ABC Kitchen

营业中

休息中

位於上環皇后街熟食街市，原來隱藏了一間專業級夠地道的西餐館，因此吸引不少外國客人來光顧，看見顏色鮮豔的紅白格仔布，就是許多人慕名而來的ABC kitchen，建議可以提早book 位，order定想吃什麼菜色，免得walk in 撲個空！我們4人order 左枝白酒，味道帶少少甘，以女仔來說都算易入口的～先來頭盤凍食，海膽夠新鮮，生蠔夠肥美，鮮甜，不俗香煎鵝肝配蘋果醬，本身對鵝肝的愛好程度一般，感覺好漏好滯，而帶酸甜蘋果醬可以中和一下香蒜欖油炒青口，青口夠爽口彈牙，再用法包沾汁食，醬汁幾香幾開胃香煎魔鬼魚伴牛油汁，魚肉夠滑夠香我大力推介西班牙燒乳豬，乳豬燒得香口脆卜卜，內裏仍保持嬾滑，足見大廚的廚藝功夫😋安格斯肉眼扒五分熟，略嫌食材牛肉味不太出，一般甜品四重奏，賣相靚，甜度剛好，水準之作推介巴伐洛娃蛋白餅,配埋雜莓及無花果汁，酸酸甜甜，不愛甜點的朋友都搶住食😋

ABC Kitchen 係街市入面嘅平價西餐，標誌係紅色格仔枱布，不過夜晚先有，中午去係普通枱，無鋪枱布。咁耐以來去過兩次，隔咗成兩年，今日再來幫襯。午餐有5 sets - ABCDE，大約五六十蚊一個餐，包嘢飲，凍飲無須加錢，餐湯加$15。我點咗A餐 $48- 白汁雞肉意粉 - 白汁傑傑哋，味道唔錯；意粉有咬口，正，我唔鍾意淋滋滋嘅。- 凍檸茶 - 糖水自己加，甜度自己較，nice！而家公司近咗，有機會會再來食午餐。晚餐就未必啦，價錢同出面餐廳差唔多。

We came to ABC once last year and ordered the roast suckling pig, as you do. I don't exactly remember what else we got but the pig stuck out as something we would return for. Fast forward a year and we did return for the pig, this time with my Chinese father in-law to whom we wanted to show some special Western food. I'm not sure if this place started cutting corners or if it just wasn't as good as I remember it being, but at $250 per person I really expected to be blown away, or at least fully

同事知我喜歡食 egg benedict, 說有一地方的 egg benedict 超值，原來指的是皇后街街市的ABC Kitchen。第一次來這裡午膳，雖說是街市，但地方尚算乾淨，亦夠光猛。找了張兩人摺枱，員工把餐巾及餐具放好，堅持西餐廳的做法，值得欣賞。午市只有5個餐選擇，點了 egg benedict 及南瓜意大利飯。加了10元要了餐湯，普通忌廉湯一碗，味道正常。輪到 egg benedict，蛋處理得恰到好處，切開時蛋黃汁流到鬆餅上，蛋香略淡，不過加上煙三文魚食則剛好。至於南瓜意大利飯，南瓜加了些芝士及牛油，清甜中帶點鹹香，只是整個飯除了少許沙律菜外並沒有其他配菜，味道雖不錯但“寡”了些。這裡一個午餐才50-60元，這個價錢食材固然不是上價貨，但整體烹調不俗，想以親民價食西餐，絕對可選此處。

新年前食團年飯呢d大時大節，唔想同人迫，家人又睇過有關呢間餐廳嘅報導一直話想試，一於book位去食ABC啦！入到熟食市場見到紅白格仔枱布就係ABC嘅標記，晚市只有a la carte menu，先嚟每人一個餐包，暖暖嘅麵包充滿香草味，為呢餐帶嚟一個好開始！我地四個人，前菜揀咗兩份香煎鵝肝同西班牙辣肉腸炒蜆，鵝肝加包食幾時都係咁夾；另一道前菜，反而有d驚喜，辣肉腸唔算多，但幾鍾意個帶d酸嘅醬汁，加埋一粒粒似珍珠又有咬感嘅意粉粒，呢個前菜幾特別！主菜梗係揀大家都推介嘅西班牙乳豬啦，仲有牛同魚(忘記咗係邊種魚)，乳豬外皮烤得好夠脆，咸香伴住薯蓉一齊食，係好味嘅，牛都ok，唯一係個魚有魚香但湯汁比較清淡，我都係鍾意西式煎魚多D！甜品揀咗蛋白餅同creme brûlée，前者嘅什果顏色睇落賞心悅目，酸酸嘅醬中和甜甜嘅蛋白餅，食落幾清新，而creme brûlée亦有水準。喺熟食市場食西餐感覺比餐廳輕鬆d，每人二百幾食到咁多嘢，算係超值啦

2016年仲有2日便正式劃上句號，今日係今年上班最後一天，適逢朋友去完旅行拎手信比我順便食個lunch，就同佢黎左ABC嘞！ABC開業已經好幾年，我都幫襯過幾次，當初標榜係酒店級大廚上到黎街市開業，菜式亦夠特別（係呢頭黎講)，唔睇環境以為自己真係去左高級餐廳開餐所以每逢午餐時間都好受歡迎！是日餐牌，有5款不同選擇，其實日日都係差不多，以前叫一個餐未必夠好飽，可以係份量岩岩好，於是今日2個＂女＂人叫3個餐A餐- 好多呑拿魚肉，配上濃濃的芝士，入口好creamy，味道剛好，感覺不會太＂溜＂。E餐- 好有層次感，面層芝士，跟著流心蛋，咸三文魚，鬆軟面包；一切開蛋黃汁已經漏哂出黎，我最鍾意將d面包索哂d蛋汁一齊食，蛋同面包都比較淡口，配上咸咸地既三文魚就恰到好處了B餐-餅底又薄又脆，配上什菌芝士一齊焗，面層仲曬左幼鹽同芝士粉，不過因為全部都係茵，我呢d食肉獸就麻麻地了

今天是冬至，因晚上食中式，午餐想食西式的。過了午飯時間，二時許到了上環的ABC西餐厅上環是個寻找美食的好地方，很多好味的小店藏在這小地方。我喜欢食午後時間，人流小一些，易揾位，而且廚師有更多時間做菜。因今晚將大食，中午只可輕食。我和内人就選了今日午餐。包括了磨菇湯，南瓜飯，班来滴。磨菇湯我给了7分，因为不太水。不過要外加十元。南瓜飯是用意大利米，味濃，中上之作。班來滴合格而已，不大推介。以性價比是可以接受，中上質素，五十元左右咖啡就是平淡一点，可以更好。希望今年好，下年更好

在上環荷里活道附近上班，lunch除了去太平山街/荷里活道附近的cafe或西餐外，其實選擇不多價錢不便宜，所以大部份時間只係叫外賣，最近竟然比我發現上環皇后街熟食市場的ABC Kitchen,lunch價錢平宜又好食，搞到我每禮拜都起碼朝拜一次。Egg benedit ,味道還可以，適合當天light lunch.紅菜頭risotto , 米熟度剛好，不軟不太硬，紅菜頭味也fresh ,無偷工減料只是$53，no complaint或簡單來個吞拿魚意粉也不錯$42在Facebook post 了幾天相，朋友也忍不住叫我帶她去朝聖，來一個TGIF dinner. 7pm walk in 到達差不多full booking , 枱巳被幾班外國人訂了開party 很熱鬧很有氣氛。我和朋友點了一客合桃無花果沙律，青口，西班牙燒乳豬(suckling pig)和mushroom 湯。湯味道很香入口蘑茹味濃，麵包也不是一般貨色。西班牙燒乳豬原來係ABC 的signature dish,新鮮即做皮很crispy,肉質有點厚但可接受，配上紅菜頭做配菜也可balance肉的油膩感。食飽了見傍邊的點了這

見open rice好多人讚話好食，一行五人去試下，好彩全女班，而其中三位食飯之前已經食咗小食，否則回家要食杯麵 😂，因為碟頭偏細，味道麻麻，價錢偏貴，又冇小食，喺主菜入面揀咗三样(因為其他冇乜興趣)，雖然只係喺街市熟食檔入面，但服務好好，服務員好有禮，不過地方比較嘈雜，如果三五知己要傾偈，就要大聲啲講，否則聽唔到 😅

多年前隊長都有幫襯過ABC既晚市，甘又真係幾抵，同埋水準唔差，家陣係上環返工，午市再去幫襯下，嘩！無諗過午市仲抵食！午市就無佈檯布，而且都係ABC餐揀，不過就有齊意粉、意大利飯、pizza你揀，ok啦，唔會揀唔到。隊長叫左個pizza食，佢唔係好大個，同埋係薄脆批，一個女仔都肯定食得晒，入口都幾辣口，真係即焗的，餅底鬆脆，莎樂美腸唔算多，勝在夠熱，芝士熔到一咬開會一絲絲甘，芝士控超愛，$53包埋野飲係絕對抵食！同事叫左三文魚egg Benedict 同肉醬意粉，我都偷食左一啖，egg Benedict 賣相唔錯，不過食落就差dd，個醬稀左d，撈埋個蛋食時就點障礙，至於個肉醬意粉就最普通，無乜特別。最貴個午餐都係$60，而且水準唔差，真係抵食到暈！

中秋節，一人午膳，走到久仰大名的ABC kitchen 試一下。場內外藉人士不少，枱上水杯和餐具整齊放好，我真的身在街市熟食中心？粟米忌廉湯Lunch Set 加10元的湯，沒有一般西湯的濃厚，粟米香氣亦淡薄，不禁懷疑自己有否中伏。唯一可取之處是熱騰騰。雜菌意大利飯驚喜之作！熱騰騰奉上，難得飯粒不會過淋，有點生米感覺，正宗。醬汁不會過多或小，蘑菇香氣充足，不會過鹹，吃得出是不太靠調味料煮出來。雜菌份量足，整體質素超過不少索價過百的餐廳，這裡只收$53，超值！上環飯堂之選。

一大班朋友，差不多每個月也有人生日，所以每次到那裡慶祝，也是一個幾頭痛的問題（因不想每次也到相同地點），今次有人提議食西餐，另為了遷就在香港區工作的朋友，所以今次便選擇了這裡。食物選擇不是太多，我自己就選了西班牙燒乳豬配薯蓉及紅椰菜（$178） ～豬皮非常脆身，配埋薄薄的肥膏，也頗香口，惜味道偏鹹及肉質較嚡。老婆則點了香橙鴨脾伴榛子茴香沙律（$198） ～ 外皮烤得脆口，肉質同樣比較嚡囗，反而伴碟的沙律做得幾出色，沾了那香橙醬汁的沙律菜甜甜帶微酸，配搭這帶濃口味的鴨脾很是得宜。榛子醬就吃得多了，原整的未經處理過的就未試過；卻原來是很脆口美味的。今次的水準比以往的稍降，希望下次再來時狀態回勇吧！朋友，生日快樂！

同事介紹話好多人，外國人都嚟食，成個場佔上三分一嘅檯都是這店，點都要試下吧，打電話訂座時，粗聲粗氣，問我想訂幾點，咁就六點半，佢先話好，無問題，但點知就收線時，就話 “我地開七點，唔好咁早到“，勁攪笑，點解唔同我說開七點呢。。。一坐低睇餐牌，預咗貴，但確實有些離地，熟食市場環境，收大酒店價錢，二百元一碟主菜，五十元一個甜品，卅幾一杯啤酒，不包任何湯，咖啡，奶茶，全部另加錢。食物算好味，乳豬皮非常脆，薯仔，紅菜頭，配菜亦調味甚佳，羊架是靚料，食落沒有任何筋，不會食到有渣，七成熟要求，廚師亦做到，甜品，意大利芝士餅，好味道，比UCC更好多，（上次UCC好難食）但真係好嘈雜，兩個人五百元都唔夠找數，以環境地點，價錢確實離譜貴。

見好多人推介, 同男友放工後專程嚟試下呢間街市中的意大利菜!! 我地order 咗一個沙律同兩個主菜, 見佢可以BYO 於是我地自備咗枝甜酒, 一坐低請waiter 幫我地雪住先, 食到咁上下先飲, waiter 幫我地開埋枝酒, 仲好有禮貌添! 不過另一個waiter 就做到黑哂面... 🙊甜菜頭伴山羊芝士火箭菜沙律$88講真, 客沙律用料雖然新鮮, 但份量真係好細, 唔值$88...香橙鴨脾 $198個汁甜甜酸酸好開胃, 可惜煮耐咗, D 肉頗韌, 其實隻鴨脾係咪應該𠝹兩刀先拎去焗? 西班牙燒乳豬 $178全晚最正係乳豬, 不愧為招牌菜!!!! 皮脆肉嫩, 脂肪分佈均勻, 個汁唔會太濃, 紅椰菜酸酸甜甜好好味, 薯蓉好重牛油味~~~ 整體來講, 呢個質素同價錢真係一般而已, 如果個鴨脾冇失手都可能會再來嘅, 可惜...... $4xx 兩個人應該仲有好多選擇.......

偷得浮生半日閒，洗牙前黎食我至愛的其中一間餐廳！加$10要了mushroom soup,不是味精湯，飲得出是用了很多菇菌煲出來的，及咬到很多菌碎，值得一讚。難得這裡的egg Benedict 不貴！坊間閒閒地都$90+，而這只需$60!伴碟的沙律菜都很新鮮。hollandaise sauce 微酸！夠正宗！正！其他餐廳不知是要引合香港人口味或是甚麼，hollandaise sauce 都不會做到酸酸的。煙三文魚沒驚喜。面包烘得夠脆。水煮蛋絕對合格。I definitely will come back for the value for money egg Benedict!