Coffee Art

营业中

休息中

放工！終於放暑假了！☀️同同事衝去食野勁嘅慶祝！🥳🥳三文魚蟹籽忌廉汁意粉X柚子沙律X海鹽無糖朱古力（回甘！口感超級立體、有層次！）p.s. 駐場coffee latte artist 欣賞我影的食物同飲品相，請我air drop 張相俾佢😛😛清新風的cafe給人心曠神怡、悠閒寫意的感覺恍如置身台灣某世外桃源一樣Open area kitchen空間感很大很讚很適合跟三五知己來談天說地

同事講开將軍澳開咗間cafe啲咖啡好得， 今日中午有少少時間去咗新都城嗰邊買嘢順道去試吓。睇返Openrice 餐廳提示喺寶琳A1出.. 但憑經驗應該C出口 過對面馬路行多幾步就到， 就算想行商場過都應該係B2出口。。 Cafe新開，半開放式廚房， 裝修以木為主調，亦有不少專業嘅咖啡調製機器。Cafe 當然有all day breakfast， 以及各款snacks, cakes. 午餐價位五十幾至七十都有, 有沙律/牛油包＋主菜 ＋ 餐飲。餐飲是伯爵紅茶。 餐飲轉咖啡加$25。Flat White 牛奶咖啡拉花做了兔仔造型， 特別可愛醒神。 咖啡味濃郁中带甘香， 有層次， 能夠飲到一杯好嘅咖啡一整天都能充滿活力。蒜香蜆肉意大利粉午餐 $65端上枱已聞到好香嘅炒蒜味道， 意粉軟硬度適中， 但食落蒜味並唔強烈而且味道較為清。 蜆排得 整整齊齊圍住意粉， 肉質唔算太鮮甜還好沒有沙～ 可能熟咗之後沖洗得太乾淨了～

約咗朋友新都城交收，早餐都無時間食， 平時好少行到呢個位置，因為都幾近馬路呢！ 發現新開有一間coffee art 內裡幾光猛，於是同朋友順便食個餐先， 大堂有幾張枱和一個玻璃放蛋糕嘅櫃，中間有一個露天專做cafe 嘅位置，侍應生常在這位置忙於沖咖啡，後邊近馬路有一排排嘅座位，感覺真係幾大㗎，我們便選擇後邊坐，因為有落地大玻璃，望住啲車來來往往幾爽下，而且望住出面好舒服和很光猛，坐住響度唔覺得好熱。套餐:溫泉蛋煙肉白菌忌廉汁意粉配柚子沙律$58溫泉蛋滲入煙肉裡面更加滑，再加埋白菌忌廉汁真係至愛呢！佢啲意粉不太淋也不太硬，我就鍾意呢種爽口嘅感覺👍😋香煎龍脷柳南瓜汁意大利飯配香草牛油法包$75龍脷柳煎得好脆香，粒粒飯都沾滿著南瓜肉食落很爽口和很濃郁南瓜味。👍加$20👉焦糖雞翼(三隻) 雞翼係香口的，不過過咗小小火猴，雞翼有啲硬。😂加$28👉甜品是蘋果芝士蛋糕Cake上面有好多蘋果肉，食落去都食到啲蘋果蓉，好有口感啊！味道好夾呢！👍套餐還有兩杯伯爵紅茶送添。☕☕😀

兩老快要去旅行，但他們並不是只顧住執拾行李，反而擔心我家中的大小事情，決定走來我家一趟執整。結果老爸忍不住第一時間便把風扇拆開清洗一輪，真係辛苦晒！見他勞動一輪，我當然識做，馬上陪他嘆個下午茶。老爸第一時間就話要杯咖啡，而附近較為有特式的咖啡店只有它。開放式的門口，感覺寬敞開揚。灰泥色的牆身，配上設在店子正中的咖啡沖調區，裝潢好型格。近門設有兩張大長枱，休閒寫意feel；咖啡沖調區後有排舒適的梳化座配二至四人枱，座位不算很多。最吸晴除了有專業磨豆機和沖調咖啡機外，還有一間炒咖啡豆大房間，看來此店非常專業。********************2:00來到，看看多份menu，有All Day Menu、Snacks、Homemade cake、Tea set和Drinks，還未到下午茶時間，故先在All Day Menu點一款食住先，揀了Art of Bowl（$78），貪它用料豐富健康。嘩！滿滿一大碗，逐一細數，有甜美的提子乾、香脆的雜果仁、有益的三色藜麥、香滑的牛油果、清爽的雜沙律菜，伴入酸咪咪的柚子青檸汁，好fresh，好醒胃！仲配了兩大塊香脆兼滿有牛油香的牛油法包，真係夠晒飽肚

收早行下屋企附近商場，見到有間cafe新開望到裏面格局好闊落，重要係大玻璃有自然光入舖，成件事好chill好舒服，決定入去食個early dinner😌Menu都好特別，有於一般cafe，今晚我就order左帶子黑松露藍芝士忌廉汁手做薯仔粉加杯Mocha，本來我諗住飲水算，但見到佢杯Mocha係寫住用70%無糖朱古力整，即刻引起我興趣上枱啦，個拉花好靚，係獨角獸😍影咗幾張相先捨得飲落肚，味道都係我鍾意嘅，偏淡但順口，係飲完會好舒服好好心情嘅個種至於個薯仔粉，每一粒都咬到有薯仔粒，而且個醬汁係極濃，如果係芝士或者黑松露嘅fans一定要試吓，真係過足囗癮，但都有個缺點就係好快飽，細食嘅可以shear一碟另外朋友叫咗番茄海鮮意大利飯，口味比較清新，不過不失，可以一試仲有其他小食薯條 係即叫即炸㗎 脆卜卜又夠熱白酒煮蜆呢啲都幾好味，平時如果得閒想同朋友坐好啲，大力推薦呢間cafe

今天到新都城中心探朋友，順道落樓下揾食，朋友帶路來了Coffee Art，說這裡的食物不錯啊一入門口，已給人很舒服的感覺，找了個窗口位坐下後，便開始研究餐牌。我們叫了兩個set，一個是西班牙杜洛克豬架，及煙三文魚蟹籽忌廉汁意粉。跟餐有柚子沙律，酸咪咪的，很適合夏天食吖煙三文魚蟹籽忌廉汁意粉口感很好，煙三文魚和蟹籽的配搭很夾，忌廉汁夠香，意粉彈牙爽口，西班牙杜洛克豬架很有驚喜，豬架大大件，兼肉質鮮嫩，配埋白酒杏桃汁正到無朋友，把豬架的鮮味提升出來啊餐茶是伯爵茶蛋糕有多款選擇

平晚我放狗，已留意到呢間新開的咖啡店， 吸引我的是簡約風装修，很休嫻恬靜的感覺 街坊門一般會去新都城2期搵食，我就試下呢邊3期，無咁迫爆的感覺 今晚就去捧埸啦!Order 了慢煮紅酒牛尾意大利粉 意粉要煮比較耐先稔，不過正因為意粉韌力比較強，好容易唔覺唔覺就煮過龍！但這裏煮得很彈牙又有嚼勁 即意大利人所說的Ai Dente! 牛尾煮得稔透，濃濃牛尾香, 肉軟鬆潤!配上海盬朱古力， 無糖架，不會太大犯罪感 用上比利時70% 純朱古力，很香很綿滑!另一款三重蟹肉意大利粉，醬汁濃稠，汁内滿滿蟹籽，與意粉融合得相當均勻再咬咬珍寶蟹棒，非常满足呢 我是熱情果的 fans, 加10元有1小枝，味道濃郁的，也值得一試

星期六和老公訓夠最岩就是食個brunch, 新都城到處都是人，想悠閒地吃個早午餐便想起coffee art我們特意選坐在靠窗的高台，看著窗外人來人往，感覺份外悠閒我們點了兩個主菜和咖啡帶子黑松露藍芝士忌廉汁薯仔粉 - 一上菜便聞到很重的芝士味，帶子有三粒，配上黑松露忌廉汁是十分夾！最驚喜是薯仔粉，十分煙韌，口感特别，每一口都是濃濃的藍芝士醬，真是吃不停口西班牙豬架配白酒杏桃汁 - 賣相十分好，豬架配杏桃汁，感覺清新開胃，配菜是炸薯仔，炸得香脆可口豬架肉質鮮嫩，十分juicy!Cappuccino - 吃早午餐不能少的泡沫咖啡，美美的拉花配上香濃的咖啡味，令人心情愉快Latte - 老公點了冰凍的鮮奶咖啡，味道不過不失此餐廳食物質素高，而且環境舒適悠閒，是週末的好選擇！

今日終於係黎食午餐，試下呢度嘅意粉、咖啡！ 唔知點解，好多時都揀咗齋，呢度都有😁 而女友呢，又揀佢愛食嘅蟹柳，但呢個意粉係三重蟹添！ 成個名係 “三重蟹肉意粉” ，三重係⋯⋯蟹肉、蟹柳、蟹籽！ 叫餐本身係有杯伯爵茶送，加25蚊就可叫手調咖啡☕️忘了叫遲啲上，落單無耐就到⋯⋯我杯係 cappuccino， 女友要 flat white😌☕️ 但⋯⋯兩隻都只係一般仔，下次黎都應該唔會叫咖啡 lu⋯⋯🤭我個素意粉到先😃 幾香喎，亦都幾好味，好夠熱，唔錯😋👍🏼女友嘅三重蟹都到😃 靚喎！香喎！望落都好足料添！好味😋👍🏼 三條蟹柳係有蟹柳味個重，好味😋👍🏼

早排見開左間Coffee Art，裝修唔錯，近日又收到coupon，今晚終於執試一試。環境的確唔錯，坐得好舒服，但食物真係差左少少，絕對唔值呢個價錢，喺新都城要生存應有d難度。沙律不過不失南瓜湯略甜，有d似南瓜露，以為食緊甜品海鮮飯真係奇差，飯係勁硬，蝦係霉嘅，青口係白烚完，完全無味的，所有野味道係分離嘅，完全難食。紅酒牛肉意粉正常d，但都略淡口，加番少少鹽會好少少。黑松露雜菌意粉，呢碟算係最好味，唯一一樣唔駛自己調過味。

今次係今個月第二次到來，但亦未有機試呢度嘅咖啡😅 因早上在家時已經嘆咗😌 兩次到來都係為咗醫肚仔，仲要係 tea time 😝但總括兩次嘅食物，我倆對食物嘅評價都只可以說 ok⋯⋯兩次都有叫 mini all day breakfast，價錢$45,$50⋯有幾款選擇，今次叫多一個牛油果醬多士配金柚貝殼粉沙律，再加$20蚊，要個焦糖雞翼兩杯靚茶先到，上次已覺得呢隻茶唔錯，夠香，我倆都幾鐘意㗎😌😌我個先到，賣相靚㗎，味道就一般了，尤其是個沙律，可能我倆唔多鐘意呢隻貝殼粉加呢種泰式醬，其實可以考慮下用醋汁⋯⋯跟住上一次食過嘅牛奶滑蛋，牛油法包，雜菜沙律配蘑菇，上次覺得兩塊包嘅牛油太多，今次叫店員落少啲，好咗少少，今次嘅蘑菇同蛋都比較淡，唔及我倆第一次食🤨焦糖雞翼，望樣幾好，不過食落就麻麻⋯⋯

屋企附近新餐廳，無理由唔試下，食物質素唔錯，不過侍應態度要改善下，需則無要求滿面笑容，但個樣黑口黑面，如果係想俾人一d relax 嘅感覺去用餐嘅話，就真係要留意下啦！整體食物味道係幾好，我諗我都會再去

今日到寶琳食lunch，見到呢間新開的coffee shop，決定一試店內裝修新淨，主要用落地大玻璃，店內光線充足很光亮👍🏼👍🏼👍🏼，我們被安排到近玻璃的座位，座位很寬敞，但是略嫌冷氣太大風，食物很快就被吹凍我地二人叫左一個Lunch set, 再加個黑松露薯條，蘋果cheese cake 同 熱Americano.前菜係柚子沙律，蔬菜很新鮮，配合柚子醬味道好清新😋😋😋黑松露薯條，薯條渣到外脆內軟，應該係即叫即炸。個蟹子三文魚意粉都好好味👍🏼👍🏼蟹子同三文魚分量好多😍Apple cheesecake 其他地方很少見，蘋果同cheese 都好㚒😋😋👍🏼👍🏼連杯Americano 都好香☺️☺️

放假先黎落雨，唔同連個天都唔鐘意我？唔緊要嘅，去屋企樓下商場食個brunch又得啫😋從前已經去過位於觀塘的Coffee Art，難得最近在家附近新開如此舒適又開揚的分店，於是去試試看。三重蟹肉意粉 $98 🦀本身掛在意粉上的忌廉汁已經十分入味，加上蟹肉拼蟹籽，入口會有種爆一爆的感覺，口感豐富，加上香煎過的蟹柳條，不錯不錯👍🏻石斑魚柳南瓜忌廉汁意大利飯$138 🐟難得在餐廳見到這配搭的意大利飯，特別想試試看。石斑魚柳肉質結實且鮮味。南瓜忌廉汁意大利飯非常香甜又濃郁。個人認為意大利飯偏硬，但整體還是高質之選😝黑芝麻芝士蛋糕 跟餐+$28🍰🧀同樣是其他餐廳難看到的芝士蛋糕口味，因此我不得不試。比起普通的芝士蛋糕，這個黑芝麻口味更加輕盈，散發着淡淡的黑芝麻香味🖤Flat White 跟餐+$25☕️ 拉花是不錯的，味道缺甜。另外咖啡師端咖啡來的時候，咖啡已傾瀉到咖啡碟中。

因為晚收工，在商場的廣告牌見到brownie，突然好感動，就決定要試試。餐點選擇不算多，但素食、肉食、澱粉、甜品……應有的都有了。老實地做好幾款食物，其實真的很足夠。我們點了art of bowl，滿新鮮的蔬菜、莓、有健康的牛油果、藜麥、果仁，最點睛係個柚子青檸汁，令整個沙律好清新，好美味。另外點了石斑南瓜意大利飯，味道不會太濃，不會滯，同樣恰到好處。最後試了鐵板焦糖香蕉雪糕brownie。有朱古力的香味但不會太甜，配上香蕉同吃，口感又不同了，很好吃。真的會再來。