Centre de Vin by Nexus (已結業)

喺香港呢個咁細嘅地方，要搵一個可以靜靜地咁食餐飯，而唔係劣食嘅地方都相當困難，好驚訝地今次收工之後，搵到一間咁樣嘅餐廳俾我有一個寧靜一下嘅地方。餐廳裝修簡潔，仲有小小音樂，環境相當舒服睇下個menus先前菜方面揀左水牛芝士藜麥沙律($88)，藜麥非常健康，但本身冇乜味道，餐廳用左小小醋去調味，但我呢d重口味嘅朋友，就用左水牛芝士沾住藜麥咁食，為藜麥帶來不一樣嘅味道。而主菜加$38可以轉為set，多一個餐湯同埋餐飲今日嘅餐湯係椰菜花忌廉湯，本來以為$38嘅貨色可能只係忌廉湯加椰菜花，但餐廳提供嘅湯係由椰菜花打成蓉再煮嘅忌廉湯，好似蘑菇湯一樣，非常驚喜。主菜方面揀左西班牙黑毛豬($208)豬扒一上嘅時候已經聞到好香一切開，見到裡面剛剛熟，完全想像到口感一定非常好放入口之後，果然冇令我失望，豬扒處理得剛剛好，一入口完全唔會有柴，厚切嘅豬扒加埋上面小小嘅油脂，肉味濃郁，全件豬扒都唔會好漏，加上配住一小匙鹽，想食重味小小嘅朋友可以一試鹹味令黑毛豬嘅肉味更顯現。另外，仲揀左蒜香欖油海鮮手製墨魚汁麵($188)本來擔心蒜香味太濃，食完會有好大口氣，但呢個意粉蒜味唔算太濃，海魚雖然唔算大隻，但非常鮮甜

觀塘區越來越多開設係樓上餐廳，今晚就去鴻圖中心9樓食晚飯.入到去餐廳真係好寬,好似去左一間酒店食西餐.感覺好舒適.餐牌選擇都多野簡我地兩個人叫左法式海龍皇湯,好濃龍蝦味.正之後又叫餐前小食,風乾巴馬火腿蜜瓜,呢個配搭都係第一食,咸咸地又甜甜地,都幾得意仲有叫個牛肉漢堡,牛肉食得係餐廳自己手打，好濃牛味，食落都算係入口即溶哈哈 最後當然食甜品喇,叫左梳乎厘,真係幾好食,但係分糧差小小.我覺得都係一間好正餐廳

香港人用餐在於食物的水準，也在於用餐的環境，如果兩者都有，一定係最佳享受！這裡的set dinner 十分受歡迎，價錢合適，有齊前菜、面包、主菜、飲品（需另加錢）、甜品。香港人都是無扒不歡，特別是牛扒，今次都主要叫左兩個扒：黑毛豬扒及牛扒。由於興致到，同朋友各叫了一杯酒（每位加$50）enjoy ！ enjoy！前菜面包有別其他嘅硬包，軟包有香草香，軟綿綿，仲有少少微溫，牛油搽落力有少少溶，食落都好鬆軟。前菜是salad，好fresh好清新，有少少醋令我胃口大開，肉汁一咬落去爆哂出黎，由於菜好新鮮，只需要少少調味都夠哂。無扒不歡，牛扒當然係首選，一上菜好似一件藝術品，色香味俱全，有少量配菜同鬆軟薯蓉，又係一完美配搭。牛扒唔會好多筋，又唔會好鞋，剛好剛好，肉汁豐富。豬扒同牛扒鬥得難分難解，一樣多肉汁夠juicy，一樣夠香！唯有兩樣都食哂落肚啦！豬扒煎得好係好考功夫，驚唔熟，又驚過熟。傾下計，飲下哂，嘆下。甜品係朱古力味，唔會話好濃好「流」，一口一啖啱啱好！

觀塘一向都係美食森林，經常係網上見到好多人推薦觀塘嘅美食今次就去咗觀塘一間西餐廳一嘗高級西餐餐廳嘅環境非常優美，擺設好有心機，最吸引到我嘅就係佢地盞燈，係用紅酒樽作為燈罩，好有品味餐廳嘅環境都算寬敞，店員亦都好有禮貌，每上一個菜就會向我地介紹翻道菜我今次叫咗個dinner set，分別有個豬肉橙沙律，燒肉眼扒配燒汁同一個朱古力蛋糕沙律好特別好fresh！估唔到肥豬肉同橙都可以咁夾肉眼扒好有水準肉質鮮美，非常juicy

觀塘中的浪漫。環境好、食物正！觀塘區其實有好多隱世美食，唔一定只係去apm！環境都幾好，一大班朋友食又得，情侶撐下枱腳又得，慶祝生日又得！我地都叫左set dinner，set dinner會定時轉食物～咁唔怕悶啦！其實最估唔到係前菜都咁有心，麵包好香又夠軟，沙律個塊類似雞胸既肉好juicy！一般都會好鞋，真心讚！黑毛豬厚得黎夠嫩滑，唔會鞋，都鎖到肉汁！另個我鍾意配薯蓉多d，其他餐廳大多配薯條，因為薯蓉無咁熱氣，同埋比較健康賣相都值100分啦！牛扒7成熟就真係7成熟，無過火，咬落去啖啖肉汁！牛味係口裡面徘徊，放工後食呢d咁好食既野，咩壓力都無哂呀！因為好鍾意食意大利雲吞，呢個芝士味勁濃，食落唔會成口粉，如果多dd汁更好！最後一個朱古力慕絲小蛋糕作結，完美。

見放假冇乜嘢做 就去接老婆收工撐下枱腳 觀塘區其實而家都好多食肆 主要集中喺apm附近 但係都經常要等位 我老婆唔鐘意等位同埋唔鍾意咁多人 咁我都好識做一早問定朋友 搵咗間環境優雅嘅餐廳鋸下扒餐廳個格局都係比較高雅 顧客都係比較安靜咁享用美食 而且枱與枱之間 都隔開一定空間 比較private餐包唔錯 熱辣辣呢度夜晚有set dinner 二百幾蚊一位 我揀咗肉眼扒雖然唔係話好大塊 但是食得出都係靚嘢嚟嘅如果比起出面同樣價錢 這個扒會係比較高質素的我老婆就散嗌咗一個墨魚汁麵 啲海鮮過質素係唔錯嘅 特別係個蝦 好爽口我覺得有時去個靜靜地private啲嘅餐廳傾下偈飲下野都係不錯的

平時聽人哋講話觀塘有好多唔同嘅樓上餐廳，但一路都以為係台灣或者泰國嗰啲嘢食，真係點都估唔到會有更行高檔路線嘅西餐廳門面睇落普普通通咁樣但餐廳入邊裝修行高檔路線，而且燈光柔和，令人好舒服menu都好靚餐包有好香既芝麻味，而且焗得好鬆軟，配上牛油喺面頭更加好食叫咗一個套餐，有一個沙律可以試吓，沙律落咗好新鮮嘅檸檬汁，配左少少帶有脂肪嘅肥豬肉，估唔到有幾夾，而且唔覺得啲豬肉好肥膩肉眼扒，我哋叫咗七成熟，廚師煮得啱啱好，而且食落牛肉仲好多汁朋友就叫咗慢煮牛面頰和牛意大利飯，免頭嘅牛面頰肉只係煎香左外表，但入邊嘅肉汁多到喊超好食最後配上一個朱古力小蛋糕，黑朱古力甜而不苦，為呢一餐西餐畫上完美嘅句號

係官塘做野，日日食公司附近餐廳 好多都有食過，父母住同地區，媽媽生日要帶距食好西工廠區會大廈，環境好高級有個台，六日應該有live bend or上台唱下歌 但可惜當日係平日係無係冇套餐，要散叫法式海龍皇湯，不太溶，有龍蝦肉主菜我選擇了茄子芝士意大利雲吞入面有蝦，雲吞皮黑色有墨汁，皮薄香煎牛肩肉肉質鬆軟.剛熟 賣相好高級海鮮墨魚麵配鮮蝦、帶子同青口海鮮新鮮，麵手製有別其他麵麵質好特別，可以吸哂啲汁甜品梳乎里，打得好有空氣好像食一陣風咁，選擇薑味，都幾夠味另外，香蕉拖肥批，下面係消化餅加香蕉吉土，不太甜

這間餐廳環境佈置優美寧靜，茄子芝士意大利雲吞，原本以為有意粉，原來無，很特別。另外叫了牛扮，賣相精緻美麗，很多蔬菜伴碟。甜品叫了提拉米蘇，很大份，最好味係個南瓜湯，足料，味濃。

老公好內無來接我收工撐枱腳拉，今日佢放假過來接我食晚餐，算你拉😌😌又係觀塘食，平時返工都食到厭呢，仲話係我公司附近🤔咦，平時都無留意到鴻圖中心全部都係食肆，而9樓係間西餐，一進門口，輕快嘅背景音樂已經令到個人放鬆不少，仲好似有live Band但應該今晚不是時候呢！可能時間比較早的關係，地方很寬敞，典雅，酒店式的格局食物種類貴精不貴多，我哋揀咗牛扒同意粉，燒牛肉眼配燒汁五成熟啱啱好表面焦焦地，肉質好淋牛味濃郁，配菜亦好精美，薯蓉加咗牛油好香😍燒肉眼扒跟歺有沙律同甜品，每一道菜食完都會幫我地換碟，換餐具，呢一點我最鍾意因為我個人都比較麻煩🙈海鮮手掣墨魚汁麵也有驚喜，同出邊食開個啲截然不同，有濃濃嘅墨魚汁香，自家制零舍唔同用橄欖油炒，很香但也不會太油少少微辣同海鮮很配，海鮮用料很新鮮，不似冰鮮海鮮呢！還有這個餐前餐包熱辣辣吹卜卜。老公今次嘅安排超棒，可能環境暗暗的，很有情調，靜靜的很浪漫呢，有回到拍拖感覺

最近調返去觀塘返工，友人住附近就決定黎試下呢間餐廳，網上好評如潮星期五訂左枱，不用多等就可以入坐餐廳食物種類唔算多，但樣樣都整得唔錯麵包應該係送的，焗暖左外脆內軟，有芝麻，幾好咬口前菜。慢煮八瓜魚沙律些厘醋汁兩個人分剛剛好主角八瓜魚水準唔錯，煮既時間控制得幾好八瓜魚唔會好難咬，但又維持到口感配上醋汁，幾開胃有少少薯仔，蕃茄做配菜主菜。叫左慢煮牛肉頰竹灰漢堡呢個值得推薦牛肉相當淋，幾乎入口即溶牛味濃，加上好厚身，幾抵食茄子芝士意大利雲呑口感唔錯，芝士味好濃餐廳環境好好，啱哂情侶談心或三五知己聚會，慢慢傾計侍應態度有禮，細心

有氣氛西餐@觀塘餐廳幾靚，幾有氣氛～ 一去到就有侍應招待我哋坐，好快就擺低 menu 同水 麵包質素好好，非常鬆軟。入面有好多黑芝麻粒，香口又有口感，令麵包生色不少！牛油溫度適中，質地好柔滑，好易搽勻哂個麵包 慢煮牛肉面頰竹炭漢堡配薯條，薯條份量都唔少，每一條都大大條，好脆！最後全部都清哂，哈哈。竹炭漢堡黑過墨汁，賣相幾型格 慢煮牛肉面頰有幾層樓咁高，但係慢煮得好軟熟，能夠輕易咬開～ 而且其他配料仲有蕃茄同菜，成個 burger 就算多肉食落都算 fresh。一般食到嘅 ravioli 都係方形，扁扁哋咁。其實意大利雲吞仲有好多形狀㗎，呢個就係包到脹卜卜嘅。 個醬汁係 classic 嘅 butter sage sauce，sage 就係鼠尾草，有少少青草味咁，同牛油 & 忌廉好夾意大利雲吞包住 ricotta cheese，係隻百搭嘅芝士 口感好輕柔，唔係嗰啲濃郁臭芝士，哈哈。紫薯布朗尼蛋糕賣相好繽紛，有一大球雲呢拿雪糕，灑滿朱古力同糖碎，就咁睇都令人流口水！Brownie 切做三角形咁企好美觀，比起平時四四方方咁切更加吸引～Brownie 朱古力味好濃郁，連埋啲雪糕好正，好好食嘅甜

今日去開觀塘工廠區搵朋友，等埋朋友收工就去食個飯先，朋友介紹就上咗呢間餐廳度食，環境都唔錯，比我想像中大，而且唔係好多人，傾計就啱晒，唔怕太嘈，打開個Menu，選擇唔算好多，有幾款set Dinner同埋幾多嘢食，我哋今次就冇點set，分別叫咗三款主菜首先係嚟咗個餐包，但應該係送嘅，因為我哋冇點到呢個係慢煮牛面頰和牛意大利飯，佢個意大利飯嘅汁非常好味，有面頰就煮到啱啱好，唔會太生又唔會太熟，保持到啲肉汁喺裏面橄欖油海鮮墨魚汁麵，呢個味道就比較特別，有少少辣，而海鮮配料就非常新鮮香煎銀鱈魚火箭菜汁，銀雪魚嘅份量適中，而且煮嘅時間啱啱好，唔會過咗火，火箭菜汁好香好特別，用嚟襯銀雪魚真係冇得頂！

今日去咗觀塘上樓嘅一間餐廳到食飯, 如果唔係有朋友介紹, 根本自己都唔會識得上嚟。上到黎絕對係另一個環境, 地方好寬敞, 環境好舒適, 燈光亦都啱啱好, 佢夜晚本身就已經有set dinner嘅, 好似有a b c d e五款 , 不過我睇落呢又唔係好啱我口味喎, 因為我又唔想食甜品, 所以我就散叫啦。 我哋兩個人叫咗一個意大利飯, 另外一個墨汁嘅意大利粉,另外再叫多咗一碟煎鱈魚。環境好大仲有手工啤飲呢個包係送嘅我哋兩個人但係唔知點解畀咗三件包我哋呢個就係牛柳粒意大利飯嗰啲飯呢好香濃嘅會牛味蒜香欖油墨汁海鮮義大利麵 少少辣辣酸酸咁好惹味呢個就另外叫一個餸煎銀鱈魚配火箭菜汁總括嚟講啲嘢又好食環境又好坐絕對係吹水食飯嘅一個好地方

今晚去左觀塘一間西餐廳，Centre de vin by nexus，食個fine dining。環境好大好舒服，服務仲好好。餐牌是單點的，加$38可以轉套餐，有餐湯和飲品。今日餐湯是南瓜甘筍湯，入口香濃夠熱，唔會有好大陣忌廉味，入口唔會太膩。入口有南瓜的清甜，配上香脆暖暖的芝麻法包，芝麻好香口。主菜叫左蟹肉露筍手製幼麵，意粉自家製，好香好彈牙，加入蟹肉和帶子，味道夠新鮮，意粉掛滿醬汁，味道好滋味。朋友介紹左依間咁靚既fine dining西餐廳，下次我就同朋友再黎試下其他野食啦。我見到餐牌另外都有好多選擇，意粉/扒煩等等，好多野食都好想試下呀！