629雞蛋仔

营业中

休息中

雞蛋仔 - 我最喜愛的街頭小食。在香港，有售賣的地方不少，但有高質的地方不多，有一半是平價劣質，有一些是光賣名氣，它們要不是薄脆如刀片，就是軟淋似麵團。我認為雞蛋仔最强味道是外脆內軟，內裡要有50%的蛋糕質感，不能全部中空，又不能整個是粉團，嗅起來有濃郁的蛋香，這才是雞蛋仔應有的味道。如果把香港劃分港九新界三部分，香港區的高質雞蛋仔有"低調" & "Oddies"。而在九龍區，除了"媽咪"，我最愛就是它 - 629。它位於偏遠的新蒲崗，如非工作關係，我這屯門人是不會去的。在一個沒有帶飯的下午，我便選了它作我的小飯堂。它門面小小，選擇都不少，適合嘗試不同口味的年輕人，價錢都相當合理。而我見到期間限定的香芋味，二話不說就點了它。香芋味雞蛋仔($23)，老實說不少地方賣香芋味，最出名的有"恆發"的爆多芋泥雞蛋仔，但是我認為芋泥太多了，令雞蛋仔口感變軟，加上蛋味不濃同芋泥不甜，整體不是很好吃。而它就不一樣了，它一端出，濃郁蛋香撲鼻，光看表面已是鋪滿粒粒芋頭。一咬真是不得了，外面脆香，內裡的芋粒又夠粉，滲透淡淡芋香。在外皮同餡料之間，不是全滿，留有一點空間，保留雞蛋仔應有的口感，作為特色雞蛋仔，

細個我係新蒲崗返學，哩度特別多小食店，我每次去到新蒲崗，都見到不斷開左一些不同特式既小食店，而哩間雞蛋仔店係我最喜愛既其中一間，我次次黎都叫格仔餅，因為佢哩度既格仔餅又厚又脆口，唔係個種一入口就好厚粉個種，而份量又大件放得多料另外再叫左個粒粒朱古力雞蛋仔，好脆同朱古力粒粒係每粒雞蛋仔入面，有流心口感，凍左都好味

喺得龍出嚟, 見到有幾個人攞住雞蛋仔紙袋經過, 問下四爺, 佢話呢間舖頭就喺對面.望過去又咁啱冇人排隊, 就要款新口味試下－香芋粒粒蛋蛋.由於佢係即刻製作, 所以都等左成10分鐘, 喺等候嘅時間, 見佢舖面好乾淨, 睇老板個樣, 就知佢應該係一個好有要求嘅人.裝雞蛋仔嘅紙袋, 好細心咁佈滿透氣洞, 唔會有倒汗水整淋.雞蛋仔係外脆內軟, 係堅脆.每粒雞蛋仔入面都有一粒芋頭, 芋頭仲要幾大粒架. 芋頭好軟熟, 但可能依家唔係芋頭當造嘅季節, 所以芋頭唔算太粉.我同四爺一人一半, KO完之後真係勁飽勁滿足. 佢仲有好多唔同款式, 下次可以繼續試其仔口味.

上一次已食過呢間啲雞蛋仔，食原味，唔錯，外脆內軟熟，冇試其他味，覺得攪太多花臣反而影響味道，不過上次冇影相同寫食評。今次試特厚格仔餅，真係夠厚，外脆內軟，我走沙糖食，食完都好滿足，住開新蒲崗果頭得閒可以去試下

有人說過最簡單不過的小食，往往是最難製作的。雞蛋仔格仔餅，香港無人不認識，人人愛吃，老少咸宜。629雞蛋仔位於新蒲崗，深受學生哥街坊的愛戴。鋪面整潔乾淨，共有兩部雞蛋仔機和兩部格仔餅機，一目了然。這次點了一底特厚格仔餅$17和一底朱古力粒粒雞蛋仔$19。價錢拍得上名牌北角雞蛋仔。特厚格仔餅果然是特厚，完全做到外脆內軟的感覺，吃完很有飽足感。醬料方面亦下得沒有手軟，牛油、煉奶、花生醬和糖平均分佈在格仔餅上，每一口也是滿足。值得一提的是，即使放久了，格仔餅亦保持香脆。粒粒朱古力雞蛋仔吃得人十分滿足。每顆雞蛋仔中都不缺粒粒朱古力，香濃可口。而雞蛋仔本身的蛋漿就有蛋味，不像一般的只有雲呢嗱香精的味道。老闆用心製作昔日街頭小食，萬分支持  

其實真係咁岩行過629就嗅到佢既香味今次冇人排隊可能我真係好好運得一個人做 多幾個人已經做唔切雖然我都有食過唔少雞蛋仔都係原味最好食同睇到師父有幾多技巧佢既雞蛋仔好得意 有小小咸咸地既感覺由完成都吹風都只係1分鍾 已經好脆 外脆內軟個心都多餡 唔似出面果D空心既下次試埋個格仔餅我見有人買都真係好大塊 比平時果D SIZE大一倍

星期日下午3點，帶幾個少年人一齊來掃街，多謝老闆細心照顧，又有耐性逐個格仔餅雞旦仔熱辣辣為我們逐個整，我們要一個超厚格仔餅，2個綠茶雞旦仔，再要一個芝士雞旦仔和粒粒朱古力雞旦仔攞走。超厚格仔餅，真係超厚，比平時厚一倍，咀細D都咬吾到，老闆好細心，見到少年人係視障人仕，幫我地把格仔餅切開2份，再分開袋，格仔餅外脆內軟，鋪滿滿瀉的花生醬牛油煉奶，食半份已經非常滿足飽足。綠茶雞旦仔，$１６，外表香脆，濃郁綠茶清香，仲有回甘，若雞旦仔心可以再厚肉番小小就perfect啦～👍👍芝士雞旦仔，$１７，外表香脆，濃濃旦香味，芝士味欠奉，以為自己食緊原味雞旦仔，要落多D芝士先得啦～👎粒粒朱古力雞旦仔，$１８，外表香脆，超多原粒朱古力，鋪滿成個雞旦仔，雞旦仔本身濃濃的旦味已經叫好，再加上熱辣辣香噴噴濃濃的朱古力味，實在魅力沒法擋，首選推介。😋😋😋

來新蒲崗必到這「雞蛋仔」店，有新口味呢！這裡愛稱雞蛋仔作「蛋蛋」，很有趣。逐粒香芋放上，很足料雞蛋仔放在有乳的紙袋內，不怕很快軟掉即使走了一段路程再吃還是脆脆的每粒都有香芋，吃著香芋原本的味道，不會蓋過雞蛋仔的味道。香芋不會過甜，雞蛋仔蛋香十足。

這家店由未搬舖開始計，大大話話也吃過不下五次，雖然不算很常光顧，但每次來到新蒲崗我也忍不住往它的方向走去，全因有一樣食品能令人再三回頭：那超厚格仔餅。這天來到新蒲崗，見距離晚飯時間尚有個多小時，肚子咕嚕咕嚕作響的我實在忍不了這麼久，遂拉著男友過來吃一底。超厚份量格仔餅 $17時值周一的六時多，店外沒人在等候；格仔餅即點即製，這兒的模具和坊間的有點不同，它製作出來的夾餅超厚又大格，夾餅烘得外脆內軟，富蛋香之餘口感帶點軟綿煙韌，塗上有鹽牛油、花生醬、煉奶和砂糖，將港式美妙滋味共冶一爐，那會有出錯的理由！？最喜歡它的醬料都能留在隙中，不會水汪汪吃到人狼狽不堪，站在微涼的街上吃罷半底超滿足。老闆見我們二人只買一份有問要否替我們切開入兩個袋，感覺體貼窩心；不過其實每次來都覺他不太寬容、一臉認真，大概要一手一腳頂著一間舖不容易吧，加油啊！

粟米雞蛋仔、蒜香雞蛋仔？呢間有特別口味既雞蛋仔。未行到已經聞到香噴噴，遠處已經見到大大隻字寫「勁脆勁好味！」，當然吸引左埋去啦，去到見到小小既人龍，都排左陣先有得食。粒粒粟米蛋蛋($16)，佢係咁樣叫d雞蛋仔。首先每格擺幾粒粟米然後先倒蛋漿，倒蛋漿果時真係一d都唔姑寒，滿到瀉，估計口感應該幾rich！整起之後擺係一個風扇前吹涼佢，令表面更加脆，然後放入一個有透氣孔既袋！先睇外表，佢無其他雞蛋仔表面咁光滑，但拎上手可以feel到佢既外脆內軟。咬開入面係半滿，所以夠軟鬆亦夠厚實，個殻仲好脆好薄，特別香口！不過粟米就真係唔多，但食落幾新奇幾特別，而且幾Match架！下次會試埋粒粒朱古力/ 綠茶味，見到其他人嗌都落左幾多朱古力，應該溶起會幾正！仲有特厚格仔餅！窮遊指數：7.5/10好味指數：8/10

食飽之後應該做乜？緊係食埋甜甜啦😂呢間想試好耐，成日都聞到好香蛋味，又成日排晒隊咁，今日就試下你啦👍鋪頭睇落簡單乾淨，有4部餅機，2部雞蛋仔2新格仔餅，今日超想食格仔餅，下次試完雞蛋仔再寫😆之前食呢種格仔餅係響太安樓，當時我覺得驚為天人，今日試過呢間689？629？（好難記到個名）之後太安樓果間可以拜拜了👋咬落好軟熟呀救命，平時食麵包按下會彈番上黎，原來格仔餅都會架😱同太安樓比，呢間冇咁「漏」，果邊食半塊已經食唔落，呢道唔會，蛋香香到我2隻豬仔都流晒口水（毛孩不宜進食架），講番d醬，唔係cheap野，cheap花生醬/練奶我係會食得出，呢道唔係，醬加埋格仔餅真係人間美食😆好想而家再食😭同埋睇到雪櫃入面有支名牌朱古力醬同蜂蜜😱嘩，小店係堅持用好野，即刻加分👍最後想講講服務方面，睇到前面有人話店主冇禮拜冇笑容，講真，初初我都覺，老實講我係想打食評果時講呢樣唔好，但係，冇笑容既店主多次裝出黎睇，我係同男人一齊買（開頭見佢望幾次男人以為咩事😂），佢見到我地2個人，竟然問我使唔使切開2份，我果刻以為係分完放同一個袋，原來佢竟然放左2個袋比我地😱講真，真係好細心，我敢講出面果d一定唔會理你，2個人

早幾日已經想食雞蛋仔，但除如旺角般的旺區真是好難up得出邊度有。咁啱經過呢度，咦！? 雞蛋仔!? 新開架喎，仲有人排隊添，又見佢貼d報章嘅報導出嚟，又說明是用心製作，咁就試吓啦。跟住龍尾一分鐘，先知前面3組人係等緊起貨，已經order咗，得我一個傻下傻下未order😨 有d係熟客，都多咗d信心。佢有幾款味道，我試咗椰絲，諗住味道會夾d.等咗差唔多10分鐘，終於到手。熱熱地，脆皮嘅，紙袋有透氣孔，好似好pro咁喎。mit一粒出嚟，咬開，唔錯! 旦皮是微微脆的，無話落好多脆槳令佢「過份曲奇化」，入面係鬆軟的，有好多bubble,但唔係半粒都空心果種。微甜，椰絲味唔出，椰絲有d鞋口，但都肯定 無 落香精。跟住我就過一陣先食，已經無第一口咁好食了，林咗，實咗，都好正常嘅~

平時好少去新蒲崗,無做咩OPENRICE去,純粹係經過聞到好香蛋香,同見到有D特別既口味,所以決定一試(雖然全程佢無SELL你,SERIVE你,無笑容咁匿響廚房,擺明走有麝自然香既路線)廚房好似得2架整雞蛋仔既模,當有客人ORDER,佢先會又一大杯既蛋漿到一杯落個小量杯到,(咁就係原味)如果你要其他味(EG我要既朱古力味)佢會加一小匙藍色即沖牌既朱古力粉落小量杯度,(EG:前面嗌既朱古力粒粒),係放原味漿落模度,再好似落調味咁曬朱古力粒粒落去,都係要大杯到細量杯,再逐一整,整緊一底既時候,我都係第一次見到有人攞住個應該係紅外線探熱器探另一個模(應該係店內既第1000零2個模),都探左幾耐下....(這是所謂排隊既原因???)其實買O個陣得3個人到,都要等一陣....位置,唔算大街位,但如果係響黃大仙上小巴去新浦崗小巴既,位置應該算方便,但響黃大仙行既,唔算養眼店面:響商場外面一小角,都係叫左野等緊先見到一D 自己PRINT既,IG,FB既好評,本黎未買時由蛋香,到睇佢倒落模既漿幾靚仔,再加上一出模佢有以前食過好食既雞蛋仔一樣,直放落風扇位到吹,本來都幾期待....朱古力雞蛋仔($16)

有點餓找點小吃，路過這店見都好似有人等下一于試試蛋蛋口味寫住有原味$16、朱古力味$16、粒粒朱古力味$18叫了粒粒朱古力嘅朱古力蛋蛋，咁原味同朱古力味一樣價錢，咁照推論加咗粒粒都係$18，但點知係$21，條數唔識計既然order了便算…站著看店員如何弄， 原來朱古力味只是在焗前量咗一底原味嘅蛋漿，再加一茶匙即沖嘅吉百利朱古力粉，咁攪根本未能充分混合同埋朱古力味一定唔夠香濃；再望住佢倒蛋糊混合物落模時，發覺個蛋糊比一般稀，唔夠杰身，心想出來的成品隨時唔飽滿充實… 跟我之後有個男子本係order朱古力味，比16蚊時話加埋粒粒朱古力，但又無加番錢 ？？？？？ 依底收我21蚊嘅粒粒朱古力嘅朱古力蛋蛋睇個樣真係 … 表面完全唔滑溜每一粒也不圓滑， 同蛋真係拉唔到關係，睇外表真係唔合格有朱古力粒粒在內，但個底漿唔太朱古力，唔合格食頭果幾粒都仲脆，但之後果大半底已淋；出模後雖然有對住風扇吹，我又無催促佢，但明顯放涼時間不足 …21蚊咁嘅價錢整得靚仔兼好味我絕對無所謂，但咁嘅質量真係15蚊都唔應該收…

之前吃過其令人驚喜難忘的格仔餅後，一直心思思想再來回味；難得人在新蒲崗，很難不去想它，但又才剛吃畢一大碟炒金邊粉，再吃的話好像太大食太誇張，心裡十五十六，在我糾結掙扎之時雙腳已領我到門前；其實我最想吃的是格仔餅，但奈何實在沒有胃納撐下，唯有退而求其次一試它有名的雞蛋仔真身。這兒的雞蛋仔有好多特別的口味以供選擇，如綠茶、朱古力、粒粒朱古力、粟米、椰絲、芝士，甚至蒜香等，而第一次吃的我還是還原基本步選原味好了。原味雞蛋仔 $14雞蛋仔即叫即製，前後等了十分鐘有多，欣賞老闆由模具拿出來之後還要用風扇吹一吹才交到客人手中，以保持脆度。烘得金黃的雞蛋仔看上去非常誘人，連忙抓一粒往嘴裡塞，味道像極小時候常吃的雞蛋餅，沒錯是外脆內軟，但小小一粒感覺像吃一陣風，不是我喜愛的質感，淺嚐便夠。吃雞蛋仔，還是紅磡媽咪、近來後起之秀Oddies以及九江街元洲街交界的隱世小店得我歡心；而有機會再來吃格仔餅時，再給大家介紹。