Ann MaMa Thai Restaurant

营业中

休息中

泰國菜從來都不是以辣菜為主，老公今日帶我去咗旺角一間好有傳統風味嘅泰餐品嚐一下。 （5⭐️最高）小食▶️酥炸軟殼蟹（5⭐️）咬落去脆卜卜， 而且份量好足料亦都唔覺得好油膩🤩。 ▶️傳統汁燒豬頸肉（5⭐️）比起之前食過的豬頸肉，肉質更加Juicy、爽口，而且鮮甜👍🏻。 ▶️胡椒粟米餅主要是胡椒及粟米黏在一起，而炸成的餅。 咬口特別，加上泰式辣醬特會更加滋味～▶️路邊雞翼如果以香茅雞翼作比較，這款雞翼就會比較清淡嘅味道🤩。▶️招牌船麵（豬）（5⭐️）豬肉粒爽口彈牙，當中湯底有少少微辣， 而面質非常滑。 ▶️泰式豬手飯（5⭐️）利用秘製嘅dressing，加入冧滑嘅豬手。 真係會令人有想加飯既意欲。▶️珍珠奶茶（5⭐️）跟一般泰式奶茶做法差唔多，但係個茶味相對比較濃郁，所以飲落會有別於港式奶茶🩷⋯⋯▶️泰式綠奶茶（5⭐️）第一次泰式奶綠茶🍵，綠茶個味比較突出，同傳統嘅奶茶味道唔同。

性價比好高嘅泰國餐廳🌟晚市二人套餐 $338青木瓜沙律青木瓜新鮮爽口，唔算極辣，好開胃👍🏻泰式手打蝦餅蝦餅新鮮彈牙，有蝦味！炸得亦都啱啱好唔算太油膩～泰式古法燒雞上髀有2件，燒得好香口～表皮焦脆，肉質嫩滑多汁好細心切開咗，所以食得好方便👍🏻泰式乾炒闊河揀咗豬肉，份量好多，切成薄片炒得好惹味！闊可夠晒彈牙，而且好入味😋個人覺得比正常可否好食好多👍🏻Ann MaMa Thai Restaurant (旺角)旺角通菜街1號威達商業大廈地下N號舖

星期五放工去咗旺角買嘢，去咗通菜街附近搵嘢食，呢一間泰國餐廳裝修幾有feel又坐滿客，好似幾吸引，我哋就排咗一陣隊入去食晚餐。我哋揀咗個二人餐， $338 ，包咗前菜沙律、小食、兩個主食，仲有兩杯嘢飲，價錢都合理。涼拌酸辣札肉呢個扎肉沙律幾清爽，好啱夏天食，酸辣嘅醬汁配上大量香口爽脆芹菜、生洋蔥、蔥，好惹味，啱晒我重口味人士。扎肉片就唔使多講，我不嬲都鍾意食。泰式手打蝦餅有三大件蝦餅，炸得金黃香脆，每一件都開咗兩邊，食得方便。蝦膠爽彈，沾上泰式甜辣醬食冇得輸。招牌燒牛肩胛肉呢個我哋加咗$30升級，牛肉燒得幾靚，火候唔會老，每件肉都粉嫩粉嫩，唔會乾柴，沾上特製嘅泰式醬汁，幾好味。泰式乾炒闊河呢個炒得好有鑊氣，一上枱香到不得了要即刻食😆河粉炒得好乾身，而且好入味，配料我哋揀咗豬肉，仲有好多蛋花，爽口芥蘭，成個炒河食落好乾爽，唔會笠身太油，而且味道好香好惹味。龍眼冰/椰汁冰跟餐配埋兩杯飲品。我最鍾意飲椰汁冰，又香又解渴。朋友話龍眼冰都幾清香，唔太甜。

旺角向來多嘢食，路過一間有特色水泥牆的餐廳，望真啲原來是泰國菜，好好彩剛好walk in都有位呢～什麼都想試的我們決定直接點一個晚市2人餐 ＄338，什麼都有😆🥗青木瓜沙律幾爽口清新！酸酸辣辣，不過我食食下覺得好辣😂🍤泰式手打蝦餅見到Menu寫三件，但上碟時原來對邊切開了，所以視覺是六件，好容易入口。蝦肉爽口彈牙，炸得恰到好處。🥩傳統汁燒豬頸肉汁燒豬頸肉勁惹味，豬頸肉有適量油脂，配特色醬汁好好食。🦐泰式海蝦炒金邊粉整體炒金邊粉的味道偏甜，海蝦新鮮又彈牙爽口，配料很多很豐富。🍹綠茶青檸梳打入口有淡淡茶香味，後勁偏甜，有吃到綠色彩虹糖的感覺😂🍹龍眼冰味道清新，有淡淡龍眼肉味。又有一兩粒龍眼肉。

去完泰國返香港🇹🇭🇭🇰好掛住泰國啲野食 努力搵緊好食嘅泰菜😋😋✨見到有人些牙呢間旺角通菜街嘅新開泰菜🇹🇭一於試試佢🤪🤪🤪整體都幾好味～ 值得一試不過價錢都幾進取 🥸午餐已經係某啲泰菜鋪頭嘅晚市價🫨🫨$68～$88 送一杯凍飲龍眼冰🧊值得一讚✨鋪頭裝修好靚 打卡一流🤳🏻「招牌船麵 $88🍜」船麵湯底好濃郁 食落都有少少辣🌶️鋪頭仲要擺低4罐調味料可以比客人「加料」🧂🥄麵底係幼身嘅泰國河粉 彈牙又索汁我唔知個麵會跟幾粒肉丸同蘿蔔做餸另外加咗$10加牛肉🥩牛肉係肥牛片 數量得幾片呢碗麵要$98 好味係好味 值唔值就見人見智啦👀「泰式乾炒闊河（豬/雞） $78🇹🇭」同Pad Thai不一樣 呢碟係乾身炒河Exactly好似中式嘅炒河咁！😂😂😂😂鍾食乾炒河嘅朋友仔一定會鍾意❤️不過就唔似泰式嘅炒河啦🤣✨Ann MaMa Thai Restaurant 📍旺角通菜街1號威達商業大廈地下N號舖

味道係可以的. 但係份量偏少. 特別係個 通菜 薄薄嘅一層 叫咗一個炒菜，叫咗一份蒜蓉包 一份雞上髀 一個串燒， 一個 綠茶梳打水 如果冇記錯 差唔多350蚊， 呢個價錢 cp值比較低. 我好早去到. 六點鐘到走嘅時候成間舖頭得我哋一枱。不過值得一讚嘅待應服務態度良好。

旺角🚇呢間人氣泰菜館個晚市二人餐只係💰$338十分之抵食，而且佢哋不設訂座🪑，好彩我哋今日早啲去到先唔使排隊😎。入邊採用🪵木系嘅裝修風格，有一種古樸嘅🇹🇭泰式風情。餐飲亦都可以加錢💰轉特價，特別係佢哋嘅泰式綠奶茶🍹有陣陣嘅茉莉香，十分之好飲☺️。涼拌酸辣🌶️札肉份量都唔少，酸酸辣辣🤤好開胃。🇹🇭泰式手打蝦餅外邊🔥炸得好香脆，入邊蝦肉🍤打得好彈牙鮮味，同泰式甜辣🌶️醬係絕配。傳統汁燒🐷豬頸肉份量十足，🔥燒得香口肥美，仲配咗個特製嘅🥰醬汁，食起上嚟好有層次感😋。泰式乾炒闊河🥢可以揀配豬肉或者🐓雞肉，河粉咬落Q彈而且好😊入味。

餐廳裝修以水泥牆同木系為主要元素，沒有花巧嘅怖置，反而帶有簡樸同原始嘅感覺。晚市二人餐價錢抵食，$338包主食、小食和飲品。🌟涼拌酸辣扎肉扎肉用涼拌的食法比較少食過，當作沙律前菜都係幾唔錯嘅選擇，加上酸酸辣辣嘅味道令人相當開胃🤩🌟泰式手打蝦餅蝦餅炸得酥脆，入口爽口彈牙，蘸上泰式辣醬就最夾🌟 招牌燒牛肩胛肉（+$30）牛肩胛燒到7成熟，肉質呈粉紅色，入口軟腍適中，配搭燒汁一齊食幾好味！🌟 ANN MAMA蟹肉炒飯（+$20）炒飯有鑊氣，兩個人食都夠食，有洋蔥、蛋、蟹肉，旁邊有魚露同青檸，加幾滴落個飯到再好食D.🌟龍眼冰/椰汁冰飲品甜度適中

經過旺角新開泰國菜見到未夠六點就排晒長龍今日就約咗班姊妹 試吓有幾好食店內嘅環境好似去咗泰國小店絕對好值得打卡 我哋點咗一個二人餐 價錢非常之相宜🔹青木瓜沙律青木瓜偏辣 但係非常之惹味酸度亦都十分適中 越食越想食🔹泰式手打蝦餅新鮮蝦滑 外面包嗰層薄脆有別於坊間特別香脆但係唔油膩🔹招牌燒牛肩胛肉通常食泰國嘢我都會好睇佢哋嘅燒牛呢個燒得好香 油脂出晒嚟 而且好滑嫩🔹 泰式海蝦炒金邊粉金邊粉炒得好適中 唔會過濕過乾海蝦大大隻 好爽口🔹泰式綠奶茶茉莉香好重 第一次飲綠色嘅奶茶冇平時嘅泰式奶茶咁甜

當日點咗個二人餐，內容如下：1. 涼拌酸辣扎肉2. 泰式手打蝦餅3. 傳統汁燒豬頸肉4. ANN MAMA蟹肉炒飯（+$20）飲品：龍眼冰 椰汁冰1. 首先個扎肉非常一般，肉質偏軟唔夠爽，同出邊食麵個啲扎肉基本上係一樣。唯一carry得起碟餸嘅就係個汁，酸得嚟清新，加上少少香草嘅味道，十分開胃。辣個方面就覺得辣咗些少（個人唔係好食得辣），但相信食得辣嘅朋友並唔會覺得辣。2. 蝦餅炸得唔錯，外面幾脆。蝦膠本身十分彈牙，亦都有啲蝦嘅鮮味。配上甜辣醬汁，基本上無得輸。3. 再嚟呢個豬頸肉份量夠曬多，不過我唔記得影相show唔到出嚟。豬頸肉嘅油脂尚可，但口感偏軟個人認為唔夠爽脆略嫌失色。4. 蟹肉炒飯，有蟹肉無蟹味仲要加20蚊，份量唔算多。不推薦。飲品就不予置評，正正常常。總括而言，個人認為食物質素平均嚟講都正正常常，唔差嘅但亦唔會話好好，但因為價錢比較高（呢個價錢可以食到更加satisfying嘅一餐）所以有啲sorry。TL;DR：不太推薦

自己本身都幾鍾意食泰國嘢，因為佢呢調味好惹味，就算日日食都唔會覺得悶，旺角啱啱幾個月前就開咗一間都幾好食嘅泰式餐廳，超級推介👍 嚟到嘅時候都差唔多滿座，相信因為呢度啲嘢食非常吸引🤗 今次試咗佢嘅午市套餐，價錢都非常合理，包括主食同飲品，仲可以以優惠價加配小食添🤭路邊雞翼 🐥 小食就試咗佢嘅雞翼，新鮮炸出嚟好香口，仲有甜酸醬俾你點添🤤 黑椒粟米餅 🌽 呢個幾特別，炸粟米餅真係咬落好好脆，仲見到粒粒粟米添🤣 不過唔使太擔心，黑椒味唔係太重嘅😌黃咖哩牛腩飯 🍛 食泰國嘢當然一定要食咖喱啦，呢個黃咖喱有少少辣，不過超級好食，咖喱牛腩飯冇得頂😆海蝦炒金邊粉 🍝而當然泰國金邊粉就一定要試，因為呢個係每次食泰國嘢嘅必點之一，好鍾意配埋花生粒同埋青檸一齊食😍青檸梳打 🍹泰式飲品比較特別嘅都一定係青檸梳打，甜甜地酸酸地更加開胃😉泰式凍檸茶 🍋 呢個就真係平時喺餐廳比較少見到有，呢個我都會推介，因為泰式嘅凍奶茶同平時港式凍奶茶係有少少唔同嘅，未試過一定要試😛

今次我地去完旺角玩，知道通菜街係勁多餐廳，我地見到呢間門口有條小人龍排隊，有人排諗住實好食就跟機排埋一份🤣呢間餐廳燈光偏暗，裝修得幾靚，我地門口已經見到大大個餐牌晚市2人餐$338，咁就直接揀呢個餐啦😗晚市2人晚餐（$338）前菜沙律：涼拌酸辣札肉沙律可以2選1，我地揀左涼拌酸辣札肉，睇名未必知佢係沙律，可能以為係前菜，呢個沙律落左泰式既酸辣汁去整，寧舍開胃，味道偏辣，有沙律菜中和番個辣度，菜都新鮮爽脆，仲有幾件札肉，好好食🥬🥒小食：泰式魚餅小食亦都係可以2選1，我地揀左泰式魚餅，魚餅有陣香茅味，同埋辣味，煎得幾香，點小小泰式辣醬更好味🐟泰式燒肉：招牌燒牛肩肉（+$30）呢個有3個選擇，燒牛肉要加$30，泰式燒牛肉我本身鐘意食，就係鐘意佢燒得半生熟咁，呢度既燒牛肉都唔會韌，唔洗點醬都好食，點埋有小小辣味就仲惹味，要加$30都值得🥩主食：泰式乾炒闊河（豬）通常食既都係普通闊到既河粉，呢個闊河粉，口感更加實在，肉同粉都大大啖咁，岩我呢個男士食😆跟餐飲品2杯龍眼冰龍眼冰清甜解喝，仲有幾粒龍眼肉食，唔錯👍🏻泰式奶茶（+$12）泰式奶茶係當凍飲加$12，飲落好有泰奶feel，有陣椰香味，個茶又夠

餐廳無得訂座，所以今日早收工6:30前黎到係唔使等位😸位置都好方便，餐廳望出去係女人街。二人套餐有齊前菜小食主菜飲品，食得好飽～👉🏻青木瓜沙律大大碟沙律～青木瓜同紅蘿蔔都好入味，爽脆開胃。👉🏻泰式手打蝦餅即叫即炸，口感幾彈牙。👉🏻招牌燒牛肩胛肉牛肉燒得好靚，大概五成熟帶粉紅色，有咬口但唔會太韌，同時都好有牛味好香。👉🏻招牌蟹肉炒飯最鍾意呢碟炒飯，蟹肉一瓣瓣，係真蟹肉～洋蔥增加爽口感覺，整體乾身唔油，幾香口。椰汁冰幾濃郁，飲到最底都有味😋

💫Ann Mama 船麵 (豬)整體上味道偏咸🥹 不過可能係因為我口味比較清淡啦💧但不得不說啲麵索晒啲湯真係超正！豬肉肥瘦適中～ 蘿蔔超級入味😚 鍾意食重口味嘅朋友就啱晒-💫招牌燒牛肩胛肉啲牛超好食😍 肥瘦啱啱好而且都幾多下🫶🏻 煮得一啲都唔硬～ 有啲咬口🤤 配埋個汁更加野味👍🏻 下次嚟食一定會再叫😽-環境上嚟講幾正～ 好多泰國風嘅畫或者係相！啱晒大家打卡📸 不過大家留意係冇得book㗎要walk in🙈 -整體評價：🌟🌟🌟🌟

1. 泰式乾炒闊河 (豬/雞)一上枱嘅時候已經聞到好大浸鑊氣，感覺好鮮甜；呢隻河粉比平時嘅中式河粉再闊身啲，而且食落去比較彈牙同埋滑身，炒得好夠鑊氣，仲有蛋絲同炸蒜增加口感同味道。🌟 評分: 8/10.2. 招牌燒牛肉肩胛肉招牌燒牛肉係即叫即燒，燒得非常之嫩滑，又多汁，牛肉燒到大約5成熟到，每一件都好厚切，好香牛味。🌟 評分: 8/10.3. 泰式手打蝦餅蝦餅有6件，即叫即燒，炸皮非常之薄，炸皮炸到好香脆，入面係充滿結實嘅蝦膠，每一啖都食到好香濃既蝦鮮甜味，口感好彈牙好滿足。🌟 評分: 8/10.4. 青木瓜沙律在泰式沙律中一定會見到泰式青木瓜沙律的身影！木瓜絲完美地跟酸辣的醬汁拌勻，口感清爽又香辣，非常開胃。🌟 評分: 8/10.5. 泰式奶茶茶味好香濃，非常之解渴，甜度適中。🌟 評分: 8/10.🎖️整體評分🎖️❤️ 味道: 8/10🧡 環境: 8/10💛 服務: 8/10💙 性價比: 8/10 .📍 Ann MaMa Thai Restaurant (旺角)旺角通菜街1號威達商業大廈地下N號舖