City Dancer Grill & Live Music Bar

营业中

休息中

喺灣仔附近睇完展覽，朋友推介嚟呢到坐吓，佢話試過晏晝嚟覺得好靚好舒服，啲嘢又好食。老實講話晒都係三十樓，啲景色真係唔錯。但因為第二日要返工，所以冇飲到酒，其實有啲可惜，下次夾啱時間有live band再上嚟。‣ 三文魚子牛油果多士 & 西班牙火腿蕃茄莎莎多士 $128作為一個唔鍾意食牛油果嘅人，我都覺得佢個牛油果整得好出色，搭配脆多士食真係一流，真係難得我肯食牛油果。朋友就鍾意另一款多士多啲，覺得佢嘅蕃茄莎莎醬整得好出色，而本身火腿嘅鹹香都好足，舒服開胃，夏天食一流。‣ 泰式蟹餅 $138泰式蟹餅啲蟹肉絕對唔會敷衍你，真係食到啖啖肉，隱約食到啲蔥花嘅味道，就咁食已經覺得好唔錯。蘸埋泰式甜酸醬，酸酸地辣辣地就更加開胃了。‣ 日式醬汁京蔥炒牛粒 $198牛肉份量都唔少，配埋日式醬汁食落去嘅時候好有屋企嘅感覺。但係令到我覺得最驚喜嘅係佢側邊嘅菇，濕潤多汁之餘，佢特登煎香咗啲菇，最後我真係一條菇都冇放過。‣ 秘醬煙燻三黃雞 $268雖然係要等多少少時間，但係值得的，一上枱打開個盒個下隻雞嘅香味就飄晒出嚟。皮燒到焦香，咬落相當脆口，雞肉好嫩滑。由於本身燒嘅時候已經有醬汁，其實唔使再蘸醬已經好出色

早幾日同朋友去咗"City Dancer Grill and Live Music Bar"，呢間餐廳位於大廈頂樓30樓，一入去就畀佢嘅裝潢同景色震撼到。由於位處高樓層，所以可以180度咁睇到灣仔跑馬地嘅壯麗夜景，光景璀璨，美景同美食點只雙倍享受！餐廳內部裝修非常時尚、摩登，有一個巨型LED大屏幕播放住各式各樣嘅MV，聲效同畫面都好震撼。晚上一過9點，仲有Live Band演出，音樂風格多樣，讓整個用餐過程都充滿咗歡樂同活力。🔶三文魚子牛油果多士/西班牙火腿蕃茄莎莎多士前菜我哋點咗三文魚子牛油果多士同西班牙火腿蕃茄莎莎多士。三文魚子牛油果多士真係好正，牛油果蓉打到好creamy，再加上微鹹嘅三文魚子，完全帶出牛油果嘅天然油脂味，同時又唔太過油膩，非常平衡，口感相當豐富。至於西班牙火腿蕃茄莎莎多士，蕃茄蓉同埋紅蔥頭碎嘅味道非常濃郁，加上生洋蔥嘅輕微辣感，配埋鹹香嘅西班牙火腿，真係每一口都唔同層次。🔶法式鮮蠔湯配香蔥牛油麵包粒蠔湯鮮甜濃郁，蠔味十足，每一口都品嚐到海洋嘅味道。搭配嘅麵包粒外脆內軟，加上香蔥牛油，食起來非常香口，真係意猶未盡。🔶慢煮西班牙豬架配蘋果醬（加配蒜香牛油烤野菌）慢煮

餐廳位於銅鑼灣恒匯中心頂樓，樓底高，落地大玻璃，飽覽跑馬地嘅景色，具有浪漫氣氛，座位舒服。而係晚上9點仲有live music聽，亦都可以點歌，好chill😎，適合約埋一班知已、另一伴嘆下！三文魚子牛油果多士/西班牙火腿蕃茄莎莎多士🥪 $128脆口多士配上新鮮三文魚子同creamy既牛油果溶，食落口感好夾又豐富。仲有鹹香味既西班牙火腿配上微辣蕃茄莎莎，味道絕配，好開胃。慢煮澳洲和牛面肉、牛根忌廉闊條麵🍝 $198慢煮既牛面肉同牛根很入味，而且意大利闊條麵口感軟硬適中，份量都算大，好味！慢煮西班牙豬架配蘋果醬🐖 $238一塊塊厚切慢煮豬架保留左肉汁，肉質嫩滑，面層微微焦香，再配上特製蘋果醬，味道豐富，口感爽彈。芝士焗炸薯條🍟 $48薯條炸到金黃色，口感外脆內軟，面層有焗溶左既拉絲芝士，啱哂一路同朋友吹水一路食！栗子合桃慕絲蛋糕🧁 $78粟子味道濃郁，內層仲有一粒一粒既合桃，再配上慕絲既creamy，味道絕配。焦糖蘋果蛋糕🍰 $78蛋糕口感軟綿綿，面層有香甜既焦糖，入口甜度適中，仲有粒粒蘋果果肉，豐富口感層次，亦帶有蘋果既清香。整體來講，環境高雅，景色優美，服務態度良好，食物好味，算大份，

今日同朋友食飯，發現咗呢一間超正嘅餐廳，無論係食物嘅質素同埋個景都係一絕，價錢亦都好合理！強烈推薦俾大家！ ！Set lunch 1:烤西班牙黑毛豬架配薯菜🐷呢個西班牙烤豬真係好有驚喜！大家睇相就知道佢塊扒有幾厚，最難得嘅係佢咬落去一啲都唔柴唔韌，而且係保留咗好多肉汁，呢個真係好考驗廚師嘅功夫，可以睇得出佢哋做扒真係做得幾出色！Set lunch 2:日式燒汁牛肉柚子沙律🥗呢個柚子沙律都唔錯，牛肉都係好新鮮Juicy，沙律菜亦都係好新鮮，食落好清爽，所以呢個沙律好適合夏天食！另外一題佢哋set lunch除咗有煮食之外，亦都會有湯同埋飲品，我哋揀咗一個黑松露惹菌湯同埋法式蠔湯，兩個湯都好有驚喜，尤其係個黑松露湯，菇味好濃郁，好好味！波士頓龍蝦西班牙海鮮焗飯🦞呢個係我哋最期待嘅，亦都完全冇令我哋失望！除咗有波士頓紅蝦之外仲有青口，蜆，同埋其他蝦，所有海鮮都係好新鮮，肉質好彈牙！最驚喜係佢嘅飯，每一粒都果滿咗酸酸甜甜嘅特調醬汁，食落超級開胃，一啲都唔會覺得滯！值得一提嘅係佢哋個景都好靚，30樓連天台，望出去飽覽跑馬地嘅景色！如果夜晚嚟就可以嗌杯嘢飲，然後上天台嗰度一邊同朋友暢談一邊欣賞維港

朋友推介有間位於灣仔有靚景又有LIVE BAND既餐廳 平時經過恆匯中心門口就覺得個大堂裝修都幾有氣派 原來頂層有間咁靚既餐廳 樓底高 落地玻璃盡覽迷人景色 有個LIVE BAND專屬既位置 約左朋友食晚飯 7點幾上到去一邊聽住餐廳的音樂一邊睇住白日和黑夜變化的街景好治癒經典蟹肉龍蝦湯一上枱就聞到好香濃的龍蝦味入口濃郁滑稠 加上唔少的蟹肉 呢個龍蝦湯好好飲泰式蟹餅外酥內嫩 咬落蟹肉鬆軟新鮮仲有麵包屑和香料 食落香口 配埋泰式甜辣醬夠開胃法式蠔汁鮮蠔芝士焗意粉呢款意粉平時比較少見幾特別鮮蠔大大隻鮮甜肥美法式保雲酥焗羊架香草和麵包糠的酥皮夠香脆羊架焗得剛剛好 肉質鮮嫩

今晚收工想去食啲好嘢飲杯酒chill下，就黎左之前朋友介紹的呢間睇到夜景的餐廳。見個menu都算幾多唔同類型嘅野食，而個drink list打開係好似會發光咁😬😬餐廳位於30樓，環境幾好，可一覽無遺銅鑼灣一帶的高樓，見到佢有個stage係for live band。煙三文魚凱撒沙律$128有三大舊的三文魚，每塊沙律菜都俾啲dressing包住👍👍香辣蜆意粉配白酒汁$168一入口好香白酒同蒜味，蜆肉大大粒，意粉做到有口感，呢個好食。慢煮西班牙豬架配蘋果醬$238職員好細心講個醬係咩黎，點醬的先後次序，入口好香炭香味，好多肉汁，一啲都唔靭😍😍鴨油焗薯仔$48好香口，個鴨油味令個薯仔味道昇華，薯仔入面仲係好濕潤。Hendrick’s Tonic $128呢個環境下飲酒chill下，唔錯🙊🙊走個時有個小小肥的男職員介紹上一層有個天台地方，可以上去睇下，佢真係好細心，仲叫我哋小心個一級梯級，落返黎仲同我哋講多謝，呢個男職員令我對呢間餐廳大大加分。

餐廳位於大廈嘅頂樓，位置都唔太難搵🥰平日時間上到去都已經坐咗幾台客，都見到唔少人係朋友聚會搵個地方靜靜地傾吓偈食晚飯～我哋嗰日叫咗三文魚子牛油果多士同埋西班牙火腿蕃茄莎莎多士😆蕃茄莎莎帶少少微辣，配搭埋西班牙火腿嘅鹹香🤤雖然佢每一份都細細件，但味道都好有層次食得好滿足😙另外我哋叫咗慢煮西班牙豬架配蘋果醬，同埋慢煮牛面肉忌廉闊條麵。個豬架上枱嘅時候比我哋想像中大好多😱非常厚切之餘仲保持到中間粉紅色嘅肉質，好Juicy🥳配搭埋佢比嘅蘋果醬可以解膩，不過兩個女仔食就略嫌比較大份🙈可能多幾個人一齊share會比較適合整體餐廳環境同埋食物都好唔錯，兩個人晚市大概食咗$800左右，而呢度嘅環境同埋食物質素性價比都唔差🥰周年紀念都好推薦去呢度慶祝～

銅鑼灣灣仔一帶美食數之不盡，今日朋友介紹喺恒匯中心高層呢邊有間靚view 餐廳，想一齊chill下～上到黎發現同場已有大約二三十人係到舉行家庭聚會，氣氛熱鬧，不過當日就冇LIVE BAND，落地玻璃可以俾大家一路食飯一路欣賞下灣仔既景色，幾岩有特別事慶祝。我地叫左一份德國豬手腸拼盤/西班牙辣肉腸青口配面包/法式蠔汁鮮蠔芝士焗意粉，本來門面+有靚VIEW以為野食價錢都會幾貴，但原來勁抵，每樣都係100-200蚊。西班牙辣肉腸青口配面包辣肉腸炒青口令到青口味道比起一般就咁焗多左D辣味同埋層次比較豐富，青口本身夠厚肉大隻，配料可以放埋上去一齊擺入口。另外，面包超有驚喜，脆同埋有好濃既蒜蓉香味法式蠔汁鮮蠔芝士焗意粉我地簡左喱個比較少見既鮮蠔芝士焗意粉，本來都有D驚會好腥，但味道原來出奇地夾~用蠔汁焗既意粉有種特別既鮮味，而鮮蠔份量亦都唔少，或者因為用左鮮蠔去焗，整個意粉整體唔乾但有濃濃既蠔味，超特別德國豬手腸拼盤豬手上菜時已經切好，唔需要另外再切。豬手味道非常好，唔會死咸，表皮夠脆，同埋廚房都切得幾好，肉同皮都可以一齊食到。腸既份量非常多，建議3個人分食，個人最喜歡豬肉腸，夾埋酸菜食可以解膩。

日前男朋友帶我去左呢間位於灣仔嘅City Dancer & Grill，食物、環境同氣氛都好好，好值得向大家推薦！餐廳喺灣仔一棟頗新淨嘅商廈高層，裝修精緻舒服，最正喺有得睇跑馬地馬場靚景！食物選擇都頗多，首先叫左蟹肉龍蝦湯，好有龍蝦味，而且啖啖蟹肉，比起普通龍蝦湯嘅口感同味道都更豐富😋另外仲叫左一個日式清酒煮蜆配蒜茸包，清酒味好香，好入味，份量都好多，而且最緊要係粒粒都無沙！同埋個蒜蓉包真係好好食🤤主食方面叫左鮮蠔芝士焗意粉同西班牙豬架配蘋果醬。鮮蠔芝士意粉d蠔大大隻，就算焗完都好飽滿，好鮮味😋芝士份量更加唔吝嗇，好「芝」味👍🏻👍🏻至於西班牙豬架肉質嫩滑，就咁食都已經唔錯，但係配埋個香甜蘋果醬，將個味道更加昇華，蘋果醬嘅甜味更可以帶出肉味👍🏻👍🏻整體黎講，食物同環境都一流，值得一試😋😋

喺銅鑼灣行完街，Search到Times Square向前行幾分鐘就有呢間30樓嘅Bar，睇相都好靚，一於黎試吓！我地見到呢幢Office Building咁靚，都估唔到頂層係一間Bar～好興奮😆Staff安排左我地去窗邊位～發光嘅飲品餐牌好特別🤣景色好靚好開揚，令人放鬆身心😎🤩✨泰式蟹餅🦀 $98好好食！真係有蟹肉，好軟熟嘅餅漿，炸得好脆🤩 唔會似普通急凍油炸品😎 其他地方食唔到！✨蟹肉龍蝦忌廉湯 $98 湯好濃稠，好夠味，亦有唔少肉👍🏻 ✨慢煮澳洲和牛面肉🐮牛根忌廉闊條麵 $198牛肉好嫰，亦冇乜牛腥味，忌廉麵好惹味，令我地食唔停口！🤣✨慢煮西班牙豬架🐷配蘋果醬🍎 $238豬肉真係燒得好好食！呢種煮法好難見到，煮得好嘅豬肉係好食過牛肉😍😋 份量好大，可以3-4個人share🥹👍🏻✨栗子合桃慕絲蛋糕🌰 $78✨焦糖蘋果蛋糕🍎 $78擺盤好靚🤩 蛋糕唔甜，好smooth，最尾食都唔膩～9pm後有Live Music😍 好聽！🎵🎤🎺🎻臨走時上去空中花園睇吓個景，好正！唔落雨可以坐戶外位😍

呢間餐廳喺30樓，一眼望晒灣仔同跑馬地嘅夜景，一入到去就會見到個台同好大個 LED屏幕，跟住問職員先知原來每晚都會有live band嘅表演🤣 🐑法式保雲酥焗羊架 + 🥔黑松露薯蓉羊架嘅面頭有一層調味，由芥末醬、麵包糠同香草組成，雖然咬落去嘅口感係脆脆地，而呢隻芥末醬偏溫和，非常之易入口，而羊架嘅肉質超級軟熟🥹 煎到外脆內嫩，食落一啲都唔騷，份量都有三大件🥳 本身嘅伴菜嘅仲有啲車厘茄，而我仲加咗黑松露薯蓉，質地好滑身，而且好重黑松露味，唔好望落好似好細碟咁，但兩個人食哂都幾飽㗎！🤣🐖慢煮西班牙豬架配蘋果醬豬架本身非常之厚身，而慢煮嘅方法就令到豬架依然充滿肉汁，表面煎到焦香，而質感保持軟熟，配埋綿密嘅蘋果醬非常之夾，甜甜地好解膩😚🍷 Chandon Garden Spirit難得嚟到咁有feel嘅餐廳，忍唔住嗌咗杯酒🤣 飲落甜甜地，非常之易入口，啱晒女仔飲臨走嘅時候先發現原來餐廳有個天台，有室外嘅位，bookmark 定下次可以同朋友喺度飲杯酒 chill下！

今日突登拎假休息，膽粗粗揾左一間一致好評既餐廳同朋友食，結果都真係冇揀錯！🤩呢間餐廳位於一棟商業大廈頂層，冇去過絕對唔知呢到有間餐廳係到🥹 我同朋友避開繁忙時間，大概兩點幾先到，好彩仲有lunch set揀🥳一入到去，已經俾個景觀嚇親，勁開揚同埋勁靚，望到維港急跑馬地馬場😍😍 餐廳好大，樓頂好高，感覺好闊落👍🏻 隔離仲見到有個Band show area，係for餐廳夜晚有live band show，可惜晏晝冇，如果唔係一定好有氣氛🤩隨即同朋友點咗兩個lunch set加小食，話晒都放假嘛😗前菜 （蕃茄蝦湯+香草麵包&蕃茄麵包）首先So sorry🥹🥹店員好盡責講解湯同麵包既製作方法，但我腦裝草，唔係好記得佢講咩🥹淨係記得佢話蝦湯好濃郁係因為用鮮蝦蝦殼煮兩次等等。的確，真係好有鮮蝦味，反而蕃茄味一開始唔係好出，慢慢地先會飲到蕃茄既味道，仲有橄欖油同埋黑椒俾你按口味調配，而淨係湯既份量都唔少！🙈另一方面，麵包分香草同埋蕃茄味。香草味好香好鬆軟，蕃茄麵包都好特別，比香草麵包較脆，好加分🤩香煎帶子、野菌配黑松露魚子醬凍天使麵 ($168)朋友食左一啖就爆咗句好好味！賣相方面，兩種菇圍住天使

早兩日坐喺呢到天台食飯。我哋叫咗一份芝士焗波士頓龍蝦同埋煙燻三黃雞。煙燻三黃雞真係好特別。佢以一個好靚嘅木盒包裝，香氣四溢，煙燻味好撲鼻，真係令人食指大動。佢嘅皮脆肉嫩，雞味香濃，仲有啲豉油嘅味道。一咬入口，啲肉汁就噴出嚟，口感好豐富。佢嘅煙燻味同啲香料完美咁融合埋一齊，令味道更加層次分明。同埋，我要特別提一提佢嘅木盒包裝。呢個設計真係好有心思，增添咗食物嘅視覺享受。整個用餐過程都好賞心悅目。呢間酒吧嘅芝士焗波士頓龍蝦真係一絕！佢嘅龍蝦肉質鮮嫩彈牙，每一口都充滿咗鮮甜嘅海鮮味道。佢哋將龍蝦肉同芝士巧妙地結合埋一齊，焗熱之後，芝士融化咗，形成一層濃郁嘅奶酪蓋喺龍蝦上面。呢層芝士烤到金黃色，食落嘅時候好香口！

最近因為朋友生日，所以諗住搵間靚靚仔仔嘅西餐廳同佢慶祝，無意中見到呢間restaurant and bar。佢個位置喺灣仔旺中帶靜嘅一角，因為夠高層再加埋落地大玻璃，望到成個港島夜暗超級靚，仲有天台露天位俾人chill，不過𠸝唔好彩嗰日天氣唔係幾好，所以我哋坐喺室內，一樣咁正。佢夜晚嘢食有好多選擇，有set dinner同a la carte，仲有好多自家調製嘅Cocktail。Set dinner前菜我哋揀咗日本帶子三文魚蟹子他他，嗰日嘅餐湯係南瓜湯，main course方面就揀咗香煎加拿大牛柳配和牛頰肉焗薯伴香草紅酒汁，仲包埋個甜品。他他上面嘅海鮮好有鮮味，開胃一流。牛肉煎得好腍，本身都已經有好多肉汁，點埋個紅酒汁食再昇華，甚至連個伴碟焗薯都好好食，絕對唔係交行貨。我哋仲散叫咗香煎三文魚配香滑薯蓉伴蟹肉忌廉汁、三文魚子牛油果、西班牙火腿蕃茄莎莎多士 ，各有兩嚿。多士好surprise，牛油果唔會太熟啱啱好，令人一啖接一啖咁食。今餐VIP係三文魚，喺出邊未食過呢隻味嘅蟹肉忌廉汁，好襯三文魚！我同朋友認同會為咗佢而encore。慶祝生日梗係要飲酒，我同朋友都叫咗gin tonic，為

見啲朋友打卡喺呢度食晚飯，氣氛唔錯，有好靚嘅香港夜景睇，仲有live Band！🎤約埋三五知己嚟呢度飲吓酒、聽吓音樂、成個環境氣氛好好👍🏻西班牙火腿田園沙律、曼徹格芝士、自家醃製洋蔥、青瓜作為前菜，叫咗parma ham salad,有少少dressing 喺上面，開胃🤤虎蝦仔煙肉蕃茄意大利麵份量十足，個蕃茄醬好濃郁～香脆薯條脆卜卜，而且超級大份慢煮西班牙豬鞍紅酒香草汁呢個豬鞍十分推薦，一切開嘅時候已經有一啲肉汁流出嚟～用慢煮嘅方法令到佢嘅肉汁超級嫩口，食落都好啲肉好厚實，食多幾舊都已經我哋都好飽，而且配料都有醃製過，所以成碟都係比較濃郁嘅一味菜式焦糖蘋果蛋糕栗子合桃慕絲蛋糕叫咗兩件cake~ 焦糖蘋果蛋糕會較甜栗子合桃味則較濃味