Bold Italic (已結業)

今日同女朋友行完駱駝漆，行到攰攰地諗住近近地，行過又聞到啲蒜同牛扒味好香就揀左呢間啦。我地坐低叫左個8oz 西冷扒同煙三文魚蟹肉龍蟹汁意粉。黎左個餐湯同包先，個樣都幾精緻呀😯。⋯⋯😨罐頭湯黎嘅。個好脆嘅包上面嘅係⋯罐頭吞拿魚沙律？之後主菜到，先係個西冷。個樣都幾唔錯。其實味道又唔差、肉質都唔錯，幾有家的感覺，但我估唔到全餐最好食係佢呀！😳之後就黎左個龍蝦汁蟹肉意粉...大家睇下個色～唔講我真係以為隻龍蝦病左，青色嘅！？食落去好腥...好咸。🤢拼牛扒個炒意粉仲好食過佢😰女朋友加$20轉左特飲「火龍果藍梅smoothie」（唔記得影相）話明smoothie應該有啲厚厚嘅質感，但佢係仲稀過葵廣$10杯嘅果汁。我之前從來唔打食評，但呢間真係食完嬲足一個禮拜。 港式茶餐廳都不如嘅食物質素扮意大意菜。呢個價位觀塘工廈都有唔少選擇，大家真係唔好貪方便。

係駱駝漆行街咁啱經過呢間餐廳 見到環境好靚Open rice食評嘅相又唔錯就決定喺度食晚飯個湯係白湯 不過味道怪怪地質地似係用粉開出來嘅湯所以飲左幾啖就無飲主菜點左一個龍蝦汁三文魚意粉同埋西冷西冷俾我想像中薄身不過呢個價錢差唔多喇肉質係唸身易咬 配菜都好豐富有蕃茄同翠玉瓜個意粉令我好驚喜 好濃龍蝦湯嘅味我食食下 仲要食到有龍蝦殼果下真係好驚喜 覺得真材實料但係同時又覺得隔漏左啲殼唔小心 真係會整損嘴好彩 我無事臨埋單個時見到原來做Storellet 會員有嘢飲送所以就即刻登記左做會員不過啲員工問完一輪原本送個杯嘢飲已經無出 所以換咗另一杯飲品俾我係一杯青瓜薄荷梳打 好難飲好難飲好難飲不過唔使錢 唔緊要啦記得一定唔好嗌青瓜薄荷梳打好奇怪！值得一讚嘅係 間餐廳都算細我哋得兩個人 但係帶住好多野侍應主動比一張四人枱我哋 等我地坐得舒服啲我哋食完野啲待應都冇趕我哋走

呢間餐廳食過兩次, 因為第一次食完無記低, 前兩日同男朋友黎再食左~ //星期6既晚上, 因為我地比較早, 6點左右就到左, 所以成個場無咩人, 無BOOK位都OK. //檯同檯之間空間唔大, 而且隔離檯一班人講野好大聲... 有D煩.... //ANYWAY~ 今次點左兩個SET DINNER 同飲品. 介紹反~ //SET DINNER 有湯&多士, 主菜同指定飲品~//洋蔥湯&多士: 無咩特別, 多士上面有蛋沙律, 都OK不過個湯係唔熱既, 只係暖, //主菜係一個牛一個雞: 牛都OK~ 呢個價差唔多, 入面係全熟的, 不過都唔會好鞋好硬//雞扒係比較茶記FEEL 既, 帶子熟曬都有D鞋, 雖然有兩大粒//值得一讚既係意粉炒得好好食~ 無汁都唔會太乾~ 同埋幾香~//加特飲同果汁就好貴~ //呢個榛子熊仔餅朱古力加左廿幾三十蚊 (唔記得實數), 不過係幾好飲既, 唔係加水既XD//甘筍橙汁: 果汁要加20蚊~ 都好貴.... 味道無特別//食完7點左右, 開始多人我就閃了~//總結係味道同環境都OK~ 不過小貴//

出街食團年飯 一行5人黎到呢間樓上cafe西式menu 我地分別叫左煙三文魚意粉，牛小排，羊扒，比目魚扒可能cafe鍾意大玩gimmick 我真係未見過咁....細碗既餐湯，會唔會太孤寒？ 多士夠脆身 脆得黎有少少硬上面蛋沙律...我終於諗起似咩😂脆版三文治睇番其他人post既食評，人地比目魚，我又比目魚，點解我果兩塊黑晒lol焦面除左食落成陣燶味，仲有一個字：好咸成件事食得好辛苦😂 唯一比較好既係魚肉算滑，不過調味方面已經糟蹋左兩塊魚扒份量方面...可能我食量大(?)要左雜菜其實食完沒有飽肚感😵咸到扁晒嘴既我以為自己食唔慣重口味...但大家都一致認同咸得過分😰連平時重口味既細佬都話下次咪搞佢😂

9月跟好友去日本旅遊，等了差不多有7年！終於成行實在非常興奮期待，今晚出來食過晚飯及討論行程。原本Book 左間在駱駝漆上的韓國料理店，但是去到門口才發現人多而且有些嘈雜。最後隨便的走進同層的 【Bold Italic】, 貪它的環境舒適寧願，適合我們相討人生大事。【Bold Italic】門口佈置平實，不太顯眼。甫入餐廳，地方不太大，但裝潢佈置盡顯心思。佈置主題不太明顯，又穿梭機、鶴、水喉通、霓虹光管……。不同無關係的擺設放在一起，竟然異常地合襯，而且散發出一股玩味。餐牌簡單，有9款晚餐套餐，包括餐湯、多士、主菜、餐飲及甜品。價格$98-158，定價合理。下單後店員呈上多士及餐湯。是日南瓜湯味道不過不失，勝在質地洁身是筆者杯茶。多士反而更有心思，烤焗後的法包上放上加入蛋白的蛋黃沙律醬，為平凡的多士增添不少顏色及層次。【香煎美國安格斯牛扒$148】牛扒大大片，用木板呈上。牛扒的賣相似茶餐廳質素，牛扒薄身而且表面沒有燒烤過的坑紋。要求七成熟，但切開後肉沒有呈粉紅，似是九成熟。牛扒雖然淋身，但牛肉味不太濃郁。牛扒雖然大塊，但是太多根，不是全部部分可以食用。牛扒下面放了不少蔬菜，有茄子、翠玉

聖誕節當然要去食大餐，之前試過D間都唔錯，打算同好朋友一齊來試。聖誕節出街食飯訂位是常識吧，所以好順利入座。可能係聖誕節期間，有限定每人都要叫一個Set Dinner，可惜訂位個時冇提到。頭盤有煙鴨胸卷，配上菠蘿同新鮮芽菜味道平衡得很好，令人期待之後的主菜。主菜:  牛扒(7成熟)  - 牛扒比較薄，7成熟度剛剛好，但肉的品質一般，靠香料同醬汁搭救。主菜2: 燒春雞 - 燒春雞肉質嫰滑，就算雞胸都好JUICY~主菜3: 三文魚扒 - 三文魚扒 係我覺得最好食，分量十足，仲外脆內滑，鮮味十足，配黑松露飯一流。三款主菜的醬汁都很搭主食，可以說是畫龍點睛。甜品係雪糕加蘋果金寶，甜而不膩的高質甜品，但好快食完唔記得影相!整體而言，餐廳坐位舒服，食物質素亦維持到水準，但聖誕節出街食飯真係要有準備比平時唔抵!

要去駱駝漆大厦，所以順便幫襯。大家分別點了all day breakfast, 鳗魚汁鴨胸意粉，菠菜粥鷄扒輕盈餐。all day breakfast 好大份，有蛋、焗豆、腸、雞扒同多士，男士食都一定夠。鴨胸意粉份量上小一點，味道係鰻魚汁，所以與傳統意粉有點分別。輕盈餐其實件雞扒都大塊，所以也不lite。我幾欣賞佢地柚子茶加入玫瑰花，賣相很好。

熟悉觀塘都知駱駝漆大廈內商店又有, 食肆又有, 上次去行駱駝漆時見到一間食肆,感覺似新開無耐, 門口有埋餐牌, 價錢又合理。所以有同學聚會我就揀左呢間.當晚我最早到, 店內真係無乜人, 裝修雅緻, 感覺好舒服亦係影相的地方呀 ~另外仲有個甜品櫃可以比你坐低後職員就比左餐牌同水, 睇下餐牌啦 !餐牌上蝴蝶裝飾好靚, 餐牌以SET DINNER為主最後叫左以下4個餐 :1. 煙三文魚蟹肉生葵忌廉汁黑白意大利粉 $1282. 8OZ 西冷  $148 (忘記影相)3. 香煎南非駱駝肉配白松露油四穀野米飯 $1384. 比目魚扒配白松露油四穀野米飯 $153侍應落單後好快比左湯同多士我地, 湯就正常味道, 反而吞拿魚多士就好特別, 好少餐廳會用上吞拿魚主菜黎啦 ~煙三文魚蟹肉生葵忌廉汁黑白意大利粉 :生葵唔算好多, 與忌廉汁混埋好惹味, 蟹肉雖然唔多但都好鮮甜香煎南非駱駝肉配白松露油四穀野米飯一見到有駱駝肉, 大家都好想食, 食落好似牛肉, 肉味濃而且JUICY比目魚扒配白松露油四穀野米飯最推介係呢一個, 一上枱大家都嘩....因為真係好大塊, 好似手臂咁長 ^^ 煎得好香, 好靚, 而且食落

好朋友又要一聚了！當天選址為觀塘，因為最近得知，原來觀塘好多特色食肆！「Bold Italic」是A小姐，即食評家thm1006推介的。她的嘴是好叼的，所以我們當然也信得過佢！先來前菜，有湯，有沙律，還有一塊芝士多士。湯是粟米湯，幾濃，不錯。沙律新鮮好味，芝士多士就略嫌油膩了點。榛子熱咖啡外觀好靚，一定加分，而且上層還撒了少少榛子碎。頓覺高級了不少！這杯是焦糖熬咖啡外觀也是有心思，咖啡亦很香濃！凍飲也相當出色，一致好評！好飲！特別是加了很多cream！雞翼薯蓉雞翼上面加了蜜糖芥未醬，變得幾惹味！不過雞翼真的好細隻！好似平時的size 的一半！薯蓉好滑，幾好味！黑松露雞扒飯其實黑松露的味道不太重，只是食的時候，聞到少少的黑松露味。但是雞扒煎得外皮香脆，而肉質又好juice，不錯。肉眼扒配薯蓉扒是好好味又好多汁，而且份量不少！是好大的一塊牛扒！但是個人覺得那灘的汁不是太好！因為令到薯蓉變薯粉湯！最後是甜品，我們點了一碟士多啤梨窩夫！窩夫的麵粉都是用士多啤梨味的，感覺用心。外觀上亦是很加分！因為是粉紅色的窩夫。不過味道就是普通的味道，沒有特別！Hea 了一整個下午，同朋友聚一聚，報告一下近況

上個禮拜朋友生日,去左依間餐廳食嘢入到去已經覺得個環境超靚 有音樂 坐得好舒服 之後叫左鱈魚扒同穀飼牛肉眼扒食個餐湯係粟米忌廉湯 仲有份多士 個湯好香 兩者個味好夾😜我食個個牛肉眼扒好大份好厚好juicy 食落去牛味好濃 食到好飽🙈我個frd就食依個鱈魚扒 佢話食落去啲肉都幾滑 不過有骨食個陣有少少麻煩飲品方面 叫左upgrade drink 荔枝玫瑰soda 好大杯 粉紅色 好靚 呃like一流😂😂最後叫左個chocolate brownie 超surprise啲waiter係隻碟上面寫左happy birthday 好有心🙈🙈🙈整體黎講 啲嘢好味 坐得好舒服 會再返黎食!!

一行7-8人，在網上看見呢間餐廳的環境同食物，看似不錯，便一早預先book定位，諗住成班FD聚會可以試試。餐廳都算細心，知道我地多人，都安排左最中間的位置比我地坐。甫進餐廳，驚覺地方有點細，起初睇相以為都幾大間，原來細細間，不過環境算清靜，好岩FD聚會。唯一難以預計的是，原來餐廳收9點，有朋友十分夜才到達，也只能逗留一陣，我地便要轉場地繼續傾計。去到見到餐牌，食物選擇唔多， Dinner Set 有 主菜、餐湯、甜品及飲品，大部分以扒及意粉為主，價錢頗為合理。我地因為人多，所以都試左超多款食物。意式香草醬雜野菌意大利粉味道一般，鐘意食得清淡gei人會較為喜歡，有少少乾，講真不算太特別。🙈🙈燒原條BBQ聖路易斯豬肋骨豬肋骨肉質軟腍，厚薄適中，食落都真係啖啖肉，香濃惹味，想一食再食，係我最喜歡的一道菜式!!!蒜蓉牛油扒花虎蝦拼燒羊架蒜香甚濃，加上牛油香，虎蝦鮮味突出，肉質爽口彈牙，好正。平時好怕食羊架gei我，呢個羊架我都可以完全接受到， 毫無騷味，肉質軟硬適中，值得推介。煎斯里蘭卡胡椒比目魚扒睇個樣以為好乾身咁，但切落原來完全唔係。食落魚肉爽滑，加上少少胡椒調味，口感更豐富。甜品值得特別

成為左會員咁耐，真係第一次打食評，因為唔想有更多既人好像我咁中伏。岩岩同女朋友係觀塘搵野食，見到Openrice對lee間野既評價唔錯，膽粗粗走入去試下。本身見到佢有storellet 個會員優惠，都幾開心，有西柚梳打送，點知一問話賣哂，叫我留番下次用。好啦，咁我就打算叫個燒春雞試下啦(因為小弟唔食牛肉的)，佢又話lunch果時賣哂，what?最終我同女友叫左個三文魚扒同香草菇意粉，個set包個湯同多士。多士就正正常常，個粟米湯就好好飲，要加分的。三文魚扒配野米飯，個醬十分九唔搭八，完全唔知係咩野味，個飯都係，十分奇怪香草菇意粉，佢應該比左3分之1支香草落去，而個個麵勁dry最後杯野飲味道正常，不過杯野仲細過佢比我果杯水，2-3啖飲哂lee間野已經blacklist左，一定唔會再去。

難得約齊中學朋友食飯，係openrice揀左呢間就大家收工又近屋企既西餐廳。友人話公司係附近，做左好幾年，都冇發現呢間餐廳餐廳好細心，見我地多人，book位果時預留間房俾我地😆，一班人可以靜靜地聚餐。餐廳食物選擇唔算多，都係扒同意粉，味道正常，但可惜扒唔係鐵板上，全部唔夠熱。三文魚白汁意粉，但唔記得影相。發覺餐廳最正唔係主菜，而係餐湯同餐包，餐湯飲得出落左好多蘑菇蓉，口感豐富，餐包係蛋沙拉包，大家都覺得正。

係觀塘番工 放工既時候近近地係附近工廈食飯Random咁book左一間餐廳 放工一齊食飯工廈餐廳價格已經愈來愈貴有時試過仲貴過平時街鋪商場餐廳價錢但係bold既dinner set全部都唔過$200 價格好合理同朋友一人叫左一個set 每個set有碗小餐湯同餐包主餐叫左個牛小排配白松露油粟米四殻野米飯同埋安格斯西冷扒配白飯一向都好中意牛小排 因為牛小排比較林身無咁多筋 加上燒汁味醬汁令牛小排更惹味喜歡juicy感既人 可以選擇牛小排而粟米四殻野米飯有陣陣的白松露香 好特別唔會食白飯咁單調而西冷扒比牛小排會硬少少但係因有蒜鹽調味 會比牛小排更香更濃味比較適合中意濃味野食既人西冷扒同牛小排都係叫左五/六成熟食既時候唔會太硬 牛味濃郁每個餐都包餐飲同甜品同朋友一人叫左一杯玫瑰花柚子茶雖然玫瑰花不太重 但淡淡玫瑰花香同柚子茶很配合

It’s been since summer 2015 since I last reviewed Bold & Italic . I had to check them out again, just to see if they are still rocking it.  It was rather quiet for a Wednesday afternoon, there were only a few customers. The menu is fantastic and the only problem is that we had to limit our selections as we can’t order everything. Every dinner set serves with starter, hot drink and dessert as usual.The meal was off to an exciting start with an appetizer of Borscht Soup and toast. The Smoked Salmo