CHEF'š LABS @Freshlane

营业中

休息中

💖Freshlane主打智能櫃拎外賣🥡，係手機app📱度落單，再去智能櫃自取或者外賣速遞就🉐️，自取唔使一早去等夠曬方便。今次食嘅係同佢地合作嘅Chef’s Lab，主打高質高CP值西餐，雖然係外賣，但賣相同食物質素仲好過好多堂食餐廳！1⃣️意式烤雞香草意大利飯🐔 $88💖一開盒係撲鼻而黎嘅香草味🌿，烤雞帶肉汁，外皮脆、肉質嫩又濕潤唔會乾身。意大利飯粒粒飽滿，食落飽肚但唔油膩。2⃣️煎北海道帶子香辣扁意粉🍝 $98💖開胃微惹味嘅配搭，大大粒嘅帆立貝軟嫩，加上辣椒🌶️、蒜片🧄嘅調味，味道香口。扁意粉軟硬度適中，唔會太硬但keep到嚼勁。3⃣️主廚牛肉漢堡🍔 $68💖外賣分裝幾貼心，內餡同漢堡包分開，唔驚拎到返去個包比肉汁搞到soggy。內餡有蔬菜🥬、番茄🍅、牛肉🐮同蛋🥚，厚實大件嘅牛肉咬落啖啖肉好滿足，蛋滑得黎蛋黃流心，再配上黑椒調味。另外有香脆嘅薯角🥔，咬落粉嫩。4⃣️椰皇焦糖燉蛋🥥 $38💖估唔到甜品質素都咁好😲，滑嫩綿密嘅燉蛋面頭係香甜脆口嘅焦糖，再配上外微焦、咬落香軟滑溜嘅椰子肉，呢個價錢揮得過出面嘅甜品鋪！💖佢地嘅menu仲有好多前菜、小食、肉排、海鮮等，望落都好吸引🤩，下次要試埋！

而家好多地方都開咗Freshlane，雲集咗唔同高手在內，呢日去開旺角又開App睇吓，就見到有間叫「CHEF'š LABS」。菜式選擇都幾多，而且亦有做到會服務。食物即叫即整，熱辣辣送上，份量都幾多，但當然價錢就唔算好平。松露野菌忌廉汁扁意大利麵($78)，扁意粉麵條彈牙，松露野菌忌廉汁惹味得嚟，一啲都唔覺漏，佢另外仲加咗大量雜菇同洋蔥，即使無肉都唔覺單調。普羅旺斯式蜆意大利飯($88)，意大利飯口感正宗，即係有少少似生米，而唔係單用汁煮到濕晒。蜆選用大蜆，蜆肉鮮甜肥美，其他配料仲包括多種雜菜粒。菠蘿乾咖哩燒雞墨西哥烤餅($58)，墨西哥烤餅一客有六件，烤餅皮軟熟，餡料層則唔算厚。菠蘿乾味道蓋過咖哩味，所以整體偏甜，有啲似鳳梨酥咁，我個人希望咖哩味重啲。脆蟹肉薯丸($68)，炸脆薯丸外層脆卜卜，咬開真係見到一絲絲蟹肉，算真材實料，反而薯蓉就唔係塞到滿。如果唔想乾身，可以沾醬食啊。 總括嚟講，外賣都食到精美西餐🍽，食物質素同賣相都唔會差過餐廳。不過扒類同海鮮嗰啲，我就感覺始終偏貴呢，或許一大班人食就化算啲。

放咗工，個人比較攰，又唔想出街食飯，在公司附近叫外賣，這間外賣店有多款西餐選擇，決定一試。1. 北海道帶子香辣扁意粉 $98有三隻帶子，每隻帶子都大大粒，經香煎更加美味。配上香辣扁意粉，份量十足，扁意粉非常彈牙，軟硬度適中，CP 值高。2. 脆蟹肉薯丸 $68共有六粒脆蟹肉薯丸，外層鬆脆，配上沙律醬，非常美味。3. 椰皇焦糖燉蛋 $38這個焦糖燉蛋來做晚餐的總結非常配合，淡淡燒焦的焦糖味，配上燉蛋，食到心都甜，真係大滿足。4. 牛油梨烤雞漢堡 $68這個漢堡不過不失，我覺得可以再整得好食啲，如果烤雞的肉質嫩滑一點會比較好。5. 明太子烤雞翼 $28兩隻明太子雞翼，比較多肉，令人開胃。

自從疫情沒有晚巿堂食，巿面上有不少外賣店，只需要手機下單，就按時間去自取，確實非常方便，又能減少人的接觸。當中有不少小店食物質素甚高，Chef's Lab 就是其中一間，以西式美食外賣為主，可以以美食apps下單，自取或送貨，也可以到店外的平板上下單自取，在家也能享用美味美食，確實方便無比。******************************Chef's Lab 位置旺角的舊式大廈2樓，前來時就看見Fresh Lane地下，有個平板給人點菜，然後可以上2樓等候區安座，等候區也有平板讓客人查詢自己訂單狀態如何。當然，手機美食apps 都有得訂餐，也是在此取貨。餐牌都簡單，有小食、主食及甜品。就只欠飲品。主食有意粉、飯、漢堡和肉類。價錢由港弊幾十到港弊300以内不等，食物都以多國菜式的西式美食。下單大約等候了20分鐘，食物就準備好。外賣盒都以紙質為主，都幾環保。回家打開一看，食物賣相都以精緻吸引。脆蟹肉薯丸 HKD68，圓圓的薯丸炸至金香，外脆内軟的薯丸，帶有蟹的鮮味。附上醬汁還帶點微辣，又幾惹味。西班牙腸蒜香虎蝦 HKD68，蒜蓉虎蝦都幾彈牙，蒜香味不錯，配上西班牙腸，咸香味十足

最近發現左間主打外賣既西餐，先喺Apps落單，再直接到餐廳自取，或者安排外送員送餐。出餐非常準時，去到即刻有得拎😛 非常方便嘅平台。✨炒蜆👍🏻👍🏻份量比想像中多，醬汁炒得好入味，每粒蜆都蘸滿醬汁，酸酸甜甜好開胃。值得一讚嘅係蜆肉飽滿，完全冇沙，處理得好乾淨。✨西班牙海鮮飯米粉粒粒分明，有經過調味，就咁食飯已經好好味。海鮮唔會煮到乾爭爭，尤其係大蝦新鮮彈牙，性價比絕對OK。-✨慢煮八爪魚🐙八爪魚醬汁香口，口感有嚼勁，係一個唔錯嘅小食。✨椰皇焦糖燉蛋 👍🏻👍🏻👍🏻本來冇任何期望，但有意外驚喜，估唔到甜品都咁出色。椰皇味道突出，每啖都有蛋香同椰子既香氣，超級滿足😍😍😍

情人節🌷都要返工，放又放得晏，慶祝都係買外賣返屋企食。千挑萬選左呢間西餐外賣，早45分鐘whatsapp 落單，放工去拎就剛剛好。去到拎既時候，原來呢度淨係做外賣，咁樣可以節省成本，價錢💰就平啲啦。吞拿魚柑橘🍊沙律，柑橘好清甜、沙律菜🥗新鮮，吞拿魚輕輕整熟左小小，囗感唔錯，沙律汁酸甜，越食越開胃。西班牙辣肉腸炒蜆，炒得香口惹味，蜆既份量都唔少。牛油梨🥑慢煮雞胸🐔烤餅，慢煮雞胸肉質嫩，用上creamy又 健康既牛油果，真係食得好味又放心。牛油果🥑睡蟹🦀意大利飯，又係用我鐘意既牛油果，每粒飯煙煙韌韌、creamy 同蟹味十足。好滿意呢餐呀，係屋企💒都可以食到高級西餐既味道，四樣野都係3百蚊鬆啲咋，抵食。

今日放假同老婆去咗旺角行街，途經廣華街見到一個好特別嘅機器，自助外賣點餐機點餐機操作很方便，就選擇你喜歡的店舖，外賣店舖嘅選擇都特別多，最後我選擇（CHEF'š LABS ）為什麼我選擇它，因為他家食品拍得特別有食慾。按入店舖在選擇你喜歡嘅菜單， 然後選擇結帳，支付方式可以（八達通、支付寶、微信、信用卡）。等待30分鐘上自提點提取👍👍燒美國特級牛扒邊柳🥩七成熟的牛排睇到就食慾大增🤩 色香味俱全！牛肉味濃郁，份量既多😋 大大的滿足！推介主廚牛肉漢堡🍔漢堡胚松軟，牛肉大塊非常嫩👍搭配蔬菜特別爽口，一口咬落下去真係雙重快樂🤭幾抵食！一個人食足夠飽👏烤焦糖菠蘿🍍很驚喜！外皮有一層薄薄焦糖脆皮🤩菠蘿🍍汁水豐富，果香味十足！沒食過一定要嘗試下👍📍 CHEF'š LABS (旺角)旺角豉油街126-128號明威閣2樓29號廚房

今日係網上見到呢間位於旺角豉油街FreshLane 嘅Chef’s Lab好似好方便, 又有多款菜色, 唔同餐廳比你選擇, 就等我試下先。Chef’s Lab係一間只做外賣, 不做堂食的「雲端廚房」, 在一個共享廚房內提供共享烘焙工作室, 醬料及熟食製做工作室。食客透過應用程式apps或者用QR code落單, 網上下單後，餐廳便會在廚房烹調菜式，再將餐點交付給香港不同的美食外賣平台， 又或者去到工作室的locker自取, 非常方便! 👍🏻👍🏻是日套餐 - $138是日套餐, 前菜有韓式醬燒五花肉配泡菜 / 奇亞籽烤煎吞拿魚柑橘沙律/黑松露野菌忌廉湯 / 意式番茄烤麵包 / 香濃蝦湯 / 烤煙燻蕃紅椒慢煮西班牙八爪魚 / 香蔥銀魚烤燒茄子比你選擇主菜有煎北海道帶子香辣扁意粉 / 松露野菌忌廉側汁扁意粉 / 牛油果睡蟹意大利飯/ 伊比利亞火腿卡邦尼意粉意 / 意式香草烤雞意大利飯我揀咗奇亞籽烤煎吞拿魚🐟柑橘🍊沙律🥗配煎北海道帶子香辣扁意粉🍝, 吞拿魚煎得好靚, 嫩粉紅色, 沙律菜同埋柑橘都好新鮮, 柑橘清甜, 配上意大利醋, 酸酸甜甜, 好開胃。煎北海道帶子香辣扁意粉🍝有三隻帶子, 每隻

高質西餐外賣店CHEF'š LABS (旺角)旺角豉油街126-128號明威閣2樓29號廚房外賣都有高質。Seafood Paella西班牙海鮮飯$108海鮮足料，二人份量夠飽。蝦彈牙，青口帶子大大隻，重有蜆鮮甜。Avocado Brown Crab Risotto 牛油果睡蟹意大利飯$108每食一啖都能品嚐到蟹肉，完全能夠收服鍾意滿口蟹膏蟹肉嘅朋友。牛油果係我大愛，第一時間食晒，好creamy。Scallop Carpaccio IncreaseTaste with Lobster Dil 北海道帶子薄片沙律$88新鮮製作沙律🥗汁略略醃一下，會配上蕃茄薄片點綴，味覺同視覺都即刻refreshing ，博切北海道帶子超爽口，好味甜滑。

CHEF'š LABS 旺角星期六唔想出街，一於係屋企叫外賣，見到旺角有間新嘅西餐外賣店，性價比好似幾高，一於試下！🤭😝兩個人叫左三樣嘢，一個主菜，一個沙律，同一個小食～小食叫左PULPO A LA GALLEGA，八爪魚配上酸酸甜甜嘅雜椒汁，好開胃，八爪魚大大粒，煙煙韌韌😋沙律叫左GRILLED TUNA WITH TANGERINE SALAD，吞拿魚配上奇亞籽，口感好新奇，鮮甜嘅吞拿魚，配上奇亞籽做邊邊，咬落去外脆內軟，再加上沙律菜同金橘，將之後嘅主菜提升一個層次😍主菜叫左GRILL IBERICO PORT WITH CORIANDER N YOGURT，黑毛豬烤得剛剛好，唔會太熟，區落去仲有鮮甜嘅肉汁，份量好足夠，兩個人食簡直好飽🤣🤣

今日陪完屋企人覆診，經過廣華街見到新開了一個美食廣場，不過全部都係外賣為主，可以經某外賣APP落單後到儲物櫃提貨，十分方便。明太子烤雞翼炸至香脆，中間釀滿明太子，咸香味十足。意式蕃茄烤麵包很鬆脆，番茄醬酸甜開胃。菠蘿乾咖喱燒雞墨西哥烤餅幾有特色，咖喱有香料味道，加上燒雞焦香味，烤餅外脆內軟，十分惹味。松露野菌忌廉汁扁意大利麵超大盒，意粉軟硬適中，十分creamy，有淡淡松露清香。西班牙海鮮飯表面舖滿了海鮮，有大蝦、青口、蜆及帶子等，十分足料，海鮮飯爽口，充滿海鮮鮮甜味。