616牛肉火鍋專門店 (積富街)

营业中

休息中

之前同阿爸阿媽食lunch，黎左呢度食。眾所周知呢度本身係打bino的，估唔到佢地午市可能想就d人lunch break，冇bino，改做全牛午餐。午市menu款式唔多，得5定6個餐，大概都係五十蚊左右。阿爸阿媽叫左個咖哩牛腩飯。我就要左個藥膳牛肉湯飯，真心呢個都好足料，而且個湯唔會太油，極度養生。跟餐有可樂，係支裝的哦!!!應該係想配合返餐廳嘅復古theme掛？話說佢地嘅裝修都幾有心思，牆上嘅復古海報真心幾靚，好有feel。

OT完夜晚9點幾2個同事一齊落左大圍試下616啦，係太和開果陣有留意過下但一直未幫襯到。坐低左，樓面好似話夜晚過左幾點就打折，大家都無理咁多，因為肚餓快快手order左湯底、6、7碟牛肉、牛根、牛丸、響鈴、一份小吃、娃娃菜、羅白、牛肉餃同酸梅湯先。落單既時候發現呢到既選擇真係好少，期待住少選擇應該質素高😂對味精添味劑比較敏感既我，呢個湯底算幾重手，會一直好想飲野。飲品：酸梅湯一壷好似$38，好平但味道一般，合成既味道😅菊花果款正常👌🏻小吃：印象唔深，應該正常響鈴：唔係即炸，而且好似放到幾唔脆身牛丸：雖然價錢平、份量多粒...但我寧願份少d質素高返d😅牛肉餃：入面係山竹牛肉d fd, 味粉落得重，普通重點牛肉：雖然單價好似幫襯牛角咁，單價唔貴，但質素上就差少少啦（可能係我地唔識簡6款肉入面有1、2款都過得去，但就無平時出火鍋店食牛肉既果種滿足）。味道上口感上我地覺得普普通通咁啦最後埋單七百蚊有找既，但同事講笑話食連鎖日式火鍋放題可能仲滿足，價錢又差唔多😅😅😅

呢間火鍋店地方比較細 。想食既朋友仔如果早少少打去訂位會好d,因為今晚本身我訂左8點鐘,早左15分鐘去到都要等到8:30先入座。不過服務員既態度好好。佢地上菜既速度十分之快。岩岩點好菜。幾分鐘內就會上到。食物質素都唔差架。滑尾龍。牛朴肉。牛駝峰。牛餃子。胸口膀。全部值得一試。滑尾龍超滑。d 肉仲好淋身牛餃子。好有牛肉味。佢本身會跟一個醬汁。味道會較酸。胸口膀只要10秒左右就可以食。本身比較爽口。口感好特別~2個人食左500 野。都算抵。

跑完野外，人疲倦。帶著疲累的身驅及沉重的儀器在身，縱使飢腸轆轆，但也不會太講究要四圍去尋吃了，但求方便，嗱嗱臨食完個飯就回去辦公室卸貨....抬頭看到這所最近分舖越開越多的火煱店，想不到就連午市也有做。記起以前傳統的火煱店，只會開夜市營業至凌晨。現在新派的，差不多就像便利店般來個二十四小時服務.....生意，現在確是難撈矣....基本上所有的火煱店，主打的都是牛肉。這兒的牛肉火煱配料，號稱有不同刁鑽牛部位都有供應，不過在午市的套餐，這些部位大多沒有得吃。要吃的話，就唯有晚上再來過....下午有得點的，就只有最普通的牛筋腩飯.....店方說是甚麼古法炮製的，在濃濃色水沉鬱的醬汁中，找到了不少八角及月桂葉的蹤跡，味道是走傳統柱候牛腩的一路的，其味是不俗的，稍稍帶油膩是少不免，將之用來撈飯，中和一下來放入肚就剛啱好.....不過牛筋腩本身的品質就十分一般 ---- 肉質甚韌，其中有數件更是韌硬得咬不動要馬上吐出來；牛筋就好一些，還可以嚼完吞下....光是以這砵牛腩的水平，我想對晚市其牛肉之出品，也不能有太大之期望吧....

周日一家人想吃火鍋，即刻想到616牛肉火鍋店。正午12點過去，店裡很安靜，只有兩三檯客人。點菜下單全部用Ipad自助，好方便。上菜也很快，服務人員態度不錯，有求必應，全家人都食得好滿意。埋單每人不到兩百元，價格可以接受。還會再來的。

同朋友去大圍食616牛肉火鍋店去到攞左飛仔大概等15分鐘,入去坐兩人卡位,店入面裝修好似90年代好得意,店吾係好大間,坐位吾係好多,兩人坐位吾太寛,舒服度一般佢地係用ipad自助落單,吾錯可以係忙既時候吾駛等佢地可以俾我地自己看完落單,又有免費哈蜜瓜做前菜雖然坐位同枱吾大,不過食物補數,全牛火鍋叫左牛骨清湯同麻辣湯兩個湯都好味,牛骨湯好清甜,最愛滑尾龍同匙柄,肉超級嫩滑吾鞋超級好味😝,尾龍加蛋真係靈魂之作無得輸,一定點👍👅食到伸俐,牛肉餃亦吾錯,價錢吾太貴,兩人大概共460多,飲埋啤酒超級飽🤰PS.店員無講聲原來每人要收10蚊醬油錢,吾需要醬酒都要收,所以佢免加一😛

呢間專食牛嘅火鍋店, 有超過十款牛嘅部位畀你揀唔同部位要淥嘅時間都唔一樣, 一般只需要淥6-13秒, 完全切合店名616店內裝修好有懷舊香港特色我哋一行二人食量不大, 只係叫咗兩款牛, 一碟菜同一底烏冬滑尾龍牛後腿部位嘅肉, 脂肪比較少, 將牛肉同生蛋撈勻, 落鍋8秒就食得, 雖然牛片無咩脂肪, 但被蛋漿包圍簿簿嘅牛片出奇地嫩滑, 牛味非常濃郁 不過份量就細左D, 唔係好夠喉。匙柄牛肩胛裏脊肉嘅內層, 肉質結實, 嚼勁適中, 落鍋6秒就夠, 幾乎係拖一拖就食得, 千祈唔好淥太耐, over 左就會過韌架啦

這一個區特別多嘢食嘅，所以好多時都會特登走來呢度，係最近呢一年，多了這間火鍋店，已經來光顧不少次，尤其是二人世界最啱，環境骨子，裝修設計特色玩懷舊，而食物方面主打牛丶牛丶牛！再加上挑選牛的不同部位，真係更腌尖都應該無問題。湯底方面選擇都不錯，果個牛腩鍋底相當入味又夠林甜，正呀！不過在繁忙時段一定要排隊㗎啦！

星期日下午和家人閒逛大圍，剛好這家店不用等位就入去試下午餐有5款，全部都係牛，最後點了韓式藥膳燉牛肉和招牌慢煮雙牛湯飯要加飲品就要另外付錢，但我覺得不加都可以，因為可以飲湯啊韓式藥膳燉牛肉飲落真係有藥膳味，是清淡那種，而牛肉都燉得很淋招牌慢煮雙牛湯飯有牛腩和牛仔骨，相比藥膳燉牛肉這個湯就比較油膩，不太適合直接飲牛肉同樣都燉得很淋，味道不錯這家餐廳價錢跟茶餐廳差不多，相吃小炒以外的一個好選擇，不過當日我們落單等了25分鐘都沒有餐送來，催一催佢先入廚房跟下，應該是漏單了

平時打邊爐，一般只會食到肥牛，滑牛肉，但這店供應牛不同部位，做火窩材料見識一下~~門口掛左牛部位的名牌店以懷舊裝修為主，但落單以i pad點菜，收銀處便自動印單(好方便)想試下牛的原汁原味選擇清湯牛骨清湯(好清甜)菜方面有羽衣金蘭(香港火窩比較小見)羽衣金蘭吸收左清湯，好鲜甜，口感好爽口(幾特別)推介~牛朴肉牛脖頸上(運動最多的一塊活肉)脂肪雪花均勻，好嫩滑特别選擇~胸口膀(稱牛白肉)牛前胸部位的一塊脂肪口感(脆而爽口，韌勁十足)可試快煮15秒(好爽口)煮3分鐘(好煙韌，有點牛油香味)手打牛滑(全牛肉以人手打造)味道好重牛肉味，人手打造，口感好滑特别位~滑尾龍(牛後腿肉附近位置)雞蛋加上嫩牛肉(口感滑嫩)好鲜嫩牛肉餃牛骨湯煮製牛肉(肉汁鲜甜)皮好薄內裡牛肉好多肉汁，加上牛骨湯的味道，味道好鮮 p·s·有水果送(餐前)醬汁可以在店的自助區(自己混醬)其實牛肉也不用再加調味(因為牛肉好鲜味)原來牛部位，有好多位置，可以作火窩食材，真的大開眼界仍有多個部位末試，唯有下次再食

餐牌牛湯飯牛肉麵陪屋企人試新野，見價錢大眾化，無所謂。午飯時間，都有啲人，但都唔駛等位。點了牛肉麵同牛湯飯，牛肉麵唔掂，牛肉靭，面條普通一般到不得了， 完全唔值得42蚊。牛湯飯就好唔同，有牛腩同牛骨肉，仲有白蘿蔔，湯有藥材同牛味，正，性價比高。

Coming here with my love and he is big fans of MEATTT..so we came here for dinner^^order the normal soup which is quite pale but still have the smell of good meat. We ordered the heart, kneen and some parts I forget... But all of it was really delicious and fresh! The quality of the meats was excellent! Also, the vegetable portion was quite big! Will be better if they can add some others kind of food like pig or seafood...  

香港好少有火鍋店將牛分咁多部分黎食, 當然要黎試下!牛骨清湯 (湯底) - 其實有d失望, 真係好「清」, 個湯入面得2小件粟米、3小件骨頭、幾件蘿蔔, 即唔會有想試下個湯底既衝動。 封門柳、牛柳 - 侍應好細心, 送到時提示我地恰幾秒就食得, 真係好嫩, 亦好有牛肉味, 肥瘦亦岩岩好, 簡直入口即溶! 黑栢葉 - 初時無為意, 恰左分幾鐘, 浪費左! 原來枱面既墊枱紙有寫應該幾多秒, 跟住恰, 就真係岩岩好! 勁爽! 響鈴 - 失望, 唔脆唔特別... 招牌慢煮牛腩 - 煮得淋, 唔酥! 牛肉餃 - 好味! 皮薄包住好有肉汁既牛肉, 同埋夾左d菜, 再配上佢特製青檸汁, 好fresh!

突然邊爐癮起， 去大圍滾一滾！喺一片國内火鍋店嘅侵襲之下，發現哩間小店，所以入去試佢一試。店面唔算大， 但係非常整潔， 抽風系統抵讚，食完唔會一身邊爐味。點餐系統不經人手， 方便快捷。 但係如果系主打嘅牛肉項目多少少簡單介紹會好啲！因為太多唔同牛肉種類， 真係好難識得晒。鍋底個人好啱口味， 唔會搶晒食材味道， 食到尾都唔覺口渴，讚！食材新鮮，主打嘅牛肉亦都非常好， 食得出好新鮮。 其他食材唔係粗製濫造。 個人覺得飲品選擇多少少會好啲！值得推介！

天氣開始涼, 唔洗講都知又到左打邊邊既季節!!!其實平時我打邊邊最愛都係食牛肉， 所以今次黎呢間專食牛肉既火鍋專門店， 有唔同部位既牛食， 我地今次叫左匙柄匙皮牛駝峰牛朴肉吊龍伴脖仁尾龍排名有分先後呀！ 愈高個d 夠滑同好有牛味， 愈後既就唔夠滑喇。 但都好有牛味既～d 牛切就夠薄， 所以真係同店名 616 十幾秒就食得！！！呢度d配料比較特別既有牛汁同青檸娃娃菜配牛汁好好味～羅白放去麻辣個邊簡直天作之合！！！