Bay's Kitchen & Bar (已結業)

在餐廳有一流體驗。落地玻璃，直望藍巴勒海峽，迷人景色配搭貼心服務。在此必須一讚餐廳幾位服務員：harris, jacky, simon, brian 和leo。 每次光臨此餐廳都令我有賓至如歸的感覺！ 這裏的員工就是這地方最大的吸引力之處！一入餐廳就看見人山人海之景，我看到的時候也嚇了一跳，幾位服務員竟要 handle 大量客人，但各服務員還是以最佳服務迎接我們！ 實在值得一讚👍🏻👍🏻👍🏻Amazing service, Beautiful view, Cozy environment

疫情下好耐冇出街食飯了，今晚突然想食buffet所以約了Honey一齊出發😋入到餐廳已經被個海景吸引住了😍食物方面生蠔好新鮮，一口氣食咗十多隻😂刺身除了我喜歡的三文魚外仲有鮮甜的白吞拿魚👍🏻仲有鮮嫩多汁嘅燒牛肉。熱盤方面有嫩滑的原條比目魚，豬肋骨入口即溶，串燒也有很多選擇，連芝士火鍋都有...呢個價錢食到咁多嘢性價比真係高👍🏻最後仲有十款Movenpick雪糕比你選擇😋😋尾聲緊係要多件芝士蛋糕配香濃咖啡做結尾啦😜值得一讚係櫃面冇晒芝士蛋糕但店員都幫忙入廚房攞給我👍🏻👍🏻及其他服務員也很有禮貌及笑容😊

價錢每位498加一，用open rice coupon現在有75折。荃灣地鐵和西鐵有免費shuttle。餐廳環境好，落地大玻璃仲可以望見大海，感覺寧静清幽。食物有好多選擇，燒牛肉、果仁排骨、刺身、比目魚有水準。最吸引有多款movenpick雪糕畀你任食，仲有即開生蠔，真倞值回票價。甜品精緻都錯。今晚5款刺身 最特別『白吞拿魚』有甜味。西式餐湯：『薯仔忌廉湯』薯仔味濃但入口唔咸。最為推介：『燒牛』肉質淋滑；牛肉味重。

早兩日放假同男朋友又去汀蘭居staycation，一樣book埋dinner buffet🥰質素同款式同以往一樣👍🏻宜家餐廳做緊海鮮主題，雖然款式唔係貴價海鮮，不過勝在夠大路，有蝦，蟹，翡翠螺，青口隔離有個生蠔bar~(不過我哋唔食生蠔所以冇試到)沙律佢有個芝士噴泉，不過薯條就唔熱日式刺身有五款，特別推介帶子😍大粒鮮甜，冇雪藏味如果有日式伴菜食就更加好，例如中華沙律，帶子裙邊🤣熟食方面多左BBQ區，有我最鍾意嘅雞肉串燒，沙嗲醬好惹味😋encore左好多次熱食有十款左右，最推介燒鱸魚，肉眼扒同薯蓉，魚肉超滑!!!肉眼扒以想不到地唔靭🐮薯蓉加左黑松露所以好香甜品種類多不勝數🍰有大人細路最鍾意食嘅movenpick雪糕，最好味係黑森林蛋糕同埋自家製窩夫，不過唔記得影相😂😂另外一提，侍應服務幾好，收碟嘅速度好快，同客人有講有笑，比起五星級酒店更加窩心😄

情人節同另一半book左海景房 房入邊好大好靚仲可以寫下野食 咁岩我地又慶祝一年諗住佢個海鮮全景自助餐一定都唔錯去到真係失左個望，唯一小小開心係坐左係佢所謂既全景，都算唔錯既如果話每人比$300睇住海食飯。有唔同既熟食，有我最愛既比目魚，但係條魚係完全冇味既，個蜆我就唔好采一堆都係殼 佢有個芝士區域，咁冇得話唔好食既冷盤好ok 正正常常佢所講既海鮮...真係得咁多可能我諗多左，我諗平時200幾蚊既自助餐都會食到。。。海鮮報告準備完。愛食蠔既人真係唔好黎 D蠔瘦到見到都好笑，係蠔皮，每一隻都係得蠔皮雞肉牛肉都ok，牛肉乾到硬到好似食紙皮，吞落去都幾吃力沙拉係芝士區，菜好新鮮好好味我好似美化左蠔皮 刺身都唔錯大大件都算新鮮最後有我最愛既雪糕 雪糕好好味，其他甜品都唔錯 Btw唔好抱太大期望，宜家有75折都唔算太抵，但可以睇住海食飯都唔錯嘅。

完全冇野好食啲蟹又鞋又dry又無味，啲蠔尚算唔係臭但又kai kai哋咁起勢抹鹽水仲有連隔離枱都話啲熟食好差, 又真係好差喎，未試過buffet牛扒牛冇牛味，調味又唔勻，可以一邊冇味另一邊咸到苦啲蒸魚又甩皮甩骨，啲pasta又overcooked，仲有個人蔘雞⋯⋯唔好以為啲人蔘雞係韓國嗰啲咁，點睇都似將成隻白切雞放落啲有人蔘嘅湯度，打開個蓋一睇到已經冇晒胃口，全程係冇人食過啲燒粟米完全係將啲煲完湯擺咗幾日嘅粟米我去燒咁食完個烤鴨胸真係明晒咩叫乾柴烈火，真係乾到柴咁樣，而我個人就越食越火心太軟入邊係硬，成個櫃冇一款蛋糕好食服務又差仲要收一個人成五百蚊嘅價錢但偏偏好多香港人又會幫襯🤷🏻如果有人問點解冇啲相佐證，我只能夠話我呢個人影相只係會留倩影，真係有人想睇相嘅我下次就影啲垃圾俾大家睇吓

雖然款式不算太多，勝在貴精不貴多，好過很多Buffet 餐廳擺滿一碟碟不吸引的熱熏食物。海鮮質素不俗，蝦蟹同生蠔很鮮甜，兩款生蠔都鮮甜肉厚，泰式炒蜆野味，炭燒牛扒香嫩有肉味、新鮮沙律菜並有多款配料醬汁供選擇，松露薯蓉非常有水準。今次已是第三次光顧，朋友也稱讚好介紹！餐廳一直以來提供高質素食物包括無比供應的M品牌雪糕，總括來說，性價比高。還有一個很吸引的地方，就是面對無敵海景，雖然不是維港景色，但望到汀九橋，沒有太多遮擋，感覺良好，適逢日落時間過來，良辰美景與美食，賞心樂事。

兩年前試過自助晚餐不錯，知道開返專登搭的士入嚟試試半自助晚餐。結果嚇死我！個忌廉湯打完唔知你哋有冇隔過，麵包櫃冇開，麵包凍嘅，硬到搣都搣唔到刀都鋸唔開！最好笑係個侍應專登叫廚師熱咗幾個靚靚麵包仔俾我.......但係搣開入面都係凍嘅！Starter and Salad corner 嘅擺放真係不堪入目！我以為去咗茶餐廳！唔係叫你開哂成個餐樓但都唔使攪到咁不堪啩？到主菜，牛扒我叫半生，你俾塊全熟我，我𡁻到同你食咗佢有幾難？最大問題係舊牛肉每一啖都係炭焦嘅苦澀味！離哂大譜！你哋其實識唔識咩叫Charcoal Grill? 定係你哋貪平用工業炭？仲有食食吓廚房有人嗌交定鬧人，嘈到成個餐樓都聽到，勸你哋廚房門口果堆枱都唔好俾客坐囉......最後食雪糕係全晚最正常嘅，因為啲雪糕唔係你哋整而係嗌貨返嚟㗎嘛。

某些待應雖然好幾有禮貌 但有幾個男待應態度惡劣又不停過來收東西 明明還未吃完 就不斷過來拿走 不斷過來斟水 極度多動作 完全阻住我和家人進餐 還要十分西面 而且食物不新鮮 尤其 生蠔和牛扒 餐具極度污糟 根本沒有認真洗 看見廚房員工在附近不斷聊天 好嘈 又傾又笑 而且甜品區或者壽司區 經常沒有員工 要揾都揾勁耐 又5帶手套 隻手指點埋落雪糕入面。而且在離開時 樓下保安阿嬸又5比人坐穿梭車 但我是顧客有權坐 又比難聽說話給我們聽 整個過程和感受都不好受

係疫情下，我同老婆都好耐冇食過自助餐不過結婚週年喎，點都要出去食一次今次選擇了屋企附近的the bay ，性價比高生蠔有兩.種，南非和愛爾蘭魚生就4款其實選擇不是太多，不過質素係幾好架

同BB豬 黎過幾次Bay s kitchen & bar，It's a good choice ，冇一次會失望。生蠔新鮮，冷盤多選擇..... yummy 既喇沙湯底銀針粉 ，芝士，有特色，多款式， 最重要到壓軸嘅甜品都正到爆。。

Dinner Buffet $498/位 (OpenRice有75折優惠)依家食個dinner buffet都起碼6、700蚊一位，見到Bay's Kitchen & Bar $498仲有75折(OpenRice優惠)，埋單每位都係 $423 真係好抵‼️食物質素都真心好不錯，種類都比我想像中多🤤 邊個話三、四星酒店自助餐一定好差勁？仲有仼食Movenpick雪糕，今次真係超級有驚喜😬冷盤最驚喜係有仼食愛爾蘭生蠔😋 青口、凍蝦、螺都好新鮮!! 刺身方面除左三文魚、鯛魚、吞拿魚，竟然仲有帆立貝‼️帆立貝依啲貴價野我真係encore左n轉...可以翻本啦💪🏻 打卡位仲有芝士噴泉😱Cheese platter都有多款芝士俾客人選擇😎 熱溶瑞士芝士係即刻用火槍噴溶，再放落粟米脆片、炸魚皮、油炸鬼🤤 隔離既沙律吧都算幾豐富，海鮮冷盤隔離都仲有4、5款撈好左既沙律，全部都好高質👍熱盤方面雖然我影既相係比較少(因為掛住影冷盤同甜品🙃)但真心每樣都幾好食👍 最深刻係白酒煮蜆(完全無沙)、燒牛肉同麵檔🤣 你無睇錯，可能因為食左好多生冷野，尾聲既時候想食碗熱辣辣既湯麵同烚菜😗 見到喇沙湯底更加心心眼...微辣

即開南非和愛爾蘭的生蠔，鮮、甜，任食👍🏻各式燒烤熱葷美味可口，多款Movenpick雪糕任食。在疫情下，這裡十分寬敞，寧靜迷人海濱景致盡收眼底，簡直值回票價！

嚟過咁多次，食物質數都keep 住唔錯，生蠔夠海水味，唔使排長龍去拎，讚！其他食物都調味得好好，食完都唔會口渴就知味精唔多，員工服務都好好，有禮，係我哋多次惠顧原因.

第一次來Bay’s kitchen & bar 食dinner buffet, 食嘢環境好舒服，餐廳望出去個又望到汀九橋，而餐廳入面食物都好齊全，以這個價錢對比其他餐廳超抵食，食物質數都好幾好，仲有我至愛的生蠔，好滿足，下次再來食自助餐先👍😋