B哥車仔麵 (已結業)

最近有朋友同我講觀塘開左間車仔麵，佢lunch去食過，呢晚收工返屋企前去幫襯下先。一去到門口老闆好好人好熱情，就算只係食個車仔麵老闆都會介紹推介下佢嗰店有咩好食，而且仲會同你傾下計，食得好開心。地方都幾大，坐得好舒服。好少見到車仔麵會有粉腸叫，我係個好鐘意食內臟既人，所以有粉腸又有大腸簡直係我至愛。而個甜齋係老闆推介，即炸即上，酸酸甜甜好開胃，鐘意既又可以浸下湯先食。份量都好多，平靚正！呢到小食種類都好，即叫即炸好脆口👍🏻

觀塘中海日升中心有不同種類食肆，各適其適。未試過>>>B哥車仔麵<<<，於是入座一試。那是地下樓層最隱閉的一間餐廳，很容易會錯過的呢。 車仔麵當然提供多款食物配搭，而餐廳亦有各式套餐，預設給不想苦惱的食客。 當晚我選擇了素食套餐配熱檸蜜，並追加甜酸齋。素食套餐共有五款食物：冬菇、蘿蔔、腐皮、豆卜和時菜。價錢不算意外地便宜，但勝在用料充足，不會因為餸菜種類繁多而減少份量。冬菇和蘿蔔均是入味之選，蘿蔔煮得很稔。麵底有多款選擇，例如幼麵、米粉、米線或伊麵等等，我選擇了不帶鹼水味的粗麵。 甜酸齋帶點鬆脆，調味做得好開胃，難怪如侍應所說是招牌餸之一。 熱檸蜜很適合秋天飲用，含豐富維他命C，非常滋潤，也不會過甜。 留意餐廳逢星期日休息喲。

今日嚟到中海日昇中心呢度食lunch， 見到有間B哥車仔麵，價錢好實惠， 於是就入咗去食啦。呢度三餸一麵都只係39蚊， 另外仲有細B套餐同埋大B套餐(唔使揀廚師幫你斬)。 另外如果女仔比較細食仲可以揀淨係四餸。 而且全部都包飲品， 真係幾抵食。我哋一行4人，分別揀咗1個大B套餐 同埋3份四餸淨食，再加個咖哩尤魚和墨魚餅大家share。由于叫咗3份4餸餐，所以我地食咗好多嘢，墨魚丸、腩肉、蘿蔔、 滷水蛋、雞翼、雞翼尖、粉腸、豬紅、豬皮、魚皮餃、冬菇、魚丸，都俾我地叫晒。各樣質數都唔錯，當中蘿蔔夠淋夠甜，墨魚丸和魚丸亦夠彈牙，啱晒我嘅口味，而且仲有飲品送，呢個lunch真係夠晒滿足。

琴日紅日普天同㷫，遍地開花冇點出去玩，睇埋新聞更加㷫烚烚唔使瞓，所以今日返工冇乜精神，到咗放工都冇心情食餐好，咁唯有頹頹地俾大胃食個麵算胃民更加冇乜胃口，嗌個細碗車仔麵套餐算，話就話細碗啫，都幾多料吓，有魚蛋、豬紅、豬皮、蘿蔔同菜，食唔食得晒㗎？河粉唔會太散，夾得起有主見嘅胃民就自把自為嗌三餸一麵，份量一樣冇走盞嗌米粉似乎冇咁索湯加$4有特飲，幾抵玩雞翼幾脆口又大隻分唔到墨魚餅同蝦餅安能辨佢是魚蝦？大胃係冇胃口，但有大份餐都忍唔到口大到好辛苦先食得晒

約埋兩個朋友去觀塘行街，出發之前食個Brunch 先，原本想去駿業街紅X茶記，朋友見門口有姐姐派車仔麵傳單，就入左商場試新嘢。$39有三餸一麵，淨四餸都係同價，比深水埗食開嘅化算，而加餸加麵或一收費＄8一款，價錢合理，選擇亦多；小食由$14-$28，而飮品好平，平過茶記，熱飲/可樂$8，好耐無見過呢個單位數子價😻，凍飲$10，嘩！嘩！特飲$14🙊，唔好以為呢個價錢，坐得好辛苦，污糟邋遢，噏噏笠笠，我就覺得車仔麵嚟講係唔錯，最緊要夠乾淨，冷氣充足👍🏼我哋三碗各様都要D，大家開心share，個人喜好而言推薦豬大腸，好香膽固醇味道😜喜愛豬大腸同盟一定明白係乜味，淋度啱啱好，鹵水味唔會搶走大腸味💖白蘿蔔、餃子、韮菜、腐竹都唔錯；小食就喜歡有一大碗嘅菜芯，而雞翼炸得皮脆。整體嚟講好過元朗老字號嗰間law。

今日去左觀塘食車仔麵！港色風味車仔麵，環境靚過茶餐廳，好有氣氛。我叫左6個餸，好豐富。河粉，配左四寶丸、雞翼、菜肉餃、腐皮、滷水蛋、牛腩，再叫小辣。上枱好大碗，河粉好爽口，唔會太碎。超愛牛腩，滷得好入味。牛腩肥香肉質好軟腍！菜肉餃好多餡，皮薄夠滿足！滷水蛋好入味。蛋黃已經變成啡色，好咸香，蛋白香濃好彈牙。腐皮吸哂湯汁超滋味！四寶丸好彈牙。我再叫左炸蝦餅，蝦肉爽口，配上甜酸醬，好惹味啊！環境好舒服！

話說香港呢個石屎森林周圍商廈林立，其中觀塘更加誇張，咁多office同時放lunch搵食情況都幾蔚為奇觀。唔知一大班打工仔女日復一日搵餐晏食既時候，有無發現到呢間新開張幾高質既B哥車仔麵店呢？車仔麵店黎講呢間鋪頭都算幾乾淨企理，座位都叫闊落坐得舒服，唔會有好逼既感覺。更重要係呢度既店員招待親切有禮，同我地詳細解釋點樣點餐同埋熱心推介，價錢都幾合理，一碗麵都五十蚊有找。不過唔知食物質素又點呢？同其他車仔麵店一樣，呢度都係有張紙仔比你落order，而且選擇都幾多。因為今次係我同老公去食，所以叫左兩碗麵加碟小食。第一碗麵我地揀左河粉配豆卜、蘿蔔、粉腸同埋牛腩，然後湯走腩汁。碗麵份量都幾夠，個湯底夠味幾清唔肥膩，豆卜大大粒，蘿蔔清甜多汁又無根，粉腸同牛腩都處理得唔錯，軟身得黎亦都好入味。第二碗麵就叫左油麵配腐竹、豬皮、貢丸同埋菜肉餃。腐竹份量都幾多，豬皮有少少辣不過好爽脆入味，貢丸同菜肉餃質素都唔錯，睇黎呢度既食材大致上都幾好，無得挑剔添。小食方面我地叫左碟香茅豬扒。呢度既香茅豬扒炸得好香脆入味，但唔會好油膩。香茅同豬扒真係好夾。飲品方面我叫左杯熱檸蜜，而我老公就試左杯薑檸梳打，有薑既香味得黎

放咗工摺埋女朋友，諗住唔食得咁heavy簡簡單單食一餐，點知都有驚喜！佢嘅車仔送好多嘢架，當然都有我最愛嘅瑞士雞翼！而且魚餅都好好食！有大中小揀，好貼心！佢地會用匙羹裝住，比客人自己落！

餐廳：B哥車仔麵 (觀塘)地址：觀塘駿業街56號中海日升中心地下L號舖住係觀塘又或者係觀塘返工，尤其係工業區果邊做野嘅話，一定唔會對中海日升中心COS Centre陌生，因為果到有好多餐廳同美食，絕對係觀塘工業區lunch time時段嘅必去熱點之一趁住係附近做facial，所以都唔錯過呢個機會係到覓食，係中海日升中心地下盡頭有一間新開嘅B哥車仔麵，對上一次黎都未開業，原來7月尾先開始營業，既然係新餐廳咁當然唔少得有我嘅出現啦，畢竟我真係好鍾意試唔同嘅新餐廳新野食傳統地道嘅車仔麵，配上自助形式嘅用餐過程，都真係幾破格，畢竟係好多外國餐廳又或者本身我就讀嘅中文大學入面，唔少餐廳都係推行自己拎完野食，食完就自己收返好食完嘅餐具同碗碟餐牌亦採用多元化模式，有易搵架，亦都有傳統紙餐牌同電子版嘅，緊有一款岩你睇。餐廳除左有3款推薦嘅套餐之外，仲有9款麵同29款餸菜可以揀，仲有得分開上湯、走腩汁、要唔要辣嘅選擇，夠哂貼心，小食亦有10款之多，炸墨魚餅、鯪魚餅、豬扒、雞翼等款款都咁吸引大食嘅我就叫左五個餸配粗麵，另外仲叫左炸雞翼同咖啡紅豆冰。湯底加左腩汁，相當香濃入味，係食車仔麵必需嘅湯底，我叫左墨

經常係附近食早餐，發現原來開左間車仔麵，一於就約埋住觀塘的朋友來食，入到店鋪就先係收銀落單，選擇都幾多，除左基本揀三個餸一麵之外，佢都仲有幾個套餐“大B套餐”“細B套餐”同埋一個素食餐，唔想再諗食咩，所以就揀左大B餐，朋友佢就要細B餐。落完單就望住個mon，等左陣見到自已號碼就有得食，大B餐有魷魚，魷魚好爽，大腸就好入味，我要左個小辣，辣度啱啱好，唔會搶左其他味，而朋友的細B套餐，見到都好多餸，試左佢一舊蘿蔔，煮得好淋，完全入晒味，還有發現B哥有好多小食，就揀左個香茅雞翼，同埋炸蝦餅，估唔到小食做得一樣出色，全部都係即叫即炸，蝦餅熱辣辣，咬一啖已經覺得好彈牙，加上又大件又厚身，而雞翼就炸得表皮好香脆，亦都真係有香茅味，食左咁多野，最後都有叫番杯特飲，咖啡紅豆冰，紅豆好淋又甜，可以消減一下啲油膩，整體都好好味，下次再食其他。

大B套餐-幼麵$56，內有魷魚都幾爽口、大腸無羶味好腍、牛腩不鞋口好入味、豆卜、時菜，跟餐免費1杯飲品，特飲餐加$4餐紅豆冰，加$4可以飲紅豆冰都好平，紅豆煮得好腍都幾多豆。細B套餐-米線可走汁$48，內有豬皮爽口無豬毛非常乾淨、豬紅、魚蛋好味、蘿蔔無苦澀味而且好腍又清甜、時菜，特飲餐加$4薑檸梳打，好特別真的有微微薑汁味，可選擇走腩汁。素食套餐-粗麵$43，內有冬菇，冬菇相當入味，非常厚身，濃濃的香菇味，這個一定要食、蘿蔔、腐皮、時菜、豆卜肉讓左少許蝦交，好彩我不是真的食齋。特飲餐加$4青檸梳打，香茅雞翼4隻$25，雞翼值得一讚，炸到皮脆肉嫰非常熱，味道剛剛好不會太鹹。香茅豬扒一塊$18，已切開幾塊上碟，豬扒不鞋有咬口，有少許香茅味道。韮菜豬紅$20，都幾抵食好大碗，豬紅好滑，韮菜又唔韌。老闆娘好好人，仲送左碟生菜比我們，真的多謝她。如果在觀塘工作有時間就去試下，下午茶都好抵食，味道又好，價錢又抵食！😋😋👍+++++++++++++++如果大家喜歡💕我寫既食評，麻煩比個❤️鼓勵一下我，我會寫更多更好既食評比大家！😊

今日同屋企人去觀塘食車仔麵。這間《B哥車仔麵》糸觀塘新開嘅， 光猛企理。我揀咗三餸麵，$39。魚皮餃（有三粒），牛丸（有三粒）牛腩（有數件），河粉。啲餸都幾多，餃子類和丸類每樣有三件，抵讚！牛腩仲有牛筋粒，正！魚皮餃質素不錯，牛丸彈牙，牛腩蚊得唔錯幾淋，河粉的面質亦處理得不錯，不會太淋。朋友嗰碗有冬菇，墨魚丸，雞翼，配米線。朋友話冬菇好正，大大件，夠林，好香冬菇味。滷水雞翼味道亦不錯，米線也好吃。另外叫了一些小食。香芧雞翼即叫即炸，外脆內嫩，好食。香炸蝦餅這個大家都覺得好正，蝦肉爽口彈牙，炸得剛好，十分香口。飲品叫了青檸梳打，和鹹檸檬七喜。食車仔麵配冰凍飲品好正。而且只需$14，好抵飲。呢度價錢實惠，食物質素不錯，會再來的！

觀塘駿業街的中海日升中心新開了一家B哥車仔麵， 地點鄰近好多公司，相信下午一定吸引一班打工仔的青睞。平時星期五晚來到，可能是因為新開的緣故人客不算太多，坐得都算舒服。店入面採用自助形式， 選好想食嘅食物之後，就可以去櫃檯落單比錢。選擇都是一般的車仔麵餸，今次就叫咗幾款車仔餸加油麵。今次試咗好多款餸，最主要推的有蘿蔔、豬紅、豬大腸、酸甜齋。蘿蔔入口沒有渣，而且甜甜的！實在好難做到。而朋友就點了一碗腐竹墨魚腐皮卷腩肉粉腸油麵，腐竹好清，望落去好似冇後面咁吸引。不過腩肉都滷得好入味，粉腸而且都冇異味。酸甜齋也是比較驚喜，新鮮即炸入口香脆，熱辣辣。加上酸甜醬汁十分開胃。另外要介紹的就是旁邊的辣醬，是自家製的。甜中有辣，而且辣到又不會過分搶鏡，甜甜地滿有香味。如果唔食得辣，可以走辣，但係比較可惜囉因爲太好食。價錢相宜，的確是午市的一個好選擇。而且可以fax落單，咁樣就可以慳返好多時間。啱晒附近嘅打工仔。

幾日前喺觀塘整完甲，就叫咗男朋友出觀塘一齊食飯。男朋友話喺openrice 見到有間新開嘅車仔麵—B哥車仔麵都幾多正評，咁就去試下。B哥車仔麵好多餸選擇，我哋企咗喺收銀到幾分鐘都未揀好，待應超好人咁俾張外賣紙我哋坐底慢慢揀。我要咗個三餸麵—蘿白，牛腩，甜齋，米粉。原本叫咗走辣，不過老闆好有心，另上一份自家辣醬俾我哋試下。個辣醬幾得意，唔係得個辣味，係先甜後辣，點牛腩都幾夾！蘿白係我每次食車仔麵必點嘅餸，B哥嘅蘿蔔冇喳夠甜，大推！甜齋都好味，呢度好細心，甜齋係分開上，口感有啲似油炸鬼，幾特別。男朋友叫咗細B套餐，有豬皮，豬紅，魚蛋，蘿蔔同生菜，好豐富。男朋友都讚啲餸好入味，又足料。整甲整左成兩個鐘好肚餓，所以我哋另外叫咗兩樣小食。兩樣都真心推介！首先係香茅雞翼，雞翼熱辣辣上枱，啲肉有淡淡香茅味，肉質又唔會乾，完全比得上泰國店嘅雞翼！另一樣小食係香炸蝦餅。食落覺得蝦餅應該係自家手打嘅，外面香脆入邊彈牙，加埋啲甜酸醬好惹味！飲品方面，我哋要咗公和豆漿同埋鹹檸七。公和嘅豆漿不嬲都好香濃豆味，呢到有得叫，當然要飲啦！另外值得一提嘅喺，呢度有免費Wi-Fi，超級貼心！B哥車仔麵食材新鮮而且服務周到

今日嚟到九龍觀塘駿業街56號， 中海日昇中心地下L舖， 一間B哥車仔麵， 入到店內 很有禮貌的店員， 老闆都很有禮貌， 安排咗一個舒適，優雅寧靜的地方給我坐， 我叫咗一碗大b套餐， 十五分鐘，大b套餐來到了， 很香的魷魚味， 魷魚很爽， 大腸很入味， 豆卜 超好味， 伊麵底很爽滑， 湯很清甜， 素食套餐來到了， 冬菇很彈牙， 蘿蔔很淋， 腐皮很香， 豆卜超好味， 生菜很薄薄脆很脆口， 油麵很爽口， 還有香炸蝦餅， 很香口很彈牙， 韭菜豬紅， 韭菜很香豬紅很新鲜， 還有很特色的青檸梳打， 同鹹檸檬七喜， 仲有秘製辣椒醬， 樣樣美食很好味。