Anyhow Bar & Restaurant (已結業)

高質西餐之前都成日經過呢間餐廳, 見佢細細間, 估唔到質素都唔錯喎! 入到黎環境好舒服, 有歌聽, staff有禮貌, 已經令人期待食物係點樣!番茄牛肉丸意大利麵, 意粉煮得啱啱好, 唔會太林, 蕃茄味好出, 肉丸都大大粒!香煎帶子黑松露芝士意大利飯, 帶子超級大粒, 外面煎香左, risotto 夠creamy, 正!精選意大利雲吞, 呢個上菜時略嫌唔係好夠熱, 但係味道都係唔錯!雖然我哋幫襯好多錢, 但係同朋友傾計都傾左幾個鐘, staff 完全冇催我哋埋單, 服務一流!!

大埔高質西餐之選小店形式，食物等候時間需時，但值得！温泉蛋卡邦尼意大利麵🍝❣️Spaghetti carbonara with soft boiled egg卡邦尼汁濃郁creamy，温泉蛋火喉控制好，意粉硬度適中HKD79黑松露温泉蛋忌廉芝士意大利飯🥘❣️Risotto with truffle and soft boiled egg in cream cheese sauce 黑松露好香，risotto 超creamy！HKD108蒜香牛油雞翼🐥❣️Garlic butter wings外脆內裡好juicy，熱辣辣加埋蒜香牛油味，正！HKD88西班牙黑毛豬助條🐷Spanish Iberico pork ribs豬助條已起骨，坊間少見，方便食，用左好多香料，小妹覺得係rosemary，不沾醬汁都夠味，不過略嫌多筯同油HKD18810% service chargeAnyhow bar & restaurant 大埔更多美食分享，歡迎follow IG: fafafoodie

叫左個意粉同豬鞍，等成50分鐘冇野食，但全店只有4枱人左右，問佢地時就話佢地冇漏單，話廚房整緊，最後我地等多15分鐘，都係頂唔順走左，浪費左成個鐘時間，由餓變唔餓，由同老婆慶祝生日既開心情緒變到十分不愉快都拜呢間野所賜各位如果怕為重要既人在重要日子帶來不愉快經歷，就千萬唔好去呢間野，其實大埔有好多更好食店，呢間真係不可一不可再，幾好食都假

星期六晚上同好友試新餐廳大埔係我最鍾意黎ge地方，又舒服又可以撞到舊同學朋友。不過又時等位食飯都幾多人，尤其星期六，好彩好友預先book定檯8:15準時入座，店員態度親切友善，加分

太和食野果條街街未，所以少人留意。地方好乾淨舒服，d歌又啱聽，員工有禮！呢個好緊要。海膽溫泉蛋risotto 真係推介，口感味道創新，食完又想返黎再食。黑松露fries 送啤酒都好正。勁多芝士！個松露味好good。有個黑松露溫泉蛋pasta都好好食。豬牛扒都好似係慢煮，係有誠意唔係求其的。Oyster 新鮮 有海水味爽口。我覺得食物有heart、好食。地方坐得舒服，如果大埔西餐，個人覺得目前呢間最好，價錢又值。因為其他講得出果d都好一般，呢間係用心製作。飲杯野都坐得舒服。

香草慢烤加拿大豬鞍 $218🌕🌕🌕🌕🌑首先份量多，食完好飽！先煎香4邊，封住肉汁，再用低溫慢煮既方法整，切開入面呈淡粉紅色，食落果然好腍好juicy，唔會過熟。上面加左蒜蓉同香草，食落無咁膩。薯仔清蒸，加上沙律醬，唔錯。同友人一致認為有啲肥，少啲肥膏就好了。-香煎帶子黑松露芝士意大利飯 $178🌕🌕🌕🌗🌑帶子超大粒，熟度岩岩好，外面煎香過，所以食落爽脆，唔會太韌。黑松露份量多，但覺得味道唔太濃郁。Risotto飯軟硬度適中，好正宗，但唔夠creamy，導致味道有啲淡。另外，份量偏少，單食我一定唔夠飽～-本身黎係想食$88 海膽飯，但佢原來貼左出黎，menu無，所以最後無叫到...好後悔～海膽份量好多，好平，老闆成本價發售～

之前朋友介紹話野食好正，係門口睇過餐牌，覺得價錢都合理同老公然後就入去試下。朋友介紹我必食溫泉蛋海膽意大利飯，慢煮豬鞍同蒸生蠔。生蠔本身我唔食所以冇叫，叫左海膽飯，豬鞍，蒜香雞翼同加左58元有一個餐湯，蒜蓉多士同飲品，不過由於太夜去，豬鞍已經賣哂，所以轉左食西冷牛。個蒜蓉多士唔簡單，唔似一般多士得個硬字，佢真係外脆內軟，見到係好有heart既。個海膽飯一上枱簡直喜出望外，舖到密既海膽，每瓣海膽有兩隻手指個埋咁大，再睇番個價錢，就知係益街坊冇錢賺，小店搵食真艱難。蒜香雞翼隻隻都大大隻，又脆又香濃蒜味。個西冷牛，牛味濃，大大份，再配上沙律菜及焗薯，二百零蚊確係超值，唔係快餐店果d用好多醬汁去蓋住雪味既牛扒。所有食物都高水準，價格實惠，埋單五百有找，平均二百零蚊就食到高質西餐。唯一不足應該係廚房唔夠人手，上菜較慢，所以真係要耐心等待。

經朋友介紹，第一次食呢間餐廳，裝修環境很舒服，適合三五知己。食物質素高，材料新鮮。服務態度好，店員會推介有咩好食，今次推介蒸生蠔，好食到食完蒸再試生蠔。帶子同海膽意大利飯值得一試。係大埔算是性價比高的西餐廳。

同老公慶祝結婚三週年，揀左呢間喺屋企附近嘅西餐廳食晚飯！間餐廳之前轉過幾次手，今次再食竟然充滿驚喜！大蝦沙律配牛油丹麥酥前菜竟然有5隻蝦，仲要有膏幾鮮味！最surprise係塊伴邊嘅丹麥酥，好香牛油味烤到好香脆👍🏻令人想食完再食！忌廉白酒煮青口$218又係丹麥酥😱忌廉香濃夾雜淡淡白酒香，青口新鮮爽口，我地每食一啖都將丹麥酥浸滿忌廉，勁邪惡！西班牙黑毛豬肋條$188豬肋條唔知係煎定烤，外層香脆，肉質唔係好淋入口即溶嗰啲，不過香口又juicy，好惹味！薯條新鮮滾熱辣炸，令人食唔停口！香煎大蝦伴雜菌龍蝦汁意大利飯$188平時食西餐啲大蝦意粉大蝦飯最多咪比一隻蝦你。呢碟菜有兩大隻煎到鬼咁香嘅大蝦，意大利飯口感煙韌，龍蝦汁蕃茄咪偏重，越食越開胃，絕對係抵食之選！店員介紹嘅幾款菜式，估唔到做得有水準之餘用料仲鬼咁有誠意，絕對感覺到廚師嘅用心！抵讚👍🏻

聽同事介紹太和有間食豬鞍幾出名，今日終於有時間同屋企人去試下。去到咁啱原來佢地剛出左個海膽意大利飯做promotion$88優惠，當然試下啦。另外三大兩細我地五人點左個德國香腸拼盤(太肚餓忘記影相)。一個香腸意大利麵同慕名而來嘅豬鞍。個香腸拼盤有條爆晒芝士嘅香腸大大條.兩個小朋友食到好興奮。主要想講下個豬鞍同海膽意大利飯，真係冇黎試錯！冇諗過豬可以咁嫩咁滑而且又厚又大份，食到我地好滿足。點知個海膽飯仲驚喜，老婆一向海膽控，一見到真係叫左出聲，啲海膽鋪到Ｄ飯都見唔到仲賣$88 so crazy！海膽食落絕對夠鮮每舊都好肥美，成個口都係海膽，正野！其實risotto我食唔少，黎個絕對水準，數一數二，唔係嗰D hea做餐廳！(途中八到隔離枱份牛好似都唔錯，下次再試！)

喺facebook嘅大埔group見到有人介紹呢間餐廳，$88一個海膽飯，起初抱住一個貪小便宜嘅心態試下，講真而家去茶記普通食個炒飯都要$60！我跟住大埔group個post叫左個海膽飯，豬鞍，同一個黑松露薯條！海膽飯一上檯，真係冇揸流灘，我真係唔知佢有冇得賺，但話之佢，份量堅足，味道好！另外叫左個豬鞍，因朋友鍾意，但自己本身少食豬，唔識評論，不過朋友十分欣賞，肉質係幾嫩滑嘅！最後個薯條，真係真係堅唔錯，薯條相對比麥記嗰啲粗身，薯味超濃，加上芝士焗，配杯啤酒真係絕！間舖唯一一個缺點係人手不足，我當日去都有約8成入座，上菜較慢，但環境尚算舒適，服務良好，我本身又住大埔，係一間絕對值得支持嘅小店！