Aldou Cafe (已易手) 新餐厅

年初2， 好多地方都休息， 約左朋友新年見下就黎到馬田呢間西餐廳， 可能因為大部分餐廳都休息，好full 我和朋友簡簡單單叫左輕食，🐶🐶年唔做大嘥鬼巴馬火腿野菌忌廉意粉（$78）好creamy ~藍莓鬆餅（$42）內面有好多好多藍莓果醬， 但我個人覺得比較甜還配餐飲，可選擇凍芒果菠蘿茶；有機茶或汽水）我地都簡左 芒果菠蘿茶😋飲落好清新

今日同friend一齊行過呢間喺元朗嘅Aldou cafe。我覺得呢間cafe好靚，好有情調，就一齊入去試下呢度嘅嘢。我哋每人要咗一個餐，個餐包括左個餐湯。咁至於餐飲同甜品呢就要其中間一樣啦！餐湯係忌廉粟米湯味道好香濃。我呢就要咗個香焗比目魚，虎蝦配香草忌廉汁配西蘭花同薯仔既餐，呢個餐食落真係覺得又好味又有營養啊！比目魚同虎蝦焗得啱啱好，好入味食落又有口感！是日甜品系綠茶紅豆奶凍，個甜品整得好靚，賣相好吸引，紅豆甜甜地，綠茶味好香濃，好唔錯啊！

今晚來到元朗Aldou Cafe食晚餐， 門口裝飾已經覺得好吸引！仲有一塊大大塊嘅餐牌！是日嘅餐廳係粟米湯 ，味道唔錯，濃濃嘅忌廉湯混合粟米味真係好襯！ 份量適中唔會一開就食得好飽，留個胃比主餐。我既主餐係香煎刺身帶子菠菜醬汁意大利飯， 賣相幾靚，成碗都係深綠色嘅菠菜醬汁撈飯，望落去就覺得好健康啦！平時叫菠菜我都覺得味道一般般，但係呢佢呢個菠菜醬汁配飯就整得十分之好味，上面仲有三粒好大嘅香煎帶子，煎到金黃色咁樣真係好靚，而且味道好鮮味，口感又柔軟，good！最後就係呢個是日甜品，冇得揀嘅，咁佢當嘅甜品呢就係呢個抹茶紅豆mousse ，成個盆栽咁樣好得意， 幾粒杏仁就好似 花瓣跌咗落雪地一樣，抹茶苦苦地，但係配埋呢個紅豆醬甜甜哋就啱啱好喇！

今晚約好左同中學同學食飯，咁耐無見，當然搵返間舒適既黎坐低食下野啦。每人叫左一份餐，先黎餐湯，係南瓜湯黎架，味道濃郁，南瓜香味仲有清甜味道，絕對係當造南瓜既味道。加埋麵包焗過外脆內軟，估唔到麵包都做得唔錯。跟住係鴨肝漢堡包，鴨肝食落外脆內軟滑，比鵝肝瘦一點，而且冇一陣蘇味，所以比鵝肝更容易入口，另外漢堡扒夠多肉汁，芝士夠晒香，麵包又軟淋淋所以食落好滋味，加上粗薯條炸得博博趣，配上沙律菜夠清新，確實係幾吸引。另一樣係虎蝦比目魚，虎蝦非常新鮮，蝦肉食落夠晒彈牙，而且充滿鮮味，比目魚大大嚿，魚皮煎得非常趣，加上魚肉又夠滑溜又夠新鮮，食落仲充滿海鮮嘅鮮甜味，仲有薯蓉帶牛油香味，係有質素嘅西菜。

餐廳環境好舒服一直都幾鐘意去cafe 食飯或者下午茶，因為每一間cafe 都有唔同既特色，食物既味道亦然，即使同一道菜，每一間Cafe會有唔同嘅味道，所以我好鍾意去cafe食飯。你一間及非裝修好優雅，用咗好多唔同嘅燈飾桐花做裝飾，感覺好舒服，背景音樂亦都好柔和，服務員亦都好有禮貌，整體感覺好舒服。晚餐我好多選擇，有意粉、意大利粉、漢堡包、肉眼扒、羊架等等，今晚想試吓佢嘅漢堡，所以我就揀咗呢個芝士牛肉漢堡配薯條。今日嘅餐湯係南瓜湯，好creamy，亦都好香南瓜味，又好滑，唔錯嘅餐湯。鴨肝芝士牛肉漢堡配薯條呢個漢堡包好巨型，非常知足料，鴨肝未到同鵝肝差唔多，味道口感好豐富，鴨肝嘅口感好特別，加上漢堡牛肉同埋芝士，味道一流，而且個麵包好軟，芝麻味亦都非常之香，再加上新鮮蕃茄、青瓜、生菜同埋秘製嘅醬，味道濃厚得來又帶點清新，配搭得非常出色。薯角應該係即叫即炸，又香脆又熱辣辣，沾上茄汁，味道非常好食。連配菜都做得咁認真咁好食，值得一讚。蘋果菠蘿汁果茶果茶唔會好甜，又有一點清香，非常之好用，而且仲有一啲果肉係飲品入邊，清香得來又有口感，必定要點呢一個凍果茶。Aldou cafe 完全冇令我失望，我

一向支持小店我今日去咗元朗食一間西餐廳，一入到去已經覺得好有歐洲風味，枱需然吾多，地方雖然不太大，但係坐滿人嘅時候總有好暖嘅感覺，今日叫咗兩個set,主菜分別係有燒烤醬焗豬肋骨配薯條沙律加芝士熔岩漿 ,同埋香煎鵝肝手打牛肉芝士漢堡配粗薯條( 附送南瓜湯加餐包)甜品係玫瑰荔枝奶凍。潛水分別有南瓜湯加焗麵包味道十分之濃，好香南瓜味，好夠熱， 好快就已經飲曬。豬肋骨芝士熔岩醬，味道好香濃而不太膩， 豬肋排醃製得好入味，一啲都吾un火喉剛剛好，加埋啲薯條連埋芝士一齊食，好有驚喜。香香嘅鴨肝配一啖啖香噴噴嘅牛肉， 蠔油牛肉地嘅安格斯牛 ，連埋芝士青瓜生菜成件事好夾。最後係個甜品，玫瑰荔枝奶凍，一向我不太食甜品我竟然食曬，因為佢個荔枝玫瑰好夾奶凍甜度適中，小小涷凍地入口感覺非常之後。

今日好開心,老公收早!可以同佢二人世界食晚餐。 今晚我選擇左食呢間， 環境浪漫，地點方便， 令人有個好relax嘅感覺。我地每人分別都叫左個晚市套餐，分別係芝士豬肋排和鴨肝牛肉漢堡。另配餐包，餐湯和甜品。餐包好脆同夠熱， 而餐湯係南瓜湯，好鮮甜同好香南瓜味。而main course既芝士豬肋排配埋沙律，食落去唔太流而又香芝士味，豬肋骨食唔到有任何雪藏味, 夠淋身同好入味。 煮既時間掌握得幾好! 而鴨肝牛肉漢堡， 麵包夠軟熟，漢堡扒夠juice,鴨肝又無(聲)味, 真係好啱我口味最後我哋叫咗個玫瑰荔枝奶凍做甜品, 側邊有啲玫瑰花瓣襯托， 食落去好滑，好香牛奶味和玫瑰花味， 呢個甜品真係幾特別，賣相又靚而食落去又唔太甜!兩個人食西餐，埋單都唔使400蚊真係好抵食, 我下次一定會再黎

一間餐廳水準高或低，有時真係包括好多因素。例如食物質素，服務員態度，尤其係西餐，上抬禮儀， 擺碟技巧……等等。嘻嘻我都唔敢再班門弄斧了， 小弟新兵覺得氣氛最為重要， 尤其係輕輕鬆鬆歡樂的感覺！上星期中午去呢間餐廳，坐室外嘆下咖啡， 感覺好自在、 好寫意! 於是今晚同埋老婆黎撐下枱腳！服務員安排我們坐近窗口Bar table， 雖然狹窄一點，但係亦足夠二人世界 ！晚飯時間，陸陸續續爆滿， 中間位置客人都是四至五位， 晚飯洋溢着快樂的談話及笑聲中， 氣氛好自然、 舒服！我點了二個set dinner，分別係比目魚虎蝦及芝士豬肋排！虎蝦相當大隻，爽口彈牙！比目魚外皮脆但內保持充足水份，甘香魚脂滲透薯蓉，好香！豬肋排面層上厚厚芝士，好吸引。甜品亦十分精緻，一D都冇交行貨！抵讚！

上星期一家人入元朗食食食，途中想飲杯咖啡歇腳，cafe門口一大片空地，係門口開張枱仔嘆杯咖啡認真寫意話咁快又過咗一個星期，第二日放假一於同老公再到aldou撐枱腳，諗住食完可以再食肥姐蠔餅，由於夜晚太凍門口冇擺枱，所以選擇坐係室內近玻璃窗高枱位置小店一般都唔同大型餐廳，廚房空間有限，餐牌只可以安排精選菜式，反而更能夠專心做好每一道菜是日晚餐椰菜花忌廉湯配脆豬仔包燒烤醬焗豬肋排配薯條沙律，芝士熔岩醬（$178）芝士醬香滑，唔會凍咗變硬，豬肋排醃得入味，薯條放底吸收醬汁同芝士好好味香焗比目魚，虎蝦配香草忌廉汁（$168）薯蓉食到薯仔粒唔怕用粉溝，大蝦彈牙，比目魚個皮係脆架，魚肉又嫩滑晚餐配飲品或甜品，兩個餐加$1可以有炸魚薯條，不過食完主菜已經好飽，連去食肥姐蠔餅既位置都冇咗芒果茶特飲，真材實料真係飲得到果肉朱古力布甸震住上枱真係好吸睛，面層朱古力味濃，底層牛奶香滑，如果唔係咁飽真係想食多個除咗食物質數高，侍應服務都好好，而且餐廳整潔，布置帶有田園氣息，令人感覺輕鬆

最近都常在元朗吃晚餐，這天閒逛一會兒便在附近吃搵野食，凍凍地，食過西餐都唔錯，又見到呢間個門面佈置幾好睇，於是就決定入去食下西餐，或者會有份驚喜。呢度雖說地方不大，但也坐了好幾枱客人，我們倆揀左高櫈果邊gei窗口位坐。揀好左2份兩份西餐等咗陣就已經來左豬仔包同餐湯，餐湯係西蘭花湯，應該真係用西蘭花打嘅因為有好多西蘭花嘅肉喺度。好飲。香焗比目魚，虎蝦配香草忌廉汁，香焗比目魚做得剛剛好，冇腥味，魚肉非常之嫩滑，皮脆內軟。配上一虎蝦大大隻，好有肉，好好食！吃得出十分有水準。燒烤醬焗豬肋排，配薯條沙律，芝士溶岩醬，豬肋骨考得好好食有高級西餐廳嘅水準。芝士熔岩醬非常之有驚喜，配合芝士熔岩醬一齊食非常有韓式gei風味。朱古力奶凍，外型精緻，朱古力味夠香濃係一餐好食得來，確實好有水準嘅西餐廳。推薦大家嚟試吓！

曾經下了決心，我這個「半途出家」的元朗人，要把元朗美食統統嚐一遍。這陣子，總算開始「找數」了。一般從元朗公園散步以後，會經過元朗劇院、圖書館的那條路，然後從走出去元朗市中心的「大馬路」，中途會經過幾間酒吧，也有前陣子很火熱的甜品店「小確幸」，還有一間裝修充滿田園風格的「Aldou Cafe」，Cafe外面擺放了很多小盆栽和木傢俱，清新悠閒的氛圍爲這個舊區注入一股清泉，所以每次經過都會被它的外觀吸引。這晚剛好下班早，就和男友約在元朗吃飯。正在煩惱要去哪裡吃的時候，腦袋突然想起「Aldou Cafe」。西鐵元朗下車，乘搭輕鐵在豐年路下車以後，行走大概10分鐘，就能來到這裡，位置不算難找。Cafe内裝潢風格自然清新帶點浪漫氛圍，天花懸吊著小掛燈，燈光柔和溫暖，營造出慵懶舒適的感覺。 我倆找了個靠窗邊的高凳坐下，開始研究店員遞上的餐牌。Dinner Set相對划算，價錢 大概$100- 250, 包括是日餐湯、餐包，主菜，和甜品；主菜選擇有魚、豬和牛也有。最後我們選了一份香焗比目魚，虎蝦配香草忌廉汁和燒烤醬焗豬肋排，配薯條沙律，芝士溶岩醬。下單之後沒多久，店員就送上是日餐湯-西蘭花忌廉湯。湯帶

呢篇食評唔係D咩指控亦無意追究d咩只係描述當日既情況出黎因為上次黎試過野食同服務都ok所以先會再黎試但就遇上本文中所述既經歷上次黎食過覺得都ok甘岩屋企人都有興趣於是今次再黎試下點知…… 餐湯係南瓜忌廉湯另外有鮮牛油果大蝦黑醋沙律都ok的嗌左4個主菜比較好食既係香蒜忌廉水煮蛋煙肉野菌意粉意粉幾滑野菌都好香 敗筆就係我屋企人食食下發現有條長頭髮係入面不過見都係小問題所以就算喇香煎刺身帶子菠菜醬意大利飯開頭就甘望都唔知係乜之後先知係撈左菠菜醬意大利飯所以碟野係綠色個人覺得還好不過有屋企人表示個醬偏甜香烤紐西蘭羊架，牛仔腸配薄荷乳酪汁我地嗌左七成熟屋企人果舊好un !我果舊反而無乜野燒烤醬焗豬肋排配薯條沙律，芝士溶岩醬又係上檯果陣唔知佢係乜食落好少肉好快就食完一條…… 甜品嗌左cheese cake同埋綠茶紅豆奶凍後者屋企人表示偏甜我呢啲甜品控就覺得甜度還可以而且都食到少少綠茶既苦澀味(ps. 無影到cheese cake)綜合大家既意見 野食真係一般 upset 但最無奈既係個服務 話說有個waitress 係隔離bar 檯執野果陣 唔小心跌左隻用過既鐵匙羹仔落黎因為鐵匙羹仔上面有液體 (

元朗靜謐cafe小清新既裝修 鋪頭有啲細 位置有啲窄 不過勝在夠靜夠舒服菜式唔算多選擇 不過叫左四個set 全部都幾高質 每個set跟餐湯同埋飲品/甜品 每人160蚊到 呢個價錢食環境同算高質既意大利菜 算不錯吧燒烤醬焗豬肋骨 配熔岩芝士醬 薯條沙律個ribs火候剛好 軟硬度適中 香煎刺身帶子菠菜汁意大利飯cafe既意大利飯好出色 菠菜汁好濃 加埋菌類 成個飯好香好好食 帶子唔硬 好煙銀 蟹籽蟹肉南瓜意大利飯蟹肉夠多 南瓜汁夠甜夠入味 香蒜忌廉水煮蛋煙肉野菌意粉夠creamy 加埋啲蛋汁令意粉層次再提升依家做promotion加一蚊 就有炸魚柳薯條 香脆食落又唔會好油膩 魚柳好滑 抵食✨

球場對開嘅街角...見到有間好有格調嘅餐廳門面及promotion $1嘅餐牌放在當眼處... 咁就俾佢引咗埋嚟睇下個餐牌，又好靚，又好吸引喎... 就呢間啦～牆上當眼處，有呢個貓燈飾～剛坐低，職員詳細講解有乜嘢特色推介～忌廉湯襯住柔和嘅燭光～大蝦、鱈魚全部都好多好處，煎得香脆、鮮嫩～滑一滑嘅鱈魚，襯住薯蓉、脆黃瓜，連side dish 質素都講究，薯蓉同黃瓜都好味～發現佢有個靚嘅意式咖啡機...😻但係已經天黑咯，為免瞓唔着，都係點咗跟餐嘅果汁特飲～

終於望到星期五，又係揾好野食既日子，上網睇到呢間Aldou Cafe的comment唔錯, 是一間特色小店（我怕嘈，人小d靜d）！食完覺得叫既每樣嘢都好食，所以真係要post上黎讚吓!餐牌勁多選擇，最後order了南瓜忌廉湯、香焗比目魚、虎蝦配香草忌廉汁、鴨肝手打牛肉芝士漢堡配薯條、白酒忌廉煮大蜆、熱朱古力同果茶! 個湯有好香甜南瓜味，滑滑既口感； 比目魚焗得好靚，焗到個皮係脆嘅，而啲肉係好嫩好滑，同埋唔會有任何魚腥味 ，再配埋佢既香草忌廉汁 ，點綴得非常好! 虎蝦好彈牙,新鮮爽甜。 個burger都好正，鴨肝溝牛肉，真係別有一番風味，濃得黎唔酥，比起連鎖店甚至高級小小既三文治店嘅漢堡包，呢個真係畀十個like佢!  佢個薯條都焗得好好，大大條，粗粗肥肥咁，外脆內軟! 另一個都值得讚既係白酒忌廉煮大蜆，真係好大好肥美，鮮味十足，好抵食!  呢間餐廳好得意，佢係冇檸檬飲品的，可能佢d嘢唔肥膩唔洗消滯掛! 所以就叫咗朱古力同果茶。朱古力好濃好香好滑，果茶裏面係有一粒粒果肉嘅，好有口感!  整體食物都值得推介，下次一定再黎試其他美食。