Chez Bistro

营业中

休息中

位於銅鑼灣 耀華街嘅 Chez Bistro，餐廳行中、高檔路線，裝修簡潔時尚，環境整潔，餐桌上整齊擺放好食用餐具🍴，整體感覺非常良好，店員亦好有禮貌，值得一讚👍🏻。4-course dinner set先來包點同餐湯🥐牛角包外脆，入面鬆軟，牛油味好出；另外一款有好多果仁碎同紅梅乾，口感同味道都非常好👍🏻。🥣法式和牛面頰洋蔥湯，湯入邊有好和牛面頰碎，令到個湯好有肉鮮味，洋蔥煲到好軟林林，洋蔥嘅甜味浸晒入湯入邊😋。頭盤：🥗炭燒虎蝦，羅馬生菜，BB 菠菜 配芒果蜜糖芥末汁 ，以頭盤黎講，又大碟又有睇頭，虎蝦巨形大隻，蝦頭蝦身緊緊連接，蝦肉鮮甜爽彈，非常新鮮；沙律菜入邊夾什好多藜麥子同石榴粒，令整個沙律口感同味道提升。主菜： 🍝蟹肉，鮮茄意大利麵伴原隻牛油烤龍蝦尾，🦞龍蝦尾已拆肉上碟，啖啖肉嘅口感，真係冇得頂👍🏻；意粉係我鍾意嘅軟硬度，個汁嘅杰度好掛汁，每啖入口仲食倒蟹肉絲。🍮甜品，TIRAMISU，呢個甜品將一貫Tiramisu 嘅外型顛覆左😆，呢個造型更加精緻，整體味道都保持Tiramisu 嘅味道，但忌廉嘅份量更多更軟滑，上邊一層脆脆朱古力可可米更加增添多一重口感。

銅鑼灣有好多隱世樓上西餐，今日行完街黎試下。法國菜可謂優雅細緻之最，稱第一冇人稱第二。所以揀咗依間。樓上法國私房菜。環境雅致舒適，枱同枱之間距離寬躺，配上白色歐花和掛畫，營造出簡約奢華氣派。海鮮拼盤有法國生蠔，帶子牡丹蝦和兩隻翡翠螺。法國生蠔肥美，厚肉鮮甜，爽口帶點綿滑，淡淡的海水味，回甘的礦物味。帶子和牡丹蝦都好鮮甜，解凍處理得好好。洋蔥湯用牛肉滾好湯底，湯底充滿肉味和洋蔥的鮮甜，牛肉依然保持軟淋。可以話洋蔥湯的世一。油封鴨脾 油封是法國最古老的食物保存方法之一，肉類先經過鹽醃，然後再封存在油內，就可以保存上好幾個月。經過封存的肉，不但可以保存較長的時間，而且肉質酥軟味道濃香，所以也成為傳統法國菜的經典之一。慢煮牛面肉牛面肉不像其他部分般肥膩，雖然肌肉比相對較高，但肉質卻非常腍，且含豐富骨膠原，口感非普通牛肉可比，牛味重但不會有牛騷味。主菜水準好高，環境幾浪漫，適合情侶約會，三兩知己聚會。

銅鑼灣最多人隱世餐廳，就係其中一間冇乜人知，食物質素非常高嘅餐廳餐廳裝修好靚，唔算係好大，裝修非常之靚好新淨。大部份餐廳員工都好後生，但服務非常之好，後生真係少有。首先係個前菜，一個海鮮拼盤（加$50）。大家都見到隻蝦幾大隻，生蠔亦都非常新鮮，完全沒有蠔殼碎，非常之厚肉，有少少海水味。蝦🦐亦非常之新鮮。最有驚喜，反而係個湯，普通同一個洋蔥湯，肉味濃郁，有啲牛肉碎，非常之滑的濃郁牛肉味。講到主菜，未講食物質素之前，先講吓員工嘅認真態度。上主菜之前先收曬前菜用嘅餐具，執到張枱非常之乾淨先上主菜。叫咗個慢煮牛肋骨，加上蘑菇做配菜。肉味非常濃郁滑溜，個汁亦都唔算好鹹，非常之匹配。搵到甜品tiramisu, 酒好味好濃郁，加上濃濃嘅咖啡味非常正！

因為今日係個對我黎講好特別既日子，不過又因工作關係，所以就係今晚同重要的安排左一餐盛大既法國餐，事關我自己係好小食法國菜的，不過人生在勇於嘗試呢間餐廳既名我係唔識讀既，我諗係有法文既元素係度，係有意思既，餐廳既裝修都唔簡單，雖然係樓上，不過絕對係靜中有feel既，座位之間都隔離好闊，侍應亦好有禮貌，問佢地餐牌既菜式有咩特色同介紹都細心同我地講。食物方面都好好味，前菜，Main Course 質素都唔差。前菜我幾鐘意忌廉藍青口，系細隻品種，肉質幾滑，無沙。湯系牛尾湯，真材實料。Main Course 叫左和牛肉眼扒和鱈魚，肉質非常多汁，擺盤都幾精致。比出面好多西餐廳都整得好食，愉快的一個晚上~

據悉銅鑼灣百樂中心一向多野食，呢間法式西餐廳就係第一次黎食，當日我地預左晚上7點左右，位置十分當眼同易搵，一上到去即時俾到種歐陸式小餐館既感覺俾我，坐落俾到我好溫暖既感覺，光線適中，有浪漫既情調。侍應都好有禮物咁介紹我地餐廳既菜式，我就叫左個類似set dinner ，有餐包，前菜，主食，甜品之類。整個過程都唔會好chur 一道一道菜咁上的，沒急促既感覺，我食完覺得個甜品最有驚喜，配搭新鮮又好夾，整晚都食得好開心，期待下一次

性價比極高法國餐、野食好味、環境舒適、氣氛好！同朋友叫左兩個3-Course Lunch Set一齊Share~首先沙律都非常有誠意：鳳尾蝦，羅馬生菜，BB 菠菜車厘茄沙律配菠蘿蜜糖芥末汁。🥗🥗好好味，仲有啲脆脆面包粒🤣日本南瓜忌廉湯🥣偏creamy既口感☺️低溫慢煮澳洲和牛面頰肉，牛肝雜菌忌廉燴蝴蝶粉🥨超好食呀！牛肝菌味好夠，再加大量既牛肉，每一啖都好有口感、好滿足！炭燒美國特選黑毛安格斯牛肉眼扒配肉汁燒薯仔🥩個人認為五成熟係最保留到肉汁同埋個口感☺️，佢仲有三種醬黎配啲肉眼扒☺️～味道大致滿意，係少部份位置太多筋～芒果拿破崙🥭超超超好食！擺盤精美已經大大增加食慾，啲芒果仲要好鮮甜😋

銅鑼灣既百樂中心可以話係美食天堂🌈咩款式嘅餐廳都有，今次朋友生日同佢食個法國菜賀一賀🌷入面環境幾舒服，仲要對住馬場，如果星期三夜晚黎食飯應該幾正🐴4-Course Dinner Set $390餐前麵包有牛角包同提子包。不得不讚牛角包🥐😍微微熱好鬆脆，咬一啖d酥皮飛到周圍都係😆餐湯🐄法式和牛面頰洋蔥湯，個湯好甜，味道有少少似壽喜燒既味道，材料都幾豊富，洋蔥食落好甜，加上佢唔係creamy既湯，唔使擔心太濟食唔到之後既野食😎頭盤🦆香煎法國自然放養鴨肝配焦糖蘋果砵酒汁鴨肝煮到兩邊都好香口脆身，入口即溶😍入面既鴨脂好甘香，個汁味道帶微酸，食落整體減低一點膩感主菜炭燒美國特選黑毛安格斯牛肉眼扒配肉汁燒薯仔🥔店員會提供三款芥茉醬比食客選擇，點左5成熟既肉眼排份量都幾大份同厚身，牛肉味都幾濃，肉質口感有咬口，脂肪比例平均，而佢個薯仔脆片意外地好食😆好香薯仔味🐟香煎白鱈魚柳伴龍蝦尾配海膽忌廉汁賣相已經覺得吸引✨白鱈魚同龍蝦尾都好新鮮，魚肉質好嫩滑，龍蝦尾爽口彈牙👍🏾下面嘅薯蓉都好有味，口感creamy甜品🍨 紅酒燴法國康佛倫斯啤梨伴雪糕啤梨配紅酒真係最佳拍檔🥂食落酸酸甜甜，好開胃，再夾埋個雪糕甜度適

Chez Bistro (銅鑼灣)佢呢度既中午Set Lunch係appetizer加soup加main course，而我強烈推薦大家加多少少錢食埋佢既dessert。套餐既麵包有好多選擇，我選既牛角包好鬆脆。鳳尾蝦羅馬生菜BB菠菜車厘茄沙律配菠蘿蜜糖芥茉醬，分量都多，醬汁甜甜地但唔膩，好清新。日本忌廉南瓜湯味道甘甜且口感幼滑。Charcoal Grilled U.S. Choice Black Angus Rib-Eye Steak In Natural Jus With Roasted Potato 炭燒美國特選黑毛安格斯牛肉眼扒 配肉汁燒薯仔 ($178) 餐廳提供三款芥茉醬俾我地選擇，有選擇困難症既都可以試曬幾款，睇下邊款更岩你口味。肉眼扒煎得幾好，一切開見到粉嫩粉嫩，肉味十足。Slow-Cooked Aus Wagyu Beef Cheek, Porcini Mushroom, Cream In Farfallie 低溫慢煮澳洲和牛面頰肉 牛肝雜菌忌廉燴蝴蝶粉 ($158)佢呢個面頰肉真係無得輸。一黎食材本身已經係澳洲和牛，加上佢低溫慢煮既烹煮手法，D面頰肉既肉質非常軟腍。

不嬲都知百樂中心多嘢食，之前食過其他餐廳，今日第一次食Chez Bistro，真係好好食。我同朋友兩個人，一人嗌咗一個lunch set，都幾抵食。餐包有兩款，朋友揀咗牛角包，我就試吓提子包啦。咬落暖暖哋，口感比較實淨，越食越香口。餐飲同餐包一齊上，熱檸茶嘅檸檬都幾新鮮，唔會有苦澀味。然後就上好足料嘅沙律，有一隻鳳尾蝦、生菜、BB菠菜、車厘茄等，所有嘢都好新鮮，配埋酸甜嘅菠蘿蜜糖芥末汁，真係好開胃。餐湯好有驚喜，入口好香滑，有粒粒蘑菇碎，好有口感，而且熱辣辣，飲到停唔到口。主菜係五成熟嘅炭燒美國特選黑毛安格斯牛肉眼扒配燒薯仔。安格斯牛扒賣相好靚，肉質好鮮嫩，食落有香濃嘅牛肉味，食到停唔到口。值得一提嘅係佢嘅座位好舒服，環境俾人一種舒適嘅感覺，影相嘅話都好靚，下次一於同朋友嚟試吓其他主菜啦。

銅鑼灣百樂中心食肆林立，樓上Café、日本菜、西餐等等，今日就揀左呢間Fine Dining Chez Bistro，餐廳提供四道菜既晚餐，有頭盤、湯、主菜同甜品，餐廳裝修非常有情調，朋友聚會或者慶祝特別日子都好適合😍😍😍🔸4-Course Dinner Set🔸✨Appetizer: 香草蒜蓉白酒煮紐西蘭鑽石蜆紐西蘭鑽石蜆大隻厚肉，蜆肉新鮮食落味道鮮甜，加上蒜蓉同白酒調味，特別好食🥰🥰✨Appetizer: 香煎法國自然放養鴨肝配焦糖蘋果砵酒汁鴨肝煎到表面金黃色，上枱已經聞到好香鴨油味，入口軟嫩既口感，配埋焦糖蘋果夠哂開胃，推介😚✨法式和牛面頰洋蔥湯餐湯係法式和牛面頰洋蔥湯，好足料，洋蔥煮到好腍，和牛面頰同洋蔥好夾，呢啲天氣飲碗熱湯夠哂暖胃😎✨Main: 炭燒美國純種黑毛安格斯極級肉眼扒配牛肉濃汁安格斯肉眼扒燒到好靚見到格仔紋，帶微微炭香，肉味香濃且有嚼勁，脂肪分佈平均，加埋脆薯片同蔬菜做配菜，高質💯✨Main: 香煎白鱈魚柳伴龍蝦尾配海膽忌廉汁另一款主菜就揀左海鮮，有香煎白鱈魚同龍蝦尾，魚肉鮮嫩，龍蝦肉爽口彈牙，配埋自家製既海膽忌廉汁，鮮味十足😎😎😎✨甜品: 紅酒燴法國康佛倫斯啤梨

趁放假出去食好嘢，同朋友試吓係銅鑼灣嘅呢間Chez Bistro。裝修好有格調，啲座位好闊落同埋舒服。坐窗邊嘅話，仲有白色窗花，好啱打卡。佢嘅lunch set好抵食，有前菜沙律、湯、主菜同埋嘢飲。餐前仲有兩款包可以揀，分別係牛角包同埋提子包。我要咗牛角包，食落仲暖嘅，好有驚喜。前菜沙律有幾款菜，全部都好新鮮，仲有隻大大隻嘅鳳尾蝦，爽口彈牙，個汁酸酸地咁，好開胃。餐湯係蘑菇忌廉湯，香得嚟夠熱辣辣，可以食到一粒粒嘅蘑菇，口感好豐富，真係好高質。主菜我要咗medium嘅香煎澳洲牛仔柳配蜜糖芥末汁，一切就知好食，啲肉質好林好多汁，唔算好羶，鍾意食羊肉嘅一定要試吓。配菜嘅焗薯角、蕃茄同菜都好好味。餐飲我要咗熱奶茶，飲落都好香滑，下次會想試吓佢嘅咖啡。

今晚約朋友到 Chez Bistro 吃晚飯，餐廳位於銅鑼灣鐵站百樂中心，裝飾帶歐式小餐館的味道，環境幽靜浪漫，舒適地聊天一流。❣️餐牌選擇有套餐，前菜、餐湯、主菜、甜品、餐飲、酒品等。餐前麵包有兩款自家製麵包，牛角包外皮烘得鬆脆，加上黑醋和橄欖油更滋味。🤗前菜香煎法國自然放養鴨肝配焦糖蘋果配砵酒汁🌟擺碟吸睛，鴨肝外層夠焦香，散發黃光，入口油脂甘香，配焦糖蘋果更開胃，中和了內臟的油脂感👍🏻👍🏻香草蒜蓉白酒煮紐西蘭鑽石蜆蜆肉鮮甜，以白酒煮過，味道更突出，帶有淡淡香蒜更惹味。法式和牛面頰洋蔥湯熱滾滾上枱，材料豐富十足，和牛肉粒鋪滿湯頭，洋蔥味香甜。主菜 - 香煎海捕金目鯛魚柳拌龍蝦尾配海膽忌廉汁🌟魚肉外脆內軟，口感嫩滑，特別是魚皮位置，魚油焦香香味突出，龍蝦肉爽口彈牙，加上海膽忌廉汁鮮味十足。炭燒美國特選黑毛安格斯牛肉眼扒配肉汁燒薯仔職員提供了三款芥茉醬供選擇，有英式，法式和芥茉籽，各有特色，肉眼五成熟，切開粉紅色，肉味濃厚，口感煙韌，脂肪比例均勻，值得一讚用上炸薯仔片做伴碟，十分滋味😉餐酒用上了白酒，清甜易入口，十分適合海鮮類如龍蝦，魚柳海鮮菜式👍🏻無酒精選了熱情果梳打，清新解膩，果香味豐

在銅鑼灣鐵站百樂中心的 Chez Bistro  西餐廳，地方很寛趟，設計有格調同時優雅浪漫，修飾散發著藝術的氣氛，環境安靜有情調！值得一讚是餐桌與餐桌之間距離感很闊餐牌提供了前菜、餐湯、主菜、甜品、餐飲、酒品等，選擇豐富，餐前麵包提供了兩款自家製麵包，特別是牛角包，夠鬆脆，烘到表面香脆可口夠熱，配上黑醋橄欖油味道更好！我們選了套餐各一。法式和牛面頰洋蔥湯，整個湯濃稠度剛剛好，最重要是夠熱，材料豐富。前菜是香草蒜蓉白酒煮紐西蘭鑽石蜆，即叫即煮，鑽石蜆份量充足，口感新鮮，味道鮮甜，加上白酒，更添滋味 ！香煎法國自然放養鴨肝配焦糖蘋果配砵酒汁，賣相吸引，鴨肝外層燒得焦香金黃，微微的燒烤香氣，入口油脂甘香，加上配焦糖蘋果非常醒神開胃，中和了油脂感！炭燒美國特選黑毛安格斯牛肉眼扒配肉汁燒薯仔，餐廳會提供三款芥茉醬供食客選擇，肉眼份量大件又厚身，點了五成熟度，牛肉味很香濃，顏色帶粉紅，肉質口感有咬口，脂肪比例平均，醬汁夠特色，加上薯仔脆片，十分吸引！香煎海捕金目鯛魚柳拌龍蝦尾配海膽忌廉汁，魚油香味四溢，魚肉細嫩滑，海膽忌廉汁更能提鮮，十分喜愛！龍蝦肉燒得微微焦香，口感新鮮爽彈，平衡了整道菜的口感

Appetizer - 鳳尾蝦、羅馬生菜、BB菠菜車厘茄配菠蘿蜜糖芥末汁 鳳尾蝦好大隻，個汁甜甜地，配埋番石榴一齊食，好fresh！Soup - 日本南瓜忌廉湯南瓜味好突出，湯亦好creamy！加埋個蕃茄香草包一齊食，係幾好嘅配搭！Main Course - 低溫慢煮澳洲和牛面頰肉 牛肝雜菌忌廉燴蝴蝶粉 （$158）好少食到咁大塊嘅蝴蝶粉！牛肝菌汁味道香濃，牛面頰一啲都唔韌，好味！Main Course - 炭燒美國特選黑毛安格斯牛肉眼扒配肉汁燒薯仔（$178）今次嗌咗5成熟，牛扒煎得啱啱好，唔會鞋，仲好多肉汁！調味亦剛剛好！配埋燒汁食，十分美味！

呢間Chez Bistro裝修簡潔，以黑白灰為主色，配上柔和昏暗既燈光，非常適合情侶係到慶祝紀念日，呢到夜晚有4－Course Dinner Set，可以揀一款appetizer、有洋蔥湯、揀一款main同一款甜品，價錢由＄280－390，仲有扒据，係銅鑼灣可以話係十分之抵！Appetizer有四款俾我地揀，選擇都幾多，岩哂一班人過黎一齊share，我地揀左海鮮拼盤，海鮮拼盤雖然加＄50，但係有生蠔、螺、帶子同蝦刺身，性價比極高。洋蔥湯香甜，冇洋蔥既辛辣味安格斯肉眼扒配牛肉汁炭燒有果種lun lun地既炭香，油花豐富、口感軟稔，不愧係西冷！店員仲好好咁俾埋mustard我地，服務一流！甜品：啤梨雪糕