616牛肉火鍋專門店 (積富街)

营业中

休息中

湯底80-100加每碟牛坐底$48呢次四個人嗌咗八碟再加麵，都覺得唔係好夠食，但係已經位位$150。大家有眼睇，一碟嘅份量有幾多。老實講，個人就覺得唔抵食。不過有樣抵讚嘅嘢，就係部位嘅選擇好多。剩係價錢都分咗三類，然後每個價錢入邊都有六至八個部位揀。值唔值得試，就見仁見智啦。

係大圍的616牛肉火鍋專門店原來推出咗午市優惠套餐，每個都唔駛五十蚊，但有質素得黎，一啲都唔馬虎。/雙牛湯飯🌟第一次就試必食推介，有清湯牛腩，牛仔骨和白蘿蔔， 雖然平但都好真材實料，牛腩同牛仔骨都煮得好焾，個湯清得黎好有牛味，亦唔油，一飲就知唔係味精煮出黎既湯，健康又養生。/水煮牛肉飯🌟食辣愛好者之選，牛肉煮到肉質嫩滑，水煮醬雖然比較辣，但十分開胃，可以食多幾口飯。/烏梅汁🌟菊花桂圓露🌟午飯送埋飲品，烏梅汁酸得黎幾開胃，唔會話好甜，朋友就鍾意菊花桂圓露多啲，味道較甜甜。

#foodhkdiscoverer黃店_大圍💛—所有lunch set 連飲品都係 $48 ONLY! 超抵食🤩—水煮牛肉飯($48) 個水煮用左滑牛肉🤪牛肉好入味好嫩😎 不過都幾辣🥵唔係好食得辣既朋友仔就唔建議試😩 個水煮牛肉都幾多配料😝有芽菜🌱豆卜同娃娃菜🥬都幾飽肚！—生牛肉河($48) 平時食開生牛肉河閒閒地都~$70😢 以為咁平會好細碗😂點知佢份量大的黎d牛肉都好多🙈d質素都唔錯🥰好過好多大型連鎖越南餐廳🤫 個湯底個牛味好濃好鮮🤩 有少少「理想點鮮」打邊爐湯底浸味🤪唔錯😚CP值高🤓想平平地食生牛肉河真心推介💛💛—Lunch set 供應時間係12:00-15:00🙆🏻‍♀️ 唔係間間616都有lunch set 食😬所以去之前記得check清楚🤭—價錢： 💋💋💋💋💋味道：💋💋💋💋💋抵食：💋💋💋💋💋環境：💋💋💋💋. ——地點：616牛肉火鍋專門店 (積富街) (大圍)地址：大圍積富街33號積康樓地下C及D號舖營業時間：12:00-22:00.—#大圍 #黃店 #火鍋 #香港 #00s大圍 #大圍美食 #likes #like #follow #instagood #instagr

成日好想試吓616個Lunch Set！但得大圍.銅鑼灣分店有 兩個地方都係我哋少去 加上去到3點就完！經常就唔啱時間日子🙈拖左好耐依家食到Lu！-係11號食既雙牛湯飯 牛腩有啲韌 牛仔骨就韌口到比較難咬！蘿蔔少許入味 湯底清甜同少少胡椒味 令我會有啲飲上癮！水煮牛肉 唔算好辣但夠麻既 食落口有陣麻香！麻辣味道唔會蓋過肉味 牛肉食落口牛味重既 不過都係有少少韌！-16號再叫雙牛湯飯 牛腩今次適中 牛仔骨都係有啲韌 不過對比上次好多！另一個餐咖喱牛筋腩飯 咖喱味唔夠濃 不過食落有少少甜味同食到有少少煮溶咗既薯仔 感覺落咗薯仔去煮咖哩汁牛筋腩煮得好淋 食落重牛肉味 但入唔到咖喱味！-飲品揀左桂圓菊花露 感覺唔到有桂圓 係平時飲既菊花茶味 唔覺有分別！洛神花茶飲落幾開胃 不過我覺得再酸啲會更好！

那天突然好想打邊爐，於是去了大圍呢間616去淥一淥~呢間野唔同個D放題式餐廳，可供選擇的食物唔多，得牛。但係就係好多你食過都未必識的部位喔!一入到去先知間野裝修得好懷舊餐墊上就印好了每部份的名同大概要淥幾耐時間，好細心喔好得意呢用番呢種盤去放不同部位。我地叫左一set 的這個，咩都有的。不過就算用上面幅圖對照住食都會分唔清自己食左咩大概呢，得封門柳，熟牛腩，牛腩心，黑柏葉，雙層腩，挽手腩個d好食，其他位冇乜膏所以會鞋。餐墊冇講但實物有的係牛骨髓，牛丸同一d唔sure叫咩但好似根部淥完似硬d的花膠的物體。 (右下角那種)牛骨髓好恐怖，唔敢食lol有d部位因為數量少，所以每兩人只可點個幾樣的其中一種。我地揀左封門柳。 呢到的牛唔同雪到好冰個d雪花肥牛，佢地係新鮮本地牛肉喔好似食落係有明顯分明，冇咁肥冇咁軟，多d肉味但唔鞋的。 呢度冇好多野揀，得牛同菜，丸就得牛丸不過呢度的牛丸真係超級好味，同平時食的有非常大分別係好實在的一粒牛肉丸，平時個d係一粒粉同似牛丸味的波lol個湯底係牛骨煲的，有一堆堆湯渣，好實在我地兩個又唔多食得哂了，但呢度的邊爐同食開的好唔同，值得一試既如果覺得平時放題定涮涮鍋

一向都很喜歡食616火鍋，不過午市就未食過，今次就去大圍分店試一試。前一日上openrice訂左座，去到話原來訂座只係食火鍋，如果食lunch set就要幫我地取消番openrice訂座。不過都唔緊要既，草少一次積分/里數姐。店內不大，位子不多，座位舒服，寬敞。午市套餐好抵，$48，有埋一支野飲，仲唔洗加一。選擇唔多，四款。我同朋友都叫左生牛肉湯河，湯河比想像中大碗，河粉雖然唔係好多，不過最緊要就係裝到好大碗牛骨湯丫嘛。個人十分喜歡616既牛骨湯，晚市去食要飲八九煲。生牛肉湯河既牛骨湯底，同晚市牛骨湯底一樣，都係好濃味，又清唔會好油，好好味，一碗真係唔夠飲。生牛肉方面，原以為黎到會仲係紅色，要自己比D時間係個湯度整熟佢，點知一黎到塊牛肉已經係熟晒，一D紅色都冇，不過好彩，牛肉一D都唔鞋，亦都好有牛味，好食~河粉份量都唔算少，加上飲到一滴湯都冇淨，都幾飽。套餐仲有一支野飲，兩款都好飲，岩晒食火鍋飲，飲完牛骨清湯再飲亦係唔錯第一次試午市套餐，好抵食又好味，會再推介家人朋友去試下~

抗疫期間, 唔想去街市買餸, 就買咗呢個四人外賣火鍋套餐試下Hotpot takeaway deal for 4 persons 佢嘅賣點係牛, 總共有七款唔同部位嘅牛肉, 各有特色, 每款大概每人一至兩塊性價比算係ok, 因為平時淨係買牛肉都唔平嘅, 而家$568蚊四人餐。 但係冇得送外賣嘅, 所以要自己去取貨, 比較適合揸車人士🤔 我哋加咗$30蚊, 要咗個熔岩沙嗲湯底 - - > 真係好濃味 滾滾下都要加下水~其他配菜就正正常常, 普通嘢, 款式唔算多~我哋自己另外 加料加咗個菜~ 佢跟餐有兩個公仔麵一個稻庭烏冬, 大胃者如果唔食呢啲嘅話有可能未必夠飽可以更加好嘅地方: 如果跟埋指天椒粒, 蒜蓉嗰啲就會比較好... 我哋都係要自己預備👉🏼👈🏼耐唔耐都會想食一次嘅, 下次會想試下佢個牛油麻辣湯底 (都係要加$30)

呢間黃店一路都好多人分享，但打邊爐係疫情期間都無咩機會食。（🤔絕對唔係因為窮同無朋友）直到今次路過見到$48一個午餐仲有嘢飲😍🙉啱晒又窮又無朋友嘅......我呀！～～～🐮雙牛湯飯($48)用咗牛仔骨同牛腩寫嘅清湯，鮮得黎又帶胡椒香，非常惹味😋兩款牛都好爽，唔會趙到起渣，呢個湯Perfect呀～～～～🐷圍村扣肉飯($48)一個煲仔裝滿梅菜扣肉，真係勁邪惡，嫩滑嘅豬皮，同一夾就撕得開嘅扣肉，配上惹味嘅梅菜，三重享受呀。食油膩嘢配埋跟餐嘅玫瑰洛神花茶🌹好Refreshing！

4個人冇book位真係好難係大圍食到飯-_- 呢到都排左大約20-30 分鍾～～叫左好多肉食！湯底叫左鴛鴦麻辣牛骨，HKD78 ，覺得鴛鴦係會開心啲！肉類就叫左美國天然-肩胛翼板HKD48，匙柄HKD48 ，安格斯-橫隔肌HKD48，牛上肋HKD68 ，黑豚霜降肉HKD68，牛駝峰HKD48 其他配料：黃喉、手打墨魚滑、竹笙 都係HKD48響鈴、娃娃菜、油豆腐串、稻庭烏冬、蜂巢豆腐、豆腐、炸魚皮 HKD28 鴨血 HKD38 朋友的最愛我就叫左個手工啤HKD38 ，貴就貴左啲，但係佢都幾香！！

次次經過見好多人,聽聞幾好食,今日早收工去試下,等左幾張檯,點左幾碟推介牛肉,清湯底,自己出去拎醬料,醬油係甜既,怪怪地,牛肉冇咩牛味,平均幾十蚊一碟,細細碟,細細片,十片左右,另外仲點左兩碟唔係牛既野食,一碟鴨血,一碟油趣魚皮,碟鴨血一般般,個魚皮d辣汁既味,係譚仔既皮蛋d辣汁既味,子因為太辣太咸,淥左兩野,拎返上黎變左鼻涕,問個職員點解會咁,佢問我好唔好食, 劣食之選,以後唔會再食,唔明點解咁多人排隊

性價比指數: 🌕🌕🌕🌗🌑好味指數:🌕🌕🌕🌑🌑服務指數: 🌕🌕🌕🌗🌑環境指數：🌕🌕🌕🌑🌑價錢: 大概$600/2ppl (有飽肚感但唔係超飽)..隨機經過，聽間人地食過話好味，所以試試。.個人感受：中規中矩，中間價錢，中等食材，無特別驚艷但亦唔差。不過，勝在牛肉種類選擇真係夠多，一試無妨。. .-湯底✦鴛鴦青花椒牛骨湯.-食物✦胸口膀✦安格斯橫隔肌✦牛骨髓✦吊龍伴✦娃娃菜✦油豆腐串✦匙柄✦手打墨魚滑✦黑豚梅花肉.-飲品✦可樂✦洛神玫瑰茶.-.✧優點✧.❖挺細心，每人送放口罩既套.❖枱上餐紙有說明每個部位所需既煮熟時間❖自助醬料區加上蓋，確保衞生.❖牛肉種類超多，近似內地既牛肉火鍋店，有我最常吃既胸口膀、牛骨髓、吊龍伴、匙柄，仲有更多更多，適合牛魔王.❖一碟份量雖頗少，但價錢算適中，少人食都可以試多幾款...✧缺點✧.❖湯料味道好一般。青花椒味有微香，開頭有少許辣味，但好快越食越淡；而牛骨湯本來就味淡，煮完既食物完全食唔到湯底味. 食呢啲牛肉，我都係覺得襯返啲超濃味湯底先夠過癮..

今日自己一個食lunch..落左去616食野。點左一個水煮牛肉飯，味道好好 真係好有川菜風味 有點辣 好采送左枝菊花茶解下辣🤣 食落開始麻麻辣辣 好有大陸食毛血旺既感覺。不知不覺成碗飯都食哂！PS好想試埋佢個牛骨牛腩湯飯👍🏻

好少人講616 食lunch 的食評就等我同大家講下而家的環境下 款款都係48蚊包埋飲品 而且飲品係自家製的特色飲品以食物質素平心而論真係好抵下叫左個水煮牛 辛辣個汁可以撈飯，非常開胃。佢加左唔少花椒，所以麻味十足，配上牛肉，跟貴價川菜相差不遠。性價比真是勁高。不過，如果唔食得辣既人就唔好叫，我都食到流鼻水。仲有叫左個咖哩牛腩，唔好以為同平時快餐個d 一樣，佢個咖哩汁係做得比較好，口感食得出有分別。又係送飯一流。佢仲有d 牛筋同薯仔，唔係只得牛腩。一定會再食!!

疫情關係，即使在外面食嘢都要速食，盡量避免停留在食肆太久，最近知道616有外賣自携，啱曬，天氣涼涼地，可外賣回家慢慢嘆了!在Openrice Apps落單，因平時都只是用嚟訂位，之前未登記信用卡資料，順便登記埋，唯只收到銀行通知驗證信用卡訊息，而收不到已付款訊息，搞不清楚自己是否已被確認訂單，親身到大圍616，知道訂單未被接納，唯有即場落單及付款，轉頭再去攞外賣。叫了牛雜湯底，牛朴肉，牛駝峰，匙柄，滑尾龍，花雕醉牛，澳洲五花趾，麻辣牛肉餃(必食)，安格斯橫隔肌，冰麻牛，響鈴，鮮牛油醬油，連外賣盒共$467元。 估計店主是為響應環保關係，有幾款牛肉都是共同放在一個膠盒內，但、每層都有生菜作分隔，擺得都好企理，每款牛肉都有濃濃的牛肉味。平時在家打邊爐，都是買肥牛，今次可給家人帶來驚喜之餘，還可以自己在街市買些自己喜歡的蝦，小象拔蚌...之類的其他食物，食得開心，又不用擔心在餐廳一邊食，一邊驚其他人在咳嗽，安全又衛生，在家都可以食到靚牛，真的不錯!!

第一次幫襯吃午餐，愛辣的我，這個水煮牛肉飯辣度堅夠。牛肉腍滑，配上椰菜、豆卜，吸收湯的味道，非常好吃！連飲品都只是$48，免加一。以這個價錢，質素中上，實屬少有。疫症下仍會再幫襯