BV Kitchen & Bar (已結業)

經過食市林立嘅山林道想開飯都真係會病發「選擇困難症」一路行發現有間我喜愛嘅名店BV，見餐廳外面啲氣氛佈局幾唔錯，當然就諗都唔洗諗就入去試試佢，場內原來會有live bands ,不過好可惜老闆話歌手身體不適所以取消咗（有少少失望）！見到餐牌嘅細節，覺得老闆對演出者嘅真誠付出希望觀眾用心欣賞！如十個人內左右仲可以包間房玩吓，仲有得掟鏢，感覺幾好！真係好耐無試過咁好服務嘅食市，侍應都好了解菜式造法，我見佢地同各檯食客都好互動，攪到我都以為自己係熟客蟹肉大蝦沙律＄118一打開本餐牌就俾蟹肉大蝦沙律吸引左，個賣相非常之靚，色彩鮮艷，配搭方面係蟹肉上面有啲黃色一粒粒酸酸地既柚子味爆珠，感覺好清新好特別，加上大大隻又彈牙又夾口既大蝦，食完個沙律感覺好開胃。日本迷你南瓜配北海道帶子意大利飯＄198上枱是已經聞到南瓜飯香味，每一粒帶子都煎到外脆內軟，都有一定既厚度，個意大飯雖然好creamy，但唔算好溜，啲飯唔講得上係硬，如果可以軟番少少會好啲既。美式豬肋骨＄288我最鐘意食既ribs終於出場，份量很足夠好厚肉又多汁，每份有十條骨左右，肉質好腍但有咬口，再配上個醬汁簡直係絕配呀！伴碟有沙律菜，仲有熱辣

初時還以為是一間普通的餐廳，外面看上去是一間Bar 佈置得還不錯 餐廳內，環境不是太大 燈光昏暗，頗有情調，感覺舒服 看餐牌之餘，我們先點了飲品 朋友點了 Pretty Woman 我要了Refreshing (HKD88) Refreshing 是青瓜特飲，味道非常輕，不甜，有青瓜的清香 感覺很健康 蟹肉大蝦沙律 (HKD118) 大蝦新鮮肉質彈牙 蟹肉份量都不少，味道很鮮甜 而沙律菜是水耕菜，非常健康，乾淨，口感爽脆多汁又新鮮 香脆原隻辣墨魚配墨魚汁意粉 (HKD218) 原條墨魚已經切成一圈圈，再在意粉上 意粉煮得軟硬剛好 其實真正的意粉就是不可以太糊口太軟身 這款意粉帶點硬身，正合我意 加上味道稍微辣口，又有辛香，墨魚圈夠軟，入味亦滋味 配合得非常惹味 鹽燒豬肋骨 (HKD 168) 每一塊都有肥瘦比例都均勻 其實一點都不肥膩，沒有真真正正肥到有肥膏的地方 但其實它是夾在瘦肉之間 所以味道香口之餘，不會覺得乾，亦有小小Juicy感 進餐期間，還有歌手現場唱歌，可以現場點歌 真的極浪漫，令我非常陶醉

黎到山林道一間充滿情調的酒吧餐廳，入面會有live band睇，佈置特別，有些客人在此把酒言歡，有些客人會像我們一樣聊天吃飯，是夜單點了香煎鵝肝、慢煮黑安格斯牛柳同大啡菇松露意大利飯，上枱已感覺廚師的用心，每碟菜色都擺放精美，非常精緻，吸引食慾！香煎鵝肝配士多啤梨汁，味道融洽配合，鵝肝既油剛剛好，非常香濃，配汁令鵝肝不會過份油膩，而且份量適中，喜歡吃鵝肝的我們，吃得津津有味！牛柳大約六成熟，肉質鮮嫩，不會太熟太硬，食落口仍充滿美味的肉汁，濃濃肉味於口中發放出來，非常好吃，伴菜亦有很多蔬菜，令口感更清新，消減過份吃肉的滯悶感覺，這味菜色亦常出色。另外，還有大啡菇意大利飯，白汁配意大利飯非常夾，香香濃濃的白汁，配以新鮮的大啡菇及雞脾菇，厚厚的大菇食落口鮮味非常濃郁。整餐晚飯都令人滿意。

低溫三文魚配蟹肉牛油果 $148賣相好吸引！😍我都係見到Instagram 有圖有藍色珠珠咁靚！吸引我專登去試下！影落仲好bling bling 藍色控會好興奮😆 不過係好睇吾好食啦🙊 藍色珠珠似爆爆珠或者係特別既cocktail會見到，味道似波子汽水🤔 三文魚細細舊，好普通，冇咩味道🙈 牛油果更加fail🙁 有d硬，未夠成熟。蟹肉就吾錯，幾夾道菜。日本迷你南瓜配北海道帶子意大利飯 $198有個真南瓜做裝飾，好得意！賣相加分！😁 南瓜味濃😋 不過咸左少少，同埋意大利飯過多水份🙊 有三粒帶子，口感幾好, 整體感覺係ok的。一番 happy hour $58 算易入口 但比較上多汽

前幾日同男朋友去左呢間餐廳到食飯 上網見到環境好似幾浪漫 仲有live brand 好似唔錯咁! 先黎既當然係前菜啦!泡沫龍蝦湯 lobster cappuccino (hkd68)我同男朋友見到龍蝦都係永不say no! 見到有龍蝦湯已經知道一定要叫呢個湯試試 呢個龍蝦湯既英文係叫「lobster cappuccino」 但係飲左第一啖既感覺係 呢個湯似「lobster espresso」多d 因為味道完全係濃縮左既龍蝦湯! 味道偏咸 不過龍蝦味真係比我想像中濃 湯裡面仲有好厚肉既龍蝦! 性價比都幾高!之後就同主菜啦!日本迷你南瓜配北海道帶子意大利飯 (hkd198)呢間餐廳真係比我想像中足料! 除左龍蝦湯之外 呢個意大利飯亦都唔馬虎!遠距離已經見到意大利飯全都被南瓜蓉包圍住 睇落已經覺得南瓜味一定好重 再加上意大利飯上有成4-5粒「北海道帶子」第一個反應真係好-足-料 同 好-豐-富 啊! 味道方面 南瓜味的的確確好濃味 北海道帶子亦都好正 幾厚肉 不過我同男朋友就覺得意大利飯有d過硬 雖然我地都知道正宗既意大利飯只係煮到5-6成 但當日既飯好似只有3-4成 不過waiter事前都

舊同學約我嚟呢度食飯，見佢全部要散叫，甘諗住叫碗湯暖下胃，諗住$58 應該正常份量掛。送到時我地真心呆左，唔講仲以為嚟左杯espresso！ 份量細如espresso隻杯！有無搞錯？以為自己去左酒店食飯！仲有，真心覺得唱歌嗰位唱得唔好，走晒音，唉。

最chill的bar如果唔係有朋友黎過都唔知呢度有間有水準的bar，食物名服務都令人回味。Bar內比較有情調，稍暗的氛圍，還有一位歌手在旁唱著西洋的柔情歌曲，實在係寫意，happy hour的好去處。叫左一個龍蝦湯，味道十分濃郁，仲有肉絲係湯度，非常開胃。飲完個湯就更加肚餓，叫左一個日本迷你南瓜現北海道帶子risotto，帶子又大粒又有鮮味，無比risotto既味道蓋過；risotto creamy但又唔會怕食濟。黎得bar當然仲要叫返杯cocktail，Mojito好好飲，white rum質感綿軟適口，帶點焦糖既香，還有新鮮薄菏葉搗碎了的香氣，再加鮮榨青檸汁，為一個晚上畫上完美的句號。

可以係一首歌🎵也可以係尋美食的道🚶🏻最近成日去除咗食雪糕外，都發掘咗一間浪漫的情調餐廳😍除咗環境不錯外，食物也有一定水準，而且仲有一人live band唱吓歌-<Day Dream> 🍸$108叫佢係因為隔離枱叫咗，加上有我愛的荔枝😏入口還有淡淡清新瓜的味道<澳洲黑安格斯牛肉眼> 🐮$268上枱時肉眼扒已切條上，而表面也灑上海鹽，肉質我覺得中規中矩，唔算驚豔😄但食落都有足夠牛味且嫩，加上配菜擺位精緻唔知呢😶當晚同好傾嘅朋友一直談近況，加上有live band歌手唱吓歌，整個氣氛被加分不少

好耐冇正經咁2人世界啦，今日男友話帶我食好野。原來帶我黎呢間餐廳！餐廳位於山林道最入面，男友住佐敦，所以我地行左約15-20分鐘就到達。因為餐廳位於街道盡頭，私隱度較高冇咁嘈吵。店面細細，燈光昏暗，裝潢別緻而有情調，好岩情侶或三五知己黎傾計食飯。我地行到肚都扁，坐低即刻研究menu order野食啦！等食嘅時候啤一啤佢先！店員推介左幾款特別味道嘅啤酒俾我地，有重口味嘅黑啤、水果味啤同朱古力啤！我揀左朱古力啤($78)。佢入口feel到有少少啤酒嘅麥味，試真啲有朱古力味同香草味滲出黎，質感較滑亦較甜，幾得意！但男友覺得太甜太怪，佢鍾意重口味黑啤😂。1. 北海道帶子溫泉蛋配黑松露野菌 $158終於有野食啦！首先係頭盤。呢個presentation好有誠意！帶子大隻鮮甜彈牙，上面仲加左片黑松露，淋上特製白汁，真係味覺享受！野菌切粒加入黑松露醬炒，芬香撲鼻，連同流心溫泉蛋，配以香脆牛油多士一齊食，真係不得了！2. 鹽燒豬肋骨 $168呢個佢地即叫即燒，製作需時30-45分鐘！佢唔同於一般ribs, 上面冇塗上barbecue sauce 或甜燒醬，而用簡單鹽燒，可以食到真正肉香，外皮焦脆，內裡

Openrice有好多😋既餐廳但冇😢既 真係少之又少呢間就係難得既其中一間😎餐廳唔大，但餐牌上選擇唔少前菜：小食/沙律/湯/飯/粉/甜品都有肉類：牛/豬/羊/雞/鴨/海鮮亦有同時都顧及素食人士，有素食類🌱🌱 非常細心👍🏻低溫三文魚配蟹肉牛油果 $148食物同樣有水準，就以呢道菜黎講令人驚喜火箭菜🚀🌱芝士片🧀既沙律做底少少甘苦味更突出蟹肉既鮮甜牛油果💚同藍色既魚子💙一軟一脆，令口感豐富好多最後中間既三文魚，簡直係精髓！外層經低溫燒到半熟，內面仲保持sashimi狀，正到呢😋😋黑松露芝士薯條 $88薯條帶有薯皮，應該係由原隻薯仔切成眼睇黑松露唔算多，但食起黎黑松露味都幾重半溶既芝士好香，但只係面既薯條有芝士。。日本迷你南瓜配北海道帶子意大利飯 $198成個意大利飯都充滿南瓜味，仲加左葵花籽幾香口上面有4粒帶子，都幾鮮嫩旁邊仲有半個熟透既南瓜，好淋好甜成個組合幾有新鮮感，但又夾得黎另外，又叫左2杯cocktail但小編已經唔得記個名lu，只記得幾易入口，酒味唔太濃

放左工同朋友來輕鬆一下，朋友推介位於山林道的BV kitchen，便來試試！ 點了個BV小食拼盤（$198） 入面有芝士蝦餅、洋蔥圈、水牛城雞翼、炸魚柳、芝士粟米片 芝士蝦餅；有流心效果，蝦肉彈牙！ 洋蔥圈；香脆很香啊 水牛城雞翼 炸魚柳 芝士粟米片 另點了鹽燒豬肋骨（$168） 這個大約要等45分鐘，豬肋骨鹽香味調配得恰度好處，肉質嫩滑，香味極好！ 另外點了澳洲黑安格斯牛肉眼（$268） 旁邊還有露筍、紅蘿蔔、西蘭花和芝士焗薯。 焗薯配有忌廉，香濃滋味，薯味和芝士味道都非常香濃，味道很好啊！ 伴碟還有紅菜頭醬汁，很特別的！ 朋友喜歡吃牛，所以多點一份澳洲黑安格斯牛西冷（$268） 肉質嫩滑可口，賣相精美別緻！ 龍蝦蟹肉意大利粉（$218） 意大利粉爽滑彈牙，掛汁力高！ 意粉味道集色、香、味俱全，伴上的龍蝦肉和蟹肉鮮味可口，肉質新鮮！ 店內做緊優惠，只要like BV kitchen Facebook Page 就會送shooter，天天款式不同，而當天是sangria, 甜甜地再配上幾粒果肉！ 店內環境舒適，服務不錯！ 

有單有據：放工超大雨同男友入左嚟呢間食飯、傾野兼等停雨。淋到成個人都凍晒，所以叫個熱湯飲：是日餐湯：西蘭花忌廉湯 $58-好野杯，略貴。味道濃度適中，有西蘭花喺湯入面。南瓜帶子意大利飯$198-好多南瓜蓉，每喺意大利飯入口都喺南瓜蓉，對於係南瓜控既我嚟講呢個飯真係好好食。 南瓜不留都鮮甜唔會溜，所以整個飯雖然看似好膩，但其實一略都唔膩，我一人就食晒成碟。而南瓜仔當然煮到好稔好易食，實際連南瓜皮都食得，清清甜甜甘，健康又飽肚。燒春雞配煎鵝肝$288-對於男友嚟講呢個份量屬半飽。春雞唔屬嫩滑，而春雞底下有雜果肉，比較甜，但如果連雞肉食味道又剛好。鵝肝煎得表面微脆，但比較油膩，不過入口好香。*有加一*

近期工作好忙又大壓力,係時間需要放鬆一下,朋友帶左我去尖沙咀呢間餐廳,聽下LIVE MUSIC,飲返杯輕鬆下.BV小食拼盤($198):價錢合理,份量又OK,最岩我呢D選擇困難+貪心既人點,咩都可以試少少.有墨西哥栗米片,炸洋蔥圈,炸魚,芝士蝦餅,水牛城雞翼...咁多款我個人比較鐘意水牛城雞翼,肉質嫩滑的雞翼, 配上辣辣既水牛城汁, 真係好惹味,其次芝士蝦餅都唔錯,輕輕一"吉",香濃既芝士就爆出黎,仲要熱辣辣又脆口.之於炸魚炸皮唔厚,肉質唔"鞋"身,配埋附上既白色醬,真係愈食愈滋味,炸洋蔥圈用左新鮮洋蔥炸的,好香脆, 而且洋蔥一D都唔乾仲有少少甜味.墨西哥栗米片上面放左少少芝士配埋紅色醬都唔錯,下次叫黎配啤酒就完美.低溫三文魚配蟹肉牛油果($148):用低溫烹調方式煮既三文魚，看似好粉嫩仲未煮熟既樣子，但一切開係完全煮熟，肉質仲一d都唔"鞋"，配埋蟹味重既蟹肉，香"淋"既牛油果同新鮮沙律菜，真係一道味道豐富又健康既頭盤.慢煮穀飼牛面脥肉($288):賣相吸引,牛面脥肉第1次食,肉味香濃,而且肉質軟腍入味,食落有D似牛腩,仲好多肉汁,只係醬汁有少少過咸,配料既蔬菜好鮮甜,薯蓉好香牛油味.

之前放lunch經過於山林道盡頭的BV kitchen，原來除了有啤酒外，也有live band表演，於是放工同同事去happy hour。這家前身是海南雞飯，改裝成餐廳加酒吧再加live music後，光顧的食客明顯地坐滿。是夜現場獻藝的小妹妹, 唱著陳綺貞和盧廣仲的歌曲, 添加輕鬆氣氛。餐牌選擇都很多，由頭盤，小食到主菜，還有素菜供應，當然還有一整本的drink list。Amthyst $118賣相好靚的一杯cocktail，有士多啤梨和藍莓的果肉，仲有西瓜肉同西瓜汁，甜甜地又帶酒的苦澀味。Holiday $88另外這杯沒有酒精的mocktail，熱情果加西柚味，甜甜酸酸，可能同時加入了橙汁，味道似fruit punch。蟹肉大蝦沙律 $118首先來一碟沙律。大蝦幾新鮮彈牙又大隻，蟹肉份量都好多，加埋橙黃色的魚籽，鹹香惹味，生菜同蕃茄食落爽口，加埋沙律醬，好開胃。水牛城雞翼 $88一碟有6隻，椒味好濃郁，帶點辣勁的刺激之餘，仲有點酸，味道層次豐富，同樣惹味開胃。如果再醃耐點，令雞翼更加入味會仲好!野菌忌廉湯 $68食完小食就到熱湯。用杯裝的湯，送上時好熱騰騰，湯好重菇味, cre

近黎都喜歡酒吧餐廳, 貪其有微酒精飲品, 或者cocktail之類岩女仔飲, 又有野食實飽肚, 呢間位置比較遠, 但唔會爆場, 所以唔使等位.DAY DREAM - lychee and melon flavor with a hint of milk $108, 叫左杯好岩女仔飲既荔枝口味cocktail, 味道清新甜美, 好爽喉, 仲有蜜瓜味淡淡地, 酒味唔重易入口.BV小食拼盤 - 炸洋蔥圈/ 水牛城雞翼/ 炸魚/ 粟米片/ 炸芝士蝦餅 $198.兩個人所以叫小食拼盤真係好岩, 樣樣都有, 可以試齊多款小食.其中最愛炸芝士蝦餅, 芝士味唔會好濃, 但多到爆出黎, 食完都唔會好膩, 蝦餅彈牙又唔腥.另一款小食炸手指魚都好正, 脆皮又薄又鬆脆, 比一般的炸皮更香口同脆身, 魚肉保持濕潤又嫩滑, 配蒜蓉醬更滋味.水牛雞翼酸度同辣度都好勁, 味道不錯.低溫三文魚配蟹肉牛油果 $148, 三文魚用低溫煮法, 外面微微煎香, 魚肉梗梗熟好嫩, 不會好乾身, 保持水份, 只係有點腥, 可能我地放左好耐先開始食. 藍色的仿魚子是用分子做法整成, 甜甜地的醬汁, 好夾魚肉同蟹肉.但牛油果真係太少了