影片
更多
2023-10-04
1834 浏览
話時話，已經好耐無試過寫一篇自助餐幾乎要分兩篇，無他，因為實在太多菜色。一般介紹自助餐，都習慣將CP值高的菜色作重點推介，但今次有些少不同，因為酒店同幾間本地品牌合作，令整個自助餐有著滿滿的香港情懷。就一於先發部份亮點食物。即煎黑椒和牛原片牛扒撲上黑椒，煎至 medium rare 時，再淋上rum酒點火，視覺效果一流，而且肉質鬆軟有嚼口，帶少少酒香，好正。位上花膠扒每位客人，都會送上一份花膠扒，炆得夠腍又入味，骨膠原滿滿的。之後是本地品牌。一樂燒鵝另一個本地品牌係一樂燒鵝，冠上了米芝蓮光環，家陣無須去排隊同人逼，已經可以食到皮脆肉嫩既燒鵝，再配埋佢個加入鴨肉的鴨飯，滋味無窮。低調高手大街小食最出名一定係雞蛋仔及格仔餅，今次兩樣都可以放題式任食，仲要熱辣辣拎上手，係咪好吸引呢？安利魚蛋至於第三間就係安利魚蛋，一碗魚蛋魚片頭河是正路點法，但好奇怪，竟然係無河粉，唯有要瀨粉，反而豉油撈麵可以加埋牛腩一齊食，又無乜梘水味，粗麵條煙煙韌韌有嚼口，超好味。言歸正傳，講返餐廳恆常有的菜色。海鮮有隻隻爆膏，而且肉質嫩彈的波士頓龍蝦，當然係任食。另外係麵包蟹同海蝦，種類看似不多，但質素好好。刺身恆溫雪
話時話，已經好耐無試過寫一篇自助餐幾乎要分兩篇，無他，因為實在太多菜色。
一般介紹自助餐，都習慣將CP值高的菜色作重點推介，但今次有些少不同，因為酒店同幾間本地品牌合作，令整個自助餐有著滿滿的香港情懷。
就一於先發部份亮點食物。
即煎黑椒和牛
原片牛扒撲上黑椒，煎至 medium rare 時，再淋上rum酒點火，視覺效果一流，而且肉質鬆軟有嚼口，帶少少酒香，好正。
位上花膠扒
每位客人，都會送上一份花膠扒，炆得夠腍又入味，骨膠原滿滿的。
之後是本地品牌。
一樂燒鵝
另一個本地品牌係一樂燒鵝，冠上了米芝蓮光環，家陣無須去排隊同人逼，已經可以食到皮脆肉嫩既燒鵝，再配埋佢個加入鴨肉的鴨飯，滋味無窮。
低調高手大街小食
最出名一定係雞蛋仔及格仔餅，今次兩樣都可以放題式任食，仲要熱辣辣拎上手，係咪好吸引呢？
安利魚蛋
至於第三間就係安利魚蛋，一碗魚蛋魚片頭河是正路點法，但好奇怪，竟然係無河粉，唯有要瀨粉，反而豉油撈麵可以加埋牛腩一齊食，又無乜梘水味，粗麵條煙煙韌韌有嚼口，超好味。
言歸正傳，講返餐廳恆常有的菜色。
海鮮
有隻隻爆膏，而且肉質嫩彈的波士頓龍蝦，當然係任食。
另外係麵包蟹同海蝦，種類看似不多，但質素好好。
刺身
恆溫雪櫃指出4.6度，令人覺得有信心，因為種類好多，有油甘魚、三文魚、牡丹蝦、即切藍鰭吞拿魚、八爪魚及赤貝，解凍亦處理得好好，食落毫無雪味。
壽司
種類多而且口味不同，有火炙三文魚壽司、火炙芝士蟹肉壽司、火炙魷魚壽司、吞拿魚沙律飯糰、海苔肉鬆飯糰、雞蛋沙律飯糰、奇買蟹肉卷、奶油芝士蜜瓜卷、香芒蝦卷、甜蝦壽司、三文魚壽司、吞拿魚壽司、、中華沙律及日式螺肉，因為有太多其他食物，只簡單的試了火炙芝士蟹肉壽司，很濃香的感覺，不錯。
熱葷
好多人會忽略熱葷，以為都係家常菜色，但 Cafe Too，真係令人有點大開眼界。
避風塘炒龍蝦
並非頭頭尾尾炒埋一碟，而是原隻去炒，龍蝦鉗都食到，仲要好入味。
椒鹽鮑魚仔
當然係任食，仲要係熱辣辣，Q彈口感好正。
北菇扣鴨掌
鴨掌軟腍適中，很有宴會菜的氛圍。
蠔皇蝦籽燴海參
又是宴會菜色，海參灑上了蝦籽，添加了香味，真心覺得不錯。
其實加上蟹肉伊麵、黃金蝦球、菠蘿咕嚕肉、羅漢齋上素及椒絲腐乳炒通菜，已經可以算是一席宴會菜了，實在是少見的豐富。
仲有中式點心蝦餃、燒賣及叉燒包。
加上辣酒煮螺、砂鍋雲吞雞、金銀蒜粉絲蒸龍躉、烤檸檬胡椒雞、煎魚配龍蝦汁及白汁焗椰菜花，陣容強大到一個點。
而咖喱類有印度魚咖喱、豬咖喱、羊肉咖喱、芝士咖喱、天多竹利烤雞、藏紅花飯、Naan Bread
及Garlic
Naan Bread。
Carving Station
除了之前介紹過的黑椒和牛，本身有烤牛肋骨及烤雞。
燒味
有油雞、叉燒、滷水蛋同埋滷水豆腐。
關東煮
就連日式關東煮都有，係蘿蔔、竹輪、蒟蒻及雞蛋中，最愛甜香入味的蘿蔔。
湯品
又係好誇張，單係湯類已經有雲南氣鍋雞、青木瓜雪耳煲唐排、紅甜椒濃湯、粟米魚肚羹及蕃茄香草種子湯。
其實我基本上飲足五款，賣相最吸睛一定係氣鍋雞，足料又夠火喉，所以都飲了兩碗，另外魚肚羹加些少胡椒粉又係好正，其他幾款都合格。
芝士Cold
Cut
芝士platter有Camembert同Danish Blue，Cold Cut有莎樂美腸、火腿片、煙三文魚及紅菜頭三文魚。
沙律
發覺同九龍香格里拉一樣，沙律款式好多。
有豬頸肉沙律、泰式鳳爪沙律、泰式海鮮沙律、牛肉沙律、提子瑪莎拉雞肉沙律、印度沙律、鷹嘴豆青瓜蕃茄蝦沙律、印度薯仔沙律、蘑菇松子仁羽衣甘藍沙律、烤南瓜沙律及青豆沙律。
愛素食的朋友已夠一餐。
甜品
一定要講榴槤booth，單係榴槤甜已經有榴槤冬甩、榴槤蛋撻、榴槤大福、榴槤咖啡忌廉撻、班蘭榴槤薄餅、貓山王拿破崙、D24榴槤卷及貓山王蛋捲。
如果妳榴槤是愛好者，必定能滿足妳，自己並非特別愛好，但都忍不住試了一遍，似乎拿破崙、蛋捲及D24榴槤卷都屬無得輸類別。
而另一亮點是哈根大師雪糕，有夏威夷果仁、士多啤梨、雲呢拿、抹茶、比利時朱古力及焦糖脆餅口味六款口味，足夠滿足愛好者的味蕾。
其他甜品有青蘋果蛋糕、芝士芒果蛋糕、柚子蛋糕、榛果牛奶朱古力蛋糕、Rum Baba、白乳酪白桃蛋糕、青檸檬草莓蛋糕、番石榴粉紅胡椒蛋糕、椰子熱帶果捲、純素菠蘿茶杯、綠茶紅豆大福、黑芝麻大福、檸檬撻、麵包布丁、雜錦馬卡龍、費南雪 Financier、朱古力撻、牛奶朱古力熱情果軟心朱古力、朱古力鳥結、柚子朱古力鳥結，種類多到讀一次都莫氣。
因為實在太飽，只能試了其中幾款，結果係覺得自己食量太細了，明白嗎？
總之感覺是少見的多種類，而且質素好，難怪在飲食業艱難的形勢下，是晚都全滿，氣氛好好。
张贴
