Chez Bistro

营业中

休息中

女友要OT，機會嚟喇飛雲，仲唔把握機會同朋友食飯。其實係因為朋友就嚟要移民，要把握最後時光，同佢傾吓計。聽同事講過 Chez Bistro 唔錯，既然今餐我同朋友餞行，就食好啲。餐廳Sell 5-Course Dinner Set，有齊前菜、湯、雪葩、主菜、甜品同埋 coffee or tea，仲有啲 top up item，價錢$280 up，算係幾唔錯喇！最緊要環境亦都舒服，大家食得開心。前菜揀咗煎鵝肝，外面煎得香脆，入口即溶，甚有水準。呢度講明係自然放養，食落無咁罪惡感呢。湯係法國洋蔥牛肉湯，洋蔥味滿滿，但…牛肉就好似被洋蔥味遮蓋咗。麵包隨湯奉上，正常。雪葩係日本白桃味，用嚟清清口腔一流。雪葩融入喺晚餐菜式入面，係高級餐廳先有，唔怕話你知，我都係第三次咁樣食。主食叫咗豬扒，慢煮香煎美國黑豚肉。不得了，呢個超高質，好耐無食過咁好食嘅豬扒！外面煎得微脆，勁有炭燒香味，而食落肉質保持軟腍，應該係慢煮嘅結果，但大廚烹調功力應記一功，因為暫時只有呢度做到咁完美嘅效果！豬扒好大件，約成吋厚，就連我呢個佬食完都覺得飽咗。甜品要咗焦糖牛乳雞蛋布丁，一個字講晒，簡單美味！而餐飲就要咖啡。多謝識食同

已經好多次來臨銅鑼灣到呢間餐廳食野，今次帶家人來，蘑菇湯好飲，意粉好吃！呢間餐廳成日轉menu，非常有新意。裝修有情調，銅鑼灣數一數二的有心機西餐！！下次再來食～

朋友仔嚟過呢度食晚飯，今日要相聚，所以我哋揀咗嚟呢度食午餐。真係一個好愉快嘅下晝，員工個個都好有禮貌，食物質素亦都好良好。地點亦都好方便，環境又好舒適。價錢亦都很相宜～ 一定會再來啊。我哋一嚟到可以坐到窗口位，開陽舒適！可以自選餐包，好新鮮，好好味！沙律嘅汁，好清新，蔬菜新鮮！餐湯都好！呢個炭燒牛扒，七成熟，啱啱好！好香～ 好耐未試過有一個地方令到我想快啲再來！員工好有禮貌，令到人真係好舒服～謝謝你們！

來到紀念日，當然要去一間有特色、有氣派嘅餐廳啦！今日就選了Chez Bistro貪佢環境開揚，坐位寬敞，真係拍拖、紀念日、甚至一班朋友來到都非常適合！5-Course Dinner Set 由$280 - 420不等，真係睇下今日想食咩決定。咁浪漫嘅餐廳點可以缺少餐前麵包🥯！法國生蠔海鮮拼盤 海鮮拼盤中已包括了：法國生蠔、翡翠螺、北海道帶子刺身、三文魚子、牡丹蝦刺身，見到咁多美食，加多$50都係值回票價！海鮮拼盤款款新鮮，海水味濃郁，入口鮮甜肥美、真係必點的開胃前菜。法國洋蔥牛肉湯洋蔥牛肉湯真係一個令會上癮嘅湯，熱燙燙之餘，洋蔥牛肉味香甜濃郁，每一啖都非常清甜，認真開胃。柚子雪葩再來一個柚子雪葩，味道清爽、入口即融，好讓我清一清味蕾，再吃下一道佳餚。炭燒美國頂級安格斯牛三角西冷伴大蝦配紅酒汁主菜來到啦！大大隻大蝦配上頂級安格斯牛三角西冷，五成熟剛剛好，西冷肉質嫩身有彈性，肉汁豐富；而大蝦非常厚肉，爽口彈牙，更有紅酒汁的香味，一食令人回味！焦糖日本雞蛋牛乳布丁布丁賣相相當吸引，焦糖布丁上更加添水果，令味道更有層次。布丁切開，焦糖味香濃，口感幼滑，真係非常甜美的最佳甜品。

環境開揚舒適，空間感足，坐位寬敞，氣氛舒適放鬆！法國生蠔海鮮拼盤(+$50)(法國生蠔·翡翠螺·北海道帶子刺身·三文魚子·牡丹蝦刺身)法國生蠔肉質柔滑，入口有淡淡的海水鮮味和礦物味道。蝦肉肥碩，口感充滿彈性，甜美爽口。三文魚籽粒粒圓潤飽滿，口感脆嫩，味道咸鮮。法國洋蔥牛肉湯熱騰騰的湯，一上桌即散發出誘人的香氣！相當足料，洋蔥的焦香甜味完全釋出融入湯汁中，味道香甜濃郁，口感輕盈。柚子雪葩柚子味香濃，入口即融，味道仲好清爽，帶來透心涼的酸甜滋味。炭燒美國頂級安格斯牛三角西冷伴大蝦配紅酒汁 ($400)西冷火候控制很好，做到medium，呈誘人粉紅色，令人垂涎三尺，吃落肉質有彈性，幼嫩中帶少許咬口，牛肉味道香濃。大蝦體積大而厚肉，口感爽脆。焦糖日本雞蛋牛乳布丁布丁濃厚醇香，柔滑有蛋香，焦糖醬更是不甜膩剛剛好，令人欲罷不能！

一年前嚟過呢度，食過4 courses dinner，覺得好食又抵食今日同朋友嚟諗住再試下，原來已經變咗Five course dinner😇前菜同主菜同一年前都好大分別，所以都好期待試吓呢啲新嘅菜式睇吓係咪都係咁好味🥢前菜 - 法國煙鱔 紅菜頭酸忌廉沙律煙鱔嘅口感同平時食鱔好唔同😆比較有韌度, 而且入口有淡淡嘅煙燻味☺️紅菜頭沙律好fresh，作為前菜一流😋🥢湯 - 法國洋蔥牛肉湯一睇個湯就知好足料！好多洋蔥絲同牛肉粒😋一飲落口竟然係好甜好甜☺️同埋幾中意佢個texture，唔會太傑🥢日本白桃sherbet用黎清一清個味蕾，迎接main dish☺️🥢主菜 - 炭燒美國頂級安格斯牛三角西冷伴大蝦配紅酒汁就咁睇已經見到好粉嫩😁聞落同食落真係有啲炭燒嘅香味牛扒邊有少少肥膏，入口更加滑😄而且都好有肉味，不錯👍🏻大蝦好爽口，蝦頭有好多膏😙🥢甜品 - 焦糖日本雞蛋牛乳布甸呢度嘅甜品真係一啲都唔hea雞蛋布甸面頭配上少少生果同裝飾☺️布甸蛋味濃，如果再creamy 啲就同係日本食無乜分別😆偷左朋友個椰子雪糕食，好多椰子絲仲好食😋😋😋

重點1: 環境舒適環境好闊落，唔需要同隔離枱貼住坐，一入去就係一間fine dining😬 喺想舒服啲傾下計真係好岩！ 重點2: 食物質素保持水準！ 雖然只係去咗兩次，但係都相隔一年。 一間餐廳繼續保持住水準，由前菜餐湯去到主菜甜品都好出色！好明顯係有精心諗過嘅餐單安排。 （俾返少少info：lunch 同 dinner都通常嗌set 3 set/5 set course） 佢嘅甜品同上面嘅主菜係有夾過。濃味海鮮嘅主菜會夾返個清新啲嘅甜品🍮 當日嘅椰子味雪糕好重椰子味，配好甜嘅哈蜜瓜覺得好夾🍦重點3: 上菜會介紹食物staff會睇我哋進食速度，然後會逐碟逐碟慢慢上，上嘅時候會輕輕講解點樣食會好啲😬

同事又升職，請食升職飯，緊係搵間有水準嘅餐廳賀下佢啦，最好間餐廳有晒成set套餐，可以慢慢食，一邊享受食物，一邊同佢吹下水啦。位於銅鑼灣嘅Chez Bistro已經食過好幾次，餐廳裝修時尚，氣派優雅，天花掛住幾把吊扇，既懷舊又可以令空氣更流通，一舉兩得👍🏻。餐桌預先擺放好餐具，既乾淨又整齊，每枱均點著柔和嘅蠋光，令浪漫氣氛推到最高點😌。Appetizer:🍴香煎鵝肝 - 鵝肝上下都煎得蕉脆，內埋幼滑細膩，兩種唔同層次係口中交容，油香飛彈，伴碟底部經煮過嘅蘋果粒有助清減油膩感，非常精緻名貴嘅前菜😋。Soup:🥣洋蔥餐湯 - 好濃郁嘅洋蔥味道，每啖都食倒一絲絲嘅洋蔥，入口香濃，已預先灑上黑椒粒，令味道更加提升。🍨檸檬雪葩 - 相當貼心，食主菜前送上檸檬雪葩清洗味蕾。Main Course:🍴亞洲香草寶雲酥燒焗澳洲冰鮮羊架餐廳好貼心，預先將烤好嘅羊架上端全肉嘅部份切開，上面鋪上大量嘅香草🌿，7成熟嘅羊架做得非常出色，切開仍帶粉嫩，入口羊羶味道唔會太強，啖啖肉嘅羊肉只須蘸點些小香草醬已經好味到無法形容；羊嘅支架部份，帶些小根連住更加甘香；伴碟嘅焗蒜亦係亮點，入口粉糯，烤焗後不但冇晒刺辣味道，更

今日同朋友去咗一間隱世嘅西餐廳，位於一座大廈內，但地方寬敞舒適，而且食物好有水準🤟🏻🤟🏻我地睇中左個dinner set，只要幾百蚊就有頭盤、湯、主菜、甜品🍮食，仲要質素都好高🤭🤭☺️拍得住啲五星級餐廳😝我頭盤叫左個法國🇫🇷生蠔🦪海鮮拼盤。作為生蠔愛好者既我黎講，以為除左我間favourite 法國菜餐廳外，其實生蠔都一般般。但今次好有驚喜，咁既價錢，唔係比雪到一陣味既生蠔我地，而真係好蠔甜，較重海水🌊味😂簡直似係海裏面游水咁😜仲有北海道帶子、螺、三文魚子同埋牡丹蝦都極為新鮮🤟🏻餐湯方面一啲都唔hea，因為佢用自己切既牛肉粒加洋蔥🧅，令到碗湯好有咬口，而且味道香濃❤️主菜方面，我同朋友就叫左個亞洲香草🌿寶雲酥燒焗澳洲羊架☺️ 羊架就食得多，但第一次食喺羊肉外層上面搽好麵包糠同蒜蓉，鎖住鮮嫩既似汁，而外國有啲咬口❤️另一個主菜叫左炭燒安格斯頂級西冷伴大蝦🍤。medium rare燒得剛剛好，唔會un到咬到有渣，同我上次係五星級酒店既做法一樣，好入口即化，外層少少焦香配紅酒汁真係一流😜最後當然唔少得甜品🍮除左中途有清新既雪芭比你清清喉嚨，仲有出色既芒果拿破崙。拿破崙外皮十分香脆👍🏻唔會食到成口麵粉

最近同朋友試左呢間Chez Bistro嘅5 courses dinner set, 味道非常唔錯😋每一道菜都食得出廚師嘅心思❤️ 5 courses dinner set由$280起，包含左前菜、湯、雪芭、主菜同甜品。我同朋友就分別揀左✨亞洲香草寶雲酥燒焗澳洲冰鮮羊架（$400）同✨炭燒美國頂級安格斯牛三角西冷伴大蝦配紅酒汁（$400）。✨前菜 - 法國生蠔海鮮拼盤 （＋$50）前菜嘅呢個海鮮拼盤望落已經非常吸引🤩除左法國生蠔外，仲有翡翠螺、北海道帶子刺身、三文魚子同牡丹蝦刺身，每樣都非常新鮮😋我特別鍾意個法國生蠔，蠔味濃郁，海水味重。✨法國洋蔥牛肉湯呢款餐湯亦非常高質，啖啖都食到洋蔥粒同牛肉粒，味道非常清甜。✨亞洲香草寶雲酥燒焗澳洲冰鮮羊架寶雲酥羊架係法國一款常見嘅菜式，但今次我都係第一次食。羊肉嘅外層塗上左蒜蓉同麵包糠，為成個味道增加左層次感，羊肉食左非常嫩滑❤️羊酥味唔算突出，整體黎講好好食。✨炭燒美國頂級安格斯牛三角西冷伴大蝦配紅酒汁本身我唔係特別鍾意食西冷，因為通常肉質會比較硬，但呢度嘅西冷可以話係令我喜出望外❤️我地揀左medium rare, 可以見到廚師將個火喉控制得岩岩好

假期同朋友一齊去銅鑼灣食晚飯, 朋友揀左Chez Bistro,係食法國菜既. 第一次來食覺得好有驚喜而性價比亦唔錯.更係好岩慶祝既一間餐廳一個5 course dinner set約$390, 前菜我揀左香煎法國鵝肝. 鵝肝大大一件,羶味唔重所以好易入口.旁邊仲有杏脯,就算食完咁大件都唔會膩然後到左餐湯,係葫蘆瓜忌廉湯,味道好特別之餘仲加入左松子係入面,第一次飲呢個湯,好香好深印象!食完前菜同餐湯之後，餐廳提供左一份雪葩俾我哋清一清味蕾，好體貼！然後主菜係鱈魚柳，魚肉煮得好滑之餘，魚皮都好香脆好好味😋甜品好靚~係好smooth同好濃厚既雞蛋布丁, 焦糖味淡淡地唔算好濃,但雞蛋味就好夠好出最後一提～呢到既服務好好，就算我地坐係房比較入嘅位置，上菜收碟等等服務都做得好足

Chez Bistro係其中一間我好鍾意既法國菜餐廳. 除左味道之餘,環境同服務都好好,每次用餐experience都好滿意. Dinner只有5 course set提供,但客人可以係menu中只選喜歡既前菜, 主食同甜品. ♦ 法國生蠔海鮮拼盤 ⋆ 前菜(+$50)海鮮拼盤睇落好新鮮.當中有生蠔,翡翠螺,帶子同牡丹蝦刺身. 海鮮種類好多,其中帶子刺身size超大而且鮮味.而我最鍾意既係佢既翡翠螺,好爽口!.♦ 炭燒澳洲穀飼牛柳伴大蝦 ⋆ 主菜餐廳推薦五成熟,熟度剛剛好,牛柳肉質好軟熟.另外大蝦燒得幾乾身,好夠風味.♦ 法式麵包布甸 ⋆ 甜品甜品係法式多士，多士略為油膩，但食落都好香脆。最鍾意佢旁邊嘅雪糕，係我最愛嘅焙茶味😍.另外仲會有餐湯,雪葩同餐飲,係好完整既一個晚餐體驗

本人因為懶惰，加上不想影響別人生意，所以已經多年沒有寫過食評，而這餐廳竟然差得要我禁不住再次出山⋯⋯由於個人鍾情橡果級黑毛豬扒，而香港甚少餐廳會有供應，所以友人特地在網上找了這間餐廳，立即訂座，即晚就跟我一起去試。誰不知，這竟是中伏的開端⋯⋯下至朱古力，上至黑毛豬，都可以做得如此之差，導致每一款食物我都只吃了一口，嚴重影響我整天的心情。同行友人也表示非常後悔。橡果級黑毛豬已經是非常容易處理的食材，隨便煎一煎，味道已經可以很好，但這間店竟然可以把那麼好的食材處理得那麼差，真的聞所未聞。其他食物及飲品的評價，請見照片描述。至於服務方面，收碟速度極快，究竟是趕收工還是服務有效率，真的見仁見智。臨走前還問我們為甚麼那麼快離開⋯⋯在現今疫情下，食店的經營已經很辛苦，但難道不是正因如此，才更應該盡力提供最好的服務及出品嗎？希望此店看到我這篇食評後，能夠好好檢討及改善。如果不改善的話，這種暴殄天物的食店還是盡早倒閉吧。

因為疫情,有一段時間無去,以前一切都ok,要訂先有位,今次去到,唔洗等,無咩人,餐牌轉左,諗住試下其他,點知食物質素下降,唔好食,唔夠味,唔緊要侍應態度超級差!都係拎支調味料,不停問用完未,問佢成間餐廳係咪得一支,仲要話"係,問佢點解得一支,佢話顧客根本唔需要,因為厨師覺得夠味,我只係比百幾蚊,唔會希望有好好服務態度,但係作為一個客人,基本要求都唔以?收錢,態度都係差...唔會再去,亦唔會推介...

其實都隔咗一段時間冇去食，諗住疫情好返d約埋朋友去食個lunch。午市價錢過百，不過諗住以前食過ok又見佢剛剛轉左新menu，本身仲有d期待，不過估唔到同以前相比整體水準都下降左好多，本身食物調味已經唔太足夠，要問待應拎調味料，而且幾名待應既服務態度真係好無禮貌。可能疫情下客人唔多，幾個待應經常會係旁邊等你食唒啲野收碟，感覺真係唔太舒服。味道差左，加埋服務唔好坐得唔舒服，呢個價錢下，真係唔會再試啦。