629雞蛋仔

营业中

休息中

確罐蝦，我地係食野唔抹嘴嘅拉拉屎戰隊。話說戰士們成日食好西，好易肥，所以就好「健康」咁相約去打波。但返完成日工，已經無哂ENERGY，又想食D 小食，填滿空虛嘅肚腩先開波，就黎咗呢間雞蛋仔….屎橋(青)戰士：口感夠脆，唔會淋到好似毛巾咁。味道正常，唔係特別好食。整體都有7/10。屎DUM(黑)戰士：一……陣風咁，食完好似無食過。5/10分算。無野講。屎MON(紫)戰士：係囉。食完好似無食，空氣感太重。但因為即整，皮係好脆，支持小店，見到有好多其他特別嘅味，都可以試下，但價錢黎講有D 貴。嗚嗚……而家食雞蛋仔都無錢，要募捐，成立個扶助肚腩成長基金呀。整體有6/10分。屎女人(黃)戰士：即整夠熱夠脆，但個蛋漿唔係太得。我覺得雞蛋仔要外脆內軟，有一定咬口。但D個完全無咗「軟」果部分。圖中見，雞蛋仔入面好似空的，一半嘅蛋糕都無，即係得個脆字。比較好嘅地方係有D雞蛋味。整體有7/10分。拉拉屎戰隊CONCLUSION：支持小店，都可以試下，但真係預咗食陣風…

之前食過幾次，多數都係食原味，好好味！今次比「2018年嘔心之作-烏龍茶蛋蛋」吸引，決定叫呢款！即叫即製，外面好脆，內裡軟軟！茶味好濃郁，有驚喜！下次要試埋烏龍茶格仔餅

成日聽人講呢間雞蛋仔好好食咁就今日一於自己黎試吓因為想同媽咪雞蛋仔比較下所以就叫咗個朱古力粒粒雞蛋仔其實當佢整嘅時候已經聞到好香真係好吸引但係整咗出嚟嘅時候 拎上手聞到好香蛋味同朱古力味試咗入邊雞蛋仔粒粒都好飽滿真係好好食啊我哋初初嚟嘅時候都唔多人排隊再返轉頭行過就真係好多人排隊啦見到鋪頭貼出嚟嘅嘢都幾風趣依間小店真係好有heart佢其實仲有好多嘢啊格仔餅芋圓嗰啲都有得食大定可以下午黎買 就唔洗排咀耐隊啦

👧🏻好中意食呢間雞蛋仔。👧🏻因爲好中意飲烏龍茶而簡咗佢個呢個味🍵，佢嘅烏龍茶味突出之餘又唔會搶咗雞蛋仔應有嘅蛋香👀😇淡淡嘅烏龍茶香瀰漫係個口度，外脆內軟，超級好食😆😍加上佢唔會好似其他店嘅雞蛋仔咁，外表太脆，裡面無咗應有嘅香軟度！🙃欣賞老闆一個人努力一手一腳打理小店，而且為人風趣😂-One of 👧🏻’s favourite egg puff in town! Egg puff, also known as egg waffle and bubble waffle, is a spherical egg based waffle popular in Hong Kong.😍 👧🏻 picked the new oolong flavour.😆 In general, the egg puff was crunchy at the surface and soft in the inner part.😋 It’s definitely a quintessential staple of comfort food in Hong Kong.

成日經過呢間629雞蛋仔，一直冇機會去試試，咁啱今日有時間，佢剛剛開門冇耐，見唔洗等，買左個原味雞蛋仔試試！點知個味道極淡，冇咩蛋香味！一點也不脆，仲要係淋！勁失望！冇下次

朋友之前請過我食依間雞蛋仔，已經凍晒，不過食落都唔會太硬，仲有少少脆，今次終於有機會熱辣辣咁食喇～雞蛋仔口味選擇都幾多～特別d 嘅係烏龍茶、紫薯...仲有粟米？決定今次食原味～其他朋友叫左格仔餅同炭燒咖啡蛋蛋格仔餅係朋友極力推薦，不過食完lunch太飽冇食到一底分左兩個紙袋，好厚身好吸引另外試左朋友一粒嘅炭燒咖啡蛋蛋，好香咖啡味，食落都有淡淡ge 咖啡味道，唔錯，幾特別自己嘅原味蛋蛋真係做到外脆內軟脆得黎唔會“界“口，不過我覺得入面太Lum，冇咩口感，以前食開o個d 打開中間會有粒野o係度，依款冇另外味道有d 淡，唔夠蛋味下次應該會試下其他口味／格仔餅～

雞蛋仔的味道和款式愈來愈多，但小店一旦名氣爆登時，質素都會趨向粗製濫造。鍾情於oreo，久未再來629，決定一試。原以為是將oreo打成粉混入蛋漿，老闆卻將oreo小塊逐粒放入模格，光是這份心思都難以媲美一般連鎖小食店的街頭小吃。$24一底雞蛋仔貴唔貴？字面睇的確有點。不過細想這十數載的通漲，尤其是租金，老闆花的時間和心思也更見相宜。在新蒲崗，吃的是情懷，也是一份對香港小店的一份敬意。最後，老闆烘了第二底雞蛋仔給我，因為第一底他不太滿意，這，不就是小店獨有的魅力嗎？對質素的執著不只是態度，也是一種味道。雞蛋仔的確是啖啖oreo的濃香，夾著帶點鹹香的芝士味，有點像在吃cheese cake一樣。開始時我太心急品嚐，還未乾透，然後一邊走一邊吃，就剛剛好 — 外脆內軟。好的東西都值得花一點點時間去等，不是嗎？

琴日食完媽_雞蛋仔既粒粒朱古力 超失望 林晒！一食就爛晒今日即刻去番呢間買 特登揸車都要過嚟食！朱古力Oreo !次次食都係咁好食 好有心機整 仲要逐粒落Oreo餅！真係好好食 脆卜卜入面又足料！👍🏼👍🏼

來到新蒲崗見到有一檔雞蛋仔好多人排隊， 仲多人過去斜對面嘅摩呀，二話不說，即刻同老公都照排。 多人排嘅嘢多數穩陣，今次都不例外，佢嘅夾餅冇令到我哋失望。629夾餅畀出面食到嘅厚一半，正正因為佢咁厚，佢外脆內軟就好突出 ，熱辣辣、外脆，裏面軟綿綿真係好好味， 平時食夾餅通常會叫佢多醬，今次因為想試下佢原本嘅味道，所以冇叫到多醬，由於我係好鍾意食醬嘅人，所以我相信多醬嘅話會仲好味。19蚊一份，下次 黎開新蒲崗，一 定會再食！！！

今日路過突然間好想食雞蛋仔見到有新出呢嗰嘔心之作烏龍茶味雞蛋仔，所以就揀左呢款黎試啦一人老闆真係唔簡單，又要接order，又要整雞蛋仔同埋格仔餅一腳踢真係辛苦。未食之前就已經聞到哩個烏龍茶味，好期待呀烏龍茶味係夠嘅，又夠脆同足料，唔會話入邊係空氣不過反而蛋香就少左啲喇下次想試下格仔餅，見佢好厚實，仲一底分兩個袋添，好抵食咁呀！

脆過三十三層方塊酥🤣🤣訓到差唔多三點先起身，食個鷄蛋仔止肚餓😂去左新蒲崗食629鷄蛋仔，其實好多年前佢啱啱開張我都買過黎食，不過中學生冇咩錢買小食所以之後都冇再食過。佢對面街開左間摩豆鷄蛋仔，見到多人排過呢間☹希望多d人支持小本經營，我唔想呢d細舖執笠，以後去到邊都係食連鎖店😂等左唔算好耐，鷄蛋仔超級脆😂大力d拎上手已經分開一粒粒。紫薯份量好多，每粒都好似張圖咁，食得好飽😂

我因為一路向前行，一路見到人手拿住份格子餅/雞蛋仔！遠處已陣陣飄香，令勞碌左一日的我即刻醒神~跟住就周圍去找它，究竟哪裡走出來😂想不到原來在一個相當不顯的位置，商場口，小巴站旁！平時途徑都會被車遮蓋了，再加上我來去匆匆，真的沒發現🙈!由於店鋪不大，剛好一個人可走動，旁邊又有好多 fans在守候著，我也乖乖地在一旁等著！見到店主一個人在左忙右忙， 大汗叠细汗也沒多大的閒情和客人談話， 開始會以為他有點惡但其實我錯了，他只是忙，沒其他意思因為在輪到我時，意料之外地體貼地告訴我，要打横放，會好 d! 哈哈哈~~thanks uu我要了一個芝士格子$22是超抵的 size .... 大大份塗滿足料醬汁，還外脆內軟！大愛呀😍我未試過食甘大份又脆軟的格子餅！👍大家途徑真係要試試~可能會等耐少少，但值得！一定要試😘

由細到大都好鐘意食雞蛋仔同格仔餅嘅我，一見到、一聞到、都會情不自禁就想買嚟食，真係好老實，今次都係純粹路過㗎咋。見到有個人等緊，又無整定放晒係度，一定要試，新鮮即整最啱我，話比你知，識食一定係要即整即食，唔係講笑。LEE間舖頭仔嘅雞蛋仔真係掂，第一次幫襯必選原味，等一陣都係抵嘅，好夠熱，好香，好脆，粉漿唔厚，口感非常好，好食到唔停得手，係九龍區食過好多間，LEE間真係無得輸，一粒接一粒唔停得口，正！老闆一定有秘方，舖頭出面有張招紙，竟然係可以批發粉漿，唔知自己買返屋企整，會唔會整到咁好味呢～

好多時都唔少人排隊雞蛋仔同夾餅味道唔錯，而且食落脆口不過人既態度唔好，個老細大口氣，阿姐做到燥燥地，我會幫襯斜對面個間，又係要等，不過一樣好食，人地起碼有HEART好多先啦

超厚份量格仔餅🍯($19)格仔餅拎上手的確份量十足啊下，而且佢地既蛋漿真係調較得唔錯，食落好香蛋味又外脆內軟，要埋多醬就perfect😍。-金莎朱古力醬格仔餅($25)原本對佢好大期望，不過食落一般，明明已經比普通貴成$6，但個醬比得好少而個餅又好厚，個醬就係平時食Nutella既味冇乜特別，整體原味好食得多🤔。-629雞蛋仔地址：新蒲崗康強街28號康景商場地下28J舖分數：8/10(比個原味)