○de▽ 鯛白湯らーめん

营业中

休息中

呢間鯛白湯拉麵慕名已久，今期終於有時間過中環，一上大家都讚不絕口的鯛白湯拉麵，好彩今次唔使大排長龍，可以兩位直入😍🐟鯛白湯 ($138)乳白色湯底攪拌起泡，魚香香味撲鼻而來，魚湯飲落順滑有層次，配合拉麵彈牙質地。但如果覺得湯底較膩，可以加柚子蓉，食會更加清新🌿😋🐟鯛沾麵($148)沾麵並不是用拉麵底，而是用刀削麵，湯底魚味重和厚身，可以將每一滴湯底都依附每一條麵條上😍😍可惜是配菜份量比較少，只得竹筍加肉碎，呢度有少少減分😭

嘢食就好高壇數，魚湯有不同層次，唔係啲商場九流拉麵係唔係都成舊水起個啲低層次嘢。係出面隔一條街已聞到魚湯味好好聞又正。炸雞是日本水準，廿年次係旺角食過一次就後食唔返，估唔到呢度食得返，性價比好高。個薑飯就咁食都好好味，想一再回味 。可惜嘅係，待應服務完全唔係個個壇數，一食完就收人啲餐具，大家樂大快活啲呀姐都唔會啦，知道收錯仲諗住求其比返對筷子就算，街坊酒樓待應水準，同埋間舖咁細，請咁多待應做乜，抄咁1-2個請返啲高水準既好過啦。見啲客食完有禮貌拉返埋張凳，個肥大待應定經理仲走去用腳踢埋啲凳兼製造聲響，好似嫌個客慢吞吞阻住翻單咁，真下very no good. 待應服務個grade只係譚仔呀姐水準，同啲嘢食有咁高壇數真係好唔配合。負責淥麵既同胞師傅還會出力表演日本人服務水準。知客就可以慳返，啲嘢咁有水準，唔使呢啲閒人，真係有麝自然香都唔使sell/拉客呢。啲客自然識排隊啦⋯

男朋友推介有間拉麵店郁幾出名，又咁岩係中環，就去試下。我地星期六大約3點幾果時去到，要排一陣，大約15分鐘就入到去食👍🏻好彩唔算排好耐🤭我地叫左一個白湯，一個清湯。雖然叫清湯但其實個鯛魚湯味都好濃厚，白湯就當然更加濃。但我覺得清湯已經好夠味😂 上面仲有兩塊魚皮，比較厚身，所以浸一陣魚湯再食會好d, 但我好中意🥰佢同平時食開嘅炸魚皮口感有點唔同，推介要試下👍🏻👍🏻👍🏻在場係日本師傅煮，好專業，會一樣野都好講究，就連個面放左落碗都要擺靚仔先攞上台。我地坐bar 枱位置睇到哂師傅準備，respect❤️

據說 ○de▽ 鯛白湯らーめん要大排長龍，所以今次就早少少去食，竟然唔洗排隊🙆🏻‍♀️餐廳有鯛白湯、鯛清湯及沾麵三款選擇🤤平時食開豚骨拉麵的我🍜，今次當然要試試最著名的鯛白湯！見住一碗碗拉麵煮出嚟，未食都好肚餓啦🤣終於等到我碗鯛白湯，牛奶般的顏色🥛一入口就有濃郁魚香鮮味，碗入面附着柚子醬，如果覺得個湯太濃可以按個人喜好加入湯底🍜，配上拉麵剛剛好，個人覺得不會太濃，所以吃完拉麵就飲哂個鯛魚湯了🤤🏰 ○de▽ 鯛白湯らーめん 📍中環鴨巴甸街13號地舖

夜晚8點幾去食，排大概15分鐘隊就入得，可惜沾面同白湯賣晒，叫左清湯，湯底湯但依然好濃魚味，拉面掛湯，每淡都食到魚湯鮮味，但面身個人覺得淋左少少。魚皮好脆但有點油。另外加左隻糖心蛋同炸雞，糖心蛋煙燻味恰到好處，好香，稍嫌唔夠流心，但個煙燻味好好食。炸雞唔油好juicy, 而且即叫即炸，非常好食，推薦👍🏻👍🏻

颱風過後 突然想食拉麵發現中環呢間主打鯛白湯嘅排隊名店竟然唔使排隊即刻就決定要一試！ 鯛白湯🍜湯底味道濃郁 食到鯛魚嘅鮮甜同貝類嘅鮮味怕大家食到膩 仲加入咗柚子皮落湯底同柚子蘿蔔醬係碗邊拉麵幼身 煙韌 係我最鍾意嘅質感！ 鯛清湯🐟湯底用烤過嘅鯛魚煮成加入牡蠣油 食得出牡蠣嘅清甜但又唔會過猶不及 而且亦唔會腥我哋兩個一致地都係鍾意鯛清湯多過鯛白湯飲落冇負擔 味道直頭好似平時屋企煲啲魚湯咁清甜 推介😍 日式炸雞好食！ 新鮮炸嘅炸雞係冇得輸！外皮超脆 雞肉仲保留到肉汁三塊大大嘅炸雞 份量好足點埋咖哩黃薑粉一齊食 又幾特別✨ 今次未有機會試到佢哋嘅沾麵但當日所見都有唔少人嗌沾麵用嘅麵條同拉麵唔同 出菜時又相當有架勢 下次一定要試埋☺️

🔅鯛白湯拉麵 ($138)師傳上菜前將乳白湯底攪拌至起泡, 魚湯味道濃稠而厚實順滑, 飲落有香噴噴既魚香味, 中間夾雜著魚蓉幼身拉麵都彈牙，軟硬適中叉燒都薄身，配上鯛魚湯都, 再加埋拉麵有鯛魚塊、蔥, 食落十分有層次。🔅日式炸雞 ($48)炸雞脆口, 味道相對沒太突出, 可以用咖喱粉配上食用⚠️繁忙時間需要在門外排隊等侯, 平日7時多等了半小時左右才可入店享用。❤️‍🔥值得一讚 -等位時間有侍應會係你排隊個陣幫你先落單 等你入到去坐低就有得食👍🏻-非常貼心既位 係你排隊輪侯仲派左野飲俾你飲 係我兒時最鍾意飲既QOO白提子果汁😆🫧

今日去中環搵男朋友食Lunch ，男朋友話帶我去食拉麵，晏晝食都幾多人，係門口排左陣隊就有得入去食，喺門口就會落定單比埋錢，一入去坐低就有得食，本身想食沾麵，不過已經賣哂，唯有等下次先食沾麵。啲嘢食一到咗，店長問我地之前有冇食過，我地話冇，店長親自介紹啲拉麵。鯛清湯 $138我揀左鯛清湯，魚湯底清得嚟幾好味，上面有2塊炸鯛魚皮，炸鯛魚皮好有驚喜，薄身鬆脆，我點埋啲牡蠣油食好夾，店長仲話呢個牡蠣油冇味精㗎。配菜有筍同紫洋蔥粒，叉燒上面有鯛魚肉，叉燒薄薄地一片，啲叉燒好嫩，魚味鮮甜，呢個以鯛魚為主題嘅拉麵真係非常滿意。鯛白湯 $138鯛白湯鯛魚味道濃郁啲，呢個湯底配柚子醬令到個味變得fresh 啲，食落無咁濟，啲配料同鯛清湯差唔多，只係無炸鯛魚皮，啲洋蔥粒好甜。櫻木煙燻糖芯蛋 $15糖芯蛋有陣陣煙燻味，都唔錯📍○de▽ 鯛白湯らーめんMaru De Sankaku地址：中環鴨巴甸街13號地舖

🎈 建議場合：#即興食飯 #特別日子 #港女打卡👤 建議人數：1-2人（最多可容納3人檯）【2個人食咗啲咩？】- 鯛白湯 $138- 鯛沾麵 $148- 櫻木煙燻糖芯蛋 $15⭐⭐⭐⭐「湯底足料濃郁 拉麵彈牙」一向認為拉麵湯底就係一碗拉麵嘅靈魂，平時食得豬骨湯多，都想轉轉口味，所以就走黎食尼個鯛魚湯底拉麵。個湯頭鮮甜濃郁，味道有層次，係用鯛魚同埋其他貝殼類熬製而成，但係又唔會好腥，適合一啲鍾意飲魚湯嘅人。本身可能期待個湯會有少少膠質嘅感覺，點知結果又無，個人就比較鍾意有膠質嘅口感，不過個湯底本身都好好飲，我全部飲曬。或者有啲人會覺得個湯底比較膩，但係佢哋有配柚子醬係隔離，俾客人隨意添加，令到湯頭味道更清新少負擔。拉麵質地彈牙，唔會好重鹼水或者麵粉味，配合到湯嘅水準。沾麵麵底類似刀削麵，麵煮得有啲太淋，不過勝在夠掛湯。沾麵嘅湯底有少少太鹹，不過我個人就食開淡味啲，所以湯底可能適合鍾意重口味嘅朋友。至於隻糖芯蛋就中規中矩，無特別，叫佢黎食係因為覺得如果食拉麵無糖芯蛋好似差啲野咁。📍 Maru De Sankaku 鯛白湯らーめん

香港好少魚湯嘅拉麵，中環竟然有一間主打嘅鯛魚湯日本拉麵餐廳，佢係座銀拉麵同一個集團，之前試過座銀嘅雞白湯拉麵，雞味非常香濃，於是我哋去試吓佢哋旗下嘅鯛白湯拉麵。餐廳位於PMQ附近，平時見到佢好多人排隊，我哋嗰日夜晚先去竟然唔使等位餐廳係先買飛後入座方式。鯛魚湯拉麵嚟到之後，魚味非常香濃 ,我哋仲可以睇住師傅喺面前炮製拉麵。我哋食落口嘩咗一聲，竟然魚湯拉麵可以做到咁濃郁，師傅總會將湯打成泡沫入口非常creamy,大家經過中環又想食拉麵非常推薦大家試吓。

✍︎︎鯛清湯拉麵🍜$138從慢火烤製天然真鯛魚中，提煉出清甜鮮味，配以牡蠣油誘發香味鯛白湯拉麵🍜$138採用天然真鯛和水，再配上多種貝類，熬製8小時以成嘅濃湯櫻木煙燻溏心蛋🥚$15••••••••••••••••••••••••••••••🔎○de▽ 鯛白湯らーめん 中環鴨巴甸街13號地舖••••••••••••••••••••••••••••••

鐘意食魚嘅朋友一定要食鯛白湯拉麵，岀面大多數係豚骨湯拉麵，而鯛魚湯味道濃郁，許多人喜歡呢度拉麵濃郁的高湯和獨特的調味品組合，味道豐富而令人滿足。😋😋另外配料豐富，通常搭配多種配料，濃郁糖心蛋及脆脆魚皮，這使得每一口都具有不同的口感和層次感。而且選項多樣，提供了沾麵及湯麵，可以根據自己的喜好進行定制，滿足各種口味需求。整體來說，服務質量都好高，呢度拉麵店的服務態度和效率，我都表示讚賞，食物衛生乾淨又提供濕紙巾，店員友好熱情，並提供快速且專業的服務。👍🏻👍🏻

🍴: 𝗠𝗮𝗿𝘂 𝗗𝗲 𝗦𝗮𝗻𝗸𝗮𝗸𝘂 / 𝗼𝗱𝗲▽鯛白湯らーめん 🏠🤍📍: 𝗖𝗲𝗻𝘁𝗿𝗮𝗹, 𝗛𝗼𝗻𝗴 𝗞𝗼𝗻𝗴 🇭🇰🌟Calling for Tori Paitan ramen / tsukemen lovers!🍜 This is probably one of the best tsukemen in Hong Kong🥺🤍 Creamy broth and chewy noodles🤤 Perfect combo! I was super lucky to get the last bowl of tsukemen on that day! (Limited quotas everyday!) Come earlier or else you have to wait the long queue!⭐️: 𝗠𝗮𝗱𝗮𝗶, 𝗣𝗼𝗿𝗸 & 𝗖𝗵𝗶𝗰𝗸𝗲𝗻 𝗕𝗿𝗼𝘁𝗵 𝗗𝗶𝗽𝗽𝗶𝗻𝗴 𝗡𝗼𝗼𝗱𝗹𝗲𝘀 (𝗧𝘀𝘂𝗸𝗲𝗺𝗲𝗻)🍜💰:💲𝟭𝟰𝟴 [𝗟𝗶𝗺𝗶𝘁𝗲𝗱]👅: 💎💎💎💎(4/5)⭐️: 𝗠𝗮𝗱𝗮𝗶 𝗕𝗿𝗼𝘁𝗵 𝗥𝗮𝗺𝗲𝗻🍜💰:💲𝟭𝟯𝟴👅: 💎💎💎💎(4/5)⭐️: 𝗙𝗿𝗶𝗲𝗱 𝗖𝗿𝗶𝘀𝗽𝘆 𝗖

座銀一向都係我心目中拉麵沾麵既頭三，聞說呢間係佢既姊妹店，人氣點都會有返咁上下😌假日夜晚黎要喺條好焗嘅後巷排起碼十五分鐘，不過差唔多到門口就會落定單比埋錢，所以基本上一入去坐低就有得食😂▪️ 鯛白湯（8/10）💲138鯛魚碎粒燒過好香口🐟仲會有筍同白洋蔥粒，叉燒係薄薄既一片幾軟嫩😳重點係個天然真鯛加上貝類熬製而成既湯底，上檯前用高速攪拌器打到起泡，飲落順滑且濃郁🥹店員話覺得重口味既可以加柚子蓉，難得地我又覺得鹹度可接受，配柚子反而唔太夾咁，幼身拉麵質感軟硬適中，總之整體就係個湯底幾合我心意🥰 ▪️ 鯛清湯（7.5/10）💲138炸鯛魚皮幾有驚喜，薄身鬆脆，完全唔係硬實油膩，配上筍同紫洋蔥粒，同樣地係有叉燒🤫湯頭頗為清徹，魚味鮮甜又唔會話腥，仲可以加上牡蠣油再提鮮，不過相比之下個人依然係鍾意個鯛白湯味道多層次啲🫣▪️ 櫻木煙燻糖芯蛋（7.5/10）💲15 基本上拉麵無跟蛋既話，我都會自己加😝外層有陣陣煙燻味，流心度亦夠高，但唔好期望係滷得好濃味嗰種🍳 🔎 整體評分（8/10）

•鯛沾麵 tseukeman自從，食咗佢地個拉麵，就一直好期侍試個沾麵。🍜佢哋同仿間用嘅麵底唔同，係用刀削麵。個湯好濃魚味同厚身，所以可以依附係每一條麵條上。🤌🏻🤤但係，配菜嘅份量比較小，只有少量荀加魚肉碎。😥所以，我會更推介大家試佢地個拉麵多啲，因為拉麵有多啲肉🤣It has been on my bucket list ever since I have tried their ramen.🍜 The noodle was hand-knifed noodle ,unlike the others. The broth was rich in fish flavour and thick, thus could lingered onto each noodles.🤌🏻🤤However, the portion of side dish was quite stingy, only have some bamboo sticks and tiny pieces of fish flakes.😥 That’s why I would recommend their ramen mor