Ann Mamma Thai kitchen by 張秀玲

营业中

休息中

餐廳位置相當隔涉，大熱天時放工老遠由中環黎荃灣想食好西，行到身水身汗，去到餐廳7:30pm個侍應話今日full booking 啦，俾張卡片我。點會諗到平日勁隔涉既餐廳都要book 枱，同埋連足夠既walk in 位都冇。係咪以為自己米之連三星呀？ 早個星期六日有打過電話問有冇得book, 餐廳話冇得book，只能walk in???!!!! (所以今次平日去就直接去，然後佢而家同我講佢full booking?) 之後朋友黎到，個侍應又出返黎話而家個張cancel booking, 但8點要還枱？？？？？（黑人問號）🤯🤯🤯🤯 7:30入去，8點還枱咩玩法？ 我食到，你煮唔煮到呀？！ 入去俾你賺盡呀？ 以後都唔會黎架啦，祝你好運呀！

烤雞青木瓜沙律配白飯 $68。之前食過覺得都好食，今次叫返一樣嘅。但今次個飯係好乾，睇相都知。同埋個飯唔夠熱。午市套餐都包野飲，呢次揀咗凍泰式奶茶，沖得好好飲，唔會太甜，好消暑。而個雞排烤得岩岩好，同埋佢個肉醃得好入味，係咖喱味，仲有一個泰式甜辣醬可以點。個青木瓜沙律就好爽口，少少辣，好開胃。如果個飯煮得好啲就更好啦。今次12點左右到，唔使等位，12:30開始多人。午餐份量都好大份又包飲品，食物質素都幾好，$6x-7x左右都算幾合理。下次會試吓佢嘅麵。另外都推薦試佢嘅泰式奶茶。

見到咁多好評以為係咩好西想食好耐⋯點知極普通⋯正常泰國嘢 冇話特別好食 ⋯平時係旺角熟食市場買嘅泰國咖喱都好食過呢間⋯個芒果糯米飯好普通 感覺同平時係街邊買一盒盒嗰啲冇咩分別仲要服務態度不太好 啲員工黑口黑面咁⋯仲要成間店好細 每張檯距離都唔遠 隔離檯大聲小小講野已經好嘈 成個進食過程都好唔舒服⋯感覺好似身處大排檔咁。

📍荃灣見到餐廳張餐枱上放住塊紙coaster, 上面寫住’only good vibe’, 同朋友食好食嘅嘢，又真係可以帶出好嘅氛圍😋首先講咗唔好嘅地方先: 餐廳有限時, max 1hr 45 mins, 想食慢少少或者試多幾道菜時間都有啲趕; 其次地點比較偏遠，無論喺荃灣或荃灣西地鐵站行過去都起碼要十幾分鐘；另外餐廳座位比較逼夾，其他客人坐喺旁邊回音會比較大；好彩我哋坐門口角落位，冇咁受兩邊騷擾講返食物質素: 沙嗲串燒，兩串雞兩串豬，味道還可；泰式燒豬頸肉，燒得好香，夠入味辣椒膏炒藍青口，青口份量幾多，加埋泰式配料，夠哂鮮嫩惹味至於兩杯泰式特飲，分別係凍泰式奶茶同芒果百香果沙冰；可能行咗幾遠路，所以覺得特別好飲😅最後甜品方面，掙扎咗好耐想要椰汁芒果糯米飯，但最後揀咗泰國街頭椰子味雪糕🥳🤭並不太甜；椰子味好出，同埋有兩片海底椰同花生點綴，作為飯後甜品，一流下次有機會再去的話，一定要試埋佢哋嘅蝦醬炒飯，豆醬炒通菜同椰汁芒果糯米飯

-食過呢間泰國野幾次都好高質🥰 雖然有兩層空間唔細但係之前平日lunch去都多數要排隊🙈 如果晚餐去最好都係book定枱😛大蝦炒金邊粉 $118呢個必叫😋 金邊粉炒得幾香幾有鑊氣😍 調味岩岩好唔會過酸 🫶🏻 蝦雖然唔係好大隻但都幾爽口😙沙嗲雞/豬肉 (4串) $75豬肉串燒得岩岩好唔會太乾，沙嗲汁嘅花生味好出好香😋青咖喱雞 $96一嚟到見到咁多菜以為叫錯左，原來咖喱雞都有咁多菜😛 青咖喱質地有啲唔夠濃，雞嘅份量幾多同埋都嫩滑，有咁多菜好似幾健康😆 不過有啲菜倒如南瓜同茄子就煮得唔係好夠冧🥲 整體黎講一般🥲烤薄餅 $52味道同口感唔錯！不過呢個價錢嘅話略嫌份量少左啲🫣🍉西瓜沙冰 $48好新鮮足料，天氣咁熱飲到透心涼~青檸梳打 $28正常唔錯~📍Ann Mamma Thai kitchen by 張秀玲 荃灣曹公坊11號地舖旺角通菜街1號威達商業大廈地下N號舖

📍 Ann Mamma Thai kitchenby 張秀玲-荃灣 呢間餐廳由泰國人主理，環境好chill適合打卡📸餐廳內裝是大地色配上竹編元素白天採光很好👍走進店內即可感受到滿滿的泰式風情🇹🇭✨ 黃咖哩牛腩配白飯牛腩帶點筋膜，口感軟腍🐮肥肉唔多，食得出炆左好耐，好入味同夠腍。咖哩微辣且香氣十足白飯嚟多一碗🍚✨ 泰式燒豬頸肉飯豬頸肉嘅份量係超級多🐽食極好似都仲有燒到好香口.面皮焦脆而豬肉大大塊唔會好乾韌都唔錯👍✨泰式奶茶奶香非常醇厚，淡淡的碳燒味🫗而且可以選擇無糖！就是僅加煉乳再無其他糖，不會太甜更清爽一點～好有泰式風味🫶🏻✨泰式青檸茶有梅味，有驚喜～夏天解渴一流❣️

👍🏼抵食指數：⭐️⭐️⭐️😋好食程度：⭐️⭐️⭐️⭐️⭐️如果講到荃灣最好食嘅泰菜，一定係喺香車街市對面嘅Ann Mamma Thai kitchen！一早聽聞過Ann Mamma Thai kitchen 幾好食，但每次行過都full booking。今次終於提早一星期 Book 位，食飯前一日，餐廳打嚟問要唔要 #咖喱炒蟹 ，因為要預訂，見佢哋誠意拳拳，當然要試下啦！餐廳內嘅梳化布置，以及木枱、長玻璃，確實有種宜人舒服感覺。主菜咖喱炒蟹確實無令人失望，份量足夠3-4人進食，隻蟹大大隻，蟹殼入面都好多膏，蟹鉗嘅肉都好鮮甜，而咖喱屬於唔辣嘅 #椰汁黃咖喱 ，撈飯或者簿餅食係絕配！另一個極力推介係 #大蝦金邊粉 ，比起一般金邊粉唔算太油，或者啲粉個痴埋一舊，配合埋基本嘅花生粒同辣椒粉，口感一流。而小食拼盤中嘅雞棗比平時嘅小食較為特別，比較彈牙，有肉汁，好juicy ！溫提：餐廳只收現金，見到隔離枱嘅食客因為唔夠錢，要出去㩒錢；咖喱炒蟹需要早一日預訂啊～ 

Ann Mamma Thai kitchen 是我經常光顧的泰國餐廳，位於荃灣地區。這家餐廳備受住在荃灣的朋友們的推薦，因為他們的美食實在令人難以抗拒。特別是他們的午市套餐，價格實惠且物超所值。這次我點了烤雞青木瓜沙拉（走飯），烤雞的份量相比以往有點小，但味道依然鮮嫩多汁。他們的烤雞總是能保持一貫的美味水準，讓我每次光臨都能品嚐到滿足的口感。泰式無骨鹵水豬手飯是另一道我推薦的菜色。這道菜以滷豬手為主料，搭配上泰國特色的調味料，味道濃鬱醇香。每一口都散發著豬肉的鮮美，配上米飯，簡直是一種絕妙的組合。另外點了小食泰國雞棗這次我遇到的女服務生給我留下了不太好的印象。她回答客人時只會發出使用鼻音的"嗯"。當旁邊的客人不知道飲品的選擇時，她只是用一隻手指高空指向另一份飲品菜單，沒有給予基本的禮貌。她的無禮行為, 甚至讓人覺得食慾受到了影響。小總結❤️❤️❤️❤️📌午市套餐價格便宜且物超所值。📌烤雞青木瓜沙拉鮮嫩多汁📌女服務生缺乏基本禮貌。

在荃灣逛商場後，朋友提議去間特式小店食晚餐。所以走到福來邨附近，那邊都有幾間小店，最後選了「Ann Mamma Thai by 張秀玲」食泰國菜🥳。餐廳設計環境很舒服，寫意生活感覺出晒黎😚。餐牌上都是傳統泰國餐廳的菜式，小食、沙津、咖哩、熱葷、粉麵飯和甜品，亦有特式飲品，最後我們點了三款菜式。小食拼盤有，2件蝦餅，2件春卷和4件泰式雞棗 $99我很喜歡吃蝦餅和春卷，所以叫了這個拼盤，要趁熱，熱騰騰的，蝦餅相當香口彈牙，春卷都香脆，最有驚喜係個雞棗，配上甜酸醬味道很特別😋。生菜🥬肉碎包(豬肉）$112份量相當足夠，這個生菜肉碎包辣的味道適合我，有12塊生菜，生菜可以剛剛好食盡肉碎。入口時未感到辣，辣味是逐漸來，不過又末至於太辣，適合我口味不太吃辣😋。香葉肉碎飯🍚(牛柳粒）$96份量十足，牛柳粒彈牙入味不乾，連豆角粒一起炒，飯都很香飯味，配上牛柳粒醬汁味道很惹味😋。這裡環境舒服，今晚享受豐富的泰國菜，很滿足😍。

若果系荃灣廣場食厭左各名牌食肆，不妨過條大馬路，過來曹公坊幫襯一眾小店。而當中#annmamathaikitchen 更系當中婊婊者。如果冇訂座的話，一到晚飯時間，更要排隊入座。餐廳環境雖不大，但大多以梳化卡位佈置，舒適寛敞和開陽。泰式燒豬頸肉$80估不到份量咁多，豬頸肉啖啖肉須是薄切，但好有咬口，加入炒碎米作調味，沾點醬汁食，酸酸甜甜十分惹味。泰式雞翼$78雞翼炸得金黃香脆，幾脆身，咸香美十足，唔會太鹹，系個唔錯嘅小食選擇。黃咖喱牛腩$96 +烤薄餅$52 黃咖哩微辣惹味，牛腩炆得好入味，無需用力咬即可入口。入口軟淋又重牛味，烤薄餅一藍有8小塊，油香酥脆，配黃咖喱一流。整體唔錯，店員服務友善，主動為客人添水和換碟，留意用餐限時1.5小時，收加一服務費。

Ann mama Thai kitchen 小店家人很想去食好耐，難得今日放假同家人來食個lunch,落雨天人不是很多，岩晒我地想靜少少。平日聿午有套餐選擇，包一杯飲品，值得一讚是飲品連梳打飲料/泰式飲料都不用加錢。泰式濕炒河粉（豬肉）份量巨多，店家是很豪邁的份量呀。河粉是先炒過的，豬肉大片大片的，吸收了肉汁的河粉很入味，加上少少胡椒粉，香氣撲鼻。仲有芥蘭去作配菜，抵食。泰式無骨卤水豬手飯是我的最愛，豬手貼心去了骨，十分入味香軟，入口即溶。是高質的豬手飯。另外仲有甜酸醬汁加配，可自行配搭。青檸梳打大大杯，很抵飲，少甜也是好好飲，暑氣全消。西柚梳打也是吸晴，打卡一流，大推。 下次要食埋個甜品！

同屋企人食過幾次，水準依然一樣咁好😋蒜蓉包🥪 香脆，蒜香味突出泰式蝦餅🍤 香口彈牙沙嗲串燒🍡 沙嗲味濃豆醬炒通菜🥬 通菜新鮮冇渣炒金邊粉🥘 泰國風味咖喱軟殼蟹🦀 咖喱香濃，軟殼蟹大隻厚肉

今日放假，朋友帶了我到附近食泰國午餐。餐廳門口種有多種植物，帶有田園感覺，非常清新自然。餐廳面積雖然不大，但感覺舒適寛敞和開陽。12pm開門都已經有幾枱客人泰式豬頸肉飯泰式豬頸肉飯的口感多樣豐富，豬頸肉經過烤製後，表面有一層香脆的外皮，內部則嫩滑多汁，口感結合了軟嫩的肉質和脆脆的口感。味道香辣而具有泰國特色，通常使用泰式香料和調味料，如辣椒、檸檬葉、大蒜、魚露等，賦予豬肉獨特的香氣和風味。泰式咖喱雜菜飯泰式咖喱雜菜飯外觀色彩豐富，擁有各種不同顏色的雜菜。而且口感多樣豐富，雜菜經過炒煮後保持一定的嫩脆度，咖喱醬的質地濃稠，提供了滑順和濃郁的口感。此外，米飯的口感軟糯，泰式咖喱雜菜飯的味道香辣而具有泰國咖喱的特色。泰式奶茶泰式奶茶既濃郁又滑順，茶葉的風味與牛奶的柔滑口感相互融合，帶來一種濃厚而輕盈的口感，帶有一些微微的甜味。套餐已經包一杯飲品，我當然揀泰式奶茶啦，仲要唔洗加錢，真係非常經濟。

荃灣有好多好正餐廳，最近食了一間好好味嘅泰國餐廳，餐廳燈光明亮，牆身有綠色植物裝飾，帶文藝小青風的感覺。餐牌選擇跟一般泰國餐廳大同小異，不過呢度嘅沙冰都係特色必叫之選！✨泰式蟹肉炒飯炒飯粒粒分明，充滿油份蔥香味十足，炒飯中有蟹肉，雖然唔清楚是否真蟹肉但蟹味都好夠✨鳳爪沙律鳳爪佔比例好多，對得起價錢，配搭泰式辣醬酸酸辣辣好開胃✨泰式燒豬頸肉豬頸肉大大片，肥瘦適中，燒到乾身好好食✨椰子開心果沙冰入口先感受到濃厚椰子味，開心果味後來居上，沙冰幼細綿滑，冰冰涼涼。

今日再度重臨荃灣區既泰菜大熱店😋原來距離上一次幫襯已經有一大段時間了以往都係黎食晏畫飯 但因為好想試佢地既沙冰特飲 而沙冰特飲只會係晚市供應 所以今次特登過黎食晚餐試試佢🤣🥥🥑椰子開心果沙冰賣相很不錯 而且味道唔會太甜飲落有淡淡既椰子同開心果味完全唔會覺得漏 岩岩好🍤泰式蝦餅每次黎呢到必叫既菜式呢度既蝦餅彈牙又有蝦味 口感一啲都唔粉上枱仲要熱辣辣 大推薦啊！！👍🏼🦐大蝦柚子沙律之前午餐已經食過好幾次每次都非常滿意 今次都唔例外大蝦同柚子都非常新鮮 大蝦好爽口而且佢個醬汁辣辣地 成件事係好清新清爽既感覺🪿紅咖喱鴨平時咖喱雞就食得多 咖喱鴨就真係第一次本身以為會連骨一舊舊咁煮 但原來佢地會將鴨肉起哂骨 食落完全唔洗怕有碎骨而咖喱入面既配菜係誇張地豐富有好多蕃茄啦 蘋果啦 菠蘿啦 荔枝啦 薯仔啦越食越有 而且味道配搭埋咖喱 係出奇地清新解膩 估唔到啲配料都咁有驚喜🥖焗蒜蓉法包呢到既蒜蓉醬本身味道已經好好 好惹味法包又夠脆 又夠哂鬆軟 無得輸🤤🥭椰汁芒果糯米飯一上枱已經急不及待 入口仲係微暖微暖的糯米飯有斑蘭葉既味道 芒果夠哂香甜而且椰漿係略帶鹹味個款 成件事已經加哂分 😋