Are U Labeler

营业中

休息中

又一個放晴的星期天，30度下外出也比較放心。往花墟走一轉，買到需用的，又是開餐的時間，今天找到這間佈置有格調的隱秘小店。吃正餐之餘還口痕點了 ❮雙色芝士焗薯條❯ $58 上枱已嗅到陣陣芝士香味，焗盤與薯條還是很熱燙的，等了一分鐘才吃🤭，外脆內粉，所加的芝士，鹽也與香粉很惹味，！推介😋❮泰陰公海鮮意大利飯❯ $98今天頗熱，吃點辣會開胃些，濕潤的濃汁滲滿米飯中，有冬陰的微酸與少辣，再辣一點更合我😜。海鮮有大蝦，帶子，青口與魷魚，碟頭一般，加了芝士幼絲，溶化後增了濃郁感。❮All day breakfast❯ $108烤啡菇，中型大小，汁多菇味濃，稍灑點鹽巴調味已足夠；牛角包有牛油香之餘，多了份甜香，好味過平時吃的；煙肉不會煎至脆燶乾，炒蛋剛熟不會出水，有黑松露的點綴顯得不單調；這片厚切蕃茄煎得兩面收乾水，咬開時隨即彈出酸咪茄汁在口腔，把剛才吃的膩口也消除。還有這杯走甜的熱❮Latte❯$42奶夠厚身，帶甘苦味。整體食物味道不錯，沒有限時的坐著，在這裡Hea， 優悠閒聊又自在。晚餐時段有需加一服務費。

在寧靜的街道上，有幾間不錯的餐廳，但和朋友選擇這一間，雖然店內小，只有幾張桌子，但可以坐外面，方便一下抽煙人士。叫了2個主食和2杯飲品，全部都很美也好吃😌玫瑰荔枝梳打：聞上去好香的玫瑰香味，再喝一口酸酸甜甜，慢慢有荔枝味滲透出來。檸檬薄荷梳打：味道很清新，檸檬不會很酸，因為有薄荷有涼涼的感覺。原本想叫黑松露雜菌意粉的，可是當天沒有黑松露，只好下再試了。卡邦尼意粉：他是用扁意粉做這款菜，很多菌類，芝士味很濃，真的好好吃，但是有一缺點就是份1有點少，就是一個人絕對可以吃掉一盤，還有點不夠呢!蟹肉雜菌意大利飯：一眼看上去，料很足，有很多雜菌，味道都不錯哦!可能2道的味道都差不多，但我都很喜歡!這間餐廳咖啡似乎也不錯，下次要再去吃其他的。

週日必定要到訪咖啡店，好好喝一杯咖啡。多年前曾經來過Are U Labeler，今天居然在附近找到錶位，過來慢活一下。黑松露雜菌意粉 $82分享一份黑松露雜菌意粉，沒想到份量也不少，雜菌數量也多。黑松露從來也很配合雜菌，意粉炒得不錯，al dente，蠻好吃的呢！Flat white $42Flat white奶味偏重，整體咖啡味道不錯，酸度適中。Pink rose tea $48一整杯Pink rose tea鋪滿了玫瑰花，賣相不錯。喝進口有淡淡的玫瑰香，不會太甜，不錯。這邊裝潢簡單有自己風格，也蠻適合拍照的，來悠閒的度過一兩個小時很不錯呢！

1️⃣「龍蝦汁海鮮意大利飯🦞($108)」超多海鮮有青口、魷魚🦑同埋大蝦🦐食落有龍蝦湯嘅味道 個汁幾濃 青口個位烤到個汁有焦香味👻Lobster Sauce Mixed Seafood Risotto is savoury! The sauce is rich and there are many kinds of seafood!-2️⃣「蟹肉雜菌意大利飯🦀($88)」幾濃味 好creamy好好菇菇 🍄但唔知點解唔太見d蟹肉😳 Crab Meat and Mixed Mushrooms Risotto is creamy with umami taste. But there there is not much crab meat-⚠️：最低消費每人一杯飲品/經Openrice book枱有75折(請去之前先check check)/ 冇上和你eat但個個都話黃)-⚠️：min. charge is a drink/ 25% off for booking via Openrice(plz check before u go)-💰：$80 - $120 (+10%)📍：Homantin 何文田梭

之前喺對面食牛扒嘅時候，已經留意到呢間Cafe仔，皆因個樣勁打卡Able😍。餐廳設有幾個户外座位，呢種涼涼地嘅天氣坐出去飲杯咖啡，Chill到爆，加上依邊社區靜靜地，唔會太過多車、多塵。不過我哋嚟食晚飯，所以就坐室內好了。室內環境都好正，有好多牆畫，枱櫈又幾型格；另外仲有個黑板畫咗公仔，寫住可以幫客人畫生日甜品碟🎂。由於唔係好餓，所以我同朋友一人叫一份餐好了。意想不到係我哋叫嘅兩樣食物都好好味😋，而且份量好足，唔係普遍樓上Cafe咁細細碟，唔夠食。黑松露煙三文魚班尼迪牛油果多士($118)，原來呢個Egg Benedict本身係配薯條㗎🍟，但店員話炸爐壞咗，問我哋轉沙律得唔得，都無乜所謂啦😙。所謂嘅多士其實係傳統Muffin包，都夠鬆軟，唔錯。配料有我至愛嘅煙三文魚，同埋係醬Form嘅牛油果🥑，不過揭起塊包先見到，好神秘，哈哈。隻蛋亦達到爆漿嘅效果，整體幾好食、幾夾。泰陰公海鮮意大利飯($98)，我估唔到呢個飯咁出色😋，造型精美，而且份量夠，食完唔會唔夠飽。首先意大利飯嘅口感同濕潤度恰到好處，唔係齋白飯淋汁咁會唔夠味，或者整到湯飯咁濕淰淰。第二係個冬蔭公汁好惹味，辣辣地，夠濃夠香；加上

在何文田想揾個地方靜靜地可以同朋友食個晚飯就揾到呢間寧靜又設計特別嘅cafe位於何文田，食完仲可以行出旺角，好方便坐位有室內同室外本身想試黑松露雜菌意大利麵，可惜賣曬下次一定再嚟試！卡邦尼意粉 $80用巴馬臣芝士同蛋整成嘅卡邦尼，意粉採用較為扁身，比平時食開圓身既意粉更入味，每條都沾上卡邦尼醬，好creamy同濃濃嘅芝士香味。配雜菌及香煎嘅煙肉，用料新鮮😜蟹肉雜菌意大利飯 $88個人比較鐘意食Risotto, 所以一見到有我鐘意食嘅蟹肉Risotto, 就要試試~果然無令我失望😄份量較大，每口飯都食到蟹肉鮮味，雜菌沾上濃濃芝士及蟹肉嘅鮮味，增加咗味道嘅層次~😘意大利飯適合香港人口感，軟硬適中！lemon mint soda $36杯型設計有啲似富士山，飲落檸檬草非常重，好有清新嘅感覺，配合soda更為清涼😄非常適估夏天飲~Rose lychee soda $36一睇就覺得好靚，一入口好重玫瑰香，之後滲出荔枝甜，而且仲有好可愛嘅貓貓匙羹😄見到旁邊嘅客人要咗3D拉花咖啡，非常可愛而且好濃咖啡香，下次要再嚟試下黑松露嘅菜式同咖啡~

這小店的地址雖在何文田，但其實從旺角行過去很快就到。看到清楚的店名，一定不會認錯！門外也有座位~室內外都很有藝術氣息，有很多畫作。充滿工業風的水杯我也喜歡。餐點選擇不算很多。整家店都是年輕人主理的，店員不多，為你下單的也可能是廚師。黑松露煙三文魚班尼迪蛋配牛油果多士混合了四款我喜歡的食材，還有藍莓香沙律伴碟，色彩鮮艷。滑溜的蛋白加上黑松露已經很香，煙三文魚鹹中帶鮮。弄破中心蛋黃，混合三文魚和牛油果多士同吃，味道更為甘香，正。龍蝦汁海鮮意大利飯的顏色跟我想像有出入，還以為龍蝦汁一定是橙紅色的，但原來這樣的味道也夠濃。軟熟的飯粒充滿醬汁，啖啖鮮味。海鮮的款式有青口，帶子，蝦和魷魚，都夠爽口，沒有雪味呢。檸檬薄荷蘇打的味道相當清新，飲下去就是爽和解渴！要多多支持小店啊！

我隻狗係係勝利道果頭剪毛毛，因為果頭其實都係嘀狗鋪呀～狗醫院～狗酒店嘅集中地⋯⋯漸漸衍生咗好多可以帶狗狗嘅cafe我好多時同佢剪完就會係附近食下野，嘀狗仔好心水清㗎，如果你直接同佢返屋企，佢當你冇出過街㗎！可惡！今之去呢間餐廳，當時亦係上網做咗功課先嚟啦！佢嘀立體公仔拉花咖啡好得意㗎我少飲咖啡，但朱古力都可以拉立體花！我見佢拉布甸狗咁得意，柴犬仲得意選擇困難，侍應哥哥話幫我問下，之後竟然整到佢地平行時空咁一齊呀！果然只有細佬仔先會選擇！大人世界都係why not both？我地重有叫冬陰功意大利飯，都好惹味同份量好足！佢室外嘅環境亦好悠游，幾好坐，同飲到一杯咁靚咁可愛嘅朱古力，真係令我心花怒放！呢嘀係咪叫小確幸呢？

Are U Labeler係位於何文田一堆寵物店之間，環境好寧靜同舒服既一間café，裝修好有自己既格調，放左好多店主既收藏品~-✨卡邦尼意粉 ($80)(⭐⭐⭐⭐✨/5🌟)卡邦尼意粉好特別，用左好多蛋黃醬黎做茨汁，個汁好濃郁同埋意粉質地非常掛汁，極岩我既口味。除左個汁之外，入面煙肉等等既配料亦都非常足夠，十分推薦各位去試試~-✨白汁三文魚意大利飯 ($98)(⭐⭐⭐⭐/5🌟)Are U Labeler整creamy菜式真係唔錯，呢一份三文魚意大利飯同白汁溶為一體，極邪惡!!!三文魚係混入左係意大利飯之中，食果時有一種三文魚既魚油香味~~-✨ Rose lychee soda & Blue Curacao Lime Soda($36 for each)(⭐⭐⭐⭐⭐/5🌟)我好少會比飲品5星咁高分，由於自己係一個好怕甜既人，好少可以搵到適合自己既飲品。兩杯飲品各有千秋，Blue Curacao Lime Soda有銀河般既藍色色彩，而Rose lychee soda就係好有少女心既粉紅色，兩杯soda都唔會太甜，飲完都唔會有太大罪惡感，正合我意~

平日去太平道 多數都係陪朋友帶寵物睇醫生 難得今日有時間去梭椏道支持黃店！-🍾🦪白酒忌廉青口配多士 ($118)朋友話 呢間餐廳嘅海鮮 做得相當唔錯 青口隻隻肥大肉厚 分量充足 忌廉汁加咗白酒同新鮮蘑菇 冇咁滯口 胃口細嘅朋友 單點呢一樣 可以食得飽肚 若果將份多士變成蒜蓉厚多士 整體視覺同味道 會大大提升-🌹🍹玫瑰荔枝梳打特飲 ($36)賣相靚到不得了 玫瑰紅同荔枝白肉形成強烈嘅顏色對比 之但係又滿有浪漫嘅感覺 望咗一陣先捨得飲 荔枝清甜 玫瑰幽香 色香味俱全 冇得輸-🥘冬陰功海鮮意大利飯 ($98)冬陰功味嘅意大利飯 都係第一次試 果然有驚喜 冬陰功味道濃香 唔會過辣 若你只係食到小辣 呢種辣度 完全可以接受 海鮮配料充足 魚蝦青口墨魚 爽口好食 個人推介-📍九龍何文田梭椏道25號A地下

雖然疫情關係,但都要食飯既所以早早出門,大約十二點左右就來到果然冇咩人,只得一枱客入正題,一心諗住黎嘆杯好咖啡點知坐位又窄...坐得唔舒服...唔緊要,最緊要杯咖啡好點了杯熱Latte,拉花不錯可惜奶泡不夠棉密,咖啡味第一啖是有的但之後再飲就好似差d...主餐點了龍蝦汁意大利飯鹹左d....有兩隻小青口但冇义比我用...有殼的...基本上都算失望,明明咁多正評...食物飲品都不似預期,可能期望太高了....總括黎講可一不可再...純粹個人感受以上食評只反映本人立場,如有雷同,實屬不幸

今日去左何文田梭亞道既Are u Labeler,貪呢度有兩張outdoor 既檯，有人會帶埋狗狗黎一齊食野，位置都算充足架。我地叫左兩份下午茶，另外加一個意粉。黑松露炒蛋牛角包（$48)牛角包加左啲蜜糖，甜甜地，麵包焗得香脆，加上滑滑既黑松露炒蛋，的確唔錯。卡邦尼意粉（$68)呢個卡邦尼意粉既醬汁夠哂厚身，應該有落雞蛋去撈去做到呢個效果，醬汁掛哂喺沾滿每條意粉度，正。另外仲加左份香辣蒜片鮮蟹肉意粉（$98)雖然個名叫香辣，但其實唔算係好辣，辣既程度大概只係比熱浪辣少少，不過加埋蒜片就真係好香，而且鮮蟹肉份量都好多，正。Cafe Latte每杯咖啡均有獨特既拉花，每杯都唔一樣，非常有心恩。呢度既咖啡都幾香滑，唔會太酸，幾易入口。

位於何文田與旺角之間既位置內其實充滿住好多餐廳,cafe.今次就初嘗呢間住於內街,cafe內外充滿住藝術感既街畫同可愛既擺設,令人真正感受到休閒既感覺.粟米湯內滿滿粟米蓉飲落超濃粟米甜味.蟹肉意粉內裏用上真蟹肉夾雜係意粉之間,每啖都會食到蟹肉,味道香而不腥.加上蕃茄醬炒香更突出香甜味,內裏帶點辣椒香帶點刺激既香辣感.雖說意粉係炒但入口又唔會過乾身,意粉口感彈牙煙韌.Cheese burger所用既牛肉漢堡排出乎預料地厚肉而且香濃.外層煎得多香微帶焦香,內裏仍然鎖住肉汁,配上新鮮蕃茄清爽解膩.如果漢堡包烘得更脆就更加分.普通一杯凍咖啡都唔簡單！用上十分可愛既杯,令人心情舒暢.Sparkling americano加上梳打水既美式咖啡飲落相對無咁苦澀,梳打水清爽既炭酸鹼味化解左口腔既油膩感.

在旺角鬧市多行十分鐘，來到別有洞天的何文田附近，選了間小cafe簡單晚膳。裝潢是典型的工業風cafe格局，氣氛清靜隨意，令人放鬆。和太座簡單點兩個pasta 和分享一杯咖啡。首先是香辣蒜片蟹肉扁意粉，微辣惹味，蟹肉絲份量大方，略帶鹹香，開胃滋味。冬蔭功海鮮意大利飯，酸辣得來不突兀，且中和本身偏膩的醬汁，海鮮種類豐富，質素不俗，創意十足。Flat White 奶泡薄但保持綿密，喝下甘醇，帶朱古力香，精神一振。疫情陰霾下能在旺中帶靜的cafe用膳，令人心情放鬆一下。

星期六陪朋友去太平道睇獸醫🐶所以喺附近行下，原來附近都幾多小店。然後就揀左呢間喺梭亞道既Are U Labeler坐低。門口有個陽台位，啱哂啲唔太鍾意吸冷氣既朋友。🤩呢區旺中帶靜，雖然未必會特登黎行街食野，但如果有機會行來飲杯野都不錯。😌呢間小店主要做西餐類既cafe，見隔離枱朋友食既all day breakfast都唔錯。所以同朋友決定叫野食試試。叫左個意粉同burger，可惜冇薯條🍟，店員主動建議burger的薯條轉做沙律🥗，都好啦，食得健康啲😜先嚟咗香辣蒜片鮮蟹肉🦀意粉，估唔到蟹肉同蒜頭味都幾夾，本來蟹肉比較清香，但用咗辣汁同埋蒜片調味都唔錯，令到成個意粉🍝惹味左，意粉份量也不錯。口感都幾好👍🏼手做漢堡🍔誠意可嘉，漢堡肉好厚身，麵包都幾好食，如果多啲醬料會好啲。雖然冇薯條，勝在沙律配菜夠新鮮。今次食得有啲飽，冇飲咖啡了☕️，見到小店啲野食都唔錯，下次可以再來試試😇