B哥車仔麵 (已結業)

成日去觀塘都係食楠記，今日去左試新野! B哥車仔麵！岩岩新開無耐，要轉右行到最入就見到啦！早餐同下午茶都有。今次同同事黎左食午餐，有好多吾同既配料，自己叫左魚皮餃，豬皮，牛楠雞翼尖。朋友叫左豬紅，雞翼牛楠。其實仲有好多料多到講吾哂。另外叫左杯青檸梳打同奶茶。同事話奶茶好香，下次要試距個紅豆奶茶！有大中小辣擇，鍾意辣既朋友可以叫中辣。湯底係楠汁，好濃味好充料👍🏻麵底叫左米線，軟硬適中同叫左生菜，小食叫左墨魚餅。墨魚一份有3舊，2個人食岩岩好。整體算幾好同價錢吾貴，下次會再黎！

今日和同事一起去食午餐、同事知道觀塘開了一間的車仔麵店，於是大家便去試試！車仔麵店來說裝修風格比較時尚新派，座位設有吧枱形式和四人枱，地方乾淨整潔，全店都是以自助形式由點餐到自取。車仔麵來說這裡的款式餸菜選擇很多元化，除了車仔麵之外還有其他滋味小食選擇。今天我選擇了比較清淡的配搭，我喜歡吃油麵，再加了四個餸有蠔齋，豆卜，滷蛋，蘿蔔。蘿蔔新鮮清甜，湯底也不太油膩。同事玩車仔麵比較豐富，粗麵，魚蛋，雞翼，炸腐皮卷，豬腸，甜齋。魚蛋彈牙惹味，豬腸內不油膩入口很腍。甜齋是分開上的，外層炸到脆卜卜再淋上甜酸汁。香炸蝦餅蝦餅炸得香脆，口感爽口。咖啡紅豆冰咖啡味香濃紅豆入口軟綿綿味道不錯。

Lunch 唔知食乜好見呢間新開，車仔麵可以快食完夠方便於是試下。間餐廳信號收得唔係咁好都好貼心咁有免費wifi牛腩、咖喱魷魚、豬大腸幼麵$48-豬大腸真係好少見，有嚼勁又入味，正呀！咖喱魷魚好惹味，牛腩好腍，仲有啲牛筋食添，膠原蛋白豐富呀牛腩、墨魚丸、魚皮餃米線$42-墨魚丸三粒大大粒，好彈牙，魚皮餃啖啖肉皮亦夠薄，配埋牛腩同爽滑米線好滿足除咗車仔麵外小食都整得好唔錯：香炸蝦餅$15-一大埋蝦餅切片方便分，酥脆又唔油膩香茅雞翼$25-真心好食，好香香茅味，外皮煎得香脆可口呢間車仔麵啲餸比起其他麵店嘅選擇更特別，小食亦好亮眼，會再嚟試！

觀塘駿業街近來新開了一家車仔麵店， 味道好，性價比高，值得一試。📍豬大腸、牛腩、生菜生菜配粗麵📍炸墨魚腐皮卷、豬大腸、香辣腩仔肉配米線📍咖哩魷魚為免湯汁令咖哩味被弄至味道變淡，魷魚額外用小碟另上，非常貼心。📍甜酸齋甜酸齋是新鮮炸起，脆卜卜。個人喜歡酸再重一點，這款會偏甜一點。📍炸墨魚餅金黃彈牙，有墨魚肉粒粒，好吃。📍香茅雞翼炸雞翼炸得金黃入味，酥脆可口。👅 味道：4.5/5💰CP值：5/5🕴🏻服務：5/5🔰餐廳環境：4.5/5🍽 餐廳：B哥車仔麵🌐地址: 觀塘駿業街56號中海日升中心地下L號鋪

港女我最愛港式美食！呢間車仔麵幾抵食，尤其是下午茶時段最平$27就有交易喇！凍奶茶水準超高！！甚至可能好過某啲茶餐廳！茶味超香超濃，一d茶苦澀味都無，勁好飲！身為奶茶空嘅我非常滿意！一飲就上癮了！紅豆冰奶味比較重，甜度適中！紅豆入口軟綿，不錯呀！四餸麵揀了炸墨魚腐皮卷、貢丸、魚蛋及咖喱魷魚！炸墨魚腐皮卷勁好味，口感爽彈而且內有墨魚粒，口感非常豐富！魚蛋是咖哩魚蛋，辣辣的，非常惹味！咖喱魷魚也不錯，魷魚非常爽口，但欠鮮味！另一碗四餸麵揀了午餐肉、魚皮餃、牛腩及豬皮！午餐肉夠厚，有兩件，份量都夠足喔！牛腩肉嫩，非常入味！炸蝦餅勁厚身，咬落非常彈牙！面頭加了酸辣醬，更添惹味！香茅豬扒醃得非常惹味，但又唔會太咸，肉質夠軟稔。

由於男朋友很愛吃車仔麵，見新開的B哥車仔麵店環境舒適，便試試！餐廳光線充足而且座位寬敞，感覺十分舒服，另外餐廳內更設有免費wifi給客人使用，十分細心。大B套餐(魷魚、大腸、牛腩、豆卜及時菜)份量十足。魷魚爽口彈牙，再配上咖哩汁惹味非常。大腸入味之餘又唔會太多肥膏，所以男友可以大大口放心食。牛腩十分鬆軟而且滲出濃濃肉汁，抵讚。生菜食落清甜爽口，非常新鮮。咸檸檬的咸味加上七喜的甜味，味道剛剛好，十分解暑醒胃，男友暑氣全消。炸墨魚腐皮卷、蘿蔔、豆卜麵炸墨魚腐皮卷的墨魚味道甚濃，非常美味可，炸墨魚腐皮卷列為必選系列。蘿蔔好新鮮清甜，並且沒有渣。

今日在觀塘區收工，做到肚子餓當然要搵野食啦，行到去中海日升中心發現原來最篤篤有間車仔麵檔，叫做「B哥車仔麵」，門面裝修乾淨企理，一啲都唔哪渣，地方比一般車仔麵檔大，唔洗等就有位，叫嘢食方式都是寫紙仔，價錢都很實惠，大B套餐5餸大大碗都係56蚊，最後就點了這個，還加了炸墨魚餅，炸蝦餅，齋燒鵝，咖哩魷魚和炸雲吞。等咗一陣就有得食，車仔麵麵底是油麵，煮得剛剛好彈牙不淋，餸五個牛腩魷魚等，最好食係個牛腩大大件淡淡肉，小食炸雲吞最值得推介，皮脆裏面啲蝦還有很多肉汁。

今晚行開觀塘，黎到平時lunch會經過既地方覓食，知道開左間車仔麵就試下。門面已經有好清晰既餐單，仲有車仔麵套餐包野飲添，一於試下個大b套餐。裡面唔算大，但唔會話好迫，坐得算舒服。我地叫左個大b套餐，四餸面，同埋d小食，野飲方面叫左個紅豆奶茶冰同青檸梳打。大b套餐好豐富，每樣餸都有幾舊，牛腩夠入味，腍得黎爽，大腸唔會肥，鹵得夠味，魷魚淋身唔會un，最出奇既係豆卜，唔會太淋之餘，仲裡面釀左d饀好特別，令本身既豆卜更有口感。湯底都好好味依杯紅豆奶茶冰，茶葉夠澀夠濃唔會俾紅豆既味道蓋過，紅豆煮得夠淋。另外叫左個油麵，有厚餐肉，蠔油齋，香辣腩肉，墨魚腐皮卷，個湯底都已經好濃郁，聽老闆講原來每日凌晨3點左右敖出黎架D腩肉非常入味，墨魚腐皮卷都好彈牙，都值得推介叫左個墨魚餅同鯪魚餅，都好鮮味呀，炸得唔會油，又啖啖肉，唔錯。加埋杯青檸梳打，好滿足既一餐飯，小小既鋪頭都可以俾到十足既味道。

是日到觀塘下午茶😁發現到一間新開嘅車仔麵幾抵食👍兩餸麵$27☺️三餸麵都係$30😊仲要包冷熱飲😛特飲就另加$4☺️除左下午茶，連早餐都有優惠👍結果我好貪心咁揀左四餸🙈咖哩魷魚夠爽口🦑香辣腩仔肉夠惹味🍖炸墨魚腐皮卷夠彈牙☺️豬大腸夠入味🐽湯底夠濃郁😏配埋河粉😎真係啱哂我口味👍仲要加埋自家製醬🤤味道更加突出🤩香炸墨魚餅🐙香炸蝦餅🦐即叫即炸😎外層香脆☺️食落爽口彈牙😛香茅豬扒🐷炸得香而不膩🤤肉質鬆化有肉汁👍帶著微微香茅清香😉咸檸檬七喜🍋好耐無飲過🤤鹹鹹甜甜，解暑止渴🤩

放晏時間呢邊特別多人，呢間係新開嘅車仔麵，趁未係好多人，快啲試頭啖湯先。間鋪比較隱蔽，係板上個位轉入去。有高枱坐，初初以為會唔舒服，又ok喎。好耐無食車仔麵，咩都想食。除左麵底，仲有小食可以揀，啱哂。朋友個碗超滿，我地都叫左4餸。朋友唔記得圈走辣，預設左個底係有小小辣，不過佢食得到。菜好新鮮，而且好多。炸墨丸腐皮有驚喜，好滿滿，而且味道不錯。絕對要推介嘅係豬紅，好滑，完全唔「鞋」。呢邊第二碗都有，蘿蔔係已經超級入味，咬落去啲水已經湧哂出黎。朋友話個豬皮又係好好味，夠哂味道。我個碗我自己好鍾意，辣腩仔肉係好好味，辣味剛好，肥瘦剛好，肉味出得黎，辣味唔會搶，反而開胃左。墨丸大大粒，非常足料。我自己好喜歡粗麵，掛湯唔錯。廚房好細心，有啲餸分開上，呢個係甜酸齋，質地同我地平時食嘅唔同，好似油炸鬼咁，但硬啲厚啲，味道係一樣。雞翼要介紹下，首先係脆口，熱上，咬落無幾耐，淡淡嘅香茅就飄出黎，但你係見唔到有粉定茅，唔會太濃，幾好。飲品我地都點咗特飲，跟餐加14元，有青檬梳打、咸七，我個人好喜歡我自己點嘅奶茶紅豆，奶茶本身係我至愛，紅豆夠哂沙，呢杯就值得。車麵坐得舒服嘅通常好少，呢間有驚喜。

今天和秘書安娜一起吃午飯，大家心血來潮也不若而同的想吃車仔麵，剛好公司樓下中海日升中心地下開了一間B哥車仔麵，我們就吃過痛快!B哥車仔麵有這多選擇，我和秘書小姐各叫大B套餐和細B套餐，另外我們叫了一碟韮菜豬紅和香茅雞翼，凍飲我們叫了咸檸檬七喜!大B套餐很豐盛，秘書小姐要了米線，材料有魷魚、大腸、牛腩、豆卜及菜心，安娜說牛腩又香又軟，她說大腸很入味!另外的細B套餐，我要了米粉，材料有豬皮、豬紅、魚蛋、蘿蔔及菜心，全都昰我的致愛，豬紅豬皮很入味，吃出車仔味的特色!另外韮菜豬紅很好味，而香茅雞翼一碟4隻，又香又脆! 咸檸七也十分解喝，B哥車仔麵真的做出香港原味道!