後就係烤豬頸肉串，爽口既豬頸肉，都一樣係2串起，所以就同fd一人一串。平時燒烤都鐘意大量咁整金

天氣開始轉諒， 係食雞煲嘅好時機， 去咗大和嘅「4號烤吧 」食dinner ! 一打開張order 紙， 竟然有個《牛之豐盛 $198》， 今次唔食雞煲， 食番個牛煲先， 啱晒我啲牛魔王， 一個煲有七款牛嘅部位， 包括有牛脷、金錢肚、牛肺、牛腸、牛孖筋、牛坑腩&肥牛， 真係十分豐富， 好一煲《牛之豐盛》。 因為朋友唔食得好辣， 可以揀辣嘅程度， 甚至好似我咁揀唔辣，任君選擇！ 嘩， 牛之豐盛， 真係好大煲， 好香， 湯底充滿濃郁牛肉味，太美！ 牛坑腩炆得入味，炆得好腍，口感十足，肥瘦適中、好好食。 牛孖筋囗感煙韌， 入口彈牙，又唔會太軟， 正呀！ 烏冬煙煙韌韌， 仲吸收晒湯嘅精華， 十分惹味！叫咗火鍋配料， 例如白鱔片， 肉質爽脆，肥美鮮甜。 唔飽唔緊要， 白飯係任食呀！ 追加隻《混你個醬之燒乳鴿》， 乳鴿嫩滑多汁， 炸得皮脆肉嫩，值得推介， 好惹味！ 打邊爐梗係叫嘢飲啦！《水果茶》味道豐富， 充滿果香， 味道酸酸甜甜， 啱晒打邊爐啦， 大家不仿一試！ 食完仲有遊戲玩！

閒時會去探魚走一走，這幾個月已經沒有了，聽說大埔開了麻辣烤魚店，立即過來嚐嚐唄。這裡，前菜選擇多，有口水雞、夫妻肺片、泡椒鳳爪、話梅涼瓜等，價錢大眾化，最好用來伴酒喔，店裡還有供應白米飯，是免費的，絕對是大胃王的幸福喔。重慶豆花烤凌波魚 $198烤魚總共有五種口味，主要是配料的分別，有凌波魚和沙巴龍躉選擇，凌波魚是野生淡水魚，來自越南湄公河，有大、中、小辣，個人只能夠挑戰小辣程度。比較少見，這次凌波魚魚味較淡，但肉質很嫩滑，肉厚骨少，豆花是滷製板豆腐。聽說這裡的師傅會將整條魚放入焗爐，用高溫烤，味道更好，而麻辣醬特別，入口麻中帶辣，以後不用上大陸，也吃到味道超讚的烤魚囉。紅薯粉 $9屬於比較幼的類型，沾上麻辣汁後，好好吃喔。木耳 $9又新鮮又爽口。牛舌 $30使用了西式牛脷，厚切燒烤，再灑上麻辣粉，外脆內軟，口感彈牙。蒜香元貝 $30蒜香醬很好，不咸但蒜味很香，元貝亦非常新鮮。提子汁 $28挺好喝，不太甜，已經足夠3個人飲了。4號烤吧地：太和翠樂街6號清泉雅居地下1-4號舖電：26222851

天氣終於涼少少，嗜辣的靈魂就忍唔住。呢間野經過好多次，終於食到。睇餐牌有烤魚同雞煲，仲有串燒食。而我地兩條友叫左毛血旺烤魚🐟配左3個配菜，5串串燒，兩杯啤酒，一渣蘋果汁，好豐富，好耐冇食得咁滿足。烤魚叫左中辣，好有驚喜。最怕有時出去食所謂烤魚，美其名烤魚，其實純粹係浸熟條魚，但呢條係真烤魚，烤得好香口，魚皮好香脆，魚肉好有咬口，再加埋個辣係好食的辣，好正🌶冇錯，個辣好食係好重要，尤其最近打左幾次唔好食的邊爐，一係唔夠辣，一係重味精，難得食到個岩口味的麻辣，算係解左我幾星期以來的癮。我會再來。

其實要食一餐豐富美食真係要靠運氣，就今次係我住呢頭開飯，居然都食得咁滿足真係有驚喜，講緊係呢間人氣烤吧唔至有得食咁簡單除左有人氣招牌烤魚係必食推介外，仲有一系列雞煲同其他特色鍋提供，真係有好多美食選擇先食碟前菜川辣牛𦟌比較鐘意食牛就點左呢款牛之豐盛鍋一同品嚐，口味要辣咁食先刺激，同埋其他火鍋配料，等左陣已見鍋底出來賣相十足陣陣牛香味未食先興奮，可以盡情地享受一番牛鍋裏面已有7款部位，有牛脷、金錢肚、牛肺、牛𦟌、牛孖筋、牛坑腩同肥牛，件件都有咁上下份量，入口肉質香軟味濃厚，口感飽滿之餘肉吸收湯汁精華熱辣辣咁食特別惹味，而且提供白飯任食真係絕配連湯汁食更滋味當然唔止食鍋咁單調，呢度仲有串燒提供又可以點幾款食下先來有燒粟米肉粒香甜多汁，另一係燒原條茄子配上蒜蓉同蔥粒，入口啖啖香嫩茄肉輪到有蒜香燒生蠔，食到肥美鮮甜肉汁口感十足食到咁上下時間仲有卡拉ok唱夠晒熱鬧，最後食埋是日精美甜品已經好滿足嘅一餐。

今日想同女友食烤魚，但又唔想返大陸咁遠，香港食又貴，點好？網上搵到一間較平既烤魚店，仲有雞煲，串燒，我地去試下店鋪門外裝修新淨店內環境清潔店內裝修有古典味食物種類都幾多，烤魚，雞煲，串燒，小食咩都齊有圍裙提供，防止污糟，要讚飲品我地揀左蘋果汁，蘋果味濃唔太甜小食春卷先到，好大條，即叫即炸，夠熱夠脆又唔油，配料有蝦厚實彈牙，好食主角烤魚到了，配料十分多，魚很大條，只係$198，俾深圳食貴幾十蚊，配料有豆腐/腐竹/花生，再加紅薯粉$9，辣度雖然小辣，但都很夠味，魚肉質鮮美細嫩，串燒$88 任選5串，有秋葵/肥腸/菠蘿/雞軟骨/雞肉，最好食肥腸啖啖肉，又肥美，菠蘿都不錯，鮮甜多汁！最後食左咁多野都係$388，我地食到好飽，原來仲有白飯任裝，真係驚你唔夠飽，服務態度都幾好，主動執野，整體都幾好，值得再黎幫襯

我係屋企排行第四，number 4 呢個名對我來講特別有親切感，我老公成日都咁叫我嘅！星期五加班係例牌㗎啦！所有同事都雞飛狗走，經常留低我一個，返到屋企都八九點，鍾意去 no.4 越夜就越旺場。《牛之豐盛》$198一個價錢有辣有唔辣，最緊要就係牛魔王最愛嘅內臟這裏都有，牛脷、金錢肚、牛肺、牛腸、牛孖筋、牛坑腩、肥牛。一個價錢七款牛，湯底充滿濃郁的牛肉味，辣的程度是一隻辣椒，香辣不麻。我老友太愛吃內臟，佢差唔多一個人食咗半煲嘅牛，現我就對金錢肚、肥牛同埋牛坑腩食到津津有味。絕對推介係超值之選！湯底味道香濃到不得了，所以再可以點一些配菜同埋火鍋料，之後加上湯打邊爐。《新鮮鴨血》$28這個比台灣鴨血更鮮味，入口柔軟。《野生竹笙》$28竹笙爽口，吸收了滿滿的湯底精華，十分好味道。《棒棒 no.1 春捲》$30呢個棒棒真係必食推介！炸得外脆內軟，入口有粒粒蝦肉飽滿結實又彈牙。《豬腩肉》$28/串最鍾意呢度又有得打邊爐又可以食串燒，差唔多10:00pm 店員仲會點上蠟燭, 調暗光線，好有氣氛！又可以睇波又可以飲啤酒仲有卡拉OK添！《菠蘿》串燒菠蘿當甜品吃也不錯！酸酸甜甜中帶點焦糖味。《水果茶》店員

平時好少去太和搵食，一來唔係太熟路！二來唔知邊到有好嘢食！有朋友約去太和‘4號烤吧’，話嘢食好特別，而且選擇又多又新鲜，好啦⋯⋯唔識路都去試下先！叫咗人氣推介：咸菜豬肚豬手鍋，仲可以追加輔菜，我就加咗枝竹啦！嘩⋯⋯超多材料！跟鍋仲送4隻法國豪，但大家記得不要生食，係用來打邊爐用！随便配自己喜愛醬料！好少見玖杞葉、墨汁墨魚丸半分就夠！炸魚皮分量又係超多，娃娃菜好甜，好新鮮我哋怕熱氣，叫咗一拃 ‘竹蔗茅根水’其實店內仲有好多款火鍋、烤魚、特色煲、串燒等等⋯⋯

太和隱世火鍋烤肉店，同老公過去探朋友，順便試下，畢竟燒烤同火鍋都係我嘅至愛。店內裝修很光猛，座位好闊落。樓面服務員都好熱情招待同介紹。餐牌紙有好多鍋底選擇，火鍋配料同燒烤小食都唔少，我一見到海南椰子雞鍋，就心心眼，首先落單之後再慢慢考慮配料。海南椰子雞鍋 -服務員來到桌面親自放兩個椰青水在鍋內，水滾後放雞，完全落足料，放入雞件後滾起五分鐘關火，慢浸五分鐘就食得，實在很講究！雞肉嫩滑，建議飲湯 - 清甜味香，一飲就上癮，真心好飲。烤乳鴿，不會很乾，皮脆，多汁，肉嫩，不會醃得很重味，不過似炸多過烤，但性價比高。不妨一試！烤豬手 - 較辛辣，皮脆，煙韌有口感，滿滿的骨膠原，送酒最岩。另外，值得一提的是長春卷同即炸響鈴，不過掛住食就冇好好影相，春卷即炸，熱辣辣，香脆多蝦，比很多酒樓都做得好。即炸響鈴，食得出新鮮即日製，無重重的油味，好好食。最後還送上冰涼芝麻大菜糕，幾特別，芝麻糊就食得多，芝麻大菜糕都係第一次食，清一清喉嚨，很舒服。整體來說，很滿意，配料都算好新鮮。價錢合理，服務周到。值得再來。

果日同朋友經過依間4號烤吧。見未食過就試下啦我地叫左麻辣肥腸雞煲。都好足料👍🏻我地3個人食都夠食。都好入味下。食完個雞煲，我地仲叫左啲嘢打邊爐乙鴨血，可能煮得唔夠耐，所以唔係好入味。豬肝同蘿白都好新鮮依間打邊爐都唔錯。所有嘢都不過不失啦。如果同一大班朋友食飯都唔錯既。👍🏻

見佢播緊英超試左呢間食肆，入去見到空間都幾寬落。原本入黎試佢啲串燒，睇餐牌牛肉煲幾吸引，hkd198一個煲再點下幾串串燒，野飲叫左一壺甘吉檸檬密桃茶，幾大壺下，二人每人可以refill一次。牛肉鍋要小辣，湯底教幾濃下，加左一次湯淡啲仲好味。牛雜牛筋教多料，食完都飽6-7成，要加埋串燒，特別點左蒜香鮑魚👍🏻👍🏻4號烤吧有埋酒飲，周末黎睇波飲下酒食下串燒教吾錯，地點偏左少少。

今日提早收工，過大埔搵下親戚食餐飯聚舊，之前講起酸菜魚，所以就嚟依到食喇，又唔需要過關，舟車勞頓一坐低，店鋪好大，不過環境有d暗，坐低即刻叫咗個鴨血麻辣魚，一上枱，真係似喺國內，好大盤魚，下面用火㷫住，好滋味，越食越辣，條魚好滑，無咩骨，又唔腥，正啊之後架d湯，就可以好似打邊爐咁食，叫咗安格斯牛肉，不過麻麻地，無咩牛肉味，𠄘惠168元，下次都係叫返新鮮牛肉依到有得唱K，啱曬聯誼，而且7點半前埋單，仲有折，全場白飯清水任裝不過，食完好口渴，味精好多

叫咗一雞一魚煲，兩樣都好鹹，係鹹到血壓即劇飆高果種。叫配料就幾抵食既。座位算係寬敞既，但場內好焗，唔夠冷氣，幾乎中暑食到半路，我真係嘔咗出來，唔知係咪因為太熱XDDD所以夏天時份，真係唔建議去，冬天可能好啲。