616牛肉火鍋專門店 (積富街)

营业中

休息中

又到開始秋風起的時間啦，身痕好想吃打邊爐，愛吃牛的我立刻就想起616啦！真的大愛用ipad自己點餐，唔夠可以自行點菜，方便呀！打邊爐當然不可不混醬啦！其特色係有牛肉的醬油及有青檸等選擇！我獨愛醬油加上大量炸蒜的選擇呢！牛骨清湯我們也不是愛辣的人士，這是我們最合適的選擇！打完邊爐後再吃湯底內的粟米及白蘿蔔更是清甜多汁，正呀！👍🏻澳洲和牛～三角柳最喜愛和牛的雪花❄️紋理，光是用眼睛已很有治癒感！把它放入口更是牛味濃郁，油脂比例剛好，入口溶化呀！美國天然～肩胛翼色澤鮮豔，可見十分新鮮呀！牛味同樣濃厚，但較有口感，肉質一點也不會很韌，輕輕灼一灼就吃得啦！牛肉餃牛肉餃皮很薄，牛肉餡料卻很多！牛肉似是用手剁起的，沒有很多肥肉，但一點也不鞋口！手打蝦滑616雖然是吃牛專門店，但蝦滑也同樣做得不錯！十分爽口彈牙！炸響鈴輕輕灼一灼就吃得啦！十分香口，絕冇太多油膩感！最後，當然不可以缺少打邊爐最佳partner , 啤酒及汽水！啤酒是餐廳自家制的，麥味香濃，易入口，女仔也可以把佢整枝KO!當遲d天氣再涼一點的時候，必定再叫齊好友一同再打邊爐歎一歎先！

傍晚時分，去了大圍的「616牛肉火鍋專門店」吃火鍋。女侍應指出，以湯底來說 ，牛骨清湯最能試出它的原味，我們就聽從她的介紹。既然是牛肉火鍋專門店，我們點了三種不同的材料；首先是「美國天然 - 肩胛翼板」，切片適中，肉底鮮嫩，牛味頗重；再試「澳洲和牛 - 牛頸脊」，口感鬆化，肉質軟腍；又來碟「澳洲和牛 - 三角柳」，嘩，無得彈呀！肉片先薄得不得了，而且肥嫩軟膄，油花均勻，入口即溶。進食期間，夾住鮮蔬 「唐生菜」，清新爽快，剛好調和了牛肉的肥膩，大家都吃得津津有味。至於其他食物，「豆腐」滑嘟嘟、清淡素雅；「手打蝦滑」非常爽口、彈牙及有嚼勁；「響鈴」則外層薄脆，口感不滯。最後試了「牛肉餃」，餃皮薄、牛肉碎足料，沒有「空氣感」。吃火鍋，啤酒一定不少得，就叫上店內自製的「原漿啤酒」；濃厚麥味，入口冰凍，配上牛肉，特別合適，一流！大圍的「616牛肉火鍋專門店」雖位處內街的積富街，但離車站不遠，只需步行數分鐘，地點方便，而食物水準不錯，向大家推薦，值得光顧！

早前跟家人入大圍買東西時發現616牛肉火鍋，一直知道在大圍沒料到近在咫尺，火車站步行約3-4分鐘而已原來逢星期二牛市有優惠 ！湯底半價而已，原價都6字頭以上，飲料半價，其他食品都有88折 — 真心抵呢！ 進入鋪後環境以懷舊為主題 - 有雜貨店景等佈景，跟西環相似彷似回錄影帶搬。地方都可容納大班朋友，沒有佈滿油前兩次跟朋友一起而他們不愛辣，所以今天獨自去便可點麻辣了 ！ 醬料 HKD 10 冇加一鮮牛油麻辣湯 HKD 78 平常麻辣都是很多油鋪面而這個不但沒有還加了鮮牛油所以特別滑溜。我辣度忍內力頗高而這個差點受不了，但很爽YY. 牛駝峰 HKD 48 脂肪比例跟肉平均， 跟著桌子上的指示只須煮8秒，在半生半熟下牛肉口感不錯。 稻庭烏冬 HKD 28打邊爐點少得烏冬，份量有兩件響鈴 HKD 28必點之選！ 放鍋內兩三分鐘用以吸收麻辣精華，很罪惡感但過埋今晚才算啦

已經唔記得咗今次係第幾次食616 慢慢地當我想食牛嘅時候就會諗起這間餐廳 以一個任食火鍋嘅價錢 可以食到嘅牛肉是高質 平均每人200蚊 已經可以食牛食到飽澳洲和牛內裙肉 因為係和牛嘅關係 脂肪嘅比例係會多少少 但係淥完 食嘅時候係唔會覺得肥膩 而且牛味比較重 我覺得呢隻係最好食之後食咗澳洲和牛牛胸肉 呢隻因為都係和牛嘅關係 脂肪比例都係較為多 食落會覺得好香牛味 而且口感一流 我屋企人因為唔係咁鍾意食肥 會揀番啲唔係和 牛 都有很多選擇 而且味道都十分不錯食完牛之後 再放其他嘅配料 可以吸收曬頭先嘅牛肉鮮味 最後再嗌返個烏冬同菜 滿足曬我食牛都會有一定嘅要求 這裏的質素和價錢 係令我 一食再食嘅原因

今天又和一班朋友外出吃飯，朋友在大圍上班，說這間牛肉火鍋很出名， lunch都經常來食。今日我哋一於嚟呢度食飯。我好鍾意食辣，所以我哋叫咗一半麻辣一半清湯。麻辣湯底真係辣得好過癮！連我啲平時唔係太鍾意食辣嘅人都愛上了。清湯方面牛味都好香濃，食到最後湯底入邊嘅牛肉好嫩滑好林，而且好香肉味。由於我哋比較人多，基本上每款牛肉都叫咗一碟，所有牛肉配埋香濃嘅湯底，其實唔使點醬汁都非常好味。另外佢知飲品都非常值得推介，你知洛神玫瑰花茶，睇上去粉紅色咁，以為好甜好濃，但飲落去好清甜，打邊爐要嚟解膩一流

上次同姐姐去完尖沙咀嗰間616分店食晏覺得好好味,啲牛肉嘅質素真係好有水準,今日見好友要去沙田某間醫院做檢查,就拉佢嚟大圍呢間分店再食啦!有好嘢梗係要推薦大家架嘛係咪(?!)原來呢間店相比起尖沙咀嗰間就細小咗啲,朋友話呢條街啲舖頭間間都係咁細架~果然係個<沙田友>,呢區真係佢仲熟過我。小店入面嘅裝修都好似襯番個地區風格咁,一樣咁有老香港嘅情懷,無論牆身抑或枱櫈都係好似七八十年代嘅冰室咁,最近中秋將至,佢哋仲傳統燈籠高高掛,寧舍有味道 睇一睇個餐牌,原來呢間分店嘅午餐就只做三個套餐姐,質素好嘅嘢,通常都係專注做到最好,自然會有忠實粉絲支持~我好友見我講到個芝士紅燒牛肉麵咁好食,所以佢就嗌咗呢個啦~咁我當然要試第二款,所以就叫咗個牛四寶湯飯喇。牛四寶湯飯$48蚊,牛四寶係咩呢?原來即係牛筋+牛腩+牛腱+牛仔骨,食呢個飯嘅感覺同個牛肉麵完全唔同,上次食麵係覺得好惹味同埋係濃味嘅一款嘢嚟。今次食呢個飯覺得好清新,因為佢裡面個湯原來係好清甜好好飲,唔好見佢個盅細細,我撈極都仲有嘢食,裡面又有紅蘿蔔又有西芹又有白蘿蔔,呢啲蔬菜全部都吸收哂湯嘅精華,入哂味又夠腍,啲四寶牛又好正,塊牛

之前都去過屋企附近既616打邊爐，同同事講起佢都有去過大圍呢間食! 😮咁我地就話不如lunch搵日過來食，牛肉麵好似都好唔錯咁😛原來呢間走既懷舊風同我去黃埔個間又有少少唔同，個間似涼茶舖，呢間似雜貨舖😗😝哈哈，虧佢諗到! 未有野食都會忍唔住打下卡! 原來午餐個menu好簡單、得3款揀😂不過價錢好實惠wow，48連飲品同甜品！👍🏼👏🏼👏🏼我地就叫左芝士牛肉麵同個湯飯試下，芝士🧀牛肉🐮麵🍜好香! 佢將D芝士刨到絲裝放係牛肉上面好似蔥! 但有熱湯所以好快融左落塊牛肉度，真係色香味俱全!🤤🤤牛肉係用左牛肋條，一D都唔韌，但又好有口感同牛肉香🐮🤤🤤湯底都夠哂香、有少少辣令到成碗麵更惹味，但正正有芝士又會中和返個辣味。但最讚既係個麵🍜呀，好有口感同埋甜甜地咁，同個湯、牛同芝士都超夾!!!!牛四寶湯飯🍚都好唔錯，比起個麵，呢個就係清甜之選！湯入面有好多款🐮🐮🐮🐮有牛仔骨又有牛筋牛展同牛肉，滿足哂你所有願望😆怕食濃味人就啱食呢個，佢個湯底就好清甜好潤，有D紅蘿蔔🥕同西芹，令牛肉既鮮甜味道提升👍🏼我地加個油麥菜仲連個牛上湯，點菜食超甜呀🤤👍🏼佢D飲品都似自家製、仲有個跟餐送既菊花冰粉，呢個我就覺得有少少

最近新興很多牛之火鍋専門店。主要以🐂為主，分不同部位，食得雕轉!啱曬我好牛之人今日約左朋友沙田食飯傾計，點知沙田市廣場周圍都人如積蟻，返正揸車就去左臨近大圉，醒起記得之前係荃灣食過616 打邊爐大圉都有分店就去碰碰運氣，正好有last 一張四人桌，即時係門口咪錶泊低，正呀！店鋪以懷舊為主題，帶你回到80年代，好得意，店員好殷勤，笑臉迎人，好親切，街坊感覺電子點菜👍，點左乜，乜未到，咩價錢(免加一)，一目瞭然。一坐下，即將冰甜西瓜奉上點了清清地牛骨清湯，很足料呢，可以不用叫粟米，夢卜，直接飲亦很鮮甜，沒半點油呢個沙漏就啱曬心急，事關點的菜沙漏完未到即免費，當然是上菜極快，無優惠拉😂😂醬料是自助形式，很齊，特別在有中肉汁作醬油底，很棒棒，不咸的牛肉味很濃丶再加上青檸，無得頂呀😍😍手切牛部份多達十種，還有澳洲和牛系列，肉質松軟，牛味濃郁，幾十蚊有交易特別牛舌更是必㸃，so so 地，十秒入口，好鬼正，加上檸檬調味，食肉都可以清新還有其他套菜亦是高質，烏冬是稻庭𣲙鎮，還有冰牛雜，真不錯，飲埋啤酒，爽呀！不二之選

這日又被逼去火炭出差，為省錢又不會虐待胃，決定去吃616～這次飲品有新款，決定點用菊花桂圓露。古法牛筋腩飯$48，從相就可見到裡頭的牛腩絕對不少啦～所以超實惠飽肚。還有點蘿蔔配著，不論牛筋還是蘿蔔都滲滿了醬汁，兩者都煮得軟淋淋有味，味道偏清香，配飯吃超好。然後又點了芝士紅燒牛肉麵$48，上邊的芝士碎不少，紅燒牛肉也夠，麵是台灣麵的麵質。湯底超濃郁，牛肉燒得惹味軟彈，芝士味很重，所以整碗很香口惹味。另加$9點了碟油麥菜，挺新鮮煮得又不會過火變老，健康又便宜。

呢間鋪頭推薦都係牛魔王控的你一定要試下😍😍😍😍最鐘意打邊爐，見到呢間新開左一段時間，都keep住咁多人就去試下。見到menu,超多唔同牛的部分可以食😍😍😍聽完個名都唔知咩黎，佢地用ipad點餐，禁一下個菜名，就會有詳細介紹呢個係牛咩部位，食落咩口感，超細心😍😍😍其實黎到我都唔知邊個打邊個，只能說好好味。超有牛味，入口即溶。同埋不得不提一定要叫鳥冬加初生蛋，再溝佢既牛肉汁同牛油醬油😍😍😍再新鮮616佢既牛放係上面，真係諗起都想再食多次！同埋價錢堅抵，無加一，飲品自己煲既涼茶都係收12蚊支，佛心價。兩個人叫左超多野，飽到食唔曬都係4百3蚊👏🏻👏🏻👏🏻👏🏻抵呀！

再次在大圍分店食, 位置都方便, 大圍站A出口行5-10分鐘就到,今次試下D上次未食過嘅配料,食完再食,水準KEEP住~兩個人食左9樣配料加一枝野飲,都已經好飽~一共食左$434元,其中每人收左$10醬料費餐廳內有大約12張枱,是日全FULL, 一枱完左又一枱上,食完都沒有一身邊爐味~餐廳光猛,每張枱都有足夠的距離~環境舒服但又不會嘈,感覺幾好~職員都好細心,叫我地把袋放入椅下的籃~而家ORDER完之後, 職員會拎個漏斗出黎,保證20分鐘內可以把配料完全送上~

剛好有新同事進公司，所以最近都在帶人吃不同店的午餐，終於來到男同事們最愛的一間，最適合食肉獸來吃的616～這次沒咖哩，換了古法牛筋腩飯，價值都是48一個餐，以現今物價來說頗抵食。飲品也換了新款，帶菊花桂圓露及洛神玫瑰茶兩款，大家都很健太康挑了這兩款飲。同事選牛四寶湯飯，一來就將湯加進飯一起泡著吃。所以飯伴清甜的湯吃很滋潤喉嚨，且牛肉都煮得很軟很入味，還有些蘿蔔伴著吃。古法牛腩飯口味也用花椒跟八角等煮的，不會太濃與咸，清香且味道挺入味。也有點汁可伴飯吃。芝士紅燒牛肉麵的紅燒肉非常入味又香軟，配上溶掉的芝士香濃惹味。麵質不會很軟爛又不會很硬身，屬於適中類型。性價比還不錯，於中午來說是挺好的選擇～

今日黎到呢間專食牛肉既餐廳 佢地既晚市係食邊爐既 當然唔少得主角牛肉一開始我地揀左牛骨清湯做湯底 因為想食到牛肉既原味同埋鮮甜 雖然係湯底但一d都馬虎 有好多料好似有牛骨 白蘿蔔等等另外店員亦為我地送上西瓜🍉嘢食未黎既時候我都出左去拎醬料醬料區有好多唔同嘅醬料 我就想特別d拎左秘製牛肉汁加蔥花首先我地試左牛朴肉 ：牛朴肉有好靚嘅雪花牛肉既紋理亦好均勻油脂豐富 完全係入口即溶 感覺有d似和牛 呢款我好鐘意🐄之後牛駝峰：油脂較少 肉味幾濃跟住試左匙柄：呢款好特別之前一直未試過 牛肉既顏色深 牛味濃郁 而且好軟淋好滑 真係要encore！牛肉餃：有好豐富既肉汁 一咬落去好滿足 配埋秘製嘅甜酸汁好令人開胃呀 烏冬：係用咗日本稻庭烏冬 超級滑 吸埋牛肉湯汁令人食唔停口 我仲加左d秘製牛肉汁入去更味入味

今晚同左我朋友去左616牛肉火鍋專門店打邊爐，其實之前去大圍食飯見到呢間舖頭既裝修幾靚仔，好有懷舊特色，已經好想試下（外貌主義協會會長）XD今晚終於有機會試下，估唔到唔止舖頭靚仔，d牛又真係幾好食，質素高，而且d牛肉價位大約$48-68，真係性價比高!!我好鍾意d有details 既舖頭，唔只係食物，食具，甚至係服務。一開始order左野食，就拿拿臨去“混醬“啦～發現佢有d特色醬油，包括“鮮牛油醬油“同“秘制牛肉汁“，咸咸地又有d牛肉味，比起普通既豉油，多d層次。番埋位就發現有個漏豆，原來係保證20分鐘內d野食會到齊，確保大家唔會等到燥底，岩晒我地d咁忙既香港人。 我地揀左牛骨清湯，唸住清清地試真d牛肉味。我自己最鍾意食澳洲和牛-三角柳，牛肉同脂肪比例均勻，雪花分佈平均，口感一流，入口即融，牛味濃郁。封門柳，幾有口感，有咬口，牛肉都好juice。 美國天然-肩胛翼板我覺得牛肉味係最濃郁，口感幾滑。澳洲和牛-牛胸肉，脂肪比例高d，哈哈，減肥既我唯有食少d慢煮牛筋腩-其實d牛筋同牛筋腩一早已經係都煮熟左，d牛筋好軟淋淋。紫菜卷-紫菜味既響鈴，放左落邊爐2秒即使攞起，入口即溶，好味。油麥菜用

同老友宵夜去左呢間，貪佢附近泊車好方便。潮汕式牛肉鍋，係食牛的專門店。配料細細碟，碟碟都係幾十蚊，好抵。牛骨清湯 $38堅有牛骨，仲有好多蘿蔔同粟米，濃濃的牛骨味，有蘿蔔炆牛腩的感覺。如果佢加幾粒胡椒，咁就滿分了。匙柄$48夠淋夠軟，脂肪分佈平均，雖然係薄薄地，亦好有牛味。淥一淥就食得架啦！呢個價錢，唔貴噃！滑尾龍 $48鑊仔上，仲加隻蛋。初初以為係用鑊直接炒添。同老友硏究之後，其實應該係「法」開隻蛋食架。每件牛肉都沾滿滑蛋，再烚一烚，十足係中式滑蛋牛肉呢！呢碟牛比較大片，仍然都是淋滑有牛味，唔錯！牛上肋 $68根據幅庖丁解牛圖睇來呢，牛上肋應該是牛胸腩的位置，少少韌而且牛味唔算濃。個人覺得係四款牛當中比較不突出的。脖仁 $68牛頸的稀有部份，所以價錢會貴D。相比以上三款牛佢最有口感，亦最有牛味。同一般外面打邊爐的火鍋牛好唔同，感覺真係本地新鮮牛切出來的。紫菜卷 $38係紫菜同響鈴的混合體，之前響其他火鍋店都有食過。呢間的味道不能說最好，但尚算是水準之上。六大條收呢個價，抵食吖！紫菜好香，亦算酥脆。不過論索湯能力，個人還是比較喜愛傳統的響鈴。娃娃菜 $28都新鮮乾淨，份量唔多但價錢略嫌