Bondi (已結業)

餐廳係用黑白型格爲主，坐得到幾舒服又香又軟既麵包熱辣辣咁食好正香辣意式肉丸好好食！一咬落去就食到好香濃既牛肉味，係貨真價實既牛肉丸味道亦都好正，牛肉散發著香草既香味，配上微辣既醬汁仲有肉汁流出黎真係好正韓式辣牛肉泡菜意大利飯韓意fusion 菜仲有粒流心蛋個蛋黃流哂出黎意大利飯煮到粒粒都有口感，軟硬適中成個飯既辣味來自泡菜同韓式辣醬，泡菜辣中帶微酸令成個飯唔係得辣味，較易入口蛋黃都為個飯增添左香味牛肉粒大小適中，味道都唔錯

今日食澳洲菜，正！最鍾意尋找工廈美食。餐廳氣氛舒服悠閒，給人輕鬆同慢既節奏，啱曬澳洲人。好肚餓，叫左個燒春雞。成隻燒春雞上菜，好靚。薯仔同野菌擺得好靚。燒春雞肉質鮮嫩，好有水份。入口好香，而且滑。雞皮燒得脆，外脆內軟。之後再叫左個黑松露芝士薯條。呢個薯條同澳洲食既一樣，一樣咁厚切。而且炸得脆，黑松露陣味真係好香，芝士同黑松露真係無敵。薯條份量大，口感豐富，食食下好滿足好飽。今餐食得勁開心，下次再黎。

之前食過觀塘工廠大廈的西餐廳，覺得不錯，今天又是陰天，就決定在荔枝角長沙灣工廠大廈林立的地區看看有無餐廳吧。咁岩可以坐窗口位，雖然望大馬路，但坐窗口感覺有feel點。餐廳原來是代表澳洲人生活態度同飲食文化，不加一的餐廳！欣賞店員的服務態度，我地睇menu咁耐都無吹，上菜收野都問我地。叫餐最方便，本身想叫水牛芝士蕃茄沙律既，但見到Bondi salad就想試下，唔知會唔會更有澳洲風味呢？！沙律有紅椰菜 洋蔥 青瓜 小蕃茄 日式蘿蔔配有粗鹽和橄欖油。份量唔係飽肚，但都清新仲係粗鹽，感覺健康好多咁，哈哈，青瓜同日式蘿蔔好爽口幾好呀。椰菜花湯好濃椰菜花味，蔬菜味但不是青味，點餐包幾好食，餐包有少少外脆內軟。另外都可以點牛油，都好香滑感覺。軟殼蟹墨汁意大利飯上枱時勁香，內有野菌同深深既墨汁意大利飯。首先一讚係軟殼蟹勁香脆又有肉，好好食，非常香口，特別蟹腳很脆。意大利飯很飽滿，墨汁沒有腥味，欣賞！意大利飯是軟，但配上野菌令口感配上一點硬口，幾好口感。澳洲肉眼扒又係勁香又香肉味，有野菌翠玉瓜小蕃茄同薯仔。配菜多款色，多色蔬菜很健康同減少牛朳味，因為好大舊，所以食食下有蔬菜食更好！清清味，牛肉不會硬，

在工廠大廈收工的微雨天，很肚餓不想再坐車到別的地方吃飯了，所以openrice下附近有無東西吃。看見有工廈餐廳介紹就想試試吧。入到餐廳好暗又有音樂，幾有情調。menu都幾多選擇，有散叫同set$188-$298，意粉飯就$128-$178，野飲甜品可以加28蚊。我地都係選餐，2個餐唔洗諗，一個有前菜 湯同主食。Bondi salad有最多汁帶酸甜既小蕃茄 紅椰菜 洋蔥 青瓜日式蘿蔔配有橄欖油。份量作為前菜足夠，沙律菜很新鮮感覺，橄欖油令到啲紅椰菜唔會好乾，帶一點鹹味，食到好想再食！椰菜花湯好濃味，椰菜花打碎晒成湯。比平時出面嘅羅宋湯淡味，幾特別。餐包有點外脆內軟點牛油，先解一解肚餓。軟殼蟹墨魚汁意大利飯十分香，配有野菌係墨汁意大利飯入面。軟殼蟹好香口同多肉，好脆。都幾多野菌係飯入面，增加清新味。墨魚汁意大利飯好濃汁，每一粒都包住墨魚汁，一口黑色，好食又唔會有海鮮腥味。澳洲超大肉眼扒好香味，配菜勁多種，包括薯粒野菌 翠玉瓜 又有小蕃茄啦。薯粒炸過咁少少脆硬，好食過薯容對我嚟講。又有翠玉瓜同埋小蕃茄呢令到就算好大塊牛扒都唔會食到好油，非常好。服務不錯，收野收得勁有效率，工廈餐廳都有窩心餐廳

因為有朋友生日今晚就決定食間樓上西餐豪一豪😛搵左一陣就搵到呢間望落唔錯而且唔收加一既西餐~一入去個環境都幾靚靜靜地咁而且個環境都幾闊落 可以用黎保持環境寬闊既關係啦檯凳唔算多所以要卜位架~之後我地2個人就嗌左個2人套餐加多一份松露芝士薯條❤首先上既係松露芝士薯條 佢既薯條係厚切既同埋份量都唔少條條薯條都充滿薯條蓉啱啱炸起食落好香脆加上松露碎同芝士粉食落更香口同埋松露味唔會太重配得啱啱好😛頭盤就係煙三文魚沙拉 本身唔食三文魚既我竟然覺得呢個煙三文魚好正😳因爲佢肉質都算厚同埋陣煙昏味幾重所以唔會腥 夾埋沙拉菜食認真不錯！係有幾粒檻好酸😂之後就到西冷牛扒上檯 7成既牛排食落唔會太硬肉汁都算多但唔會好腍 抺上蒜香牛油味道好夾 但唔抺就略微有點淡味 牛排唔會太多肥膏肉質唔錯最後就有個大蝦燴飯 忌廉味唔會太重所以唔算太膩而且個飯口感唔會太濕係適中既感覺 不過味道唔算太凸出係平凡既燴飯冇咩特別 大蝦都煎得好香 肉質唔算好彈牙但有係爽口既感覺 整體而言間餐廳好適合約會而且食物水準幾高又唔收加一 2人都係5百多少少 不錯！

今日放假黎工業中心shopping, 先食個lunch先, 荔枝角食店唔多, 想搵間比較休閒舒適既餐廳, 所以預先上openrice, 搵下有咩好地方選擇, 見呢間相片裝飾都幾有味道,食評也很好, 試試! 好彩係下午茶時間, 黎到唔洗等位。裝飾比較西化, 地方都幾大, 播放住西洋音樂, 感覺好舒服!有set選擇, 款式都幾多, 有牛扒, 羊扒, 意粉餐。前菜可選沙律或湯, 包埋飲品同甜品。煙鴨胸沙律配芥辣醬, 個汁較得幾好。泰式鮮蝦扁意粉, 聽落配搭幾新鮮, 食物賣相好吸引. 新鮮大蝦, 食落幾彈口, 味道酸酸甜甜, 好開胃, 配埋黑白芝麻, 味道更突出, 扁意粉軟硬適中。個士多啤梨奶凍, 好香滑, 好好味!忌廉凍朱古力, 味道香濃!

今日黎荔枝角做野, 朋友食過話呢到D食物質素唔錯, 而且環境幾舒適, 今日順路黎試下先。位置係工廈樓上店, 地方都幾大, 裝橫好有西式休閒feel! 座位寬闊, 入到黎成個人好relax!set lunch, 可選擇餐湯或沙律, 我選左南瓜湯, 味道香濃, 好香南瓜味! 唔係味精湯!野菌菠菜忌廉汁意粉, 賣相好吸引, 個忌廉汁帶有野菌既清香, 同香滑忌廉味, 意粉軟硬度適中, 整個配搭好好! 好有水準!呢個士多啤梨奶凍, 好軟滑, 好香奶味, 配上醒胃既士多啤梨汁, 唔會好甜, 好甲, 簡單一個甜品, 食到佢既用心製作, 絕不馬虎!

As everyone know, Lai Chi Kok is a place full of working adults as there are a lot of industrial building and wholesales business going on. Since i was around this area today and i knew that there are many F&B outlets popping out in inside industrial building this few years, i visited one today. Bondi was located inside a rather run-down industrial building, lifts might be even older than me. It was situated just beside the lift and was quite spacious. As their menu stated, they do change their

和閨密吃晚飯，談天說地，當然要找個舒舒服服的地方。想起工廈的美味食物，又要鄰近地鐵站，億利工業大廈就係我不二之選。距離荔枝角地鐵站只是3分鐘距離，早點訂位就無走雞。同閨密思前想後，決定叫兩個晚市套餐，應該比二人套餐化算。😉 餐廳亦不收開瓶費，可惜附近沒有酒舖，唯有下次再來飲酒食肉!頭盤是蟹肉蘑菇。非常好吃，蟹肉分量慷慨，蘑菇吸收蟹汁精華，又提升蟹肉鮮味，好吃!主菜是澳州肉眼扒，大大塊，幾厚，足夠兩個女仔食。叫咗5成熟，岩岩好，牛扒唔硬又有肉味，加咗少少海鹽係面已經好夠味。美中不足係隻碟本身無預熱，所以牛扒凍得快。亦叫咗芝麻醬汁墨魚意粉醬汁香濃，西日合一，味道不錯。意粉煮得恰到好處，仍然彈牙。美中不足係墨魚未夠鮮味，這是原料問題，應非烹調技巧所能補救。跟餐Green tea latte。好香濃，估佢唔到，奶滑同綠茶香完美結合，唔會太甜，飲完有綠茶的甘香餘韻。好正! 為今餐劃上完美句號。跟閨密都咁覺得頗滿意啊!

好難食，Risotto可以唔透心，勁硬食過好多間餐廳既Risotto ，貴又有，勁平又有，未食過差到咁見同事食個炸魚薯條，啲炸粉成寸厚...開左咁多年都冇食過，但見佢開咁耐仲係度，以為點都唔會差，點知係勁難食囉.....勁失望，一個細沙律菜+個飯+杯咖啡，$138，唔係平，但如果好食乜都值，但可惜中等水平都冇！係難食！！！行遠少少，大中華後面，大把野揀，差唔多價錢，好味好好好多。唔會再

連續放完4日聖誕假，食左好多好野！ 放完假，唔好俾佢停繼續覓食放完假都要食好西是日lunch time, 走左黎 D2 Place 對面既工廈覓食是日再戰Bondi 幾個月前跟友人在中環分店試過，感覺很深刻，於是今日黎試試荔枝角工廈呢間驚喜依然Lunch set 由88蚊起，包餐包、餐湯、飲品首先上台既係微暖既餐包同是日靚湯-椰菜湯！餐包微暖很正，擦上牛油立即溶掉，散發牛油香美中不足是餐包一角有點硬，可能是焗耐了一點 椰菜湯清清地，但不失creamy 主菜黎啦真係估佢唔到，個樣係埋好似甜品！顏色配搭得很好上菜已經很開心大大塊既三文魚腩很新鮮，魚肉滑！但最欣賞的是灑在面頭既脆脆配上滑滑既魚肉，再加上自家制creamy 汁簡直係不能抗拒另外兩款配菜，用了牛油輕微弄熱也很正整體黎講，主菜俾足5分其實食完主菜都很飽但美食當前，唯有飲埋杯濃厚熱朱古力好靚既拉花呀朱古力很濃，是我喜歡的，而且不會太奶唔舍得個拉花就住飲，飲左三分一，依然係度最後，食埋個甜品先畫上完美句號是荔枝的味道很喜歡荔枝味既panna cotta，很清新，很滑明明已經很飽，都食得哂成杯真的是很滿足的一餐

二十年前在荔枝角區工作了差不多五年，當時印象並沒有什麼特別好的食肆，人流多但食肆少，一到中午時段人山人海，每次因為不想等位，都會幫襯大廈樓梯底，吃件多士或吃碗麵，加杯奶茶便算吧! 其餘時間到“香港工業中心”走一走，跟“香工”的店員混熟了，也買了不少又平又靚的貨，當時的我也不懂享受美食，飽了便算了。朋友相約到“香工”買衫，心裡想著還有平貨嗎？聽聞現在一點都不便宜，不是大量取貨就不會給批發價。其實買衫都是其次，買衫前相約吃個午餐才是重點，朋友說荔枝角已經不同了，好多有質素的食肆都在這區立足。果然不同了很多，步入億利工業中心，看見水牌有很多食肆可選擇，花多眼亂，我跟朋友說要好味之餘，還要嘆杯靚咖啡，她就帶了我到Bondi。星期六下午差不多12點半，餐廳人流十分少，朋友見我滿担心的樣子，她說晚上這裡座無虛席的，難得中午靜靜地享受一頓午餐吧!我揀選了兩款菜式，和朋友一起分享味道。澳州手打牛肉芝士漢堡配鴨干慕士$128香辣蕃茄意式肉丸扁意粉 $118首先奉上是餐包，上到檯餐包仍是熱，也算軟熟。西蘭花忌廉湯入口充滿攪碎的西蘭花，感覺足料，頭幾口都覺得不錯，但後來先發覺味道偏鹹。澳州手打牛肉芝士漢堡配

上openrice 搵荔枝角既西餐廳同朋友食晚飯 因為就個日係個度做完野 隨意地選左呢間餐廳 本身我地都鍾意試下新野 有冒險精神的 所以就訂左呢間餐廳晚餐餐廳位於工廈內 尚算易搵到 但工廈是怎樣的環境相信不用多加形容 進了餐廳 簡單的陳設都幾舒服 一行三人點了一個二人晚餐再加一個fish & chips share 食物係ok 既 平心而論 係荔枝角既工廈內這個價錢我起初覺得有點over price 但試完之後覺得佢味道同食物品質都係值呢個價錢 但當我地食到咁上下既時候 侍應就開始不斷想收碟 但當時兩碟main course 仲未食晒 來來回回幾次重覆答佢未食完 最終我地認輸了 由佢收吧 侍應即刻快手快腳收左碟之後就同我地講最遲坐到9:30 😱😱😱 (當時係9:20) 我地無諗過餐廳會收咁早 不過都唔想阻住人收工 我地都唔知個set 有無甜品都無食就走 返到屋企睇番openrice 佢營業時間係至晚上10點 唔通個晚收早左？

第一次寫食評，就係因為昨晚喺Bondi用餐經驗令到我決定執筆一寫。呢個禮拜工作都幾忙決定對自己同朋友好啲，於是諗住放工揾間好D的餐廳試下。上網睇見到佢裝修好似幾好，又話自己唔收加一因為提供好食物係基本的，見佢咁有HEART就幫襯下。上到去打開餐牌無乜好多選擇，我和友人揀左一個一人餐 (有南瓜湯沙律豬扒甜品同一杯嘢飲，我地叫左朱古力奶) 同一個MAIN COURSE (帶子龍蝦RISOTTO)。個南瓜湯同沙律普普通通無驚喜，跟住個RISOTTO煮到好似粥咁，我事後睇返啲食評，唔知係咪比人投訴得多，話佢呢個菜唔熟，所以佢煮到一PAT咁，隻龍蝦係乾煎到變蝦乾，唯一係兩件帶子還可以。至於塊豬扒MAIN COURSE，啲配菜堅係炒埋一堆上碟，算。但塊豬扒好硬，放左PAT 芝士喺上面叫做有啲味。到最後黎杯朱古力，我估應該無事卦，友人飲完第一句就話：嘩，稀過陳冠希。果然，水樣朱古力奶。甜品個荔枝果涷普通到不得了。總之成餐飯色香味全都欠奉。至於服務，喺電話度訂枱，佢地話九點LAST ORDER, 十點關門，接電話位哥哥都算貼心，問我地八點先上去會唔會食唔切，我話OK。食到九點左右待應提示LAST OR

工廈餐廳原來充滿驚喜。時下流行活化工廈，進駐工廈的餐廳也愈來愈多。這次介紹的這間Bondi亦是其中之一。工廈cafe 優點之一是裝修比較有特色。而Bondi給我的感覺是比較浪漫的，因為每張桌上都有蠟燭。在柔和的爉光下進餐十分有情調，活像爉光晚餐一樣。本以為工廈cafe的人客會比較少，沒想到才六時多到達時已只剩下幾張桌子，幸好預先預約了。來到cafe當然要嘗嘗coffee的味道。先點了一杯cappuccino。Cappuccino 的咖啡味濃，而表面的奶泡的量亦恰當好處，令咖啡口感更順滑。食物方面亦不俗，難怪客似雲來。點了一個SET DINNER，先上一客法式龍蝦湯。湯的稠度適中，不會太水汪汪。味道方面除了有海鮮的鮮味和有奶油的香滑口感之餘又不會給人很油膩的感覺，十分好味。沙律十分新鮮，加上水牛芝士非常揼本。主食方面選擇了意大利飯伴軟殼蟹。細心的侍應在下單時還提醒我傳統意大利飯口感會比較硬，問要不要叫廚師煮軟一些。而我當然是選擇傳統口味，因為我正正是喜愛意大利飯那種粒粒分明的口感。這個飯正正能做到這點，配上濃稠又充滿洋蔥和牛油味的醬汁，是在意大利歐遊時的口味。至於軟殼蟹方面亦炸得鬆脆。軟