Coffee Art

营业中

休息中

如果係三五知己，同一大班朋友既，絕對推介過呢間一食，佢都係類似cafe食意粉,有位朋友聲稱係到食左人生最好食意粉,我亦推介自己較為有印象既先。三重蟹肉意粉，真心好食，有真蟹棒，my favour,而且個汁都好夾，好想一個人獨享。跟住佢個黑松露薯條又係推介之選，新鮮炸，松露醬岩岩好，唔會太濃太搶味，如果你好黑松露另計，但你點都估唔到最推介係佢既湯阿，必定要加同要食，我無試到人生最好食意粉，但個湯反而有可能係，絕對唔係一般湯🤪

假期一人獨自去食，在門口等了二十分中左右，有一位戴眼鏡的女生問我搭枱可以嗎，我說可以，之後帶去窗口位置是一張二人枱對面是一位男士冇問題，但當我去到梳化座位時，梳化上滿是長長的頭髮好污糟，叫帶位女生比紙巾淸理她沒回應，只行開去送餐，我企在位之後她回來給我紙巾抹，第一呢D服務態度巳不好，座位污糟應是員工清理不是客人。之後我說轉位，情況也是一樣，奈何排隊那麼久又不想再去其他食，只好坐在另一邊。點餐再加啡，期待的咖啡失望，不是熱只是暖，又忘記給咖啡糖。埋單去櫃檯問是否這裡比錢，問了兩次才回覆，太多人但服務真是很一般，冇下次

同太太假日去左coffee art 新都城食brunch. 我叫左Deluxe All Day Breakfast, 太太叫左帶子，黑松露，藍芝士，忌廉汁手造薯仔粉(無晒薯仔粉，改左意粉)。All Day Breakfast幾好食，最有驚喜係個煙三文魚薯仔粒。意粉幾彈牙，帶子好新鮮。Cappuccino好飲過Starbucks 多多聲！

Weekend下午茶時段尼，好好生意，都幾full，人手顯得有啲不足。叫左一杯latte，一杯cappuccino ，咖啡的確係好飲，奶味唔會cover左啲咖啡味。唔似得某兩間s同p字頭嘅連鎖店，好似飲緊有咖啡味嘅奶咁😂意粉都好味😋

成日都覺得有些餐廳在你還未有試過時, 單憑餐廳的門面, 設計, 氛圍及服務員的「面口」, 已經可以給你一種舒服, 好想一試的感覺, Coffee Art 正正滲透這種魔力。 簡潔的裝修,柔和的燈光,寬敞的空間, 舒適的椅子, 很快很快, 我已經代入了 (我估) 店主想帶給食客的悠閒放鬆的自在環境,仲情不自禁「少女心」地打了咭。再看看食物可唔可以帶我到更滿足的境界。 想試是否只是虛有其表, 今次同朋友點的都是比較「基本、踏實」的菜式 – Deluxe All Day Breakfast, 黑松露雜菌忌廉汁意粉同試試柚子芝士蛋糕。 先有跟餐的南瓜湯有南瓜的綿密香甜,飲得好舒服。+$10 想試的青蘋果汁感覺比一般蘋果汁帶多一點酸, 最好是夠凍。 + $25 Latte奄尖朋友竟然全無投訴, 唔怪得叫Coffee Art 啦。 Deluxe All Day Breakfast平均, 食材新鮮。尤其鍾意個略帶天然甜的紫薯蓉及調味出色的三文魚他他。 黑松露雜菌忌廉汁意粉非常香濃的組合, 但好好地平衡了黑松露和忌廉的味道,不會互搶而且混合成美味, 不錯。 柚子芝士蛋糕感謝柚子, 減少了食這個濃郁芝士

今日唔洗返工，同屋企人趁lunch出去食呢間位於新都城一期嘅coffee art：平日有lunch set，送伯爵紅茶，價錢都幾親民：Lunch set唔啱食都可以叫all day menu，都送伯爵紅茶，選擇好多：我哋叫咗兩個set：煙三文魚蟹籽忌廉汁意大利粉（$68）：屋企人叫呢個，份量都幾多：三重蟹肉意大利粉（蟹籽、蟹肉、珍寶蟹棒）（$98）：我見到幾多人叫呢個，所以跟住叫，果然有驚喜！個珍寶蟹棒係煎過嘅，好香，加埋好多蟹籽，令到個意大利粉好有口感！

經過一星期忙碌，來到中秋節過後假期，想靜靜的坐下來歎杯咖啡，享受悠閒時光。決定嚟到將軍澳Coffee ART。餐廳裝修很有格調，感覺悠閒寫意。餐牌有不同菜式可供選擇。Mini All Day Breakfast 沙律菜鮮嫩翠綠，炒蛋嫩滑，多士香脆，煙肉香口，非常滿足。三重蟹肉意大利粉珍寶蟹棒大大條，蟹肉鮮甜，意大利粉軟硬適中，忌廉汁加上脆卜卜蟹籽，絕配。日本柚子芝士蛋糕忌廉芝士拌入柚子，瀰漫清怡果香，酸甜味適中。伯爵紅茶隨套餐附送。

無意中係新都城嘅角落有一間小店Cafe 原來之前去觀塘食過依家開到去將軍澳寶琳👏🏻環境舒適、唔嘈雜，適合三五知己過嚟食野傾計食物種類方面，除咗意粉、burger 仲有all day breakfast同 甜品當然唔少得咖啡！仲要價錢係將軍澳區黎講算係抵食西班牙豬架配白酒杏桃汁 ($108)豬架煎得夠鬆軟，肉質尚算彈牙！而比較新鮮嘅係佢嘅汁，好少出邊會見到呢款汁，白酒杏桃汁配埋豬架感覺幾清新黑松露薯條 ($38)薯條炸得成條脆身，而精粹在於點埋黑松露醬黑松露忌廉雜菌意粉($78)呢一個係晚餐Set ，包咗餐湯同埋飲品，黑松露醬夠濃郁，再加入雜菌煮到杰身伴意粉

餐廳環境時尚以黑色為主調，配木質桌椅感覺悠閒寫意今晚人多，窗邊位滿座，坐向商場位置，都寧靜舒適～食物中高價位，晚餐好似由68起我就點咗3重蟹忌廉意粉$98 & 牛小扒黑松露意大利飯$158 & 焦糖雞翼$20睇賣相已經心心眼師傅煮意粉有功架～ 意粉煮得剛剛好唔會淋唔會硬，襯埋足夠嘅忌廉汁～very good! 三蟹係蟹肉 、 蟹棒及蟹籽蟹棒唔係白烚而係唔知道炸定係燒過，但完全唔油，好好味！牛小扒好有牛味，juicy，食得出係靚貨，絕對唔係梳打粉「乜母」出尼既，有咬口但唔會鞋意大利飯好正宗，充滿黑松露及菇類既香味，食到粒粒意大利米，同高級意大利餐廳既一樣！而唔係快餐店所謂既意大利飯（實質係忌廉湯撈絲苗白飯）雞翼好難唔好食嘅～見到閃令令既皮就知唔會伏啦～推介！會再來Ps.我唔飲咖啡，但我見到隔離桌客人點嘅咖啡有靚靚拉花，好想試

在寶琳新都城廣場有很多食肆選擇，見這間咖啡店設計簡約文青風格，而且價錢亦很便宜，和我朋友進去食個輕便晚餐。黑松露雜菌忌廉汁意大利粉好有驚喜，首先意粉很彈牙，而忌廉汁本身很重野菌和洋蔥味道，最重要是黑松露份量十足，整體味道一流！Egg Benedict 配煙三文魚牛油果法包荷蘭汁本以為是輕食，但都很足料，加了牛油果很飽肚，另外面頭的芝士都很惹味，因為材料多，所以口感有層次。焦糖雞翼又幾甜蜜，$20/3隻真心抵吃呀！Latte 係很有水準，咖啡香醇順滑，有奶泡口感又保留咖啡的香味！不論裝飾、服務和味道都很有水準，非常值得欣賞！

星期日中午同朋友嚟到寶琳新都城去一間文清Cafe食lunch, 等左一陣，終於入到去，餐牌有好多選擇，有breakfast, Meat, Burger, pasta 同risotto都有，最後決定要一個art of bowl同薯仔粉伯爵紅茶Art of bowl好大碗沙律，有提子乾，雜果仁，三色藜麥，牛油果，雜菜，香草牛油法包再加啲柚子青檸汁，真係好Fresh,食完好開胃,好健康，好啱鍾意食素食嘅人帶子，黑松露，藍芝士，忌廉手造薯仔粉第一次食薯仔粉，原來咁特別，好有口感，再加一啲帶子黑松露藍芝士，原來係咁夾

家居保即將到期，今日約咗保險經紀續保，她說吃過將軍澳新都城中心Il期的Coffe Art唔錯，建議去食Lunch同簽埋家居保份續保單，又可以傾下計，餐廳在馬路邊，環境光猛，坐落都幾舒適。餐廳有set lunch供應，價錢由$58起，我地要咗兩份。午餐頭盤我地都要咗柚子汁雜菜沙律，沙律菜十分新鮮，加埋柚子汁食落酸酸甜甜，好清新開胃😋煙三文魚蟹籽忌廉汁意大利粉，煙三文魚同忌廉汁係最佳配搭，意大利粉不軟又不硬，食落有少少彈牙，撈埋蟹籽食，脆卜卜，正😋温泉蛋煙肉白菌忌廉汁意大利粉，温泉蛋半熟，蛋黃漿渗入意大利粉，意粉更加香滑，蛋香味濃😋餐後甜品，我地加$28要咗一件蘋果芝士蛋糕，蛋糕有粒粒蘋果同無花果肉，芝士味唔太重，同蘋果粒好配合，又唔太甜👍🏻餐飲係伯爵茶，可以加$10轉樽裝果汁，我地就轉咗芒果汁同熱情果汁。

讚1. 份量大，口味都頗好，意粉爽滑煙韌，醬汁係仲有啲蛋味，咖啡都好，有豆香2. 環境幾舒服，雖然多人，但唔會覺得逼狹彈1. 上菜係慢既，最慘係人人上菜時間都唔同，齊上齊落都好丫2. 侍應有啲難搞，無笑容係小事，但問問題時，講到好似要我讚唇咁細聲又點搞呀

朋友從外地回來，所以特意約出來聚一聚，朋友家住康城，所以就選了在將軍澳區的寶琳。上次和朋友來過Coffee Art 晚飯慶祝生日，食物環境不錯，所以今天再次到來。今天看到有午餐供應，價錢吸引，所以就點了溫泉蛋煙肉白汁意粉意大利粉，味道如卡邦尼意粉一樣，香濃忌廉汁，份量也不少。午餐還送上沙律，柚子汁沙律醬令沙律菜美味道大大提升！另外點了Deluxe all day breakfast, 來到看到食物樣子，未食已經満足了一半，份量也頗多。很喜歡炒菇及炒蛋，三文魚他他也很好吃，只是份量有點意猶未盡。至於咖啡，是真正coffee shop 水準！埋單$226，有意粉丶沙律，all day breakfast, 高質素咖啡，是約朋友傾計推介之選！

再嚟將軍澳 coffee art 在試呢度嘅下午餐，非常抵食環境清幽，對住路邊窗口位，一個悠閒下午餐，係非常有意思嘅，簡單咁叫咗幾個餐。柚子沙律 酸酸味味，都係好正嘅配配料。黑松露意粉 加個蒜蓉包味道好，意粉軟味道，有口感 ，黑松露係我嘅至愛。煙三文魚蟹籽忌廉汁煙三文魚就唔同普通三文魚刺身食法， 有魚子大大粒，忌廉汁又好味，食魚仔就好似執豆咁食得好爽呀!蒜香蜆肉微辣意粉 又唔算棘，有咩感覺，食落搶住啲蜆仔嚟食，圍住好快清曬。 粗薯條配黑松露醬佢配 顯富食都係好味嘅。 精選蛋糕有蘋果芝士蛋糕，同無花果芝士蛋糕，都係好特別嘅，味道食落軟硬適中，味道清甜。