616牛肉火鍋專門店 (積富街)

营业中

休息中

心血來潮大熱天想打邊爐, 朋友介紹下就試下616全牛宴啦！$300零蚊2人餐賣相相當吸引..有清湯同牛雜湯選擇，食開車仔麵習慣叫濃味一點湯底。牛雜湯好足料，有牛肚牛腩蘿蔔，好有街頭小食風味，但為左留肚試牛肉所以無食太多。餐紙介紹牛不同部位同點樣食係最惹味！好多名都係第一次聽，個人覺得牛駝峰點牛肉汁同幾滴青檸最好食，我朋友就非常鐘意食牛骨髓。套餐都有好多菜同烏冬，唔洗怕唔夠飽。整體而言，牛肉種類好多，又可以以每碟$48試多幾款牛肉。下次可以試下清湯，唔會蓋過牛肉鮮味。

行完山落左大圍諗住食雞煲點知佢關門大吉, 行行下朋友忽然大叫"喂江湖傳聞嗰間616喎, 試下丫"就入左去, 裝修古色古香有舊香港味, 點菜就非常新潮用IPAD。唔使諗馬上叫個全牛拼盤, 即係一個盤有哂10個部位等你試哂佢。佢個塾檯紙仲話埋俾你知要淥幾耐, 非常貼心, 可惜有幾個部位都冇寫, 員工話新版未印好。ANY 肥, 牛好好食但因為個拼盤冇寫名所以想再另外叫都有O的難道, 可以改善。另外點O既封門柳同牛峰我就比較鍾情封門柳, 我喜歡肉味不介意口感。埋單200 左右, 值得一試。

食牛愛好者，要求不高可以嘗試下這間店內裝潢設計風格非常有懷舊冰室味道這次叫了牛板(三百幾蚊) 包括了大部分店內的不同部位牛肉 及 另附上飲品兩罐 兩份烏冬牛板份量就著人數目所定 約每人可以食一至兩塊另外再散叫一碟每日限定 一律$48碟封門柳必試可惜只是太薄身因為叫了牛板關係，可以免醬油湯底及加一費用醬油選擇有一款牛汁必試最新湯底有牛雜湯底選擇

呢排大陸超流行潮汕牛肉火鍋，最近係廣州都搵到間好好食嘅，所以上次經過見到呢間牛肉火鍋就已經mark低話要嚟試試。結果就好失望，大陸嘅潮汕牛肉係新鮮劏嘅，佢地感覺就差好遠。雖然都係有唔同部位，食落完全唔一樣。如果只係想搵間火鍋店食手切牛肉的話，咁呢間都唔算好差，只不過同我預期差太遠啦！講返食物，我同內子兩位就叫咗個全牛拼盤套餐，其實都好有心思，樣樣有，有可以好清楚知道自己食緊咩部位，份量又啱啱好，價錢300幾蚊都算好抵食！

次次經過返屋企見咁多人排咪搵日試下，點知一試中晒伏，佢講到自己係牛肉專門店搞到我期望好高，結果⋯⋯佢d碟牛薄到一個點，你用筷子夾都已經斷開，仲要零牛肉味，你切到咁薄叫我點食到你d牛肉味，食完=無食，完全無飽肚，依間舖係呃飯食去街市買包肥牛都好食過佢，$48碟一d都唔值，唔明點解仲咁多人等位！仲有佢果個牛嘅湯底，嘩！無味的，同清湯無分別，你唔點醬呢係唔覺自己食嘅野有味，好岩肥減中嘅你食，無味成咁！！

前兩日突然好凍，凍冰冰既天氣就係打邊爐既好日子。網上搜尋發現元朗有一間616牛肉火窩，到達店面時，店員十分賣力推介牛拼盤，好似係$380，免加一。包括不同部位的牛，菜籃，烏冬及醬料區。但與妹妹討論後決定一碟碟單點。點菜用ipad,不同肉類亦有詳細介紹。面前的墊台紙一二用，詳細注明每款肉類的煮熟時間。用ipad點菜後，店員帶著沙漏跟我們說，616保證第一張單可於20分鐘內全部上完，以沙漏為準，如超過20分鐘，最後上的肉會免費。在等待上菜時，我先去醬料位取豉油等。醬料位乾淨，種類不是超多，但足夠。拎完醬料，返埋位，肉類已經到齊。挽手腩，肉味濃牛朴肉，香滑牛心椗，爽口過癮牛栢葉，6秒！爽口彈牙匙柄，意想不到既香甜。最後點了烏冬。總結，2人埋單，$340。平過食牛拼盤。總括而言，小店十分適合追求味道的食客。但如果你係追求十分飽肚，就唔係幾適合喇。

平時食火鍋必食既一定係牛, 今晚去食火鍋, 碟碟都係牛! 食過呢餐之後, 更加了解牛既每一個部位, 唔同部位都有唔同既口感同味道~ 檯面上有食牛既最佳食法: 以IPAD自行落單, 落左order後店員就會拎個沙漏黎比我地倒數, 計時20分鐘內首次order就會到齊, 否則超時既order都免費唔收錢! 保證有效率, 唔會漏單! 湯底劃一一種味道, 牛骨清湯 HK$38 每位醬料 HK$10, 自由混醬, 當中有"秘制牛肉汁", 食牛配呢款醬, 牛味更加突出!呢度有牛既不同部位食到, 出面唔係周圍都有得食! 而且款式仲有咁多! 碟碟牛都係HK$48!!! 色澤鮮紅, 夠哂新鮮!!【胸口膀】 擺落火鍋15秒即食, 又爽又甜, 連帶少少根, 幾正!!我最愛呢碟!!【牛丸】 估唔到都幾甜, 而且略帶彈牙【牛骨髓】 第一次食, 初初覺得幾恐怖, 但黎到點都要一試! 質感有D似腸粉, 比腸粉更滑, 好林【匙柄】 一聽個名真係唔知咩黎, 呢款係每二人只限Order一碟, 似乎好珍貴, 所以order左碟試下~店員話呢個位係近牛既頸部位置, 食落有點o趙口【裹腱肉】 呢個部分

男友好鍾意食牛大圍好似開左間專食牛既火鍋店依日特別過左去食估唔到平日夜晚都咁多人排隊等左一陣就入到去啦見到餐牌有好多肉名平時都無乜聽過而且餐紙有教唔同部位要淥幾耐，真係長知識我地點左以下幾樣牛清湯 $38清湯可以再突顯牛肉既味道不過湯入面有蘿蔔、粟米做配料金花趾 牛後腳部位食落幾爽口吊龍伴 依個要淥8秒，佢係牛腰兩邊既肉，脂肪都好靚，食落好滑好好味，好似肥牛既口感，牛味仲更加濃牛朴肉 要淥10秒，食落肉質帶根，但有趙口匙柄 淥8秒，肉質比其他無咁多脂肪所以食落無咁滑牛腩心 淥8秒，肉質較滑，不過唔肥牛丸 依個必食，好好味，唔會咬落好實肉質好鬆，味道好濃好多汁三花腱同牛腳前部位，同金花趾一樣，好爽口整體嚟講都幾好味，特別推介牛丸而且佢第一次送單嚟嘅時候，都附上一個漏斗並話如果20分鐘內漏單的話，漏乜送乜抵佢咁多人排隊食😌

又踏入打邊爐季節，想打個邊爐道道都要等人排隊，中午同男友兩個黎左依間火鍋店打邊爐取下暖，估唔到中午黎食已經咁多人店鋪裝修夠哂大排檔，感覺好地道，醬料係自行去自助吧拎取，落單用平板電腦幾先進依度有個好有趣既限時制度係20分鐘內要將牛肉送到枱上，我地一次過叫左7碟，可以喺15分鐘內到齊，好有高效率，如果過左20分鐘仲未上菜，佢地會免費送返果碟食物俾客人享用，連打邊爐都有服務承諾，真係抵讚墊枱紙亦有教學邊個部位煮幾多秒，唔洗周圍搵要煮幾耐，令我地將塊牛肉煮到最好食，店員都會親述講下D牛肉分別屬於咩部位，口感、質感、肉味濃定淡都會講解埋，食牛仲有學習冷知識，食住飯都有堂上，好搞笑湯底都用牛骨清湯，務求食到牛每個部位既真味道<<封門柳>>雖然好薄既一片肉，放入口就散發勁濃既牛味，建議最後先食，因為牛肉味太濃會蓋過其他牛肉<<牛朴肉>>賣相同口感似足雪花肥牛，沾左店鋪秘制牛肉汁，味道甜甜地，令呢塊牛肉更有味道層次，好好味<<牛腩心>>牛味雖然不及封門柳，但有咬口又多肉汁，岩晒鐘意食濃味而又要大塊肉既我&

全牛打邊爐上次試左幾樣，今之再試其他今次係晚餐時間去食，無book枱清况去食仲要星期六希望有位，咁岩有人走所以有位，好彩早一步到，5係就要等位啦今次叫左3款不同部位既牛呀，加上菜同粟米烏冬，天下無敵呀牛~係一流，講太多都無用，去試啦我想講既都係湯底同樣既湯底同樣既味道，岩曬清清地既朋友們由於今次叫左3款牛，可能令味道濃少少，相當可口，太正啦所有到最後一滴都無曬

打邊爐成日就食牛，而牛既位置你有識幾多啦？？黎間全牛打邊爐就可以令你知道你食緊什麼味道仲相當美味唔好睇只係打邊爐咁普通，佢係一間全牛邊爐每一款都係35左右，又得食又知食緊牛邊到味度又5錯，價錢仲5價，值得一試而今次所推介就係湯底不要以為打邊爐睇配菜，打邊爐睇既當然係湯底，湯底差只會令你既食品無質感~但黎到湯底係用牛煲清湯，大家都話用得肉點會清呀但係黎到既湯底係有牛既油，但勝在夠清，可以食到牛既原味，又有湯飲

湯底清澈無味精,所有牛的部位都沒有添加劑,食起上嚟特別健康...食到最後湯底依然清澈見底,要嚟淥烏冬最正,仲可以就咁樣飲用唯一不足之處,就係地方太細,希望第日可以擴張！加油！！

可一不可再，超級扣分，絕不會再去食，好一間專食"牛"既火鍋專門店，牛肉無牛味，薄到零口感，如何可以做到咁厲害任食火鍋既牛肉都好食過佢野食極小選擇，除左牛肉淨係菜完全唔抵食！！

唔會再去太特別既感覺！神之店舖，非同凡響！牛肉刀功如神，薄如透光！牛肉味道淡而冇味部位特別，差D唔知是咩？真是新鮮牛肉？湯低一流，清淡如水！裝修懷舊得嚟又創新寬敞得嚟又逼！如果想食牛，又要求清，一個唔錯既選擇！

裝修幾有特色，好似以前80年代的感覺。略嫌座位較少。可能新開張，無咩人。未有人敢嘗試。牛肉夠薄，貫徹616就熟的原理。牛肉夠新鮮，湯底是牛骨湯，越熬越有味道。有特製牛肉汁加入醬油中，味道好鮮。唔夠多湯底選擇，可能怕影響牛的味道。但價錢合理。可以再去。