Burgerman (埃華街) (已結業)

再食burger~堂食味正男朋友最喜歡食漢堡包，基本上佢係一個漢堡男！前幾日去大角咀有時間就堂食burger~點了和牛漢堡包同至尊漢堡，一個加$20升級。至尊漢堡男朋友既至尊漢堡份量超級勁量，好高，有兩塊厚厚的漢堡扒在裡面，目測真材實料。漢堡同芝士半溶狀態都有兩層，好澎湃，一口一定食吾到。仲有煙肉，煎蛋，蘑菇，炒黑椒洋蔥，菜和同蕃茄，口感十足，佢好滿意。特級黑松露和牛漢堡好食，首先，和牛肉厚得黎吾膩，相當juicy，肉質嫰滑鬆軟，好鬼牛味。黑松露醬又香，加上芝麻醬，菜苗，雞蛋，咁樣嘅醬汁配搭令成個漢堡味道升級，惹味。+$20配薯格同野飲薯格幾好，即炸，夠晒香口但不乾，記得一定要趁熱食加d茄汁，爽晒。野飲竟然可揀呢款，檸檬冰茶，好抵！

突然間癮起想食burger 見呢間評價幾好放工就特登同男朋友去試下距離奧運站行五分鐘左右 地點都算方便舖頭唔大 店內大概只有15個座位7點左右去到 已經有兩枱客人食緊嚕餐牌：雖然淨賣漢堡同小食 但款式都唔少✨鵝肝和牛漢堡 $130筆者影得唔好 睇落好似好細個 但實物其實一啲都唔細鵝肝好香 和牛好厚夾埋一齊食以為會好漏啦點知一啲都唔會 輕輕鬆鬆就食晒個包hahaha✨至尊漢堡連套餐 $80+20呢個一上枱已經好吸引 個包有成隻手掌咁高入面有兩塊牛 煎蛋 煙肉 蘑菇食落勁豐富 勁滿足🤤不過要提一提嘅係佢嘅漢堡比較淡味 無坊間嘅咁濃味 但就唔食到好滯好膩咁套餐嘅薯條薯味幾濃 同樣地都係較淡口嘅✨ 蜜糖雞翼 $28見$28蚊有5隻雞翼幾抵食 就嗌咗個唔辣嘅蜜糖雞翼試下雞翼熱辣辣脆卜卜咁上枱 個面淋咗啲燒烤醬所以基本上係食唔到蜜糖味嘅😂餐廳好貼心 每張枱都提供咗手套紙巾叉同兩款醬料紅色就茄汁啦 橙色嗰枝筆者本來以為係千島醬但食落酸酸辣辣咁 好似細個食元綠嘅冷辣辣麵 好正🤤🤤🤤總結嚟講 係一間幾用心價錢亦合理嘅小店值得大家去試下😉

至尊漢堡trucker burger $80 combo +$20漢堡由店員送上黎，香氣十足，仲超高，應該有10幾cm, 由上而下既餡料係：煙肉->蛋->芝士->洋蔥->厚牛肉->芝士->洋蔥->厚牛肉->蕃茄->生菜肉汁多 牛肉味濃 調味岩岩好 薯條都炸得好香脆欣賞佢食物係即叫即整，雖然要等一陣，但係叫combo 既話會有野飲，飲住coke zero等其實時間過得好快🙂餐廳既音樂好聽，不過枱唔算寬闊，繁忙時間又叫得多野食既話就會有點迫。

咁岩放工約左朋友喺附近呢區，好random 咁搵地方醫肚搵左既小店，一個美式高身burger 外型幾精緻，而且仲有椰汁飲，感覺食完burger 個口都唔會覺得好膩，而且小店有既self service 設施膠手套覺得服務形象係細心，岩住附近既朋友黎食去感受街坊之間互相照應。

作為漢堡專家嘅我以食勻所有漢堡包店為目標 搜羅全港唔同嘅美味漢堡 今次嚟到屋企附近大角咀嘅burgerman 一間平民小店卻充滿著驚喜小店嘅裝修散發住美國嘅味道 店舖嘅裝飾都係頗有特色 Burger man嘅漢堡都可以加20蚊跟餐 隨餐可以有 薯格/連皮薯條/沙律 加上自選汽水一罐另外仲見到店舖上有一個lunch set special menu $58左右就嘆burger 午餐至尊漢堡 ($80) +$20 升級套餐至尊漢堡非常大份 入面有雙層芝士牛肉漢堡 ，煙肉 ，煎蛋 ，炒洋蔥 ，蕃茄， 蘑菇。 全部配料放埋一齊 觀感同埋份量非常誇張。兩層牛肉都係真材實料 超級厚同埋多汁 上碟時仲有無比餘溫 食肉獸絕對唔可以錯過升級套餐配上薯格同零係可樂 薯格分量幾多 堆到同個漢堡差唔多高 即點即炸脆卜卜特級黑松露和牛漢堡 ($95) +$20 升級套餐呢一份黑松露和牛漢堡係 burgerman新款式嘅漢堡 松露同芝士香味好重 兩種香味簡直係結合得天衣無縫 上碟時芝士係半溶狀態 更添漢堡嘅香味而升級套餐就配上連皮薯條 外層炸得好脆內層係軟綿綿嘅薯仔蓉我認為呢間餐廳價錢貼地 亦都能保持到水準 可

Visited Burgerman for the first time some time ago, but it wasn’t open even it’s their opening hour. Second time luck for me and I got to try it out this time.I was lucky to get the lunch set at 17:00. It’s HKD$58 with this Buffalo Chicken Burger, fries (or salad) and a canned drink.The Buffalo Chicken Burger was absolutely fantastic! Fluffy bun with crispy toasted top, wrapping juicy chicken fillet, and best, blue cheese! It’s a bit spicy with the hot sauce. Definitely legit buffalo chicken!Fri

呢間舖頭屹立喺有咁多美食既大角嘴，當然要試下佢有咩咁好食！店面雖然唔大，但都可以容納到十幾個客人，高檯設計亦幾有風格。一睇餐牌，發覺價錢真係好抵。和牛漢堡都係八十蚊有找？跟餐亦只係加$20。本身鍾意小食多過主菜既我，除咗帶皮薯條，仲嗌咗個炸芝士。炸物係即叫即整，咁樣先會確保夠熱，而且唔會有油溢味。今次嗌咗炸魚漢堡，魚柳夠脆，醬汁份量啱啱好。大蝦有機雜菜沙律——大蝦烤得唔錯，沙律可以平衡翻炸物既油膩。總括嚟講，呢度性價比高，同朋友have a quick bite就啱晒喇！

  今日嚟大角咀見客，之前聽朋友講呢度有間超好味漢堡包🤔所以今日決定就食你😆Lunch 原來有set叫重抵, 不過我食完出返門口先見到🙈唯有下次醒d  左揀右揀，最後決定點咗個至尊漢堡 跟餐（一般自家主打菜都唔會衰）估唔到上菜超足料😮真係同原圖差唔多，煙肉、蛋、漢堡X2、芝士、菜（蕃茄比我走咗），大到手細拎起都難🤣  事實上唔止足料，重好好味😍包有d脆口，肉好多汁！！！雖然食到零儀態，但堅係要食，下次再食過👍

難得放小朋友放暑假，我又放3日long weekend，梗係要帶埋小朋友玩到盡啦！全日節目豐富，今日我就帶左佢地出大角咀去朋友們屋企開派對，見早到左小小，所以係大角咀周圍行下，行到有啲餓餓地就搵野食喇。見到呢間burgerman感覺幾吸引，小朋友都好興奮想食burger，所以我地就入去左食午餐！我見門口餐牌啲lunch set都幾抵，都只係幾十蚊。漢堡係即叫即整的，保證新鮮，滿滿既芝士令到漢堡好香好濃味！啲肉好多肉汁，仲配埋薯格。我地仲點左沙津同意粉，估吾到除左漢堡其他野食都好高質。呢間小店都好有誠意，食物同服務都做得好好！

💃🏼趁著Happy Friday💃🏼下午與同事一齊去完見客，見完之後我地都覺得有少少肚餓🤤但我地都覺得天氣好熱唔想食飯啊麵啊嗰啲😆所以就去咗附近既Burgerman食漢堡包🍔我見門面都幾有特色，裝修係好似美國街頭風嘅漢堡包店🍔我們都睇得出係好用心經營嘅小店，有得外賣也可以堂食👍🏻我地就當然堂食啦，我地點咗至尊漢堡🍔份量非常大🥰女仔食嘅話淨係食漢堡都好飽😻漢堡牛肉非常多汁😋一咬落去完全係會爆汁的🥰真係好juciy🍟仲有薯條都係即炸嘅好熱辣辣😋做到外脆內軟嘅感覺🥰雖然地方少少但食物超好食😋和有質素💖

之前去深水埗食過Burgerman覺得味道唔錯，原來大角咀都有分店，可能位置比較偏僻冇乜人，唔洗等位就可以入去本身想食和牛漢堡，見加多$20就可以食到飛驒牛就決定食豪少少～其實未食過飛驒牛，不過見簡介話飛驒牛媲美神戶牛同松阪牛，同為日本嘅高品質牛肉之一，非常期待等左大概10分鐘就上枱了；見到舊好厚身嘅和牛已經留曬口水，一咬d油脂就咇曬出黎，非常嫩滑多汁；內餡方面有蘑菇、芝士、煎蛋、芽菜等；個人特別喜歡佢個包，厚身得黎夠鬆軟，稍為煎香過，加埋面頭啲黑白芝蔴更加香口

#大角咀#肥仔漢堡聽聞大角咀嘢食多囉囉今日去食既係 區內熱門漢堡包店店舖裝潢彷如美國 很多LA鐵板 66號公路牌帶我回去美國旅行的時候 充滿濃濃的美式風格Burgerman是一間主打新鮮即做 等待15分鐘是必須的 雖然如此美式 但亦保留香港風格 有套餐可選擇套餐加$20 有薯條/薯格 或 沙津 + 罐裝飲料另外 一定要讚讚靚女侍應 一入到店 已經餐牌附上 我最中意係佢 會同我傾傾計 交流往往令食物加分 加上靚女 滿分1） 至尊漢堡 $80 + $20 轉套餐餐牌誠意推介 呢個漢堡 一擺上台已經俾佢既「至尊」嚇親放到口邊發覺係個口唔夠個漢堡一半咁大內有一片煙肉同蛋 平日既漢堡只有一塊厚厚既漢堡扒至尊 有兩塊，兩塊扒之間仲夾住芝士同蘑菇，一食落去塊扒既肉汁不斷咁湧出黎滴落台面，吃到最後 真的是會吃到飽呀！絕對係物超所值炸薯格套餐中的薯格 不得不說真的 很脆口薯外脆內軟 又唔會有太多油膩感塊塊新鮮油炸2）卡邦尼大蝦意粉 $68 + $20 轉 套餐（沙津）原來餐廳另一推薦係 卡邦尼醬濃濃既卡邦尼醬 足已令每條意粉都能沾上配上碎煙肉 增加咬口另外 大蝦煮得不會過熟 保留爽滑彈牙 口感意粉硬度

呢間burgerman好抵食呀， Burger真係食唔少， 但好食嘅 burger 真係唔係度度都有㗎。我其實唔係話要好講究， 但至少都牛肉有番咁上下厚度同埋有牛肉味得黎又唔"干掙掙"吧。。。呢到既環境令人感覺好舒服,我點咗至尊漢堡,成個漢堡都好足料,有兩塊厚厚既肉、蛋、菜、蕃茄、菇、洋蔥同埋兩塊芝士,芝士真係超級加分,夾埋一次過食落口,真係好多層次,口感豐富,味道真係吾錯,肉味同肉汁都好充足,最緊要係呢到價錢吾貴,通常係香港想食啲個美國式既漢堡價錢都貴,但呢到性價比都真係幾高。

大角嘴埃華街出名多美食，今次就黎試下漢堡包。呢間小店格局，座位不多，午膳時間坐滿人，當中不乏附近上班一族，更好受外籍人士歡迎。我試左日本好有名的飛驒牛漢堡，真係好juicy,肉汁多到爆。朋友選了至尊漢堡，好巨型，有2塊漢堡扒，飽到她食唔曬，投降。這裡價錢合理，加20元更可轉套餐，可配薯條，薯格或田園沙律，再加罐裝飲品。呢度的漢堡包好出名，拿過唔少獎項，牆上貼滿威水史。餐廳被選為全港十大漢堡包專門店。

之前試過深水埗嗰間burgerman，超級好味，佢啲牛肉非常 juicy, 已經食過好多次。今次行過呢間burgerman, 又想再食多一次, 試吓佢係唔係一樣嘅水準。真係一啲都無令我失望，叫咗至尊漢堡，超級好味！！！麵包有烘過，外脆內軟，唔會乾爭爭。牛肉醃得入味，一如以往咁多汁，再加上生菜同芝士， balance得好好。跟餐係薯格，正中我脾胃，外面脆脆地，裏面仲食到薯仔肉。美中不足就係汽水唔夠凍，大熱天時如果嘢飲凍啲，就完美喇！