Burger Jobs (已結業)

偶爾走到荃灣，看到一間新開的漢堡包店，又被那漢堡包吸引著，不如來多一個漢堡包正餐。二話不說的點來 Tiffany Blue 流心雞堡，原因就是給那粉藍得來又帶點綠色的麵包，感覺上就是有點與眾不同的感覺。吃吧，就是那燙熱而半溶的芝士，從四方八面的流出，從來不會只向同一方向流出來的雞肉是經炸過的，炸粉不算厚吧，當有嫰的口感。加一個沙律與薯，同樣地是一份有菜有肉的漢堡什餐。沙律的清新，薯條的脆口，是最基本的吧。特別的漢堡麵包，才是吸睛的主要原因，加上流心芝士，就可一試。

很久沒有回來荃灣區搵食，當我地排緊隊食豆腐花之際見到有間外型好有格調既店原來係一間新開冇耐既漢堡店一望份menu就比個tiffany blue burger造型吸引住係呢個時候店員就係店內出來好熱情咁同我地介紹burger見係咁好服務就入去試一下!我們點了一個黑松露忌廉珍珠帶子意大利粉和tiffanyblue爆芝流心雞排漢堡套餐黑松露忌廉珍珠帶子意大利粉食評：等了大約10分鐘，一份黑松露忌廉珍珠帶子意大利粉就上到台，未上到已經聞到好香噴噴既黑松露味雖然有佢地係用紙盒裝住，但係份量都唔算少，而且係即叫即整，上到黎影左一輪都仲係熱辣辣，麵好入味但唔會太淋！最最最鐘意佢個黑松露味同帶子煎香左既帶子吸收左汁同黑松露味，無得頂，估唔到咁好食，呢個抵讚！tiffanyblue爆芝流心雞排漢堡套餐食評：呢個係menu睇既時候都覺賣相有夠特別，估唔到原來實物個色係一樣個份量都幾大，冇可能一口咬哂咁，麵包皮係冇咩特別其他既味道，我估隻色只係特色黎！不過呢個最特別既就係個雞排既製法，佢d芝士唔係係雞排上面或下面，而係係個雞排入面，我第一啖唔知道，一咬，d芝士就一直下面滴！！佢完全mix左雞排隻味，比起只係

早排俾ig的food blogger 洗板，已經覺得好靚。上次咁岩行過路德圍，一於決定去試試。Tiffany Blue 流心芝士雞扒漢堡包皮用左蝶荳花黎調色，所以吾怕食死大家😂可安心食用。但我覺得個包略為有少少硬同乾🤔其他正常包底會比較好食(噱頭既野，嚇我吾到既😌)不過佢塊雞扒都幾好食，影完相放左一陣都仲熱，同埋芝士超流心，吾會話凍左會結住左。雞肉好juice,加埋芝士雖然會有少少"流"，但中意芝士既人一定中意依個der👍🏻👍🏻👍🏻

話說我對藍色💙真係情有獨鍾😂通常有藍色既產品我都會叫來試下🙈早排喺網上見到有藍色漢堡包🍔仲要係荃灣咁近，我緊係唔會放過佢啦😏舖內不大，大約可以放10至12個位置Tiffany blue 爆芝流心雞排漢堡包-HKD88$個名長到呢😂藍色既麵包真係好吸相機💙味道同普通麵包冇乜分別，不過靚就得啦🙈雞扒即叫即炸，咬落去果下真係要小心啲！啲芝士真係爆出來嫁！超正😛醬汁係他他汁，配菜都新鮮👍🏼順帶一提，我個人應為佢哋啲薯條幾好食🙈其次，佢其他嘅漢堡包質素都唔錯，希望下次再嚟嘅時候可以保持到水準👍🏼

呢間野最出名係特色藍色漢堡~如圖,呢間野值得介紹下~第1, 佢漢堡真的很大~落足料~漢堡扒有洋蔥第2 價錢不算貴~ 都係50-80到第3佢d意粉夠大盒~ 味道都好食~不足之處係意粉係普通圓頭意粉~如果可以多d選擇會更好~薯條炸得很脆~最好吃食物之一~(當然是個人認為)每個漢堡餐都會送salad~同薯條~所以會好飽~ salad會平衡返小小個健康~方便一d懶叫菜吃的人士~芝士薯條~就真係比較大盒吃不晒~ 但同送既薯條基本上差不多~ 多了芝士~卡Bonnie意粉的白汁整得唔錯~算係很好吃~蛋味濃~我個人很喜歡吃意粉~美中不足的是圓頭意粉口感太普通! 

吃漢堡真的好熱氣又唔健康，但偶然都要放縱一次。我叫左個新出的雙重芝士手打牛肉漢堡。個漢堡好高，女士們或有潔癖的朋友就要注意 (雖然餐廳有提供濕紙巾。。。) 首先，個漢堡包有烘過，有心思。手打牛肉幾厚身，份量夠，口感比普通漢堡扒鬆，仲有吃到牛筋的嚼勁。中間有些新鮮生菜和蕃茄，彌補一下漢堡的不健康。加15蚊成餐，同時有沙律，薯條，和飲品，幾抵 (唔似 M 記咁只有薯條和飲品)。可惜飲品只有罐裝汽水。朋友的藍色爆芝漢堡外貌好獨特，見到入面係有芝士流出來，但聽他說雞肉好鞋。我們仲叫了一客小吃。雞翼外表都幾吸引，味道都唔錯。店鋪裝飾係幾特別，牆上掛滿兵乓球拍，衣架，鎖匙等，但就有點莫名其妙。

超鍾意Tiffany Blue嘅我，知道呢度咁特別，有Tiffany Blue顏色嘅漢堡包，特登走過黎食～Tiffany Blue嘅包係爆芝雞扒流心漢堡包 $88，啱哂我又鍾意食芝士；雞扒脆口得黎唔油，芝士仲係暖口流出黎，好特別，又好味～勁量級雙重手打牛肉漢堡 $118，真的好勁量，超大舊厚肉，肉汁仍然鎖住，啖啖內，好正好味！！ 黑椒蜜糖雞翼 $48 好惹味，黑松露忌廉帶子意大利粉 $58 好香～食物有水準，價錢合理，非常滿意嘅一餐～

去完荃灣探朋友，知道呢度有間漢堡包店好出名叫Burger Job，咁鍾意食漢堡包嘅我一定來試吓～ 個餐包括埋沙律，薯條同飲品，所以都算幾抵（因有d漢堡包店知你一定會叫，所以打散黎賣）～叫咗：1）鵝肝菠蘿手打牛肉漢堡 同 2）勁量級雙重手打牛肉漢堡：送到上枱同餐牌嘅相一模一樣，大大舊，有圖有真相～ 兩個個分別在於一個有個鵝肝菠蘿，另一個就兩層肉～ 兩個個包有烤到好脆(呢點看似微不足道嘅step，但令成個burger美味程度大大提高，可見餐廳好用心有要求)，入面個牛好juicy，仲有肉汁唧出黎，兩個burger都好正！！ 好好味！！ 3）黑椒蜜糖雞翼：見隔離枱食，所以忍唔住自己都叫一份，好有意外驚喜，外層脆口，蜜糖汁好味，好彩有叫到，推介！！4）黑松露忌廉帶子意大利粉：松露好香，忌廉汁好creamy，麵好幼滑～

平日去路德圍一般都會是掃街多，但最近這個地段都開了不少新食肆，包括這所位置在corner位、裝潢十分型格的burger店:由於被門面的黑白設計吸引著，於是便上前看看餐牌有什麼好吃的。看到餐牌上除了有burger，還有多款意粉和小吃，都挺合乎自己的胃口，所以選擇在這裏用膳。鵝肝菠蘿手打牛肉漢堡($118)真的沒想到以$118這個價錢，可以吃到那麼大塊又厚的鵝肝！鵝肝煎得外脆內軟，既沒有根，又沒有禽獸的氈味，與下層的芝士一起吃，真的會在口中裏溶化！牛肉也是意料之外的好吃，不但肉味濃厚，而且十分juicy又tender，調味亦剛剛好。雖然漢堡很巨型，但不會吃一口便覺得濟，因為漢堡還夾了不少蔬果，如洋蔥、蕃茄、生菜和菠蘿，它們的酸甜味足以中和肉類的油膩感，反而令我不禁有一口接著一口大啖呢！還有一點令我欣賞的是，漢堡沒有用上茄汁，而是用了沙律醬，吃下去不會乾巴巴的。這個漢堡簡直就是真正的comfort food!burger本來已配了薯條，另加$15便有沙律和汽水。薯條是粗身厚肉的那種，炸出來是熱騰騰的，不會有油益味。不過如果能加多一點點鹽(或是調味粉)的話，會更惹味！而沙律就是新鮮的沙律菜拌上

Burger 一向都係香港人摯愛 近排多左係荃灣搵食 專登搵左呢間新開burger同朋友食飯 應該開左幾個月咋 門面好搶眼架 黑白色調 遠一遠都睇到佢 😬😬裝潢都好特別 牆上面又有唔同既裝 排列整齊 坐低叫左幾樣野必叫burger 選擇左泡菜豚肉burger 豚肉好juicy 加埋泡菜 好似食緊韓國五花肉咁😋😋😋 Burger包底有特登有焗過特別脆特別香口 Burger jobs 好貼心 知道食burger 成手都會污糟 會俾定濕紙巾你用 不過個樣有d似🙈🙈🙈😂😂😂朋友鍾意食意粉 叫左個香草蜆肉意粉 個汁調得好好 香草味濃 意粉軟硬度適中 食過番尋味😋😋 小食既雞翼都好有水準 肉質好滑😬😬總括黎講 環境好舒服 burger 又有特色其他食物亦合乎水準😊😊 值得同三五知己黎再食過😬😬

沒辦法，平時得罪人多，是要請下吃飯，希望對方息怒啦！咁梗係要比啲誠意，搵間好啲的餐廳啦！在荃灣覓食多年的我，我當然最清楚呢度邊度有好野食啦！ 呢度的漢堡唔係麥記的細包，而是真的超大超高超有份量的大漢堡！呢個份量真的已經足以喂飽一個精壯的男人，如小弟我。店內仲體貼地隨餐附送濕紙巾，大家放心用手拎來吃！ 加15蚊仲可以轉餐，有多一個沙律，薯條和飲品！ 抵！ 朋友好眼光，幫我選了鎮店之寶的 Tiffany Blue 爆芝流心雞排漢堡。外貌是少見的藍色，光看看已十分吸睛！ 一切下去，真的有芝士流出來架！唯一美中不足的是雞排似乎炸得太過龍，肉有啲鞋。朋友則叫了雙層芝士和手打牛肉漢堡，仲好細心咁分了一層芝士牛肉給我 ～ 芝士半溶在厚厚的牛肉上，咬落去，仲吃到料想不到的疑似牛筋的物體，令到牛肉淋得來又會有嚼感！ 薯條唔係麥記的瘦薯條，而是大大條超肥美的正宗美國薯條！正！可惜我已太飽，不然我絕對會將它吃得一乾二淨！另外仲叫左一客黑椒蜜糖雞翼，表皮超好吃，又甜又脆！雞肉好嫩！我一人就可以ko 4隻 ！ 仲有一點特別之處是店內採用自助形式，餐具自己隨便拿，飯後大家都要記得做一個有質素的食客，自己將餐盆放在

不知道Burger 風會延續多久呢一開始是被這店面設計吸引過去的店內座位頗寬敞沒有嘗試主打的藍色Burger試了最基本的牛肉漢堡 & 炸魚薯條牛肉漢堡分量很足牛肉亦不會太乾身值得一試的炸魚薯條部分魚有點不夠實在不夠香口 我想還是試主打的burger會較好 

Burger 愛好者既我, 經過荃灣, 見到有間burger 小店忍唔住要試一試黎到8點幾, 已經坐滿人, 仲有唔少人係到等位好彩都係等10-15分鐘左右就有位了, 係門口已睇過menu, 藍色burger 係幾特別, 但我仍然被勁量級雙重手打牛肉漢堡被吸引burger跟套餐, 汽水自己拎一個burger set 緊係唔夠二個人食, 另外要多個黑椒蜜糖雞翼, 同埋卡邦尼意大利粉勁量級雙重手打牛肉漢堡, 都幾誇張, 一層牛肉漢堡已經夠厚, 而呢個係兩層, 攪到唔知點食好所以要KO左一層漢堡先, 輕輕一切已經出黎肉汁手打牛肉漢堡比較結實, 肉味濃, 食落好Juicy黑椒蜜糖雞翼, 啱啱出爐, 熱辣辣雞翼邊焗得脆仆仆, 加上蜜糖, 未食過咁好食既蜜糖雞翼意粉類, 也有6款選擇, $38-58價位看見卡邦尼只需$38, 起初以為份量很少, 或味道麻麻點知份量不算少, 意粉爽口彈牙又掛汁, 忌廉汁香濃但不膩, 食到底都仲有忌廉呢個超抵既價錢 $38食到咁好質素既卡邦尼, 超推介

前晚放工之後約左個住喺荃灣既朋友食飯 再次踏足呢個久違既荃灣區～唔黎呢頭都唔發現原來荃灣有咁多特色小店 賣下串燒、魚蛋同粉麵 仲有啲cafe 同中西式餐廳 就喺荃灣轉角位既當眼處 我地見到呢間叫Burger Jobs既小店 黑色既招牌好有格調 我地決定入去試下我同朋友首先叫左一客六隻既黑椒蜜糖雞翼🐥 離遠已經聞到陣陣黑椒既香味 雞翼外皮煎到金黃色脆脆地 咬開香甜脆卜卜既皮 就會見到隻雞翼流出鮮美既肉汁 香甜好味 我同朋友都極力推薦 我地仲追加左一客 每人食左六隻雞翼 好滿足好好味😋食完snacks 就黎正餐喇 😆 我叫左個招牌煙肉蛋手打牛肉漢堡🍔 加左$15 轉做套餐 有埋沙律同薯條～ 我地仲加$12 點左飲品 我同朋友都不約而同地揀左可樂 食burger點可以冇可口可樂😆個burger真係好大個好足料～頂層有處於半溶狀態既芝士 芝士包住嫩滑既雞蛋 下面有一片薄薄既煙肉 再黎就係重頭戲 手打牛肉漢堡！🐮我用刀將漢堡切成一半 同朋友分享招牌漢堡既滋味 塊手打牛肉真係好足料好大份 食得出整漢堡既師傅好落力 一啲都唔馬虎～手打牛肉特別嫩 特別腍 而且食落口感鬆軟得黎又有嚼頭～😁 上面煎香左既

最近常在荃灣一帶搵食，早排呢個藍色漢堡包風頭一時無兩，今晚終於有幸來一試了。店內只有數張枱，繁忙時段只可用餐一小時，是晚八點多黎到，等位等了約廿十多分鐘。自助形式點餐，埋位等食，食完自己拎番個盤出去餐車，但可能小店太迫，眼見大部分食客都無咁做，而且枱上有剩餘醬汁等，這一些點實在大打折扣。等了約數分鐘後就有得食了，店員會送來不用自已pick up，全店只有三個員工而言真的辛苦了先來的是蘑菇牛肉漢堡，賣相實在不錯，加15有汽水同沙律，一人份量實在頗大。超厚的包，好難一口咬得哂呀爆汁的蘑菇同手打的漢堡肉，一邊食一邊滴汁，蘑菇香口，牛肉軟腍肉味濃，肉汁又多，每一口都好滋味啊，仲有蕃茄，生菜，生洋蔥等，多重口感，味道豐富。另一個就梗係點左Tiffany blue爆芝流心雞扒漢堡，粉藍色勁吸晴，哈哈，雖然朋友話好似中左毒咁厚實炸雞扒，仲有大量醬汁。一切開就爆芝士出黎啦，想切一人一半share真係有啲難，一路切一路流走啲芝士建議一啖咬落去，哈。雞扒香口，芝士雖味道不濃，但都好有芝味，特別又好味。薯條兜兜設計不錯，可以載住啲茄汁，薯條香脆厚切，好味。仲有沙律菜，個醋汁太酸了點。遲到的朋友追加了一客卡邦