Burgerman (埃華街) (已結業)

收工同朋友聚一聚，就求其搵啲方便傾計嘅地方。呢間食burger嘅餐廳睇落好美式風格，而且嘢食選擇夠多，就試一試。Menu上面有burger，可以跟餐同埋小食，意粉都有得揀，以細細間餐廳黎講，選擇算幾多。我哋揀咗藍芝士風味漢堡，同埋牛油果軟殼蟹漢堡跟套餐。漢堡牛肉新鮮，好Juicy，上面仲有煙肉洋蔥，蕃茄，生菜同藍芝士，整體味道都好濃郁，超好味！跟餐有薯條同薯角，都炸得唔太油，加埋枱上面嘅千島醬，好惹味。牛油果軟殼蟹漢堡夠足料，軟殼蟹炸得好好味又香口，配牛油果同生菜真係perfect match！另外仲有Buffalo Wings，雞翼醬辣辣辣地甜甜地幾好食。

專登黎食，CP值很高支持小店及不收加一仲可以即場買OpenRice coupon👍🏻今次食黑松露和牛漢堡，好滿足，承諾一個月食一次下次再食希望能繼續做落去正野要寫好評

小店非常貼心枱上放有膠手套及紙巾供客人使用和牛漢堡呢個漢堡大小適中，有好香濃嘅牛肉味，汁都好多。配上配上洋蔥絲同埋芝麻醬，個口感相當之豐富，甜甜地，配合埋生菜同埋麵包，非常好食。漁夫之堡 漢堡比全球最大型連鎖店的大，但比一般漢堡店小，吃得不用太辛苦。麵包外皮酥脆但內裏軟軟的，魚柳炸得不錯，跟麵包一樣，外脆內軟，配合蕃茄、芝士、生菜同自製他他醬，味道不錯，但略嫌乾身，值得一提的是，魚柳溫度吃到尾聲時還算熱。燒烤汁嘅雞翼雞翼嘅味道正正常常，中規中矩冇乜特別。套餐配菜可選擇薯條薯格或沙律另送配罐裝飲品。係相當高質嘅漢堡啊，而且價錢其實都唔貴，覺得係幾好嘅晚餐選擇！

朋友最近搬左去呢邊附近住，探下好朋友之際發現呢間外表幾吸引的小店，全店以藍色為主，坐位不多已高枱燉同埋靠牆為主，但都算坐的舒適。一睇餐單，我哋三個都想買藍芝士嘅漢堡包！但係藍芝士得兩款，我哋就其中兩個點了最出名的丹麥藍芝士漢堡$68，另外一個點了牛油果軟殼蟹漢堡$108，再揀一款小食水牛城雞中翼$38.5隻，咁就夠飽了🤪漢堡嘅價錢係已經包埋飲品同埋薯條小食，其實價錢都好高性價比！丹麥藍芝士漢堡$68：藍芝士出名重口味，最驚佢落得太多，呢個漢堡唔錯，牛肉唔會太熟、太乾，啱啱好，實在係出色驚艷之作！相比之下另外一個牛油果軟殼蟹漢堡$108，價錢差唔多係其他漢堡嘅一半，但係就較普通。其實佢哋軟殼蟹都算大隻，炸粉不算厚，但個人太喜歡藍芝士了😍😂，所以有比較。如果揸車嘅話，這店交通算方便，希望以後更多呢類嘅小店開業。

但凡舊社區都必定有隱世美食...只係你識唔識搵又肯唔肯去搵😬😬今晚做完野途經大角咀，梗係貢吓有咩好食啦🤤🤤🤤今次就試吓呢間美式漢堡快餐🍔🍟🥤街坊都話抵食夾大件，望個餐牌款式仲多過麥當當！成十幾款包類加上有沙律... 意粉...全日早餐...仲有好多款小食，媽啊！真係花多眼亂🙈最後我揀咗：特級黑松露和牛漢堡同埋和牛漢堡加水牛城雞翼！和牛肉質juice，仲唔係薄EE實登登！份量巨大...勁過big mac啦😜特級黑松露和牛漢堡呢個幾特別黑松露醬味極濃，薯條外脆內軟，水牛城雞翼辣度剛剛好！一個價錢兩倍嘅飽，好滿足🤩🤩🤩

原來大角咀都有好多好野食，而burgerman是其中一間必試的餐廳，漢堡迷就更加一定要拜訪下。Burgerman與旁邊鋪頭的裝修與別不同，突然有一種美國風。看見地下的射燈，你就知來對了地方。漢堡的選擇花多眼亂，而比較吸引我們的則是和牛漢堡和牛油果軟殼蟹漢堡。和牛漢堡果然是必食推介。Juicy!好香牛味，與醬汁完美配合！薯角更是即炸、好香口、好脆。另外牛油果軟殼蟹漢堡也是必試之選。入味香口的軟殼蟹已經夠惹味，而牛油果更加令漢堡的口感更香滑更creamy。而這肉醬薯條更加令晚餐劃上完美的句號，茄味好濃，正！

之前有時會經過深水埗分店，加上見食評都話呢間餐廳嘅漢堡水準唔錯，都心思思想試好耐。咁啱今日去開奧運嗰頭，就決定試一試大角咀呢間分店嘅漢堡包。餐廳鋪位唔大，位置亦唔算多，繁忙時段可能會有啲逼。店員服務都算唔錯，有時會主動同客人介紹下menu。-和牛漢堡套餐加20蚊可升級至套餐，可以揀薯條/薯格/田園沙律+罐裝汽水。身為薯格迷嘅我毫不猶豫地揀咗薯格，炸得好脆，熱辣辣又夠酥香。和牛漢堡都頗足料，芝士呈半溶狀，緊貼和牛，香濃味道更勝一籌。和牛質感腍滑，如果牛味再突出點會更理想。特別想提漢堡包嘅口感，咬落外脆內軟，唔會被餡料完全蓋過風頭。-鹿兒島豚肉漢堡豚肉漢堡味道都唔錯，車打芝士配鹿兒島豚肉，香嫩但唔會太油膩。加上厚切蕃茄，更有解膩清爽嘅感覺。

途經呢間區內人氣漢堡店！見門囗餐牌有兩款special 漢堡 set招牌！ ！即吸引我停低睇睇！最後叫咗個A set 日本飛驒牛漢堡，連薯條可樂 $98，外賣拎走！反到屋企即打開！好大個，漢堡牛扒肉味濃，醬汁惹味！好快食晒成個漢堡！已經好飽！至於薯條仲好熱，粗薯條好味！$98價錢都合理！值得推介！！

今日奧海城有高達展，咁去之前呢就食咗嘢先啦，於是就開OpenRice睇吓附近有咩食。有間叫Burgerman食嘅漢堡包嘅餐廳好高評價，一般我淨係食過Mos Burger， burger king，麥當勞等等嘅漢堡包都未試過啲真係做漢堡包嘅鋪頭，於是就去試吓。間餐廳嘅裝修都有啲似美式風格，又有啲似酒吧，有一張吧枱，同埋比張圓枱。於是我哋就攞咗張Menu係枱度睇睇完之後就去買啦，我哋就揀咗飛驒牛漢堡，燒大菇漢堡，兩個都跟咗餐，跟餐加廿蚊，加咗薯條同埋薯格仲有汽水。 另外意粉係暫停嘅。由於佢係即叫即整同埋都坐滿晒人，重有外國人都黎食，所以都等左一陣。佢係burger加埋薯條咁一齊嚟，而且係用個紙碟仔裝住，比較衛生，而且佢仲好貼心咁樣有膠手套俾你，唔怕整到成手油淋淋。個burger好巨型，芝士已經用到好似落雨咁，我拎起上手一啖咬落去，係咬唔哂嘅，當然係好滿足啦因為成口都係。除咗飛驒牛之外，佢仲有蘑菇仲有彈夾住一齊，仲有加咗啲胡麻醬，同個burger都好夾。喺日本試過飛驒牛都知道飛驒牛嗰啲牛肉味冇同其他和牛咁重牛味，但佢嘅肉汁會重啲，所以就唔會好dry。快扒佢都唔會整到好似免治牛肉咁樣散修修，而

今日去奧海城睇戲, 順便睇下附近有咩好嘢食睇完戲之後口痕, 想食啲比較油膩嘅嘢所以揀咗burgerman - 一間位於大角咀嘅漢堡專門店。位於大角咀嘅鋪位唔算大, 坐位唔係好多, 但一行到街口就聞到撲鼻而黎香噴噴嘅漢堡味<和牛漢堡>大食妹叫咗個和牛漢堡餐, 牛肉嘅油脂感好明顯比一般嘅漢堡更加突出, 配上芝士同炸洋蔥, 提升咗成個漢堡嘅口感、層次, 再配上小小嘅荳芽菜, 中和整體漢堡嘅油膩感 因為怕唔夠飽, 所以大食妹加咗20蚊跟餐叫埋個炸薯格同汽水。 埋單唔駛一舊水, 好抵食<至尊漢堡>至於朋友仔就揀咗佢嘅至尊漢堡 漢堡一出到嚟嘅時候真係有啲嚇親除咗個漢堡包之外, 裏面仲有蕃茄、生菜、雙層嘅牛肉、芝士同埋蛋。個口擘到幾大都冇辦法一次過食曬佢啲配料

這間 Burgerman 地方很細小，漢堡就絕不能睇小。雖然大角咀埃華街人不多，但臥虎藏龍，不乏特色小食鋪，這是其中一間。在眾多款式中選擇了這份至尊漢堡，都幾高大!非常足料，脆煙肉，雙層漢堡。剛剛好一個包分開上下層來吃，兩個漢堡都很有份量，結實的肉質，幾乎沒有油脂。吃了一半已經有飽的感覺。漢堡比較厚身，要慢慢咀嚼才能品嘗得到肉汁的香味。這個漢堡包質素不算超級至尊但也不錯，偶然一試都幾飽足。$88一份漢堡餐，包括沙律菜和一罐汽水，還可以接受。以漢堡專門店來說，這裏的選擇很豐富，值得偶然再試。@ Eaten by CalvinCanEat.com

今日突然想食burger就黎左呢到。之前食過一次覺得都幾好食，今次叫左一個藍芝士漢堡同芝士漢堡，跟餐薯條同薯格，仲有嘢飲。所有嘢都新鮮整，熱辣辣好新鮮。漢堡包咬落好多汁，好食。份量唔算好大，不過都夠食。

大角咀、深水埗都有，店鋪環境係長形的，比較窄，但冇乜人既話都唔影響，因為只會比個漢堡包吸引住！全部即叫即整！-1️⃣至尊漢堡 $88 +$20有薯格+汽水食肉獸必選，雙層芝士漢堡配炒洋蔥絲、磨菇絲、煎蛋、煙肉［滿星］⭐️⭐️⭐️⭐️⭐️‼️份量係超級大！長過我成隻手，好誇張！包補您食完之後包成日，所以一啲都唔貴！食緊個陣都大到食都覺得有困難，之後啲蛋汁仲一直滴，雖然食到好困難，但會見到咁吸引而塞落口😂漢堡好厚、好多肉汁！仲好足料，多得黎全部都好夾，好多層口感！😍😍必食！/2️⃣和牛漢堡 $78入口即溶、香煎草飼(120日)和牛漢堡配炸洋蔥絲，日式焙燒芝麻醬，意大利寶伐朗芝士［滿星］⭐️⭐️⭐️⭐️⭐️‼️依個份量雖然冇至尊咁大，但都比起一般既漢堡包大好多！和牛真係一咬就散哂，入口即溶，配埋芝麻醬、芝士，真係滿口汁！-環境：7/10服務：7/10好味指數：9/10回頭率：8.5/10

今日行開大角咀一條埃華街, 其實成條街都係市肆, 我一個人就打算簡單d,食個burger, 但又勁吾想食個老麥🙈 想食個有質素d既。跟住見到lee間burgerman, 音樂同環境都幾chill, 一個人坐低都幾舒服, 好relax 我叫左個和牛漢堡($78) 再加$20跟餐要左薯格 + 可樂, 不過吾想飲可樂, 所以又upgrade左椰青水, 即時健康哂haha 個包係和牛漢堡配炒過的洋蔥絲, 再加芝士同芝麻醬, 肉汁好juicy好好味。

今日放工之後做運動唸住食個快食，又唔想幫襯大型連鎖店，之前經過都想試下呢間Burgerman. 食burger.夜晚黎講價錢差不多 80-130 有野飲 有薯條 / 沙律選擇。款式種類都算多。有得單叫，有得套餐叫。人不算太多，可能6點去時間尚早，出食物速度都幾快，即叫即整。幾分鐘後有野食。環境都不錯。 點左個和牛漢堡、薯條。都係98 元。份量都幾多，薯條係有皮薯條，正。 因為係即叫即炸，特別香口！脆！餐廳有哂手套、紙巾，食漢堡最怕食到成手污糟都唔怕講番個漢堡，呢個價錢算係咁，大大塊和牛，肉汁豐富。下次再食，可以再叫呢隻！