616牛肉火鍋專門店 (積富街)

营业中

休息中

其實這間餐廳我一早想食，可惜我男友很討厭牛肉，所以一直都未能光顧這間餐廳今天，我成功遺棄了我男友，自己同朋友去這間餐廳吃【牛的盛宴】牛雜湯底@牛雜湯底材料好足😋有牛膀、牛肚、牛肺、牛大小腸，份量都好多，非常牛汁牛味，啲蘿蔔到最後吸哂啲牛雜嘅精華非常好味🐮醬料@呢道啲醬料選擇好多，可以按自己喜好調校，最後加返幾滴柑桔汁👍🏻味道更加清新，同牛肉亦出奇地配合匙柄@之前睇飲食節目，就知道匙柄係潮汕牛肉火鍋必食嘅7大部位之一。匙柄係牛下肩胛肉，肉有明顯嘅筋紋路，筋肉結實，入口柔軟，無橫隔肌咁重牛味，但係極具拉伸感安格斯-橫隔肌@橫隔肌位於肋骨內則，同橫隔膜相連，無太多嘅脂肪，但係唔會有好強嘅纖維感，肉質鮮嫩，牛味豐厚濃郁，最啱我口味三花腱@三花腱屬前腳肌腱，筋較粗多，牛味較淡，有爽脆嘅嘅筋肉感手打牛滑@牛滑比想像中嘅好食，雖然熟咗之後望落去唔係好平滑，外觀唔吸引，但係食落好juicy，牛味好香濃，就算滾耐咗都唔會覺得老🤤羽衣甘藍@羽衣甘藍莖部比較硬身，朋友將莖部去掉，確部啲葉唔會為咗遷就莖部而煮過時，入口好爽脆，帶啲甘甜，好特別菊花桂圓露、菊花冰粉@桂圓露嘅菊花味好香好清新，再啖多陣就有淡淡桂圓

約左朋友食飯，想打邊爐但又唔想食任食，於是就黎試下呢間616牛肉火鍋專門店。喺大陸興起既牛肉火鍋熱潮蔓延到香港，喺大陸食過主打黃牛既牛肉火鍋又平又好味，到底喺香港又會點呢？九點去到都要等一陣位，睇黎都好多人食！呢度既裝修走懷舊風格，鋪頭擺左好多七八十年代既擺設，幾有特色。呢度用電腦落單，一落完單唔駛一分鐘店員就拎沙漏同單過黎，超快手！呢度有個服務承諾就係20分鐘內如果野食未黎就唔駛錢！不過相信打邊爐既食物都好快準備好。過多一分鐘左右，店員就拎哂啲野食黎。我地點左牛骨清湯（$38)由於朋友唔食辣，所以就揀左清湯，而且我都覺得清湯先食到牛肉既原味！雖然叫清湯，不過都有粟米同蘿蔔，仲有牛骨。我地叫左幾款牛肉最好食係和牛牛胸肉、滑尾龍同手打牛滑！見到好多人推薦封門柳，可惜嗰日賣哂。安格斯-橫隔肌（$48)吊龍伴（$68)澳洲和牛-牛胸肉（$48)滑尾龍（$48)手打滑牛（$48)紫菜卷（$38)稻庭烏冬（$28)油麥菜（$28）牛肉火鍋真係好正，岩哂牛魔王！而且大部份牛都只係$48!不過如果可以加啲啲牛以外既選擇就更好！希望下次再黎可以試到封門柳！！

616開到盛行盛市之前已經試過元朗個間 個次試完後一直念念不忘他們家的和牛~今次經開大圍 就點都要食番次!係大圍站行4,5 minutes就已經到 都好近地鐵站如果渣車就更方便 門口有咪標 但我見都好full下 所以都係建議大家坐地鐵啦~吾好睇佢個門牌咁cyber feel咁入到去既裝修好有反差ga!入面既裝修就係咁啦 超有風味~係香港五六十年代既懷舊裝修呃~帶阿媽黎佢都講好欣賞呢類懷舊裝修係電子menu見到呢項promotion 影低下次呢d時候再黎幫襯先完全係懷舊港式茶餐廳既擺設呃身為牛肉火鍋專門店 有大大張poster話你知一d吾常食同少見既部位~叫左個牛骨湯 清清地西瓜係免費前菜來的蔬菜類粟米超甜主角黎啦～兩碟都係澳洲和牛上面個碟係三角肉 超正入口即溶飲品～烏梅汁超正專業既牛迷們～呢個牛丸真係必試濃味到呢！！牛塊有保證就梗架啦 連牛丸都咁正想點先再來多碟初生蛋 好細粒的 但真係零舍滑非常推介比各位牛魔王

616分店既設計都好有懷舊既感覺😀呢間既芝士牛肉麵真係唔錯😍一碗牛肉麵大約有六件牛肉牛肉係用上左牛肋條 所以好有咬口亦唔會覺得好韌 自己好鐘意牛肋條個種濃濃既牛肉味而牛肉面上既芝士碎係成個牛肉麵既一大亮點 因為當芝士遇上牛肉麵會變左熱溶芝士 食落有別於一般既牛肉麵覺得好有新鮮感 芝士愛好者一定要試下呢個 係熱溶芝士拉絲既感覺 而且湯底有少少辣好惹味！😍另外亦試左牛四寶湯飯🥣牛四寶有牛展 牛仔骨 牛肉片 牛筋等等既材料配合紅蘿蔔🥕西芹等煲成湯 牛肉湯好鮮甜 湯飯好岩夏天食呀 四種牛肉可以滿足曬選擇困難症既朋友！😋

616嘅分店遍地開花🌹想幾時淥都得🤗繼上次在大埔淥之後，今日來到大圍店店面唔算好大，六點幾黎到，部分檯經已留座。裝潢走懷舊老香港風🇭🇰係到打邊爐氣氛一流☺️。今次揀左牛雜湯底，非常足料，牛腸、牛心、牛肝、牛肺、白蘿蔔等等共冶一爐，仲加左特製香料燉煮，美味到極😋。肉類方面，特別推介「滑尾龍」，呢個係牛後腿外側嘅部位，配搭雞蛋🥚一齊食有助軟化肌肉纖維。。不過不過，my favorite始終係「手打牛滑」😍自從上次食過後就念念不忘❤️全人手打，爽口又彈牙，牛味濃郁，味道超越一般牛丸，一定要試下👍🏻。價錢方面，定價非常親民，40幾蚊就叫到一碟牛肉，雖然每碟份量唔多，但多叫幾碟又可以試多啲不同部位😚。————————”🦋”————————。牛雜湯底 $78安格斯-橫隔肌 $48滑尾龍 $48手打牛滑 $48牛朴肉 $48牛駝峰 $48稻庭烏冬 $28醬料費每位$10

616，顧名思義是火鍋專門店，淥一淥就食得，而且是牛肉專家。店子裝修走懷舊風，感覺像走回七八十年代，到樓下小店打邊爐，份外有親切感。先來選擇湯底，我選了比較清的牛骨清湯底 $38，內有數件白蘿蔔及粟米，淡淡牛骨香帶清甜。我喜歡比較重牛肉味的，跟店員傾談，知道牛肉除寫明澳洲的和牛外，其他都是手切騸牯牛，皆因他們直接跟屯門蝴蝶邨牛皇「莫景雄先生」訂，部位刁鑽，但價錢合理，碟頭不大，一般 $48 一碟，罕有部位 $68，可以一次過品嘗多種部位。 醬料自助吧應有盡有，最開心有芫茜，很多火鍋專門店也沒有供應，還有牛肉汁，另醬汁香而不過鹹。等上菜的時間可以看看枱面的餐紙，寫明各部位建議烹煮的時間，一般都是8秒左右。 牛駝峰，牛背部，頸部對下位置，有點油花，口感軟腍有牛味。 安格斯-橫隔肌，肉比較深色，肉味重而有咬口。 牛朴肉是牛脖頸上運動最頻繁，鍛鍊最徹底的一塊活肉，脂肪雪花多而均勻，肥嫩而微有嚼頭，味道甘香。 牛胸肉，唯一我點的澳洲和牛，比其他部位厚身一點，夠肥，油花多，口感軟腍有肉味。 封門柳，屬於比較貴的罕有部位 $68，牛的橫隔膜肌肉，顏色較深，牛味極為濃郁，我最喜愛。

講開食火鍋，我這段時間真是食上上癮了，今日與太太到大圍探朋友，見到616，又不由自主地駐足於616門前了。想起在其它分店食過的那回味的牛肉，又忍不住再次淥一淥。其實都不止我們喜歡食616，有很多人都與我和太太一樣這麼喜愛食呢，見到餐廳門口坐著一排的人在等位呢。十分喜愛那整潔的調味位，與其它分店一樣，給人一種信心及放心食用的感覺，有齊我喜歡的調味材料，可以由自己的喜好自行調味。我們要了個鴛鴦沙牛湯底$78。其實2個湯底都非常正，不過我喜歡牛肉湯底多些，因湯底很清甜，太太喜辣，喜歡沙爹湯㡳多些。牛駝峰$48每次食616，都喜歡點牛駝峰，除了顔色鮮艷，肥瘦適中外，最重要是牛肉味夠濃郁。這就是我去到每個地方都喜歡食616的原因。安格斯橫隔肌$48。安格斯橫隔肌之前食過，牛肉味道十分濃，所以又要了一碟，濃濃的牛肉味，真是十分推薦。匙柄$48。匙柄部位比較瘦，我最喜歡，今次試嚇太太喜歡的沙爹湯㡳，又真是沙爹味濃郁，令牛肉味道更濃厚。炸魚皮$28。炸魚皮放到湯裡淥一淥，吸收湯底的清甜，帶脆又入味，真是火鍋的最佳配搭。羽衣甘藍$28。羽衣甘藍一般在餐廳食飯及火鍋都很少見到，有抗癌作用，所以我要要了羽衣

平時夜晚經過都好人氣，原來下午唔止火鍋，仲有牛肉麵食！入面裝修好懷舊，剛剛安排有卡位坐，仲要咁熱天氣個冷氣夠晒涼。lunch menu 有三款。我選了芝士紅燒牛肉麵，阿毛就食古法牛筋腩飯。牛肉好淋好入味，湯底有小小辣，作為一碗紅燒牛肉麵佢係好好味；仲要有芝士舖在上面，溶左落牛肉麵度，為到呢碗牛肉麵更有驚喜。而且份量好大，難怪咁多年青人黎食晏，定夠晒飽！朋友點呢款［古法牛筋腩飯］ 同樣大份！ 牛筋腩都係好淋，下午的set lunch一點也不馬虎。跟餐我就飲左菊花桂圓露，剛剛我有點咳，呢個好清新，唔算好甜！我仲送咗兩杯菊花冰粉，好香好滑，完全唔需要用匙羹，我地係飲晒唔係食晒！旁邊的人下午也有在打邊爐，我見到都好想食呀！

今一次帶左男朋友黎食，見大家咁鍾意食牛，緊係要黎食多幾次啦 呢一次叫左牛雜湯底，個味幾特別，有藥材味，有點似小_牛肉麵個牛肉湯。男朋友叫左牛筋腩，個味真係麻麻地，可能我平時唔鍾意食筋位但啲牛腩就太硬啦，我地放左落個煲到淆湯算 😂照樣又叫左水蓮菜，牛朴肉，牛肉餃，黑百葉同烏冬。但今次個黑百葉就變左色 😂😂但keel住係爽嘅，下一次黎食一定都會再叫 酸梅湯同平時飲嘅有啲唔同，佢色澤好黑，酸度同甜度啱啱好。

之前食過尖沙咀分店已經好好食,今次再食埋大圍分店,好喜歡大圍分店的設計。店內環境舒服而且服務好好~今次試青花椒配牛骨湯,火鍋配料叫左牛駝峰,滑尾骨, 匙柄, 牛肉餃, 紫菜卷, 羽衣甘藍, 烏冬,仲有兩樣野飲, 一共420元左右, 兩個人食已經好飽。今次D牛同樣好正,好滑,好嫩,一間真係可以再食的餐廳。

上次試左午餐 見呢度嘅晚市打邊爐都幾吸引 所以襯早放工就黎試下我地7點前到，啱啱好唔使等位坐低無幾耐，好快就full左la先用ipad點湯底，野食湯底我地揀左牛雜湯一放低個湯，店員已細心提醒牛雜要煮耐d湯好清，有d似清湯腩，料多好味呢度主打食牛既不同部位，款式都多牛既不同部位都有介紹🐮橫隔肌-濃牛味，跟佢介紹淥十秒左右食得，好味過手切肥牛👍🏼匙柄-無咁濃味，肉酥味多啲，都係淥一淥就食得，都好好味！牛滑-隨心所淥🤣整大嚿啲似手打牛丸，整細嚿啲似牛肉粒🥦羽衣甘藍&生菜，有益健康最後食埋個稻庭烏冬，吸左湯既精華好食👍🏼

同行友人超喜歡打邊爐😬就來到616試食下先！Menu 選擇不多！但是已經很足夠！主打牛肉類！食材新鮮！湯底初時比較清！很適合我😋 牛肉加上秘製牛肉汁！好味！點了支烏梅汁也不錯！

今日返左舊居拎野，所以黎左大圍。lunch time唔知食咩好。經過616牛肉火鍋專門店。發現原來佢地都有做午市，仲好似幾吸引！我叫左芝士紅燒牛肉麵（$48）一上枱我就心心眼，佢d芝士有勁多，而且芝士味香濃。紅燒牛肉亦食落好柔嫩！麵條煙韌有咬口，份量都幾多！娃娃菜（跟餐叫+$9）就咁普通烚菜，所以我將佢放落湯內，吸滿湯汁嘅娃娃菜份外好食！飲品就叫左自家製菊花桂圓露，呢排熱氣要清清熱XD估唔到616嘅lunch水準都咁好，下次要黎食多次！

今晚想話去試下食牛肉火鍋，同朋友衝左去食616，夜晚8點半戈陣，戈邊仲有唔少客等緊，睇落都幾熱鬧餐廳內部環境非常有特色，有種舊香港既感覺，鋪頭面積唔大，但勝在位置寛鬆唔會好逼。坐低有部平板比你網上點菜，感覺相當方便，而且平板點菜減少左手寫單，有機會漏單情況。食物方面主打牛肉，不同部位既牛口感味道都各有不同，十分特別。湯底方面叫左牛骨同沙嗲既鴛鴦鍋，想試真啲牛味既可以用牛骨清湯，鐘意濃郁既就試沙嗲啦！我覺得除左可以試足咁多部位之外，醬汁方面亦十分好。因為除左常見既豉油醋、仲有牛肉汁，配上牛肉簡直一流享受呀！野飲方面亦有不錯表現，並唔係指佢飲品種類有幾多，而係除左常飲既汽水啤酒，佢有幾款比較潤喉下火既飲品，啱哂驚熱氣既人呀。服務方面，上菜速度快，主動會幫你加水，效率高！總體黎講，值得一試

616 有很多分店，試過夜晚打邊爐，有很多靚的牛肉部位。今次試試午餐，午餐有芝士牛肉麵，牛肉炆得腍，湯底濃香，似台式牛肉麵的湯底，不自覺地飲左半碗。芝士選用荷蘭芝士，一浸落湯，已經半溶。 剝得薄薄，遇熱即溶剛剛好。另叫了牛四寶，以湯盎上，湯味鮮甜，有份藥材香，四寶是指不同部分，我尤其喜歡牛筋，軟腍又彈牙。加9蚊有菜，點了生菜和油物菜，有肉有菜，很健康。飲品除了汽水外，亦有洛神花茶和菊花杞子茶，叫了菊花茶，甜甜香菊夠清熱。