BBQ Military (已結業)

收工本來打算打邊爐，但去到商場地下被佢大型既廣告牌吸引左，雖然睇電視知道有呢間主題韓烤，但唔知係呢到。諗住上去睇下有無位，可能6點鐘時間尚早，所以好彩地有位。來到韓國bbq,濟洲黑毛豬一定唔小得，分別叫左黑毛豬腩肉同豬shoulder,重有韓國生蠔。同樣牛肉一定黑毛唔小得，所以叫左個雜錦牛肉。我地叫既都係無經醬料處理,覺得都得鹽燒最原汁原味。黑毛豬腩肉果然唔錯，雖然份量比我係濟洲既細，但味道唔差。pork shoulder亦比普通豬肉爽。至於雜錦牛係來自美國同加拿大，都唔錯。泡菜可以免費添加，不過唯一同其他韓國餐廳唔同既係白飯無得任裝，重要20元一個，有點唔值。

在台灣，中秋節烤肉嘗月是指定動作。香港呢？也會趁這踏入秋季的一天聚一聚，圍着炭爐BBQ。在這個追月夜，跟熊貓少爺到訪了這一家用韓國陸軍為主題的韓式烤肉店，應節嘛。近半年開了不少非常韓國街頭風的烤肉店，它們給我的印象是好"鐵“。不論檯面或餐具，抑或是那枝由天花伸延下來可伸縮的抽油煙器，清一色是不銹鋼。也好，感覺好乾淨。另外一個特點便是椅子是可以打開然後把女士們的手袋收納好，不會沾到食物，也不會吸了一大陣燒烤味。而這間BBQ Military除有以上特色外，更是以韓國陸軍為主題，服務員的服裝是迷彩陸軍裝，水壺是軍人隨身帶著那種，前菜一人一份像放飯似的，微小到門外等位的地方也有戰壕及迷彩油漆作點綴，認真一絲不苟。一坐下，就送來一人一盤的前菜及生菜籃。前菜是無限任加的，有泡菜，生洋蔥，醬油漬蓮藕及青瓜伴凍豆腐。後兩者特別出色，相比之下泡菜反成為了配配配角了。食物方便，兩口子能點的不多，所以叫了一個什麼都有的烤肉拼盤及一鍋湯。另外，喝一點小酒是必須的，點了一枝韓國米酒。烤雜錦牛肉（$338）有牛肋骨肉，牛排骨，牛舌，雪花牛肉最怕用生菜包住肉時，想咬開但那塊肉咬極也不斷，最後滿手肉汁，肉還肉菜還菜

朋友介紹尖沙啞有間韓燒叫BBQ 7080好正，仲有幾間分店，咁o岩有間分店係荃灣，近近地星期日就搭西鐵去呢間分店BBQ Military。我地一早就book左位，加上時間尚早，所以都唔算好多人。個場成個軍事基地咁，好有特色，而且仲有射擊遊戲免費俾客人玩，食到飽飽地都可以去玩下~我地三條友好似餓鬼投胎咁，狂點野食，叫左豬肉拚盤、八爪魚、烤鰻魚(韓國產)、辣豬大腸、海鮮湯。佢個格局同正宗韓國烤肉一樣，但無喜來稀肉的煮蛋位。每個人都有一份屬於自己的前菜拚盤，個盤好似人地軍人分配的飯盤，好搞鬼。辣豬大腸超級好吃，口感煙韌，唔會有豬腸平時的腥臭味，但有烤完會有豬腸應有的香氣，仲之好正，大推! 但我地點左辣的，但個辣度對我地黎講算好辣，所以下次都係點唔辣。另外，點左份烤鰻魚(韓國產)，呢個我都大推，烤完超香超脆~而且肉質好鮮甜結實~而且唔會有泥味~此外，豬肉拚盤就o岩晒幾個朋友一齊share，又唔駛諗食咩，樣樣都有d，而且肉質相當不錯。佢有附無限refill的生菜、紫蘇業、麵鼓醬、青辣椒同蒜粒，夾埋一齊超正!!另外，我地叫左個海鮮湯，d海鮮大得好誇張，啖啖都係肉!!個湯都ok鮮甜，但比起尖東「古宮

首先有人會於早一日確認booking，很好。第二係佈置好正，wallpaper圖案幾靚，啲侍應都幾有韓國風味，唯獨係座位上麻麻，好多係路旁既圓枱，唔太好坐。有book左枱所以唔洗等，兩個人叫左四碟肉，牛肋骨、豬頸肉、雞肉、五花腩，啱啱好夠食，幾入味。叫左枝韓國啤，配埋肉啱啱好，侍應會幫手燒，幾好食，唯獨係份量上可以再多少少，始終價錢唔平。總括而言會再幫襯！

在好友的facebook得知BBQ 7080在荃灣開了新分店，地方比較寬敞，趁著這陣子的韓流熱潮，立即來湊個熱鬧。BBQ Military 顧名思義是一間以軍人、部隊作主題的韓燒店，服飾員都身穿迷彩衣服，用的器皿都很配合餐廳主題，而且近門口位置更有射擊遊戲。只可惜我吃飯那天壞了。這些前菜都是任添的但不是自助，只要舉手就會有服務員幫忙。牛脷、豬面青肉、雞肉串普遍來說肉質都不錯，我較喜歡牛脷，雖然切得較薄，但味道很原始，而且有口感，雞肉串很嫩，但有點估佢唔到就是辣，味道較特別。烤什錦牛肉什錦牛肉有LA排骨、牛脷、牛肋骨肉和特級雪花牛肉，雪花牛肉真係冇得頂，而且較厚身，下一次可能會單點，其他牛也不錯。韓式拉麪貫切餐廳主題，盛拉麪的器皿都是用軍人的飯盒，拉麪即是公仔麪，雖然湯比較少，但味道不錯，有很多蛋碎，很有蛋香味。黑毛豬泡飯飯是另加的，可以自己加調味料，不得王說，料有很多，根本沒有在客氣，味道是較淡的豬骨味，放在最後有難以言喻的飽足感。

話說青蛙升職, 豬大人仍未跟青蛙正正式式慶祝,於是乎就在上兩個星期, 鐵定在青蛙期待已久的BBQ Military來個大吃大喝之夜。鋪步出升降機門, 青蛙有感去了另一個空間,牆身四周的佈置、一檯一椅的格局、以致店員的制服,都在告訴閣下已進入軍人飯堂呢~ 話說青蛙在初中時曾跟隨學校北上參加軍訓,每天穿著迷彩衣、斜揹著墨綠色的水壺、流著大量汗水去接受一連串的''非常訓練''~每日最開心的時刻, 就是那只有15分鐘的放飯時間....哈哈~ 當青蛙跟豬大人安置好隨身物品後,竟然有種終於可以在軍人飯堂好好用餐的怪念頭 隨即, 來自''泡菜國''的英俊男店員,就為我倆捧上一系列燒烤必備配料~I) 前菜, 包括:1. 沒有辣味、只有微酸的泡菜;2. 大豆牙菜;3. 好好吃的芥末洋蔥, 及4. 調味剛好的凍豆腐。II) 甜甜的韓式調味麵醬, 青辣椒與生蒜片。III) 用作包肉吃的新鮮生菜, IV) 餐前西瓜片。點食後不一會, 已經全部調好味的食物就上桌了!!繼而, 那位英俊的店員亦動手幫我倆燒肉。青蛙與豬大人可以蹺埋雙手等吃, 當然非常樂意啦~烤辣豬腸這個豬腸真的不得了!!入口就是爽脆兼帶有微微的

星期3的晚上7點多, 已是第二次幫襯。閒日關係加上地方很大, 所以也不用訂位。滿心期待要翻吃的豬皮居然一早便賣完了, 很傷心T_T吸取上次經驗（點了份$168的牛, 賣相不太新鮮及味道平凡）今次不再點牛， 於是這次點了豬併盤(豬梅頭, 腩肉, 豬頸肉, 豬排骨), 豬腩薄片, 雞肉及雞腎豬併盤非常不錯! 尤其豬頸肉，很新鮮！豬腩薄片燒後變得有點像煙肉般, 很香帶點脆雞肉是隨意點的, 卻意想不到的好吃!甜甜的服務態度很好~不斷會幫忙燒肉及更換鐵板侍應有些也是韓國人, 真的很夠韓式風味!推介!

韓風繼續在香港吹啊吹 這次吹到韓式燒烤了!!韓式燒烤已經流行1段很長的時候 每次1看到韓劇裡的人在吃得好開心的時候都好想跳進去1起吃丫在吃過BBQ 7080之後 就覺得好韓國的感覺所以這次來到它旗下的另1家BBQ MILITARY來試試看這家新開的店是以軍事來作主題的 佈置超有趣的有手榴彈 防彈背心 頭盔 還有少不了的迷彩圖案餐具方面也用盡心思 盛水的是軍用的水壺 而盛菜的盤子是軍用的飯盒套裝 好有FU的!!吃起來也瞬間覺得自己是個軍人呢哈哈肉肉來了!!終於開始烤了 吃韓國燒烤豬絕對比牛好吃 這次點了其中3種來試試第1種是豬五花 豬最最最好吃的部份了 帶皮有少許骨及半肥瘦的肉肉烤起來是滿滿滋滋滋的聲音 然後烤完之後皮是脆的 肉是嫩的還有軟骨的部份很好咬 配合豆瓣醬和泡菜 包著生菜1口就吃下去了第2種是豬頸肉 如果比起豬五花 豬頸肉的部份會比較老1點 口感也會厚實1點 吃完有很扎實的感覺第3種是豬排骨 這款是有經過醃製的 所以不用沾醬就很有味道了 最後點的是厚厚的牛舌 很多人都不敢吃它 但其實牛舌真的不錯吃口感是很彈牙可口的 你絕對會愛上它!!BBQ MILITARY的肉有維持7080的

呢晚收工, 同男友仔去荃灣~辦好事之後, 就係醫肚仔時間…男友仔無咩心水, 我就忽然記起 7080 開咗間兄弟店響呢度!!一於沖上去試下新野 (雖然無 book 位機會渺茫…)商場果度等 lift 等咗好鬼耐, 無計啦!!上到去, 還好時間尚早仲未多人, 侍應姐姐先問有無 book 位~稍等一陣之後, 佢就問我可唔可以 8 點半交枱~望下鐘, 而家先 6 點半左右, 2 粒鐘咩都夠啦, 所以即刻就答: 無問題!!然後, 佢就帶我地 2 個坐咗響近門口既位置, 隔離就係氣槍射射區~再望下周圍, 成間都係 war game 佈局, 播住 Korea Pop-Music, 氣氛好正!!!每位侍應都係著住軍裝, 帶位既更會手扼指揮燈, 枱面上有一個軍人水瓶, 裡面係冰凍既…麥茶!? (好似係, 總之好燒暑解渴 feel, 哈哈)當我地開始研究 menu 之際, 就有軍人埋黎, 放低每人一 set 既食物 (凍豆腐 / 泡菜 / 醃蘿蔔 / 洋蔥 / 海鹽麻油)由於男友仔同我都唔太肚餓, 好快就決定好想要試既少少食材:- 牛肋骨肉 ($128)- 辣豬腸 ($98)- 豬皮 ($78)- 五花腩

平時覺得韓燒，老婆吾批準成日食。某某日，老婆突然批准食。隨意在openrice 揀一間，揸去不遠。依煉building 勁多野食……真方便…… 海鮮類叫左蠔，八爪魚，鰻魚……蠔，勁細勁吾得，吾好叫。八爪魚同曼魚都一般，海鮮類麻麻地。其實真正係韓國都基本吾燒海鮮。所以都係食肉啦……肉類，豬腸ok.不過偏辣。牛肉都大眾口味。夾生菜好正。五花腩肥美。都好好味。名叫綠茶五花腩，其實冇綠茶味。 生菜，配料任加……算是ok。有游戲射槍玩。

是次因為雞煲人太多，見到有新野所以上黎一試睇下有冇位，等左30分鐘就可以入座。同其他韓國烤肉唔同係呢度有主題，呢度既侍應生都著上軍服坐低無耐就有侍應分派每人一份小菜，盤內既泡菜同洋蔥都可以refill 我地點左牛肉併盤，泡菜湯同五花腩，牛肉很軟，很好吃，五花腩亦都無平時出面食個陣豬味。唯一可以改善既係可能要喺限時內還枱，侍應不斷走埋黎幫忙烤肉，一個幫你翻完走左第二個又接住走埋黎翻，其實有啲食客係可能想自己烤。但overall係不錯的，值得推薦!

之前已經想去山林道果間"BBQ 7080"試依家開左新分店"BBQ Military"..咁就唔駛特登出食lu裝飾佈局主題岩晒另一半~因為佢好like迷彩整個場設計到好war game feel~出入口旁仲有射擊遊戲玩有得食又有得玩..好有新鮮感~服務員除左香港人..仲有韓國人安坐後..送上前菜(每人一份)~當中包括泡菜,蓮藕,洋蔥生菜,豆腐泡菜+洋蔥生菜有不停refill~不過泡菜味道偏鹹新店未有酒牌~暫時自己拎酒去都唔收"開瓶費"生菜+配料都有refill送既"韓國生蠔"..頭一round由韓國人幫我地燒仲講解燒到最理想熟度~可以確保食物唔會overcook所以會向客人講解~依個蠔好鮮~仲有個伴蠔醬料..好味"烤魷魚"..依個都唔錯~烤既時間好快熟肉質軟腍唔韌口~伴配料+醬料同食..好味"特級雪花肥牛"另一半話有牛味..但整體唔算好特別"韓醬五花腩"五花腩好好味~醃料好惹味~老闆話豬仲好食過雪花肥牛整體食物+服務都好唔錯~而換燒烤板仲會好密手食完去玩槍~左邊玩長槍..右邊玩短槍支長槍好鬼重~另一半兩款都玩過..我只係玩長槍因為支短槍壞壞地..成日射唔出子彈~不過真係好好玩(哈哈)

這篇日誌內的照片是S100修好後、「出山」第一擊。但由於我把白平衡調得不好，因此照片看來怪怪的，抱歉啊！！（當晚燈光原屬偏黃）又來到每月（四月）一聚的時候，這次又由眾人決定，從三間分別位於尖沙咀及荃灣的韓國燒烤店之中，選了這間新張不久的《BBQ Military》（從網上得知原來此店跟《BBQ 7080》屬同一集團喔！！！）。（上圖為封面照）******************************事前看了看地址，「大鴻輝中心？？！」，很陌生的名字啊，到底是在荃灣哪兒？！？再看看google map，喔！！明白了，原來就是「英皇娛樂廣場」，只是易名而已。乘升降機來到18樓，門打開便有一排花（籃）海「迎接」，若非友人提議到來，也不知店子已靜靜地進駐到荃灣。韓國菜館普遍集中於尖沙咀等地，這回來到荃灣，實在是附近地區居民之福。多得K pop及韓劇盛行，令韓國菜館的受歡迎程度直線上升，而韓國燒烤店更是「開完一間又一間」，《BBQ 7080》、《韓東子》及韓國過江龍《喜來稀肉》等等等等等，全都是賣正宗地道（地踎）style。話說回來，這店的面積非…常…大…！！！入口旁的設計有如室內野戰場地般，

早前在尖沙咀試過【稀來烤肉】，算是近年食到十分正宗的韓燒，可惜嚐試再親身去訂位時，老闆竟說整個四月都已訂滿，必須現場等位，但想訂五月份卻又說未開始接受預訂，要現場等一兩個鐘食一餐飯，實在不是我的作風，剛巧日前在綱上得悉另一品牌的正宗韓燒在荃灣落腳了，就立即嚐試打電話去訂位，原是訂之前的星期日，但已訂滿，後來與太太商議過，就訂了這晚，特來一試。一出升降機就看到牆壁上有幾款韓戰壁畫，甚有韓戰感覺，旁邊還放了一些道具，入到內裏，坐位不太闊落，與【稀來烤肉】相比來得迫挾，而燒烤盤就不是【稀來烤肉】那種旁邊有三條坑那種，只是平常見慣俗稱龜背鍋那款，但餐具等就差不多完全用上軍人器皿，例如每檯用作茶壺的都是軍人水壺。原先是點了濟州島黑毛豬五花腩，烤牛排(調味)，烤韓國生蠔和鮑魚參雞湯，但可能當天尚在試業中，所以貨源不足，鮑魚參雞湯竟然沽清，太太又想飲湯，唯有改為要了辣麵豉湯海鮮鍋。辣麵豉海鮮鍋，材料豐富兼且份量十足，鍋內除魚之外還包含了蟹、蝦、青口、大蚌和蜆等各種海產，味道充滿韓國風味的辛辣，但又絕非辣到什麼味道也被遮蓋那種，相對還因為它的辛辣味幫助帶出了其他海鮮的各種鮮味，致使此湯味道充滿海鮮的鮮

新開韓烤店，裝修特別，檯與檯之間都好寬闊！前菜得兩款，相比起新羅寶就款式少啲，但食完都可以再叫！韓燒主角有豬，牛，鷄，海鮮！有不同款式，雖然份量不是好多，因為切得薄薄的，但食落又好好味道喎！就算乜醬都唔點，食落口都好香肉味！記得試下用生菜夾住啲燒肉，蒜片和醬一起吃！呢個豬腸真的好特別，如果你係鐘意食炸大腸的人，就一定要試，剪細粒啲，烤得外脆內軟，好味吖！海鮮餅上檯時已不熱了，而且質地好林和散，可以唔食！另外個人參鷄湯就真的無誠意，味道同响千色店擺賣的即開即飲的人參鷄湯包無分別！ 只是多了兩隻鮑魚！是晚亮點是贈品……四隻生蠔！ 雖然係送，但絕不求其，味道鮮美，唯一要小心係燒燒下會自動爆開，啲蠔汁彈到成面都係！最後要讚下啲侍應，有禮又勤快！其中有幾個係韓國人，要講英文哩！