B.Two House (已結業)

餐廳麻雀雖小，五臟俱全，有一種清新既少女風味。我叫左個B餐，係有濃湯同甜品食，餐廳都有提供熱茶。個杯都係特製杯，印左餐廳既logo .餐湯係煙肉忌廉蔬菜湯。濃湯既材料好豐富，除左有煙肉外，仲有好多種蔬菜，蔬菜都切到細細粒粒，方便入口，蔬菜吸收左忌廉湯既味道，加埋煙肉既香味同蔬菜爽口既感覺，整體都幾好食。主角黎啦！係我最愛既煙三文魚配忌廉芝士bagel ，自從係美國食過後就好掛住bagel 啦。Bagel 口感煙韌，軟中帶硬，同係美國食既bagel 一樣，好好食。煙三文魚同忌廉芝士依個經典組合好正，忌廉芝士香滑，帶著柔和既奶味同咸味，煙三文魚就好香好好食。bagel 入面仲有番茄同生菜，中和左忌廉芝士既膩度，增加左清新既感覺。個餐仲有埋甜品食！係朱古力蛋糕，蛋糕甜度剛好，唔會好膩、口感鬆軟，夠濕潤。

是日返半晝，可以收1點，所以約咗朋友食下午茶。朋友住係觀塘，成日都係工廈捐窿捐罅搵食，今日佢就帶我嚟，話呢度啲麵包好好味。原來呢間小店主打係手工無添加bagel。之前未食過bagel, 唔知咩嚟，睇牆上黑板上介紹，先知bagel係經水煮完才烤焗，所以口感煙韌。睇完介紹同知道係每日新鮮製作，都想試下, 所以點咗煙三文魚忌廉芝士bagel配set B。Set B 係一份bagel跟低脂忌廉蔬菜湯同甜品。蔬菜湯好足料，每啖湯都食到唔同蔬菜同雞肉，味道唔太濃。呢件bagel賣相一流，而且用料足。啖啖都食到煙三文魚同忌廉芝士，連埋青瓜生菜蕃茄食，都幾fresh。而Bagel一如介紹，口感煙韌且紮實，完全唔似連鎖麵包店啲空氣感麵包。除咗Bagel出色，估唔到連甜品都有驚喜。呢件74% truffle chocolate cake, 朱古力味好濃，甜中帶微苦，食晒成件都唔覺溜。朋友今次介紹得幾好, 環境舒適，聽住音樂，品嘗手工bagel, 都幾寫意架! 另外，睇得出老闆好用心製作每一樣食物，單係堅持手工製作同無添加，已經值得再嚟支持。

今日放假約左個好耐冇見既朋友食飯🍻，想試下d中價位既新野。第一次嚟到呢個餐廳，見佢有bagel、意粉同飯食。最後我揀左一個墨西哥卷，因為我一向都比較鍾意食呢d卷物，但係以前一直都係食鴨肉或者雞肉，今次試下新野，叫左個煙三文魚卷。個卷送到先發現個卷比想像中嘅大，食完都覺得幾飽但係我都係比較鍾意食雞肉果類多d，跟餐仲有個是日甜品同埋汽水，今日嘅甜品係朱古力蛋糕，d朱古力味都幾濃。下次再黎會試埋個雞肉手卷。

今日約左友人黎觀塘區掃運動品牌outlet 順便食野，隨意嚟咗呢間係觀塘工業大廈入面嘅B two House。講真位置都吾易搵，好彩有openrice 大神指路下午二點幾黎到，個場唔係好多人，啱啱坐低無幾耐，入面嘅人就開始買單走咗， 搞到我地好似包左場咁夏日炎炎，坐係冷氣房嘆美食真係好正牆上有menu :枱上都有menu ：本來黎到bagel 專門店，理應就試下bagel 嘅， 不過因為我今朝食咗麵包做早餐，晏晝唔想再食包， 所以就揀咗個照燒素菜飯。素菜飯都算有幾多配料，椰菜西蘭花粟米紅蘿蔔木耳絲紫菜都有， 感覺自己真係好健康味道就正正常常啦，食得過咁反而朋友就叫左個火腿芝士bagel ， 睇個賣相幾靚（不過我就吾記得影相）， 佢話都幾滋味，醬料又夠多～我下次黎可能會試吓叫佢呢個！同場加映：是日甜品——朱古力蛋糕

今日食左個美式午餐。好有係美國食既feel。觀塘工廈其實真係隱藏好多美食。如果唔係朋友帶我去我都唔知有間美國野係度。叫左個辣烤雞bagel。美國野真係唔多食。見到bagel一上菜，原來係啡色的bagel。咬一口，bagel既質感好fluffy。少少實又有少少軟，bagel口感真係好味。眼見好似普普通通既包，但咬落去就勁鍾意個口感。雞肉有少辣，食得好開胃。仲有個西式餐湯飲。足料既忌廉餐湯，熱辣辣。裝係個杯度，好靚。觀感同口感都好。套餐仲有個甜品，朱古力蛋糕，睇落應該係自己整，但味道一啲都唔差，朱古力味濃。精緻既工廈餐廳，幾文青feel。食個餐吹下水最適合不過！

觀塘的工廠一直是臥虎藏龍的地方，之前廣受傳媒報道的貝果小店，全因爲老闆娘好靚女，似香港某一個女明星，一眼就認得出佢了！不過佢d食物都唔輸蝕架！小店主張無添加，不加人造牛油及防腐劑等等，百分百每日自家製作，認真健康。今次放假在下午茶時段到訪，一於試下出名的Bagel 同咖啡!菜式的選擇非常之多，聽老闆娘說下午的時候人潮湧湧又爆場，兩個set價錢合理！小店的無添加食品於區內甚受歡迎架。下一次無咁飽，真的要來試一試他的主菜了。而下午茶的價錢有20多元到40多元不等，除了下午茶的甜品，貝果，冷麵等選擇外，還跟餐附送飲品。好多報導都有提過小店的Bagel最出名，超新鮮！每日堅持自家製，皆因老闆娘在收鋪後開鋪後都會全力製作。今次雖然已經3:30來到，剩下的選擇已經不多了，這個Bagel是黑麥製作，最後一個，入口香脆，裏面的口感煙in，又不會過甜，好健康呀，而且每天還有二至三款不同口味，如果想多d選擇就要早少少黎啦。加上配上自家製的忌廉芝士，令人有回到美國生活的感覺呀！而香辣烤雞卷可以選不加辣入邊包着大量新鮮的蔬菜，有山菜番茄和青瓜，入口清新，烤雞只是略略配上醬汁，啖啖肉唔會比醬汁搶鏡！啱哂注重健康

閒日兩點幾去到好少人 唔洗等 而且環境乾淨整齊今次係我第一次食，尼間餐廳自製手工食物 包括餅乾 麵包 感覺好健康我叫左忌廉煙三文魚包 黎到個陣 哇😱😍 好豐富 打開個包 芝士迷既我發癲了 超級足料 而且個包唔係軟身 少脆 口感好正 好好食 睇下 料多到！！我叫左套餐 所以有甜點 朱古力蛋糕 口感唔會太實 仲有好濃朱古力味尼個湯絕對唔係味精湯 好多配料 紅蘿蔔 豆 菜⋯其實平時下午黎食個lunch都好享受 食得好開心 店員好nice支持尼d努力經營 堅持自己原則 唔係一味落味精 要求高既小店

身為一個超級麵包控，對於一切麵包都為之著迷，但云云款式當中個人最愛定非貝果(Bagel)及法包(Baguette)莫屬，偏愛那種結實煙韌的口感。但香港有售Bagel的地方實在寥寥可數，而當中更有不少只是掛名為Bagel的普通麵包，難以表現出貝果應有結實煙韌的精髓，要覓到正中下懷的美味Bagel實在是大海撈針，不如台灣朋友一樣選擇繁多之餘口感一絕。在網上看到這間以手作Bagel及健康餐點為招牌的餐廳，一直蠢蠢欲動想要特此一訪，下午茶時段到來，店內客人為數不多，份外舒適自在。餐牌上琳琅滿目的Bagel及沙律卷正正是我們頭號目標，最後決定點了一份日式鰻魚Bagel($71)及一份照燒牛肉卷($63)，套餐B隨餐附送湯及甜品，價格極之相宜。番茄十蔬濃湯當中蔬菜量極多，真材實料，番茄酸香當中帶微辣，開胃可口。日式鰻魚Bagel以竹炭Bagel為基底，除了擁有一副黑色外表之外味道與原味Bagel無異。鰻魚切成薄片份量恰到好處，燒汁鹹度剛好，肉質亦夠軟嫩，毫不霉爛。Bagel外層微脆，中間綿密煙韌，完完全全滿足到我的喜好，台灣貝果會比這裡出品結實，而這裡的卻於鬆軟及結實之間拿捏得天衣無縫，沒有過硬亦

最近自己愈來愈愛吃Bagel(貝果) 原味配上忌廉芝士已經很好吃 但在香港買Bagel的店 特別是九龍區 無意間在上網看到觀塘工廠大廈內有間主賣Bagel的小店 決定找一個午飯時間去試 選了午餐A 有碗足料的蕃茄十蔬濃湯 飲得出不是普通罐頭貨 味道不會太咸食到有薯仔粒 飲完成碗已經飽了半成 主角到 當日是親子烤雞手工竹炭Bagel配薯菜沙律 先食一口Begal 外表脆身內裏煙靭 已經急不及待繼續進食 雞肉有少少″鞋″配上生菜番茄青瓜 爽口 但一起進食有少許困難(太厚)🙈 旁邊的沙律絕不馬虎 粟米紅腰豆沙律菜新鮮 點午餐更可以用半價享用手工甜品一款 74% Chocolate Truffle Cake 朱古力味濃郁 細細件好滿足店主用心製作食物 有空的時候更會跟客人聊天問意見 絕對值得再去！

觀塘工廈入面最多隱世美食，見好多人讚好呢間新開不久既店，於是同友人就試下呢間。成個環境比人好舒服寧靜既感覺一坐低，店員就比左杯玄米茶我地飲，令人開胃。menu都好多野食呀最後都係點左個最出名既手工bagel呢個係牛油果沙律蔬菜bagel bagel 外皮好脆 內面好鬆軟 好有口感 正 牛油果都好新鮮 好有味 成個配搭好健康好有營最後當然唔少得甜品啦！呢個朱古力慕絲蛋糕細細舊 唔會太肥利 朱古力濃度控制得好好！海綿蛋糕亦好鬆軟 好好味呀

我很喜歡整麵包, 但現在仍做得不好, 還在學習中….看不同的麵包書籍、看有關的教學短片, 試下整這種, 又試下整那種, 而一直最想整就是貝果Bagel。它樣子可愛, 口感特別, 亦可變化多端。不過…..我一直都沒有整過它, 為何? 要成功做到紮實、有嚼勁又不太硬、有柔軟中帶Q, 實在太複習了! 真的怕失敗, 擔心自己做得不好而破壞它一直在我心目中的印象….那還是到處尋找它的美味吧!你認識貝果Bagel嗎? 據網上資料, 它是猶太人發明, 為了方便攜帶, 把其做成馬鐙的形狀，而「貝果」正有馬證的意思(資料來自: https://zh.wikipedia.org/zh-hk/%E8%B2%9D%E6%9E%9C)。由於喜歡它, 所以經常會看有關的資料, 亦會找有它出沒的麵包店, 今次就找到一間開在工業大廈的小店, 店主會每天新鮮製造我喜歡的貝果。它取名B. Two House, B Two 相信是兩個 “B”, B for Bagel 和B for Bread, 真有意思。店內設計成後花園般, 每枱都放了假植物、牆上鑲了木製假窗框, 收銀處還貼上可愛小狗的相片, 難道是店主的家? 很舒服呀

今日去到觀塘做小小野，午餐時間去左一座工廈食飯，有間新開業餐廳主打自家製麵包，搞到我好想走上去試一試，超鐘意食麵包的我餐廳簡單裝修，令人感覺好溫暖。手寫餐牌仲有自家製Cookies呀我好欣賞啲自己親手整的野。雜菜湯。湯裡頭好多蔬菜、薯粒、煙肉，濃濃湯汁好香好清新，好開胃呀牛油果醬碎蛋煙肉墨西哥卷。牛油果醬味道唔突出，墨西哥餅皮香口唔會乾身，餅皮好薄好香，滿滿碎蛋醬和生菜，菜多肉少好清新好健康再叫個自家製黑糖麥包。麵包鬆軟清甜，麵粉香味濃厚，忌廉清清完全不膩，值得一試。

朋友帶我黎食個bagal 原本覺得天氣咁熱仲要食包 無乜胃口架但我食完真係要收番尼句！入到去環境好乾淨清潔整齊 仲比左玄茶我地飲平時就即日可係餐廳塊黑板睇唔同lunch set 不過我最後都選了煙三文魚忌廉芝士bagal 套餐B(西式濃湯+甜品）湯都幾大杯 入面有好多蔬果 好清新 絕對唔係味精湯 而且味道岩岩好！🤤再到主菜我既bagal 我係一個超愛芝士既人 圖中可以隱約見到包底有一層厚厚既白色 就係芝士 餐廳絕對無偷工減料😍 而且煙三文魚都好新鮮 最重要係尼度既包 即食好脆 有啲「煙un」感覺 配埋薯菜 好fresh 完全超開胃呀！！😍😍😍😍甜品選了芒果流心蛋糕 細細件一啲都唔滯 賣相亦相當吸引

今日一個人走左上去觀塘工廈食個飯，原來東廣場附近有座工業大廈，入面有間新開張的手作餐廳，全部自家製好有心思。餐廳以簡單裝修為主，家庭味道濃厚。午餐餐牌選擇多，自家製麵包為主打菜，都有意粉/飯/烏冬選擇。豆腐味噌湯。味噌湯味道唔會好咸，清清甜甜，岩我胃口。照燒雞肉飯。照燒汁夠多味道甜甜的送飯岩岩好，白飯煙韌有咬口米香濃厚，雞肉香嫩唔會乾身，有好多椰菜/木耳絲/紅蘿蔔絲/西蘭花，入口香口味道唔單調。另外叫左枝檸檬菜。

早前小妹相約了很久沒見的好友在中午見面，順道共進午膳。兩個女生食量不太大，所以決定在觀塘的工廈中尋尋寶，剛好看到有開張不久的《B.Two.House》，主打麵包輕食，正合咱們的心意我們合共點了一個lunch set及黑糖裸麥包set分食！前菜及餐湯都忘了拍照，分別是中華沙律和蕃茄湯，味道普通，沒有驚喜。接著來到的是黑糖包，熱烘烘的包，外脆内軟，配上幼滑的忌廉，實在令人吃得滿心歡喜 lunch set的日式野菜牛肉飯也隨之到來，野菜和牛肉的份量適中，但飯量激多，兩人分吃也差點吃不完。照燒汁帶有微甜，配上餸菜也是下飯的一絕！但畢竟主打是麵包，這飯的味道亦只屬普通，味道不過不失。最後來到的是lunch set附上的蛋糕，味道正常，小小一塊便剛好為這頓舒適的午膳劃上句號店內有熱茶可給客人添飲，對這小店的印象不錯，若再次到來定必試試店內的手工bagel