Alzina Spanish Asador (已結業)

當晚，我們一行四個好姊妹為其中一位2月壽星女提早一月中旬慶祝生日，我們為她走到尖沙咀漆咸道南的西班牙餐廳 Alzina Spanish Asador 來個西班牙生日飯局！ 餐廳座落於漆咸道南，門口卻是位於赫德道；原來店名當中的 Alzina 是西班牙加泰羅尼語，解作「橡木」，象徵西班牙菜文化的根源所在！由門面到餐廳內，都以色彩繽紛的圖案磁磚作裝飾，充滿異國風情，並以木色為主調，紅磚牆，配合昏暗的燈光；這裡彌漫一股神秘感！開放式廚房，由西班牙籍行政總廚主理，感覺更互動，還有幸見到他的真面目！由於我們慶祝生日，有位很高又靚仔的外籍經理招呼我們，菲律賓籍男店員亦熱情有禮！中英文對照的 Menu 供應：Tapas、西班牙凍肉、西班牙乳酪、西班牙飯、主菜、燒烤類、醬汁、配菜、甜品及飲品...等！San Pellegrino $48產自意大利的飲品，梳打水口感，入口清涼解渴！Tetilla Cheese $28/半碟一片柔軟薄切的芝士片，奶味濃重突出， 為大家打開味蕾！ 也是壽星女的 favourite food！香煎西班牙蛋餅伴辣椒及洋蔥 Spanish Tortilla $58這款充滿蛋香的西

喺香港，好食既西班牙餐廳真係唔多，過往食過好多次，不過每次印象都係一般，今次呢間係朋友特別推介，所以我去食下，點知又幾好食，所以喺呢度特別寫一寫！餐廳好用西班牙風味，連侍應都非常之熱情，好似置身於西班牙一樣，打開餐單，全部菜式都非常之地道，我地點左幾個侍應推介嘅食物。Tapas: 香蒜辣椒橄欖油煎海蝦非常之香蒜蓉味，而且辣辣地，好惹味，而且海蝦好彈牙，又多肉，煎得好香，好入味，呢一個海蝦之所以咁入味，係因為加左龍蝦汁，大大提升海蝦既鮮味同味道。呢一個tapas 實屬必點之選! 龍蝦西班牙飯侍應介紹呢一個龍蝦西班牙飯好特別，會比較多湯，同出面普通西班牙餐廳嘅西班牙飯好唔同，好地道，非常之特別。 龍蝦唔算好大個隻，但好鮮甜彈牙，個湯好香龍蝦味，再加上香草味，非常濃郁！比起其他西班牙飯，我比較鍾意呢隻，因為多湯比較容易入口，無咁膩鮮榨橙汁好香甜，好清新，讚！整體食品同服務非常好，價格合理，簡直搵唔到一個唔再去既理由！

朋友極力推薦呢間西班牙菜, 於是大胃couple就黎試下la, 餐廳裝修幾令, 好外國風, 亦見到好多外國人黎食~ 野食選擇都十分多, 我地點左烤羊肩串($78), 烤西班牙黑毛豬secreto($178), 和牛薯蓉波($45)同鱈魚煎蛋餅($68) 見到sangria happy hour買一送一, 就點左一jar, 一紅一白, 一jar都好大,慢慢飲慢慢傾計, 個人中意red sangria多d, 紅酒味唔係太濃, 女仔好岩飲~ Tapas先黎和牛薯蓉波, 賣相好令, 入面有好多牛肉碎, 外皮好香脆, 加埋個小小辣既汁好好味~ 煎蛋餅係西班牙出名既tapas, 店員細心咁講解蛋餅既材料同醬汁係點樣整出黎, 蛋餅好軟熟, 入而加左鱈魚帶點咸香, 係出色既~ 之後到最期待既燒烤類, 2款肉一同上, 店員話呢度燒烤用既係橡木, 所以特別香, 而且所有配菜都係西班牙貨~ 羊肩串好似食緊免治香腸咁, 無羶味, 配左乳酪青瓜sauce, 味道唔錯既但個人中意食羊架既口感多d~之後既西班牙黑毛豬secreto就好正! 係近頸既部位, 8成熟, 豬肉燒得好香, 肉味好濃而且唔un又juicy,

食完拉麵喺尖咀閒逛咗一陣，就到晚飯時間喇。今晚食位於赫德道嘅西班牙餐廳-Alzina。我哋大約8點鐘嚟到，店員好快就安排咗座位俾我哋。店內裝修充滿特色，播放住西班牙音樂，燈光有點昏暗，而枱上點住小蠟燭，甚有情調。坐低後店員就好熱情咁推介餐牌上嘅食物俾我哋，我當然將個選擇權交俾壽星仔啦，最後佢揀咗咗黑毛豬柳拼盤、傳統西班牙海鮮炒飯同西班牙雜菜串。等咗一陣，西班牙海鮮炒飯率先上枱。上菜時店員提醒鍋邊扶手都會好熱，要小心;之後開始食時有位店員開定濕紙巾俾我哋，話食海鮮時整污糟可以方便抹手，好貼心。西班牙海鮮炒飯包括有蝦、青口同蜆，每樣海鮮都好鮮甜，只係食其中一隻蜆時有好多沙。炒飯吸收哂以上海鮮嘅精華，食每一啖除咗有蕃茄味外，仲有唔少海鮮嘅鮮味，如果飯量可以更多就好喇。黑毛豬柳拼盤包括咗豬三個唔同嘅部位（每款店員都介紹過，但我已經忘記得一乾二淨😔)，喜歡食肉嘅壽星仔表示好好味好滿意，每款都烤得剛剛好，肉質鮮嫩且啖啖肉汁，無乜豬肉嘅羶味。食咗咁多肉，當然要食下蔬菜平衡下，所以就食下西班牙雜菜串啦，依個係用碟上嘅，雜菜包括蕃茄、大菇、茄子、露筍、糯米粟、薯仔等等，蔬菜略為烤過，加以少量鹽同黑胡椒，

又到一年一度既 restaurant week, 我地兩口子又出動去周圍試野啦。第一間試到呢個西班牙餐廳，真心驚喜。$298/ person 另加 service charge, 性價比非常高。-----------------------------首先頭盤我地揀左fresh oyster with Ajo Blanco( Spanish Almond Cold Soup) 同Fois Gras with 5 spice bread.呢個蠔湯真心又鮮又好味，魚子醬同蠔既腥味襯得岩岩好（前提係你好喜歡食呢種味），再加埋個凍湯（其實係汁），真係襯得岩岩好。呢個鵝肝醬食法非常Authentic, 上面係鵝肝醬下面係“薑餅”（蛋糕），係歐洲呢個組合好平常，係香港咁食到，至少唔似係香港餐廳扮外國既貨仔。美中不足係，鵝肝比例太少，畀薑餅搶左味。------------------------------Main Course 其實我爆想食西班牙海鮮飯，但無奈我男友唔食海鮮，餐廳又要出兩個人 serving, 所以無計啦，唯有嗌 Suckling pig in "our way " with ap

餐廳好有情調，係正宗西班牙風連服務生都係西班牙風打扮，態度都好熱情好浪漫既燭光晚餐，不過張餐臺就細左d。必食既西班牙烤乳豬服務生介紹話乳豬經過12小時既慢煮，等香料可以仔細咁滲入豬肉中，之後再拎去烤到外皮香脆一食落就發生真係功架十足豬皮好脆，有少少似廣式燒味個種口感！每一口豬肉都爆發住香料既味道豬肉好嫩又多汁，味道香濃惹咪我鐘意配右邊既焦糖蘋果醬食乳汁，一甜一咸竟然係好夾蘋果醬經過兩小時慢煮，味道甜美又不失清新，烤乳豬香脆既外皮同惹味既豬肉再加上香甜既蘋果醬真係好正另外仲叫左燒烤八爪魚腿成條八爪魚腿好大條烤得好美味！口感扎實，醬汁突顯左八爪魚既鮮味！甜品係檸檬雪葩雪葩有清新既檸檬香，配埋香脆既肉桂粒，又香甜又清新最後飲番杯classic sangria 好好飲好fruity 又好易入口

早前跟他放工後在尖沙咀的漆咸道南街上留意列這間外牆那麼情彩繽紛的西班牙餐廳，而打開餐廳覺得還不錯就進去嘗一嘗。內裏跟外面也有同樣的彩色牆，很適合用來當拍照的背景～餐廳不算大，所以位子有點近，跟鄰座也沒有一個人的距離。不過幸好坐在牆邊，感覺還好。第一道點的是原隻龍蝦西班牙飯，當然是原隻龍蝦上菜，龍蝦肉蓋滿整個小鍋上，看起來已經很有架勢。職員會待我們慢慢拍好照再幫忙把龍蝦放到一個碟子上，再把飯平分在兩個盤子，不錯的服務。龍蝦大隻，肉質飽滿多肉且實肉，是一隻新鮮的龍蝦；而西班牙飯也吸滿了龍蝦汁，很惹味。再來的是伊比利亞黑毛豬肋骨，看起來跟平常吃到的豬肋骨不一樣，大概是美式跟西班牙式的分別。西班牙式的已經分好了一根根，不用再自己去切開；而調味方面亦不是酸甜的味道，而且以黑椒等來調味，燒得也夠香口。最後再來個脆炸西班牙churros作結尾，炸得香脆，配以砂糖、香草雪糕及朱古力醬，一個挺好的結尾。這一次隨意走進的餐廳，卻能帶出這份驚喜跟滿意。

第一次過來食飯，聽朋友講有個西班牙廚房師，可以一嘗西班牙既風味😊，落order 時個伙記都溫馨提我地西班牙風味都會比較偏重味道，我地亦都有晒心理準備去試廚子的手藝啦！好期待真的，頭盤既味道好合理，符侍應的説法，終於試到當地西班牙人的風味☺！未開心完。。西班牙海鮮飯，頭頭都已感覺到濃濃的口擁上喉頭，果然鹹同重味係一線之間😖，西班牙風味真獨特，不過配合翻個西班牙特飲sangria中和翻又幾特別(開心晒) ,之後見到景象令我有懷疑西班牙既風味是屬實。。。那個外廚師在喝著啤酒😱令我想像到既係著住廚師衫，大口大口地喝著啤酒😖是什麼一回事。。再見到燒烤部既員工亦陪他一起喝著😢，特別既罐裝本地啤酒我都每晚喺屋企飲，所以好親切感！但成餐飯變左好似覺得成龍拳咁，唔飲係打唔醉拳咁🤔令我特然諗到好似醉左出拳特別重手同煮野食一樣落料特別重手咁🤔。。個伙記真係無呃我，係重味既，但心理還是有疑惑😅，但整體都好好，伙記門好熱情，服務亦好細心，氣氛好好😊，食物主要係西班牙飯叫超重口味。。😵期它都合理既！相信會再來的🙄

朋友話想食西餐，睇落呢間算幾岩食，所以一早就訂定位。門口有尐難搵，因為同佢地址寫既街名唔同，好在看更叔叔好人，一點就明喇😁開頭叫左多款Tapas, 細細碟既，四個女人多過一個墟，一路食一路傾，食曬都未傾完，店員就有尐心急，多次問我地駛唔駛再點野，要唔要menu呀咁😈Sangria整得出色，happy hour 買一送一，讚蒜辣蝦唔新鮮，肉「梅」Ham 唔夠香乳豬出色，皮香一餐試左佢9樣野，一半好食一半唔好食，有機會再來都要睇睇自己當日彩數。

價錢貴， 乳豬唔夠好味，多寶魚柳好鞋又細舊260蚊，還有和牛薯仔一舊，冇牛味， 罐頭三文魚沙律 ，冇影相，兩杯飲料，一杯冇酒，一杯有，四樣野，兩杯野兩人共900.00，食完仲要搵野食唔包我個人口味唔喜歡，我去過西班牙食過都不一樣， 中伏

避過情人節，今日黎呢度食餐好既。叫左杯white sangria。酒調得好，易入口，生果正到成杯野好fresh。唔錯！雖然價錢係有d貴，不過好味。氣氛超好既西班牙餐廳，叫左個西班牙海鮮飯。上菜已經好香啦，正呀！先食一口飯，好熱，海鮮味入曬飯度，飯好重海鮮味，高質！估唔到青口可以煮得唔老，入口好彈牙新鮮。最好味係個蝦，夠鮮甜，加埋少少飯一齊食，正既！飯既質地整到似意飯，口感特別好！如果份量可以再多d一定完美。叫左個炸龍蝦球。龍蝦球下邊有辣青汁，辣辣地，好開胃。成個口感似炸馬加休，但味道再鮮d，龍蝦味重，一入口熱辣辣，口感香脆。今日開心既，食到正宗西班牙野，雖然份量少啲但野食好食。

在大公館的會員計劃得知這家西班牙餐廳剛剛開業，特別來試一試。原來餐廳位於赫德道酒吧街，環境尚可但就比較逼夾。特別一讚這裏的飲料，有多款西班牙Sangria，凍熱有沒有酒精都有提供，而且味道正宗是其他餐廳所沒有的。食物方面是一般般，比較咸。Tapas 鱈魚餅同蝦最好味，雖然都是偏咸。魷魚咬口不錯但沒什麼味道。豬拼盤略嫌比較肥膩，有機會不怕油的男士岩食。這餐2個人份量剛好，但有點貴，點豬的醬料還是要加錢拿的$16一種醬，值不值大家判斷。

過年前與朋友在尖沙咀食西班牙菜，開張才一個月的 Alvina，以前個位做日式串燒酒吧，現在的風格十分西班牙鄕土風味，用彩色磁磗鋪牆身，舖面擺放新鮮生果真有歐洲風情。以西班牙傳統烹調方法炮製食物，我們特別點了香港少有吃到的西班牙鮮螺，市價取$248，聽來不貴，查實只有十多廿粒，個樣似鬼爪，指甲白色黑色肉，要大大力拿些肉出來食，肉質鮮美，唔算好甜朋友覺得有些腥，我認為幾特別，試得過。另一道喜歡的，小墨魚黑毛豬火腿西班牙飯，肉與海鮮配合，口感份外豐富，飯煮得入味，軟硬適中。Happy Hour 買一送一，必飲紅酒 Sangria 咁先更有西班牙味，調得相當好。

I have made reservation a few weeks in advance for Valentine's Day Dinner at 18:45I was called only today that I can only pick either 18:00-20:15 or 20:15 onwardsThis is still fine for me but the ridiculous part of the conversation is that I need to pay deposit in person at this restaurant!Are they supposed that every client would have time to go there?They don't even accept bank transfer which is ridiculous !

唔係經常性食西班牙菜，朋友提意所以黎試下。食西班牙菜點少得叫一份西班牙菜最常見的paella，呢碟份量十足，兩個人食都可以食幾轉，好多海鮮，用料十足，香煎大蝦肉質新鮮爽口，魷魚及青口都好好味，飯好香口，帶點微辣好惹味。烤鷄外皮香脆，內裡肉質嫩滑，帶著點點香草味。最後當然要有甜品先叫完滿，churros即係西班牙油炸鬼加雪糕，再加小小朱古力，朱古力可以淋上去，朱古力加上脆的油炸鬼非常配搭。Caremel pudding，暖暖嘅加上香甜滑而不溜嘅caramel醬，加上雪糕，美味。Mojito清新有果香又解渴。全部d外藉店員都非常熱心介紹同體貼服務，態度友善有禮，留下深刻印象。又有一班店員為隔離枱唱生日歌，隔離枱打爛野第一時間關心佢地有無受傷。餐廳嘅環境同氣氛一流，好輕鬆適合慢慢品嚐食物/傾計，我們一坐就幾個鐘。