Baker Talent

营业中

休息中

講開「麗閣商場」，以屋邨商場嚟講，佢真喺幾幾有型，以組裝貨櫃嘅概念打做，為「麗閣」呢個老屋邨添咗唔少活力。事緣到長沙灣政府合署搞完文件，揀咗過嚟長沙灣站搭地鐵，見到呢個商場就打打卡。咁啱晌地下鋪見到過江龍「新加坡麵包達人」（Baker Talent）有鋪，索性買啲麵包當下午茶同聽日早餐。其實唔睇名，格局都喺同啲港式麵包鋪差唔多，四周麵包櫃放滿個裝麵包，不過，重點喺啲麵包都已獨立包裝好，比較衞生，而且，擺放得好整齊，短短逗留一陣，已見店員不時整理麵包啲擺位。 不得不提，就喺店家嘅招牌作「D24 榴槤菠蘿包」，亦喺吸引小弟專登行埋嚟嘅原因，只可惜，賣晒，緣慳一面。不過，其他麵包嘅款式亦好特別，唔喺港式麵包鋪見慣見熟嗰啲，否則，都唔會試咁多個啦。 此外，佢哋另一名物，就是葡撻同芝士撻，不時出爐，亦非常搶手，而且，定價非常親民。其實，其他啲麵包都同樣定價好相宜。 除咗麵包，仲有蛋糕、瑞士卷、冬甩、馬卡龍……等等特色產品供應。 而近收銀處旁，則有個大凍櫃，提供各式飲品，更有自家製嘅樽裝咖啡同奶茶，不過，今次我就無試。 蔓越莓乳酪包 $9.54款包中，呢一款屬於軟包，成個日式燒餅咁，包身真喺好軟熟

#麵包eatcovery #長沙灣eatcovery💡新加坡🇸🇬過江龍麵包🥯小編作為一個麵包控，經常搜羅不同地區好食的麵包。今次就介紹來自新加坡Baker Talent，有好多好有特色麵包，除左好多選擇外，價錢仲好大眾化，大家不妨買個試試🥰🍽榴槤菠蘿包係呢間餅店嘅招牌麵包。菠蘿包夠曬大個，榴槤嘅味道好濃郁😋香濃得黎幾黏口，菠蘿包外層脆脆地，如果榴槤餡料再多一點就會更正。🍽咖椰🥥班蘭菠蘿包平時食班蘭蛋糕就食得多，菠蘿包係入面加左咖椰班蘭就第一次食。包表層上加左芝麻增添香氣，班蘭味道夠曬突出，不過都係個句如果餡料再多一點就會更滿足。🍽爆漿朱古力包🍫爆漿朱古力包面層有可可粉，加熱後一口咬開，中間真係流心朱古力醬，大爆發流曬出黎。朱古力味又唔會太甜。🍽韓蜜韓國柚子包面層有好多柚子，所以食落去口感都幾豐富。🍽牛角包🥐牛角包好大個只係$10，而且牛油酥香，咬落好鬆軟！

近排🤰🏻啲包癮又發作，今次試咗呢間新加坡過江龍麵包店，賣嘅包都幾有新加坡特色，例如D24榴槤菠蘿包 、班蘭咖椰菠蘿包，仲有多款爆漿夾心包，例如爆漿朱古力、蔓越莓乳酪，另外仲有馬卡龍、布甸、葡撻、芝士撻、冬甩、瑞士卷etc勁多款有排試🤣🌝班蘭咖椰菠蘿包 $8.5 切開入面就係班蘭麵包同咖椰夾心，班蘭麵包有淡淡嘅班蘭味，咖椰味會突出啲，配埋出面啲咖啡酥酥又幾特別🌝爆漿朱古力包 $9.5 🤰🏻叮熱咗呢個包食，所以入面啲朱古力醬流晒心，而且朱古力味都夠濃👍🏻幾好食🌝咖啡菠蘿包 $9.5🤰🏻好鐘意咖啡製品，見到呢個咖啡菠蘿包即刻想試，面頭係啲咖啡酥酥，而入面啲咖啡餡淡淡地都幾香👍🏻🌝蔓越莓乳酪 $9.5乳酪內餡酸酸甜甜幾開胃🤣而且啲餡本身都夠多，雪凍食會好似食雪糕咁更好食😋🌖白朱古力馬卡龍 $10好少見麵包舖有馬卡龍買，見佢咁色彩繽紛就買咗粒黎試吓，白朱古力味預咗會偏甜，口感幾煙韌，而價錢真係抵食🌖朱古力冬甩 （小）$9呢個口感鬆軟但都係偏甜，鐘意甜嘅朋友可以一試🤔雪凍食會幾好食

新加坡過江龍，不過麵包款式幾多元化又貼地，大部份都係香港人嘅口味！D24榴連波蘿呢個一見就知要試！泰國D24嘅香味真係隔住膠袋都聞到！波蘿包皮好唔係鬆化脆身，雖然就少咗個口感，但好處係唔會同包體分離，食到成身都係碎屑。內餡D24榴連算幾足料，店個包三分一，好香甜，唔怕榴連嘅朋友我覺得係必食！紫薯軟包招牌款一嘅軟包系列有紫薯、檸檬芝士、蔓越莓等好多口味。包體係鬆軟有咬口，紫薯個人認為冇咁「溜」，不過可以夾心再多餡啲會更開心！蜂蜜芝士蛋糕鬆軟嘅雞蛋糕，蛋香味中挺，建議唔放雪櫃，可以稍稍預熱焗爐，再焗3分鐘，令雞蛋香出返啲，表面薄薄嘅蜂蜜芝士呈半溶狀，滲入雞蛋糕內層，甜而不膩葡撻中規中矩，size 比平時食嘅細啲，一口一個。性價比我覺得正常。

星馬菜式在港愈來愈普及，從以前零聲單店，到現在連所餐廳散落，那日更發現以新加坡為主的麵包店，決定進內揀選明天早餐麗閣商場裝修後建起特式貨櫃牆，增添不少活力，也吸引了在遠處眺望的我前來逛逛大約黃昏時間到訪，麵包款式與數量也十分有限，但可見每個麵包獨立包裝，包裝袋內麵包乾爽沒有水蒸氣，亦不見有污染或昆蟲。麵包包裝後，托盤、枱面及地面等相對也沒有食物碎屑，廚窗燈光充足，可清楚看到每件烘焙品外貌，整體乾淨企理。在疫情間雖然沒有暖管下的溫度麵包，但卻換來一份安心。除麵包外，還有很多不同種類的烘焙食品有撻、中西式酥品、蛋糕、布丁及冬甩等，琳琅滿目確實難以挑選，悔恨沒有更早前來錯失品嚐特色麵包的機會。麵包店還在為無添加糖的果醬作推廣，有雜莓、草莓、香橙、無花果及桃子，更有鮮雞蛋售買，頓覺自己彷如在逛小型超市。最後選擇了四款烘焙品作回家慢慢品嚐酥皮尚算鬆脆，順溜蛋餡帶香甜蛋鮮味，可惜卻缺少了焦糖味帶來的惹味感惹味撻皮薄脆，內藏滿滿芝士餡，稍為叮熱戈芝士餡軟綿綿，帶香濃忌廉芝士味，一口size已經好滿足咖椰是新加坡名物一定要試試，麵包鬆軟內裡藏著甜甜咖椰，咖椰偏甜，椰汁及班蘭味較輕微，所以分量小小就足夠

Sometimes, Happiness is the smell of freshly baked bread...有時半夜🌙 口痕都心思思想食野，呢日就買定半打葡撻係屋企看門口，宵夜就可以食喇❤️。一口氣買左6件真係好爽😚，簡單用氣炸鍋焗返熱，就好似新鮮出爐♨️，好香牛油味而且酥皮底好鬆化，半夜真係好滿足。另外仲買左杏仁酥條，同樣香脆鬆化💛，加上雪花杏仁片，就係咁半夜會唔覺唔覺食多左，吃光光，然後你會不小心發現自己已經倒頭進睡喔。哈哈

本地麵包店就成日食，今次就試新野來自新加坡Baker Talent，價錢好貼地，就算係特色有餡麵包，大部分都係$10以內，款式好多樣性，個日去就有榴槤菠蘿包 、爆漿朱古力、朱古力牛角仔、檸檬芝士包等，除左麵包，仲有布甸、芝士撻、冬甩🍩榴槤菠蘿包｜$15｜7/10榴槤菠蘿包都係第一次聽🤣菠蘿包有手掌咁大，外皮睇落比較硬身同原整一片，未食已經聞到陣陣榴槤香，切開見到有一半果蓉，幾香濃同黏口，如果餡料再多d就更滿足咖啡班蘭咖椰菠蘿包｜$8.5｜7/10菠蘿包上加左芝麻增添香氣，外皮都幾薄，切開就見到班蘭顏色同咖椰醬☺️甜味突出，咖啡味相對地被蓋過爆漿朱古力包｜$9.5｜8/10見到好多人麵推介呢款麵包，所以好期待🥰面層有可可粉，中間真係流心朱古力醬，有點似心太軟，麵包幾鬆軟，朱古力夠濃郁迷你雜錦包仔｜$17/5個｜6.5/10其實真係幾抵，有幾款口味，有牛角包、紫薯包、朱古力包、奶皇包，一次過可以試哂口味🤤買既時候膠袋仲有蒸氣，真係新鮮製作就包裝，味道是平時食開甜包仔，正常

一見到麵包舖就忍唔住入去睇下有冇咩新式麵包🥯😆多新式口味又多元化，但估唔到都幾平下喎😍平均價錢都係5-8蚊😨買完先知原來佢係新加坡過江龍麵包店黎，都有幾間分店😳一定再幫襯❗️好過太多岀名但貴既麵包店😂質素仲要高過佢哋，真係想私藏系列‼️❤️-💕葡撻 $5👅好味指數：9.5/10必食❗️超岀色‼️☺️千層酥皮😍好酥脆❗️爆漿蛋味濃郁❗️好厚蛋，好夠蛋香🥰又香滑又夠甜，滑到似焦糖燉蛋☺️高質素到同kxx差不多‼️ 千層酥皮完勝kxx❤️-💕 芝士撻 $6👅好味指數：8/10半熟芝士撻芝士味濃軟滑，係半融之間，但偏重檸檬酸味，中意酸啲既可以一試。-💕 迷你香芋包 $4 $17/5👅好味指數：9.5/10香芋控必食❗️香芋包麵包鬆軟，芋泥口感綿滑☺️夠足料，甜度適中❤️唔會過甜過淡一次過食2個先夠喉🤣🤣佢除左香芋味，仲有芝麻芝士、紅豆、朱古力、咖椰、紫薯，牛角包，雜錦都有，但就未必有齊想要既味，如果17蚊5個可以自選就perfect 了🥺。-💕 咖啡菠蘿包 $8.5👅好味指數：9/10除左係香芋控，我仲係咖啡控☕️菠蘿包皮係香濃既咖啡味☺️❤️餡料有淡淡咖啡香，番去叮番熱，麵包都夠哂鬆軟，正😚-💕 朱古力牛角仔 $5.5 $1

終於食到唔係連鎖工廠的麵包味🥲🥲麗閣邨麵包小店Baker Talent帶住新加坡式的味道，係港式麵包西餅之上加入新創意，想食傳統麵包，有想食新加坡的口味，也有。-榴蓮波蘿包 D24榴槤餡，甜而不漏，一吃就知是東南亞的榴槤波蘿包皮也脆，這種mix and match最重要係賣街坊價，大家都愛攞黎做下午茶。-牛角包牛油酥香，脆而不膩。芝士撻 &葡撻新鮮出爐，而且幾蚊已有交易，不用去貴鬆鬆的名餅店排隊買吧。芝士撻用上新鮮芝士和牛奶，食落外脆內軟滑，芝士濃而帶酸香。葡撻外酥脆內嫩滑，那一層烤焦了皮是精髓啊～-蛋白卷25滿滿的cream帶滑溜，蛋糕濕軟，食完唔會有種罪惡感，簡單而好食。-自家奶茶配蛋糕當然要加啖港式奶茶吧茶味濃而奶滑，是茶餐廳的質素，Prefect.

之前因為網上介紹，已經知道呢間麵包店🤣，但係果日去既時候已經得返個牌🥺，已經無哂lu😮‍💨。好彩仲有其他都係好好食嘅啫😂😂，店員都有好推介🫶🏻！仲有好多款嘅包入邊都係有料既，咁樣真係幾好😚。☀️爆漿朱古力包呢個朱古力包真係一定要試！！！真係勁好味🫶🏻🤣！！！真係勁多朱古力！！！超好味！！！呢個係店員推介，真係冇介紹錯😆😆～最最最最推介真係呢款～🌙牛奶布甸勁香牛奶味～同埋布丁都勁滑！好似好耐冇食歌佢仲質素嘅牛奶布甸，同埋以呢個價錢來講真係好抵，咁好味嘅牛奶布甸都只係9蚊炸🤤🤣～🌟葡式蛋撻葡撻只係5蚊！！另外佢仲會有款芝士撻～不過我自己比起芝士撻口更加鍾意葡撻！仲要買嗰陣同我講話仲有5分鐘就有新鮮出爐嘅，咁我就當然會等埋個5分鐘啦😆～有108層嘅酥皮😻，真係勁正😹！☀️蔓越莓乳酪呢個包包第一眼就比佢個佢吸引左😹，因為以前都有食過蔓越莓既產品，印象中都唔錯，所以呢個味道既包應該都會吸引😻。個包met開入邊都係有料既🤤🤤🤤，真係唔錯唔錯！🌙咖吔包17蚊5個！其實真係幾抵😂😂～唔好睇佢細細個都有料嘅😂😂，咁因為我揀咗咖吔味，所以個包入邊都會有咖吔既🤤。因為都有好幾款，當中紅豆同咖吔就最吸引我，不過我

來自新加坡的過江龍 @bakertalenthk 比起一般的街坊麵包店有更多選擇 甚至有馬卡龍和冬甩出售檸檬乳酪 🍋 酸甜酸甜的味道乳酪餡帶點奶香餡料亦算不少蔓越莓乳酪❤️這款同樣帶水果的酸甜味道蔓越莓數量足夠咖啡波蘿包 ☕️ 波蘿包的變奏版 加熱後咖啡的味道香噴噴爆漿朱古力包 🍫 加熱後一口咬開 朱古力漿大爆發😂朱古力偏苦 不會太甜雞蛋火腿三文治 🍳 就是你可以想像的簡單味道 但亦是最經典的搭配—芝士+火腿+雞蛋=冇得輸加熱後三文治散發牛油香 麵包邊緣脆脆的平常主要吃較健康的貝果和歐包 偶爾吃吃鬆軟的麵包亦充滿驚喜反正是包我也喜愛非常😇題外話一下 真心想見多點本地麵包小店冒起 以抗衡一下大型連鎖麵包店 質素和人情味也有過之而無不及吧

.《Baker Talent》麵包係早餐必備嘅！😙 屋企附近開咗呢間麵包舖，見到佢有幾唔同既麵包款式，例如D24 榴槤包同埋葡撻等等已經好想買嚟試下！不過我當日收工去到都7點幾，好多麵包都俾人買晒😮‍💨 但都揀到幾款想食既做早餐🤤🍭朱古力卷蛋($25)佢仲有斑斕卷蛋架超想試但賣晒🥲🥲 結果我揀咗最後一個既朱古力卷蛋～～ 卷蛋好軟身～ 入面啲cream 好輕盈！真係幾有驚喜！屋企人都大讚！決定下次再睇下買唔買到斑斕味😍🍭阿華田朱古力布甸($11)未見過呀同未食過！好奇心驅使下就買咗呢款～ 估唔到又幾好食！布甸好smooth!! 用匙羹筆起時會郁郁下架～ 好q 彈～ 阿華田味好出，好食呀！🍭朱古力冬甩($13)呢個純粹個人喜好買咗😆 成日都覺得朱古力冬甩俾到我幸福既感覺😍 呢個相比起前兩者就較為普通～ 冬甩口感較實在～ 其實我本身係好想買佢啲其他包！買既時候店員忍唔住話嘩你都好鍾意食朱古力，我心入面想講因為好多包都賣晒啊🥺 大家如果想去記得要早啲，唔好好似我咁收工先去買呀😮‍💨

特登去長沙灣細妹公司附近同佢食完飯，臨走記得上網睇到附近開咗間新加坡嚟嘅麵包店，即時決定執返幾個聽朝做早餐🥖🥐🥯。第二日焗返嚟食都覺得真係唔錯，一於同大家分享吓😌。.📍招牌榴槤菠蘿包（ $15 ）Durian Bun呢個絕對係店入邊嘅王牌商品，佢都係靠呢個打起名堂。外面係菠蘿包皮，中間係D24榴槤。焗熱左之後切開聞到已經好香甜嘅榴槤味😍。餡料一啲都唔少，真係食到榴槤蓉嘅口感💛，真材實料！.📍蔓越莓乳酪（$9.5）Cranberry and Cheese Cun呢個係店員姐姐認證好好賣，聽講熟客仲會打電話落嚟預留幾個，賣晒就冇㗎啦😳。外型成個日式燒餅咁，仲有好多蔓越莓喺上面，中間係幼滑嘅忌廉芝士餡，味道真係唔錯果然係大熱商品。.📍朱古力牛角仔（$5.5）Chocolate Croissant 牛角包雖然細細個2啖就食晒，不過焗熱左之後口感真係超酥脆😍🥐。好香牛油味，仲有朱古力餡🍫真係幾好食。.📍Chocolate Swiss Roll ($23)蛋卷質感比平日嘅食到嘅鬆軟好多‼️質感軟綿一啲都唔粗糙。中間嘅cream輕盈而且唔油膩，唯一要挑剔嘅係朱古力味好薄弱🥲如果可以改善到一定會好正。.

平時菠蘿包就食得多，今次要是下一個味道非常多層次嘅包包。味道有泰式風味嘅班蘭，加埋東南亞嘅椰子味道，仲有港式嘅菠蘿包味道。味道非常有層次，一次過可以俾我哋呢啲咁貪心嘅人試晒所有味道。自家製咖啡非常有心思。味道同平時喺茶餐廳飲嘅咖啡非常唔同。應該係老細喺咖啡入邊加咗啲秘製嘅味道。加重左佢東南亞式嘅風味。椰撻好足料。唔會好似係平時食開嘅餅店咁得少少椰味，滿足我哋呢個群椰子控嘅為食慾。芝士撻同椰撻一樣咁足料。雖然已經食咗好多，但係一啲都唔膩。可能佢啱啱新鮮出爐，所以味道更加之出眾。招牌D24榴槤菠蘿包係呢間餅店嘅招牌麵包。鍾意食榴槤嘅朋友一定要試吓呢個麵包。因為佢榴槤嘅味道非常之濃郁，再加埋港式菠蘿包嘅味道，令到呢個包層次在多咗一重。真係令人想一試再試。

自從試過一次呢間連鎖店嘅蛋撻之後，就即推介畀身邊朋友，確實比kfc好食。等晏晝2點新鮮出爐嘅葡撻即刻沖去買。🏃🏻‍♀️😋#葡撻味道佳，攞上手完整性高，相較之下kfc容易碎，跌到成枱。baker嘅葡撻食落口，酥皮焗出千層效果，又鬆軟又脆卜卜，蛋口感嫩滑，鐘意佢蛋比例高，唔會似淨係食緊餅皮咁。由於落得唔多cream，所以唔怕食滯或者個嘴會溜。記緊一定要趁熱食。#芝士撻曲奇皮，佢比一般街賣嘅顏色白啲，感覺冇咁熱氣，個饀就試到乳酪味居多，忌廉狀。本人較傾情於葡撻。