629雞蛋仔

营业中

休息中

早幾日已經想食雞蛋仔，但除如旺角般的旺區真是好難up得出邊度有。咁啱經過呢度，咦！? 雞蛋仔!? 新開架喎，仲有人排隊添，又見佢貼d報章嘅報導出嚟，又說明是用心製作，咁就試吓啦。跟住龍尾一分鐘，先知前面3組人係等緊起貨，已經order咗，得我一個傻下傻下未order😨 有d係熟客，都多咗d信心。佢有幾款味道，我試咗椰絲，諗住味道會夾d.等咗差唔多10分鐘，終於到手。熱熱地，脆皮嘅，紙袋有透氣孔，好似好pro咁喎。mit一粒出嚟，咬開，唔錯! 旦皮是微微脆的，無話落好多脆槳令佢「過份曲奇化」，入面係鬆軟的，有好多bubble,但唔係半粒都空心果種。微甜，椰絲味唔出，椰絲有d鞋口，但都肯定 無 落香精。跟住我就過一陣先食，已經無第一口咁好食了，林咗，實咗，都好正常嘅~

平時好少去新蒲崗,無做咩OPENRICE去,純粹係經過聞到好香蛋香,同見到有D特別既口味,所以決定一試(雖然全程佢無SELL你,SERIVE你,無笑容咁匿響廚房,擺明走有麝自然香既路線)廚房好似得2架整雞蛋仔既模,當有客人ORDER,佢先會又一大杯既蛋漿到一杯落個小量杯到,(咁就係原味)如果你要其他味(EG我要既朱古力味)佢會加一小匙藍色即沖牌既朱古力粉落小量杯度,(EG:前面嗌既朱古力粒粒),係放原味漿落模度,再好似落調味咁曬朱古力粒粒落去,都係要大杯到細量杯,再逐一整,整緊一底既時候,我都係第一次見到有人攞住個應該係紅外線探熱器探另一個模(應該係店內既第1000零2個模),都探左幾耐下....(這是所謂排隊既原因???)其實買O個陣得3個人到,都要等一陣....位置,唔算大街位,但如果係響黃大仙上小巴去新浦崗小巴既,位置應該算方便,但響黃大仙行既,唔算養眼店面:響商場外面一小角,都係叫左野等緊先見到一D 自己PRINT既,IG,FB既好評,本黎未買時由蛋香,到睇佢倒落模既漿幾靚仔,再加上一出模佢有以前食過好食既雞蛋仔一樣,直放落風扇位到吹,本來都幾期待....朱古力雞蛋仔($16)

有點餓找點小吃，路過這店見都好似有人等下一于試試蛋蛋口味寫住有原味$16、朱古力味$16、粒粒朱古力味$18叫了粒粒朱古力嘅朱古力蛋蛋，咁原味同朱古力味一樣價錢，咁照推論加咗粒粒都係$18，但點知係$21，條數唔識計既然order了便算…站著看店員如何弄， 原來朱古力味只是在焗前量咗一底原味嘅蛋漿，再加一茶匙即沖嘅吉百利朱古力粉，咁攪根本未能充分混合同埋朱古力味一定唔夠香濃；再望住佢倒蛋糊混合物落模時，發覺個蛋糊比一般稀，唔夠杰身，心想出來的成品隨時唔飽滿充實… 跟我之後有個男子本係order朱古力味，比16蚊時話加埋粒粒朱古力，但又無加番錢 ？？？？？ 依底收我21蚊嘅粒粒朱古力嘅朱古力蛋蛋睇個樣真係 … 表面完全唔滑溜每一粒也不圓滑， 同蛋真係拉唔到關係，睇外表真係唔合格有朱古力粒粒在內，但個底漿唔太朱古力，唔合格食頭果幾粒都仲脆，但之後果大半底已淋；出模後雖然有對住風扇吹，我又無催促佢，但明顯放涼時間不足 …21蚊咁嘅價錢整得靚仔兼好味我絕對無所謂，但咁嘅質量真係15蚊都唔應該收…

之前吃過其令人驚喜難忘的格仔餅後，一直心思思想再來回味；難得人在新蒲崗，很難不去想它，但又才剛吃畢一大碟炒金邊粉，再吃的話好像太大食太誇張，心裡十五十六，在我糾結掙扎之時雙腳已領我到門前；其實我最想吃的是格仔餅，但奈何實在沒有胃納撐下，唯有退而求其次一試它有名的雞蛋仔真身。這兒的雞蛋仔有好多特別的口味以供選擇，如綠茶、朱古力、粒粒朱古力、粟米、椰絲、芝士，甚至蒜香等，而第一次吃的我還是還原基本步選原味好了。原味雞蛋仔 $14雞蛋仔即叫即製，前後等了十分鐘有多，欣賞老闆由模具拿出來之後還要用風扇吹一吹才交到客人手中，以保持脆度。烘得金黃的雞蛋仔看上去非常誘人，連忙抓一粒往嘴裡塞，味道像極小時候常吃的雞蛋餅，沒錯是外脆內軟，但小小一粒感覺像吃一陣風，不是我喜愛的質感，淺嚐便夠。吃雞蛋仔，還是紅磡媽咪、近來後起之秀Oddies以及九江街元洲街交界的隱世小店得我歡心；而有機會再來吃格仔餅時，再給大家介紹。

為食美人Z推介新蒲崗629雞蛋仔，smart bunny 心思思，一定要專程來一試。素聞排長龍，下午七點賣完收檔，smart bunny 專登平日下午來,先叫了個花生雞蛋仔，外皮脆，半肉，正宗雞蛋仔做法，629做得不錯，外皮脆而不硬，裡面的玉QQ的，難怪那麼多人排隊。見很多人買夾餅，smart bunny 也湊湊熱鬧買一塊，一吃，驚為天人！本以為那麼厚的餅不會怎樣好吃，我錯了，厚餅是中空的，中間的空位令餅身不會實，鬆化很多，厚厚的餅吃下去有質感之餘實際餅肉不會過多做成餅多過醬，加埋美味花生醬牛油，這裡的夾餅可能係全香港最好的！見老闆做夾餅十分用心，少少做壞了的情願棄掉再整，見佢整5塊丟了2塊，認真態度值得一讚，抵佢咁多人幫襯。

食左芝士雞蛋仔同超厚格仔餅全部即叫即整，雞蛋仔芝士味聞好香，食個陣淡淡芝士味，外脆內軟。但相比之下我更鐘意格仔餅，2吋左右厚，平時格仔餅太厚會好粉，但依個一啲都唔會，蛋漿勁滑又彈，外面脆得黎唔會戎口，雖然位置遠左啲同16蚊唔係好平，但一定會再去食!值得一讚係老闆真係超用心製作，所有味雞蛋仔都係叫先溝蛋漿，而且整得唔好老闆會另願掉再整過個比客人，所以為左好野就算等耐啲都值!

尋日朝早11點幾食完嘢做運動去美容院到6點幾好餓，諗住食格仔餅，去到見到老闆閂門，佢話賣哂😞問咗今日開12點，今日食完泰國嘢，之後就買咗件格仔餅。格仔餅只有一款味道，老闆好有禮貌咁話要等一陣，大約5-10分鐘已整好。格仔餅比一般嘅厚差唔多一倍，好熱手，咬落去外皮脆，裡面軟綿綿又彈，唔會太乾濕濕地，有蛋香，啲涵都唔算好甜量都適中，而且由於即整啲牛油、粗粒花生醬好均勻溶哂响裡面，超級好味！以質素嚟講，喺所有具名氣嘅店舖中最好味嘅一間！

最近在網上見到有人比較過全港較出名的雞蛋仔，並評論這間的雞蛋仔味道最好。在好奇心的驅使下，我便急不及待來到這間位於新蒲崗的店鋪。這店位置較偏僻，距離巴士站有一段距離。這裏提供不同口味的雞蛋仔，包括芝士、椰絲等。為了測試這裹的雞蛋仔的水準，我叫了一客原味雞蛋仔。味道: 蛋味重，但偏甜，會增添甜膩感口感: 外層尚脆，內裡尚軟總括是這裡的雞蛋仔只是中規中距而已，不是想像中的好，比不上「低調高手」及「北角雞蛋仔」呢！加上位置偏遠，我想我不會再光顧了。

放假放假，食咩好？當然食平時少買到架啦！無錯！！！我又去買蛋蛋同格仔餅啦！！！今次我揀了一客粒粒朱古力蛋蛋同超厚格仔餅！真係有粒粒朱古力架！趁熱食仲又香又脆添！至於格仔餅，依舊超厚超大件！真係食完仲想再食！！P.S.其實我食完酸辣粉架……但經過又忍唔住走去買來食……