629雞蛋仔

营业中

休息中

原味雞蛋仔 $17雞蛋仔熱辣辣，拎到手會聞到陣陣蛋香🥚質感外脆內軟，外脆部份有啲似食緊蛋捲，內餡口感煙韌，似雞蛋糕🍰雖然聞到有蛋香，但食落冇想像中咁香蛋味🧐不過平心而論，629算係我暫時食過質感最好既雞蛋仔了👍🏻（其實我食過既雞蛋仔並唔多🤫）若蛋味更濃郁，就無敵了！💡仲有記得趁熱食呀！攤凍左外皮會變淋，口感層次就會冇咁豐富嫁啦😋排隊果陣聽街坊講格仔餅都好好食😍下次一於試埋格仔餅🤤

難得不用排隊，當然要一客。一直在糾結，吃雞蛋仔好，還是格仔餅，還是各來一底？真是很難挑。.思前想後，來一底烏龍茶雞蛋仔。即點即製，製作需時，等待的時候在看商家的張貼公告，看後都發笑了。例如: 店主年紀5G，速度只有2G，體力跌至1G。.認真製作，3分鐘後雞蛋仔亮相了。雖然有幾粒散掉了在紙袋內，還好樣貌還不錯👍🏻整體感覺良好。散發輕微的茶味，雞蛋仔有內涵，不是空心的，不hea是吃過最有茶味的雞蛋仔。

新蒲崗呢間的隱世雞蛋仔，三顧草廬終於等到佢哋開舖啦😂嚟咗幾次都冇開，憑住吾放棄嘅心態終於見到佢地有開啦而且因為鋪頭得佢一個！所以製作系需要耐心等待嘅！👌 而小編個日去到又真系比個心出黎等候，所以就冇比老闆臭串對待🤟講返雞蛋仔先！一咬落去oreo份量都佔左一半😚好足料，而格仔餅揀咗朱古力口味配oreo都系好夾！格仔餅外面嘅質地都幾脆，而且蛋香味不俗，推介比中意食雞蛋仔嘅大家可以試下呀！🥰🥰

因為店主夠霸氣而岀名一時既雞蛋仔💁🏼‍♀️ 據說係店主要堅持用3分20秒製作一底雞蛋仔而且態度差所以俾客人投訴。。以前冇人排隊而家就時不時見到有人龍，到底有幾好食呢！原味蛋蛋 ($17) 蛋漿係做得幾香，真材實料，蛋味都好重。食落口感都夠脆但就好似只有脆，但少咗啲雞蛋仔應該有既口感😹 呢個係抵食，但我自己都係鐘意媽咪雞蛋仔多d🤓

呢排經過見到呢間629雞蛋仔大排長龍，仲多左位店員幫手，唔再係one man band，原來係因為雜誌報道完，香港人真係好羊群，我幾個月前黎完全無人排果次無人排我買左底烏龍茶蛋蛋，雖然都幾脆，但咬落去入面係空心，食完覺得似一陣風，空心質地從來不是我杯茶，個人prefer 外脆內軟有咬口果種，而且烏龍茶亦好淡，似食緊原味多d，講真賣得唔算平，呢頭又有幾間賣雞蛋仔，競爭咁大，呢個價錢有大把選擇，要排隊就真係免了。

629雞蛋仔，已經第四次幫襯，次次都keep住有人排隊🤣🤣之前見佢都係一腳踢，所有野自己搞，今日見到多左位女士幫下手，佢應該可以無咁cher😌老細依然keep住對工作果團火，非常認真製作，態度keep住一般🤣🤣🤣有客人對佢既態度有所反感，買都唔買頭也不回，當然老細頭也不抬，完全比我感覺係無所謂，多佢一個唔多少佢一個唔少咁款😂😂😂始終佢係賣食物，又真係唔係賣服務，佢咁有性格會令人更易記得佢既雞蛋仔，同埋都係算一個賣點掛！？🤣🤣🤣之前試過栗米蛋蛋，好好味好出色☺️之後試過芝麻蛋蛋，呢個一般無咩芝麻味～今次友人想試芝士蛋蛋，老實講，比我預期差😅我以爲會拉絲🤣🤣🤣不過真係諗多左，但無拉絲不得止，連芝士味都唔算濃，應該只係蛋醬裡面加入左芝士，我又以為雞蛋仔入面會有一舊舊芝士係到，但係係無既，的確有少少失望既😅不過我都會再黎架！！最多食返栗米蛋蛋囉😍😍😂😂雖然佢好有性格，講野又直又倔，雞蛋仔亦唔係平，但就係唔知點解每次黎都會想食，呢個係咩吸引力呢！？🤪

2019年4月20日星期六今日夜晚去附近工業大廈有活動所以你在附近食飯。未到食飯時間有啲口痕所以喺OpenRice睇吓有咩好嘢食見到有唔少好評關於呢一間雞蛋仔格仔餅店。專登走過來試吓排隊嘅人數都唔少。當然抱住唔執輸嘅心態都排隊試吓上網見到話呢一間店嘅老闆態度唔係特別好，我自己就覺得都幾有禮貌不過又真係幾有個人風格。嘢食嘅款式都幾多淨係講雞蛋仔同格仔餅都有唔少味道嘅選擇唔錯。本身排緊隊都唔知想食乜嘢好突然間聽到老細問有冇人要格仔餅。原來格仔餅排隊嘅人數比較少我見到唔使排隊所以即刻試吓。嘢食未到手都見到塊格仔餅幾大塊格仔餅非常厚身。味道唔錯幾有口感都值$20底。下次一定要試埋雞蛋仔

睇到報導新蒲崗有間小店，老闆堅持每底雞蛋仔都要用3分20秒時間製作，一直相信「只要認真製作，簡單的食物都可以好好食」嘅我，一心前來會一會這底雞蛋仔！小店位於新蒲崗康強街地舖，舖仔細細，舖面大大隻字寫著店名「629雞蛋仔」（題外話：629是六七十年代的call 台代碼, 解作「不見不散」, 睇來老闆都幾浪漫）可能由於報導剛出街，小店長時間都有條小小的人龍，老闆亦門外貼告示，寫明自己已經50歲，記憶同行動力都有不逮，希望各食客多多包涵。或因這樣，每位食客都十分耐心等候！店內只有老闆一人，落單、收銀、製作都是由他一手包辦，食物基本上只有各種口味的雞蛋仔及格仔餅，但製作相當講究，每底雞蛋仔落蛋漿前，會用溫度槍探探溫度，確保夠熱；又會將烤板傾斜45度落蛋漿，務求均勻散落每格；每底經過3分20秒的烤焗後，必定先放至冷風機下，令雞蛋仔外脆內軟。今次試了芝士蛋蛋($22)，芝士味不算十分濃，所以不會搶走蛋香味，多吃兩粒後亦不會有膩的感覺，整體十分好吃！

話說同老公食完dinner返屋企途中，路過間鷄蛋仔又幾香，就買返個諗住一路行，一路食住返屋企。睇下個餐牌，原來都幾多選擇下，就叫咗個一份Oreo朱古力同一份粟米。個朱古力唔算好甜，啱啱好，Oreo餅碎脆卜卜，粟米就香甜，好香粟米味，粒粒粟米食落口感覺好得意。土瓜灣區賣雞蛋仔嘅地方有好多，而且大部分都hea賣，無乜款可以選擇，呢間都可以叫做多D選擇。不過連價格都唔hea, 比普通雞蛋仔貴一個double ,如果路過的話可以一試！

係某個雜誌見到呢間小食店既報導，然後見到朋友大推，即刻叫佢帶我黎試下。不過地點真係有啲遠，平時唔係住呢頭真係唔會入黎。黎到見到有條小隊排緊，得老闆自己一個，落一個單先整一份，所以等左一陣先到我地。朋友點開格仔餅，我地就叫一份一齊share。老闆好好人，幫我地切開一半，一人一個紙袋。一攞上手，格仔餅熱辣辣，隔住個袋都聞到蛋香。個面烤得好均勻，成件野都好靚。影完相，即刻咬左啖。朋友無呃我，真係好重蛋味佢話呢個老細不惜以本傷人，落真蛋漿，我都load左陣先明係讚緊佢🧐。個格仔餅外脆內軟，仲要入面好煙韌，加埋花生醬，真係無得輸，好彩佢離我屋企遠，如果唔係一定成日去食🤣🤰🏻，但下次有機會，一定試下佢個雞蛋仔。

報導一直有說這間雞蛋仔，老闆以本傷人，不惜用更濃的蛋漿，更長的時間製作每個雞蛋仔。星期日排了約二十分鐘，等到了熱哄哄雞蛋仔。只叫了原味，想更能真實地嚐到他蛋漿的味道。外表滿意，雖然會有點小氣泡令外榖不能完全光滑，但問題不大。吃第一口，其實有點失望，它居然空心的，只剩下脆脆的外殼，說好的以本傷人去了哪。幸好吃到底也能找到外脆內軟的實心雞蛋仔。的確能吃到比一般更濃厚的蛋漿味，雖然只剩下數顆。相信老闆能將來更能掌握每顆雞蛋仔的均衡度，下次會嚐嚐它的特厚格仔餅！

不知所謂！講到咁有誠意都只係宣傳技倆，賣成$17一底，點知一d都唔脆既，咬開重係空心添😞非常失望！講真龍記都重平又抵食過你，又唔洗排隊，大家都係做街坊生意，食過就知點擇啦～

雖然佢叫做629雞蛋仔，但我基本上黎親都係食格仔餅佢既格仔餅係特厚個種，配上小小牛油，大量練奶同花生醬，咬落去外脆內軟，omg好食到暈，我通常都打橫咁拎住食，因為每一滴醬都唔可以浪費xdxd629雞蛋仔，我都食左好多年，直頭係元老級古早fans, 由細舖食到搬大舖仲開埋分店，有次佢冇開食左隔離另一間，又乾唔知點咁，都係629最好！同埋大叔好健談，有次佢分享呢，冬天同夏天因爲人既味覺敏銳度唔同，所以冬夏配方係唔一樣！簡直係格仔餅大師xd又:最近食左一間好出名仲要排隊既格仔餅，我食左兩啖掉左，背叛大叔係冇下場嫁哈哈哈xd又又: 個個問新新蒲崗有乜好野食，我必推629，年中都唔知介紹左幾多人黎，不過真係冇收俑嫁

When I was little, egg puffs only has one flavour. The success of 媽咪雞蛋仔 and other stores motivated store owners to invent more and more interesting combinations of egg puffs flavour.Trying out the OOLONG TEA egg puff which is highly recommended by social media users.The price $23 is relatively affordable than the stores in CWB or MK.The scent as well as taste of oolong tea ☕️ is not extremely strong so anyone (even you cannot fall asleep after drinking tea )can try it out.But for me, I wish the t

確罐蝦，我地係食野唔抹嘴嘅拉拉屎戰隊。話說戰士們成日食好西，好易肥，所以就好「健康」咁相約去打波。但返完成日工，已經無哂ENERGY，又想食D 小食，填滿空虛嘅肚腩先開波，就黎咗呢間雞蛋仔….屎橋(青)戰士：口感夠脆，唔會淋到好似毛巾咁。味道正常，唔係特別好食。整體都有7/10。屎DUM(黑)戰士：一……陣風咁，食完好似無食過。5/10分算。無野講。屎MON(紫)戰士：係囉。食完好似無食，空氣感太重。但因為即整，皮係好脆，支持小店，見到有好多其他特別嘅味，都可以試下，但價錢黎講有D 貴。嗚嗚……而家食雞蛋仔都無錢，要募捐，成立個扶助肚腩成長基金呀。整體有6/10分。屎女人(黃)戰士：即整夠熱夠脆，但個蛋漿唔係太得。我覺得雞蛋仔要外脆內軟，有一定咬口。但D個完全無咗「軟」果部分。圖中見，雞蛋仔入面好似空的，一半嘅蛋糕都無，即係得個脆字。比較好嘅地方係有D雞蛋味。整體有7/10分。拉拉屎戰隊CONCLUSION：支持小店，都可以試下，但真係預咗食陣風…