Bold Italic (已結業)

考試在即，為了能合格，只好給他拼了！由於家裡誘惑太多，根本無法專心，只好找咖啡廳讓我靜靜的努力一下。OpenRice上看很特別的飲料，地點也蠻方便的就跑來看看。菜單上找不到這飲料的照，一問之下才知道這是affogato 咖啡＋唸書，這combo也太棒吧，再加上我也沒看過這樣的affogato，當然要試一下吧棉花糖加在affogato 看起來很夢幻呢！店員有建議不同的方法把咖啡加進棉花糖冰淇淋裡，不過由於我有點手殘，弄到桌枱都是咖啡，還真的非常不好意思呢。因為有棉花糖跟冰淇淋，咖啡的甜度非常足夠，而且很滑很順口。如果不是晚上會怕回到家會睡不著，我還真的會再點一杯呢食物方面真的蠻意外的，份量不算太多(我差不多吃完就已經有夠飽的說)，味道還不錯吃哦！前菜的烤吐司好～好～吃～，可以再來一份嗎？順帶一說，這家店的店員非常親切友善，加分加分哦！

今日甘啱經過就入去試下見佢裝修都幾靚就吸引左我我就叫左個鵝肝漢堡包，平時食開雞扒豬扒包，鵝肝包就第一次食一咬落去，鵝肝的香油係口腔爆發，淡淡肉，非常有滿足感，配著包食仲流著鵝肝香味的油汁，好juicy，加上蕃茄的甜酸，減少油膩的感覺，令我更加開胃總結味道都算不錯嘅

此餐廳極不衛生，食物質素很有問題，連服務員態度也奇差。今晚母親節，和家人選了這家餐廳慶祝，還特別訂了檯。據知今晚的Menu還是比平時貴，而且餐廳平常星期日不做晚市。店內環境十分擠迫，我坐在走廊位，多次被路過的人踢到椅子，但其實我的椅子已拉到最貼近桌子了。每人叫了一個母親節套餐，食物味道一般，西冷扒很硬、豬扒肉質是霉的、千層麵只是一堆凝結了的醬汁。令人嘔心的是，家人進食比目魚扒時，發現了卷卷粗粗的毛！！明眼一看就知道是人體私密部位的毛！！叫來女服務員叫她跟進，她第一句是冷冷的回答：「我睇唔到」我把碟子換了角度再指給她看，她說「係好似有啲嘢，我拎入去問問先」，說罷把魚扒拿走。隔一會她拿著魚扒回來說，「唔好意思，係好似有啲嘢喺度，一係我幫你換過塊魚。」我馬上「下？」了一聲，她才又說「定幫你換過另一款吖？」最後家人選擇了千層麵，但已足夠令大家整頓飯吃得提心吊膽。點飲品及甜品時，叫了熱咖啡少奶、熱奶茶及熱檸水。熱咖啡少了奶的顏色，竟然要比熱奶茶正常奶量還要淺色。又叫來了同一女服務員，問她為何熱咖啡少奶的顏色比熱奶茶還要淺，她說「少咗奶架喇喎。」最後甜點是法式栗子墶或Tiramisu，說實話我已沒

今日母親大人話想出去食飯，甘我當然穩下附近有咩餐廳雖然呢間餐廳係工業區，但係好近地鐵站，都好快就可以成功穩到一去到餐廳，裝修幾靚，睇得出都擺左唔少心機落去打開餐牌竟然見到鴕鳥肉，我地冇咩聽過有餐廳有鴕鳥肉食，甘店員就同我地講鴕鳥肉係高蛋白、係所有肉類最高嘅，仲有低脂肪、低膽固醇、低熱量。額外小知識啊我諗諗，其實都幾啱我年紀大嘅阿媽享用，總好過經常都試牛扒，豬扒，雞扒 ，都想試下新鮮D的菜式等左一陣，終於送到黎啦，我地望落去就似似地牛肉甘，食落去都有少少似牛肉，肉質又幾鮮美，冇咩肉腥味，原先我地以為會怪怪地甘，又出乎我地預料窩甘我自己就叫左一個豬鞍，肉質都幾鬆化，多汁，煎香左表面將肉汁鎖住，所以肉味都幾濃郁，味道都不錯嘅而我之前上網曾經見過人地飲一杯咖啡上面有一大舊棉花糖，見到之後我都幾想試下，估唔到呢度可以穩到，係要倒一杯濃縮咖啡入棉花糖裡面，嗰陣倒得有D狼狽，滴到周圍都係 ，之後原來裏面係有一球雪糕仔，雪糕就會融合咖啡的苦跟棉花糖的甜，不過雪糕溝入咖啡之後，賣相有少少污糟甘，要一開始影左先開始飲。想食少少甜品 又怕咖啡苦嘅 都值得推薦 下次都會考慮下再去呢度同母親大人共度時光

出開觀塘做完嘢，就順便食埋lunch先回家。揀咗一間響工廠大廈上面嘅餐廳。上到去見到有不同嘅食市。見呢間好像坐得幾舒服，就walk in入去。人不算多。menu上都有頗多嘅set lunch選擇。我就揀左個輕食。。。吞拿魚墨西哥餅配沙律。黎到發現左份量都真係幾輕型。對一啲大胃王來講， 應該就唔會夠滿足。個墨西哥餅尚算OK。裏面嘅吞拿魚餡料都頗足料。個餐湯係蕃茄湯。我影到好像好大碗咁，但其實係好細碗。味道還可以。餐包係烘得脆脆的。但對我來說有點太硬。用來點湯食會比較好。

lunch time o係觀塘工廈餐廳覓食～～一入到去嘩～左一聲因為間餐廳個裝修好有特色呀～天花板好靚～上面吊滿晒d 花，側邊就用Flamingos 佈置Lunch set 選擇都幾多～隨餐有餐湯,多士同飲品多士好硬呀... 浸左落湯都咬唔倒....主菜香煎挪威三文魚拼鰻魚汁帆立貝  配雜菜嗯... 雜菜份量真係少左d配意粉／飯應該會飽d帆立貝有d 硬，三文魚好細條，味道都普通同事叫ge 煎斯里蘭卡胡椒比貝魚扒e個反而唔錯，條魚成隻碟咁大，另外肉質都唔錯，但味道有d 偏淡整體黎講，性價比好低，e個價錢可以有更好選擇，係黎享受餐廳環境如果食物水準再提返高d 就好喇

今晚約了好姐妹聊天散心，選了這工廠大廈中的隱蔽餐廳。比我想像中易找，因為它內有不少商店，所以排隊的人都挺多。餐廳不大，內裏佈置是有花過心思，不過是那種小屋溫馨的感覺啦。晚市有套餐，但不太吸引，我們只點了西冷牛，然後其他都點了小吃。但若要抵食，套餐是不錯，都很大份。小吃就偏貴而且不飽。餐湯是再普通不過的羅宋湯，味道非常普通。倒是面包很脆口不錯。餐飲可以免費選玫瑰柚子水，是挺特別的。西冷排大塊，但煮得過熟，我們點了六成，出來應該有九成。但牛肉的質素亦不太好，似乎非鮮牛排。啤酒煮硯是店員推介小吃，醬汁又辣又甜挺惹味，但我不喜它多沙，而且有四五隻未煮開口，很浪費！薄餅是本餐最好味！濃郁芝士味，鬆軟餅身，配料亦足！不過整體分量還是比較少。墨西哥餅內有吞拿魚，水準不過不失，如果再脆些會更好。最後隨套餐選甜品可減10元，我們選了綠茶千層，味道不錯，綠茶味很濃，落足綠茶粉，不過...太細件了。整體而言，套餐份量抵食，但水準不夠位。小吃不錯，但份量實在少。不易選擇，個人認為小食偏貴啦，大家各自打量吧！

之前都聽朋友介紹過呢到既扒價錢唔貴，又有返咁上下質素，放工就去試下。呢到環境唔錯，又唔嘈，裝修好有心機，無估錯應該係熱帶雨林feel。返工咁大壓力，放工見到咁多花花草草成個人放鬆曬！再加埋d好輕鬆既音樂，好relax好冶癒！全部餐都有跟埋餐湯同飲品，湯係是日餐湯，飲品就有好多選擇！難得呢到有鮮榨果汁，我地就加錢(+$21)要左兩杯果汁 (菠蘿蘋果汁&甘荀橙汁)，杯野好靚好cute！好襯呢到既環境！主菜我地點左份焗厚切法式豬鞍扒伴黑松露醬 （連餐$170），可以配白飯/意粉/雜菜。諗住揀菜無咁飽，原來都幾飽肚，黑松露醬好香，豬鞍都好厚。另一份點左鴕鳥肉(未影相就食左)，好少地方有得食，而且呢到整得好好味，唔難咬又無咩怪味。食完想飯食埋甜品呢到都有好多款！店員推介左呢杯新野，有我最愛既綿花糖同雪糕！呢杯叫棉花阿芙佳朶 ($38)，將咖啡倒落個綿花糖到，同雪椰子雪糕溶埋一齊，出奇地好飲！整體樣樣都推介，仲有好多小食都好想食，但得兩個人食唔到咁多。下次一定會再帶朋友去點其他野！

賤男BOND 有位細水長流既正印女友，每週末都會同佢窮遊香港。媽媽教落，好女人要錫住你，同錫住你荷包。岩既，正因咁，賤男BOND 先有閒錢可以拈花野草周圍FING。同女友行駱駝漆大廈，都係WINDOW SHOPPING 下，得個睇字唔洗洗錢就係最開心。上次一位CHEAP精巴打提過呢間BOLD ITALIC，望落門面都幾有型格。最緊要係咩？ CHEAP 友就梗係睇價錢啦！ 望完MENU！兩位唔該！合埋眼亂咁叫都仲得！「熱帶風情，人性服務， 平民價格」望落裝修，幾有玩味，見到有粉紅鶴同好多橄欖樹葉。賤男BOND 最重視服務，點解？ 好多人覺得坐得唔舒服俾侍應呼喝好有本土味，最緊要100蚊食到60蚊既食材如果咁樣你真係食得開心，我無話可說。賤男BOND 唔係一般人，只係希望100蚊食到100蚊既食材，同100蚊既服務，唔貪心。臨走女朋友同我講下次再黎過咁抵食，我梗係讚成。

今晚我地HEA行駱駝漆大廈見到Bold italic，偷看了花園少女般的裝修吸引了我身邊的男士😓其實門口也聞到一陣陣牛油煎帶子的香味，就試下呢間餐廳地方雖然不大，享受少女味特色環境充滿少女味的餐牌餐湯配包冇乜特別相反個玫瑰花茶清香清甜，唔錯煙三文魚龍蝦汁意大利粉：充滿濃濃的龍蝦汁，整體味道不過不失香煎三文魚扒凡立貝：三文魚同凡立貝煎得香囗，不過三文魚略嫌乾身，配菜撘配經過牛油煎過同樣香囗甜品OREO曲奇芝士，喜歡食甜品嘅我就覺得整體比較硬，不夠香滑Bold italic價格合理，食物水準與價格相符，服務態度非常好，輕鬆愉快地享受一頓晚餐，影相也不錯

很少在工廈行街的我..今日去左觀塘駱駝漆先發現原來都真係有吾少好野行，仲有好多食店，原本都行到吾知食乜好，突然比一間門口平實但內裏裝潢佈置都幾有心思嘅餐廳吸引左入去.......晚餐選擇不多，共有十一款套餐，有湯，多士，主食同飲品（甜品要另外加錢）價錢由$113～$163餐湯及多士🍵個湯就認真麻麻，感覺好像用粉開出來的，不過個呑拿魚多士都幾好食，好脆同個呑拿魚醬好夾！煙三文魚蟹肉龍蝦汁意粉🍝賣相吾錯，龍蝦汁都夠濃不過就吾覺有蟹肉囉，意粉嘅軟硬度適中，整體不俗！香煎三文魚配帆立貝🐟件三文魚都夠大件，煎得好香口，味道吾錯，不過帆立貝就差d，冇味亦吾夠香口，伴菜有翠肉瓜，茄子，蕃茄等等....真係有去燒過嘅痕跡，認真吾錯！最後杯玫瑰柚子茶☕️感覺亦好清新優雅

有朋友話想試下工廈餐厅，我便推介呢間 。價錢合理 ，食物味道不遜於高級餐廳 。這是第2次去食，食物都保持水準好味，還有小吃餃子鷄亦。飯後食埋自家製蛋糕，樣樣都值得推介!

原來駱駝漆有很多飯店，今次來試試這間。裝修特別，很像進了一個叢林，有很多花花草草及紅紅紫紫的光線，而且有很多情人節剩下的裝飾。就連餐牌也有一隻蝴蝶。餐湯及吞拿魚包餐湯沒有什麼特別，不是忌廉湯而是有淡淡的魚味，感覺像是用粉開出來的，喝到有粒粒的感覺。吞拿魚包挺好吃，包烘得很脆，跟吞拿魚醬很配。黑松露忌廉汁雜野菌意大利粉賣相很像很吸引，但吃下便發現完全沒有黑松露的味道/賣相沒黑松露「黑點」，難道是漏了嗎？！這只是普通的忌廉汁意大利粉，意大利粉比較粗身，軟硬適中， 而且份量頗多，一個人吃不完。玫瑰柚子茶令人有窩心的感覺，淡淡的玫瑰再配上這個柚子，令人感覺舒服。閒日不是太多人，下次也可以來試一試其他菜式。

原本同朋友係觀塘行完街諗住去搵野食但又唔想食黎食去都係 APM FOOT COURT ,快餐店個D同朋友就上網搵一搵大廈特式餐廳.然後搵到呢間 BOLD ITALIC 多國菜餐廳入到去感覺都好舒服,而且又華麗 比人感覺好乾淨,好鍾意佢背景熱帶雨林既背景佈置 好新穎既設計.一出到去員工又會好熱情同你打招呼,又會主動行殷安排位置比你安頓.餐廳menu都係 分A,B,C,D,E餐為主.同朋友就叫左個蒜鹽安格斯西冷(七成熟)配意粉,上主餐前都有一個跟餐頭盤今日飲個個湯就係白菌忌廉湯配蒜包. 夠曬熱好好飲.上餐時侯餐廳員工都會唔該前唔該後好有禮貌!!主餐黎時侯,一望舊西冷牛扒都好大塊下,而且配菜都好足! 外觀美感都做得好好,會有一種吸引人想食既程度!要求既熟度又大概岩岩好做得,咬落去真係淡淡肉 而且又軟身. 無得輸!食完主餐之後 自己同朋友唔夠喉,就叫左個 最後想特別推薦甜品蛋糕!!就係呢個OREO朱古力千層蛋糕.甜品賣相十分精緻,用朱古力整一D小圖形.為外觀設計.而且配雲尼拿同朱古力雪糕 食呢個千層蛋糕都好MATCH蛋糕凍得黎又唔會太硬化,入口即有好鬆軟.好重既OREO味道!! 值得推薦!!!

第一次朋友帶我去 剛入門看到環境優雅舒適員工服務一定滿分 笑容又好 問的問題都樂意回答我點了一個 all day breakfast上菜速度好快 大約5-7分鐘左右 菜一送到上黎 擺碟 賣相都好好 食落味道都滿意