Aldou Cafe (已易手) 新餐厅

去完圖書館，行多兩步就見到呢間餐廳。環境雅緻，燈光柔柔，氣氛浪漫。餐廳推出左青口放題優惠，每人只需$188，就可以任食兩款青口同薯條，包埋一份主菜及飲品。大力推薦羅勒白酒忌廉煮藍青口，海鮮鮮味同白酒融為一體，味道香濃，尤其係個醬汁真係相當唔錯，入口完全唔會覺得腥。第二款係意式茄醬煮煮藍青口，入口有茄香，醬汁較濃稠，味道酸酸地，較開胃。而且餐廳出手慷慨，青口份量十足，上菜又快手，鐘意青口既朋友切勿錯過呀🙉每顆青口都沾滿醬汁，味道濃郁。粗身既薯條，十分香脆，蘸上茄汁後更美味。澳洲肉眼扒配燒汁，嗌左7成熟，有薯容，翠玉瓜等等既配菜。牛味濃郁，口感軟稔，不錯。香茅鱸魚配西柚檸檬汁，魚肉滑嫩，上面有幾塊西柚，味道幾特別。

之前都黎過食dinner感覺味道都唔錯 係我隔唔中都會去既一間Cafe～但今次自己一個係元朗想食意大利飯 於是就再次入黎呢間😗佢個lunch set 香煎蝦肉黑松露忌廉意大利飯$72🍽my favourite係黑松露～～～淡淡既黑松露味溶入個飯 一d都唔濟 ！蝦肉肉質夠彈牙 成個飯都好好食 個人黎講係好滿意～個凍果茶係芒果mix菠蘿 又唔會太甜 好fresh 🤣唯一個餐包好硬 作為餐包愛好者就有d失望 個湯就無乜特別 係粟米湯～

服務非常之差，早前食過，D食物尚算ok，但就要等好耐，唔吹個沙律都唔尼。心想今日係附近同女女行完街，不如去食番個tea啦，女女非常之開心。约下午4點半入去，我同女女好肚餓，即時落單等食，點知等到5點就全店員工落場食飯。嘩!佢地好似當D客透明，見我地張枱空空如也，連叫咗兩杯飲品都未尼，心不想莫非要等佢地食完我地先有得食。個女餓到暈，追問ㄧ下店員，佢地話要等ㄧ等，係機度checkㄧ大輪，先至話唔記得落單，最後ㄧ肚氣走人!

我已經唔記得食過幾多次Lunch同dinner 餐牌差唔多，但lunch平好多叫左個all day breakfast 好大份炒蛋炒到好滑，蜜瓜又甜，薯餅都好好食。Lunch食牛扒好抵，百幾蚊，仲好大塊，塊牛扒煎得好好，脆肉瓜都好好食，d肉好軟好多汁仲有豬扒，聽落好hea，但廚師煎得好有心機，連個邊邊都有煎埋，又夠厚上面仲有好大塊菠蘿仲有炸魚薯條環境都幾舒服可以得閒經過食下or同人下午茶通常都有位 同埋唔會迫人走可以坐好耐

今日見距地轉左新餐牌，下午時間做完工作就去食個甜品同飲杯啡舒緩一下今日工作壓力，點左個waffles ，好colourful ，賣相好吸引，而且香蕉同朱古力都係我至愛，加上手打鮮忌廉同士多啤梨😋😋，咖啡我比較鐘意飲flatwhite ，而如果大家都係元朗飲開咖啡，有質素既只有幾間，呢度係其中一間距既咖啡豆岩我口味，之前係元朗三聯的cafe也不錯，咁就hea左一個下午，回家再努力工作💪🏻💪🏻

上網見到有人推介呢間野，所以用openrice訂了座1800，訂座二人餐係有八折架，跟住我睇完戲去食竟然話取消左我訂座，因為打唔通我個電話，okay可能戲院收唔到，但係我無見到你有寫過一定要聽你地電話如果唔係就會取消booking囉，如果唔係我一定戲都唔睇等你電話啦！我已經唔太想食呢間野架啦，但朋友堅持想試下，咁無計啦，我地唯有大熱天時坐出面了，一路食一路有人行過，用同情既目光望住我地幾個傻仔，我諗係因為佢地都知呢間野幾難食😖咁我地就叫左個二人餐，因為有八折嘛，但原來呢佢個menu咁樣但佢係計原價438再八折，真係識計數呀，食完佢啲咁既野，再睇到張單咁計真係嬲到震首先黎左個蕃茄湯同餐包，餐包正正常常，個湯就好酸兼且好似飲緊嘔吐物咁🤮，飲完個湯，對接下來既食物開始感到不安...跟住侍應出黎派碟比我地，佢當住我面徒手抹我隻碟，因為隻碟面頭有啲黑色物體...阿小姐你當住我地面咁樣做，即刻無晒食慾，雖然我知出街食唔好怕污糟，但你識唔識換過隻碟或者唔好係客人面前咁樣做😂白酒煮鮮蜆，望落幾好，但試一試個汁，水黎既喂，不過唔緊要，啲蜆夠鮮咪得囉！😂不過啲蜆原來連沙都唔識吐，一食成口沙，之後我就唯有代

之前睇過好多地方，雜誌，網上，都有介紹過呢間咖啡店，感覺裝修很靚，很有特色，係香港好難遇到這種有心思，有設計，又可以坐在外面慢慢享受一杯咖啡，望著外面的景致。 不過可惜就係我未能在中午來，只可以預約到晚上，剛好朋友又想到元朗行下。 有二人餐，晚市二人餐358，未計加一。 有餐包餐湯，每人分配了半個包子，包子有點硬，可能本人不喜歡吃硬包子。餐湯好味，夠濃郁，香香的粟米味。 前菜我地叫左份牛油果蕃茄軟芝士沙律。清新又健康的沙律菜，牛油果就比較熟，份量二人還可以。選擇一，意粉/飯，我們點了一份 無花果巴馬火腿忌廉意大利飯，煙煙韌韌的意大利飯，很有口感，香滑忌廉味，還有我至愛的火箭菜，那兩小塊的巴馬火腿食落是高質的，香濃肉味，一個人吃都應該飽嘅。 另一個主菜叫了，香煎焗鮮加州鱸魚柳，虎蝦配羅勒醬，虎蝦煎得不錯很香口，不過只有一只二人用，魚柳就比較一般，沒有太特別。 有餐飲就沒有甜品了，本人就選擇了一杯，玫瑰黃金桂，看看是什麼來的先，就是這杯了，因為不想飲凍飲，所以就叫了熱的。

要撐枱腳又有多菜式食其實原來都唔太難呢間餐廳都符合所有期望三百幾蚊有晒前菜餐湯沙律主菜嘢飲又比你慢慢坐唔會趕你走都幾難得我哋就叫咗個餐前菜就有白酒煮蜆加上羅勒葉味道比較清淡但係都好清甜食落都幾肥美又冇沙份量就比較適合兩個女仔食不得不提呢度嘅擺盤真係幾靚呢個parma han飯有無花果啦甜甜的配上橄欖油同埋香草加上沙拉菜爽甜非常開胃配上飯口感及特別同新鮮叫咗個用岩漿嘅芝士汁加上燒烤醬嘅豬肋骨配搭又幾新鮮而且味道好香濃薯條係新鮮炸嘅熱辣辣又香脆鍾意食芝士醬嘅可以試吓最後就叫咗杯冰果茶解暑解喝酸酸甜甜透心涼的感覺兩個人食都唔使＄400

香港生活節奏急促想問個地方好好坐低傾吓計都唔容易就算有都價錢不便宜上網睇到呢間好似幾抵三百幾蚊兩個人餐個餐有前菜有湯有主菜有嘢飲完全符合晒兩個人拍拖需要嘅嘢食掂入邊嘅環境好有情調而且好舒服好適合兩個人談心而且室內裝修非常舒適尤其是欣賞佢哋嘅燈飾設計睇得出每個地方都有落心思設計個餐都未到唔錯唔會好水咁鍾意食呢隻餐包外脆內軟加上牛油太味美跟住就點左個蜆肉啲蜆夠大隻又鮮甜又唔會有沙而且羅勒味幾香再加上白酒嘅酒香味食落去層次口感都好豐富而且嗰湯汁非常美味呢個芝士豬肋骨芝士迷一定要試真係勁多勁多勁多芝士再加上黑醋沙律簡直係絕配沙律中和左芝士嘅油膩豬肋骨幾入味燒烤醬甜甜地

Weekend同男朋友喺app訂左元朗呢間靚靚café 環境好舒服好文青feel 叫左個dinner set 前菜有個蕃茄湯同麵包 麵包好新鮮好熱辣辣 個湯就麻麻地 沙律個ham同醋都好味 牛油果好軟滑 單骨雞翼都好出色 份量比想像中多 最後有杯flat white點綴總括不錯

之前係去元朗圖書館嘅途中，經過已經見到呢間cafe/餐廳新開張，當時已經覺得佢啲裝修好靚，心入邊mark低咗要搵日黎試吓啲嘢食係咪都係咁正。話說今日再去自修室趕deadline，眼瞓到不得了，突然醒起呢度有間Cafe,於是就決定去買杯咖啡試試佢。入到去發現餐廳細細地但係係星期一夜晚竟然都好多人幫襯，望咗一望咖啡嘅餐牌，價錢唔算平，但係品種都正正常常，唔係嗰啲懶係嘢靚一靚，但係就走晒味嘅呃like咖啡，啱晒真正嘅咖啡愛好者，地點又近近地唔使去到老遠買Starbucks或者捱便利店嘅雀巢咖啡。coffee addict表示好開心我自己就不嬲飲開齋啡，於是就叫咗杯Long black拎走。20蚊，細細杯，咖啡味都好濃，飲得出係有心機嘅即磨咖啡👍🏼 雖然今次淨係試咗佢杯咖啡，但係不減我對呢一度嘅期待，下次一定會再嚟試試佢啲嘢食！到時就share食評啦

元朗上集星期六 慕名而來揾呀香討磚王揀磚，難得入到黎大西北，當然要揾朋友食飯b仔涼粉呢d大路嘢就唔會去食啦朋友介紹2間cafe見呢間menu吸引就揀佢啦去到見到full曬，星期六嘛。。好彩啱啱有人走，有高腳枱嘅位2個女仔，ok啦肥d都坐唔到😂80蚊左右有齊餐湯，麵包同主茶，仲有嘢飲！所有嘢都熱辣辣，嗌咗個南瓜飯同青醬意粉share!幾好味！d相係朋友影，人靚，d相都影得特別靚！如果再好坐d就perfect!環境其實佈置得幾靚幾舒服冇計！土地問題！

好耐無去元朗行，朋友約入去飯局，就入去行下。元朗近年發展迅速，由以前的鄉村變成而家既新市鎮。真係發展快得令人吃驚。以前既人識元朗，可能就係識老婆餅。以往元朗的交通未有高速公路和鐵路時，巿區的居民去元朗要兩小時車程，去元朗旅行的最佳手信就是老婆餅，但現時元朗都變成巿區了。講返正題先，朋友揀左間cafe飯聚，店有分店內同店外坐，店外可以坐到幾張台，台內就有冷氣，但店內坐位唔多，台與台之間都比較窄。店外就無甘逼，岩食煙既人坐。但就無冷氣。如果夏天坐出面就比較辛苦。大家可以衡量下店內定店外坐。我同朋友就選擇店內坐啦。因為怕熱。好啦。坐底後，我地就叫左個由388蚊減到358蚊既2人餐。前菜揀左鮮牛油果蕃茄軟芝士沙拉。都算新鮮、清新、味道岩岩好。餐湯應該係南瓜湯，好濃郁，好味！無花果巴馬火腿忌廉意大利飯。飯軟硬適中，香滑、火腿好好味。夠晒飽肚....香煎鱸魚柳、虎蝦。份量唔大，2個人夠晒食有餘。魚柳煎得幾香口既，虎蝦夠彈牙！未食過甘彈牙既蝦。凍芒果菠蘿茶：夠晒fresh，好有菠蘿味、細細杯甘...唔怕飲唔晒！

唔好睇佢鋪仔細細，望落去其實好養眼，因為裝修好有歐洲小店嘅感覺，精緻優雅。店內又可以睇到廚師主理食物，見到兩位廚師用心專注，唔怪得出嚟既食物質素咁好啦！粟米忌廉湯: 非常好，今日比我知道原來湯唔係要傑，係要香濃。佢既質地唔洗厚厚咁，但係要有足夠嘅香味已經好好，而且飲完唔會飽到食唔落其他嘢。 炸蕃薯條: 叫這個小食時都有啲懷疑，應該冇咩特別啫，但朋友叫我試就試啦！嘩，味道真係好，佢冇薯條咁重質感、咁飽肚，而係好滋味，味道帶點甜。牛油果蝦肉漢堡: 成日食牛肉漢堡都不妨試吓這個蝦漢堡。蝦肉較牛實，但係好重蝦味的，正! 牛油果同埋其他嘅蔬菜配合起黎都點綴得好出色，絕對有佢既獨特之處

朋友生日搵間小店賀賀佢～透過OpenRice book 6:30pm 食二人餐有七折！有驚喜😆粟米湯：味道洽到好處，唔會太膩又食得出好多粟米。白酒煮大蜆：份量唔少，個人唔係太好酒味，但係朋友覺得好好食～😛凍芒果菠蘿茶：好正，因為唔太甜，又飲到菠蘿肉。最緊要係可以走冰，唔會唔夠凍。燒烤醬豬肋骨+芝士熔岩醬：個醬好好味，唔膩！但係雖然個肋骨味道好好，但唔係我鐘意好易離骨嗰款(箍牙妹真係有啲難咬）🤦🏿‍♀️薯條好好食，沙律都好新鮮。帶子墨汁飯(+$20)：呢個係咁多樣最唔滿意🌚整體偏咸。朋友好重口味話ok，但我接受唔倒😿埋單兩個人只係$337！非常抵食！整體非常滿意，一定會再encore～