DALLOYAU

营业中

休息中

因為有海港城coupon， 所以買咗盒送畀朋友， 不過過左兩日準備送畀朋友嘅時候，貼紙甩開咗，朱古力散開曬， 嘗試再黐番實啲但係貼紙似乎冇乜黏力， 希望下次有機會再買嘅時候會有所改善， 好少盒裝朱古力會出現咁嘅情況圖中嘅choco box係喺dalloyau借圖以便反應

海港城真係好鬼大，餐廳選擇好多，嗰日行得耐，真係是但入一間坐下，用下佢啲coupon。最終去咗Dalloyau，叫咗杯 flat white，幾香，但不是濃烈咖啡味，個人偏好苦一啲。柚子芝士蛋糕($58)，味道清新，不過有點死甜，可能係糖太多的關係。芝士火腿三文治配咖啡（$113），反而三文治幾出色，芝士唔會過量（好怕嗰啲為咗打卡，勁加芝士落去增強拉絲感嗰種），包面烘得剛好。鋪面有啲細，不過當日無乜人，坐得還可。

朋友介紹左熱愛開心果雪糕同甜品既我 黎到Dalloyau 話呢度既開心果蛋糕世一 咁我緊係即刻衝過黎試試啦老實講佢地個 開心果朱古力榛子蛋糕 賣相係最普通 見到真身之後 有啲動搖 因為咁既價錢緊係想食件靚靚蛋糕架啦 不過最後都係要左開心果我以為係好軟好棉既texture 點知一切落法質地非常硬 硬到要用啲力先切得到 食落口 開心果既味道即刻湧出黎 接住係榛子既味道 佢地相互交替出場唔會搶到對方既風頭 蛋糕質地雖偏硬但有朱古力醬係中間 提供濕潤既口感偏甜架 送杯咖啡會唔錯熱朱古力 普普通通 偏苦同澀 飲半杯已經超級飽肚!今次大約五點左右黎到餐廳 大概等左15分鐘先有得入座

海港城有美食券，買野同食飯係名單中既店舖都可以享用。呢間係其中一間，因為中秋節將到，所以我走左黎呢度買一啲餅乾送禮，但可以用美食券，相應地野食係半價。如果無券，我都會買黎食，佢既餅乾都好出色，呢個價錢係可以一試

我不是馬卡龍fans， 不過今日想有d儀式感，就想買黎食下馬卡龍 $24/粒，要9粒先有盒呢咁就唯有買9粒...一食有驚喜佢竟然唔會勁甜！外脆內軟個人偏好柚子，檸檬，紅莓等酸酸口味但佢朱古力，焦糖甜度亦都恰到好處！無膩嘅感覺！因為唔會勁甜，我連續食了4粒都無覺得嫌會想再買另外，佢附有乾冰&冰袋，盒內頂部都有透明蓋作保護，送畀女仔朋友應該會好開心

因為附近甜品舖太多人排隊，但食完飯又好想食個甜品完美作結，就求其搵咗間食🍰$68 Blcak Truffle Opera食落真係有黑松露味，但可惜個人認為黑松露同甜品真係唔太夾🥲$58 Raspberry Opera見櫃內得番最後一件所以叫咗，算係咁多件入面最好食，但都不過不失🥲$50 Pistachio & Chocolate Hazelnut Cake食落係好淋的布朗尼🤔開心果味可以再重點，榛子朱古力味反而蓋過咗🌰$58 Yuzu Cheese Cake柚子味香，蛋糕軟稔，但芝士味又唔夠🥺$58 Dalloyau見佢用埋做店名諗住有驚喜，點知叫蛋白餅但又唔夠馬卡龍脆，叫蛋糕又略嫌硬身咗少少🤏🏻係好多榛果碎好香，但⋯都係金莎好食🥲總括而言，後悔冇睇下食評先🌚個樣係幾好睇打卡able，可惜五個人食五件細甜點都覺得好膩好漏x_x真係可一不可再🥲

紅桑子歌劇院蛋糕🍒朋友覺得依個最好食。蛋糕上面有層紅桑子朱古力，酸酸甜甜咁，幾開胃。下層就係比較普通既朱古力蛋糕😕但有啲可惜既係紅桑子朱古力味道唔算太濃，加埋下面蛋糕一齊食就要食真啲先食得出🙈黑松露歌劇院蛋糕🍄一食落好重黑松露味，但後勁唔大。但我同朋友都覺得黑松露配上朱古力蛋糕呢個組合係有少少怪🙈焦糖脆榛子杏仁蛋白餅🌰食落又真係好榛子，就好似食緊金莎咁🤣中間杏仁蛋白餅得好少，令整體成個餅偏甜偏膩。開心果朱古力榛子蛋糕🍫個蛋糕偏實，實到好難吉，食落口感似brownie 多d。開心果味一開始好出，但食多幾啖之後就只係食到朱古力味🥴柚子芝士蛋糕🧀係正正常常既味道，上面有柚子啫喱，同埋柚子醬，下面係mousse 蛋糕。依個cake係五個入面最清新果個。

第一次來Dalloyau，感覺上是很適合女士打卡的地方，裝修很漂亮，坐得亦很舒服，在場的客人通常都是情侶，或幾位闊太之類的女士。今天我點了$138的莓果羅勒慕絲撻套餐配了一杯Cappuccino，朋友只點了一杯Americano。莓果羅勒慕絲撻上共有三種不同的莓果，出乎意料的一點也不酸，因本人比較怕酸的，berries很新鮮，少少甜，配合中間粉紅色的慕絲吃下去有很清新的感覺，除了外觀很漂亮，其實也幾好吃的。其實這個價錢吃的除了食物，還有是感覺，耐唔耐來一次都幾好。

我自己好中意食macaron，所以都成日會買，不過呢間就第一次買咋。馬卡龍 一共買咗3隻味，柚子香幾香柚味，但甜度偏高，同埋佢一咬就碎哂，應該唔會再買呢隻味。松露朱古力真係有黑松露味，幾特別，冇諗過可以加埋一齊食，甜度就啱啱好，好過柚子味。三隻中朱古力味最好食，唔會過甜而且朱古力味濃郁，又唔會一咬就碎，呢隻買得過！其他評價：因為用咗海港城coupon，所以70蚊有5粒，呢個價錢就抵，但如果原價，只會買朱古力味食。

到海港城閒逛又想飲杯咖啡，見DALLOYAU 有好多好靚的甜品、朱古力、蛋糕等好吸引，而且唔需要排隊便入去試試。套餐精選可選自己喜歡的，有唔同價錢，都有好多選擇。藍莓鬆餅+ 鮮奶咖啡套餐，鬆餅比較重麵粉味道，我不太喜歡，Latte 都算幼滑，質素不錯。朋友叫了一杯王牌朱古力飲品，她說好好味，好香滑，不過唔夠濃。

DALLOYAU👁‍🗨尖沙咀廣東道3-27號海港城港威商場3樓📍GW3220號舖@----------------------假日想悠悠閒去食個Tea，就選依間歷史悠久專賣法式貴族甜點嘅Dalloyau由於無得訂位就一早12:30pm 左右到步，門面典雅高貴，蛋糕櫃旁就有堂食位置，環境充滿現代簡約又略有貴氣，座位不多，都是梳化位，入座時只有1人，坐得十分舒適Menu有季節精選/套餐精選，揀唔啱也可自選蛋糕/三文治/鬆餅配搭各款飲品⚑ 季節精選 $118➰ 經典歌劇院蛋糕精緻小巧嘅長條外型朱古力蛋糕，側身睇深淺不一嘅層次非常多，入口綿滑鬆化，以濃厚朱古力及甘味咖啡交替主導整體味道➰ 伯爵朱古力 $60用上法式伯爵茶，比較清淡，多了一點果香，加上牛奶，配上微甜嘅朱古力，飲落清香幼滑，完全不甜膩⚑ 套餐精選 $113➰ 英式鬆餅（原味/提子味）迷你鬆餅有2款口味，牛油味算香濃，口感鬆軟，抹上附有嘅酸忌廉，感覺輕盈，而另一款草莓果醬，無一貫滑溜起膠嘅啫喱口感，呈現深紅色，非常濃厚綿密質感帶點酸甜，最適合配提子味鬆餅👍🏻➰ 皇牌朱古力飲品 $65 < 套餐+$10 >牛奶依然幼滑

【 送禮得體的精緻甜品 】🍰來自法國的Dalloyau，最出名就係甜品，我今日係海港城就買左幾款馬卡龍試吓，佢哋的馬卡龍都好多選擇，好多都好想食呀！色彩繽紛的馬卡龍真係好吸引，買滿9粒有盒子包裝，送禮好得體，所以我都買左9粒番去同屋企人分享。🍓當中口味比較清新的檸檬味都幾驚喜，酸酸甜甜咁，好開胃，yummy yummy。另外紅莓和草莓味有好香的水果甜，伯爵茶茶味香濃，仲有榛子朱古力和焦糖雲呢拿都值得一試！

因為在海港城上班，疫情期間免得四圍去，所以Dalloyou差不多變成家中御用蛋糕店。總括來說，蛋糕質素和Tony Wong或是Fine Foods同級。本身價格中上，但近來疫情關係海港城不斷派$100減$50 coupon，立即變得好抵。👍🏻Dalloyou蛋糕口感是比較厚實，不是空氣感蛋糕。款式算多，instagrammable。味道是好吃的高級的味道，朱古力底或是草莓底的都是穩打穩扎的水準之作。特別是朱古力，整個蛋糕都是真朱古力片，都能吃，並且好吃。只是remark一下，之前cheesecake底奇騷，真的是吃不下去，但現在同款造型蛋糕已經轉了做blueberry，應該無伏。特價母親節蛋糕糖皮比較多，蛋糕份量太少，好看的就不好吃。但其實一句到尾，品質是很好的，就是95% out of 100%都是好的，隨便選一個中伏機會微。我從來都是玻璃肚，吃冷凍製品很易肚痛，但吃了這麼多個Dalloyou蛋糕，從未試過肚瀉。那管大時大節訂單超多的時候，食品保存方面仍然很優質，單憑這點已能令我回購。

路人甲路過 見一名四眼瘦哥哥店員將啲櫃裡面既蛋糕執緊位...係疫情下 咁樣可能掂到啲蛋糕 無任何工具 用手...更甚係無戴手套....我同一名男路人都側目望住 我唔知佢係咪同我同一想法 但我邊行邊忍唔住再望 真係賣貴蛋糕既店 都咁樣處理蛋糕？好唔衛生 就算你無掂到 個客見到都驚啦...我買過送比同事 同事話好食 我未食過 但請檢討一下員工服務及training. Ensure the hygiene n safety of the food

來自法國的貴族甜品☺️已經有三百多年歷史，更是創造出歌劇院蛋糕🍰的品牌🤩在以往，DALLOYAU家族四代均為凡爾賽宮的御用糕點師，十分值得一試😋#經典歌劇院蛋糕$58最為經典的一款蛋糕🍰，來到原創了這個蛋糕的店舖，當然值得一試😚蛋糕由不同層數組成，除了有濃郁巧克力🍫味，更有淡淡的咖啡味☕️中間有鬆脆的餅底，增加了口感😋味道小評分：😋😋😋😋/5#朱古力棋盤蛋糕$58十分有趣的外型所以選擇了這一款😍但是竟然十分之甜🤢基本上甜味覆蓋了其他所有味道，更令人喉嚨十分乾涸😧這一款真的很難接受😥味道小評分：😋/5🌟喜歡的話可以Like & Follow, 有你的支持是小編的動力🌟整體味道指數：👍🏻👍🏻👍🏻/5性價比：💰💰💰/5環境：💕💕💕💕/5打卡指數：📸📸📸📸📸/5