Double Tree (已結業)

和朋友試下食團購餐8點15pm來到，已經有好多位了，早幾日打電話booked臺，仲比啊姐呃到話好full點菜時見到menu和團購的一樣，放心可惜點菜時，我們問有什麼甜品任食啊，要自己出去拿嗎？？有個操大陸口音，落單身材比較肥大既啊姐好串話一陣食完你就有啦，我地做團購唔會呃人既。可能佢諗多左啦！ 你答我稍後我比張紙仔你寫，就有人會拎比你咪夠囉咁既服務質素，怪不得要做團購了😂。等餐時，她們只顧著談論股票和私人野，很大聲很擾人清夢。講真我都做過服務業，咁既服務質素係出邊高質素既機構真是一早比人炒左啦！我們點了豬手和豬仔骨。豬手味道很好，外脆皮，肉醃得很入味，配合埋黑椒汁，很夾。豬肋骨的味道不錯，但選擇的豬本身太大，肉質比較鞋，早前我們在delifrance食的豬肋骨size比較細小做得較出色，相比下這種就是鞋了點。但整體味道和視覺已經不錯，令人相信佢個廚房係前酒店班底組合 最後，任食甜品我們點了咖啡味pudding和tiramisu(因為已經食不下了)口，味道很好。還有一位我相信係甜品師父親自送出來，他的服務態度反而比樓面好好多他還表演火焰雪山予我們欣賞，值得比個讚甜品師父和廚房員工。但餐飲

好耐都無買過團購, 見到呢間做Set-dinner同任叫甜品不如就試下啦!唔知系唔系團購既原因, 所以六點三無幾耐就已經full-house.不過, 系落單既時候發生個小插曲, 我地想知是日餐湯有咩好選, 個侍應好hea咁同我地講…”奶油忌廉雜菜湯”…我地以為真系咁好一個湯有咁多料, 點知佢好寸加多句, “阿生, 系奶油忌廉湯或雜菜湯”…當堂都幾有bad feeling先上既系龙虾湯, 個湯都幾creamy, 仲有D虾肉tim!然後就黎左個頭盤, 我地各叫左個三文魚salad 同田螺焗薯蓉, 賣相都唔錯!之後就上個主菜, 有法國功封鴨同三文魚扖. 狼仔就覺得個法國功封鴨煮得比較干, D肉較為”鞋”, 真心未食過法國功封鴨, 唔知系米特式黎呢! 而個三文魚扖食既時候要小心D, 可能系個部位問題, 較為多骨 若果睇呢個post既讀者, 平時食骨會啃親, 就千奇唔好選啦!其實食到呢道, 都已經好飽, 所以甜品放題都系食左一round!“Let pictures speak for themselves”, 都系post D相比大家睇啦!味道上就普通D, 不過個心太軟都keep到朱古力流心,

平時在金鐘幾難搵, 閒時得閒就會行過灣仔搵食, 但也要早少少, 因為都蠻多人的, 而且這間也在較主食街遠一點的, 但質素及份量朋友食過都OK.......去到唔算太多人, 所以五個人都可以入座, 吃了一會兒便開始有人等位了!!!平時的午餐都是$50, 每天不同的指定, 有餐湯, 主食及飲品, 很不錯呢!! 就看看食物如何, 因為我是第一次跟同事們來......牛肝菌蝦球雞柳天仗麵($48)~~~個汁很香而且幾濃幾多, 天使麵混合吃好吃, 我最鍾意多汁的, 雞柳唔算硬, 反而蝦球雖然好似好大隻但有點冰鮮味(雖然我知不會用新鮮的, 但有點雪味), 但總括而言係唔錯的......美國豬扒拼珍寶腸($48)~~~第一眼感覺是點解得半條腸, 哈哈!! 其實一條都唔係好過份者, 朋友說都算幾好食, 而豬扒幾鬆化唔會太韌, 細食的人份量就OK......星洲喇沙金邊粉($48)~~~可以自由拼兩款配料, 朋友吃了雞翼拼魚餅及豬頸肉拼魚餅; 其他配料蠻多, 有豆卜, 魚片及蘿蔔及其他等, 但湯就略覺得似沙嗲多一點, 不過都幾辣, 而最得意是用金邊粉, 很少地方有此口感.......雖然唔係話好好食,

是日團購了三位晚餐，原因見佢主打精緻西餐+任食甜品，賣相唔錯。訂了位8：30pm, 立即有位入座，服務員姐姐都幾好招呼。簡單點評三道主菜:1. 德國燒豬手好食推介！唔會太咸，好入味，肉質夠嫩，附上的黑椒汁亦同豬手味道好夾。2. 法國功封鴨餐牌上最特別的一道菜，鴨肉煮得岩岩好，只係某些部分可能入味不足，試不到功封鴨那種微微酸甜的味道3. 海鮮大蝦天使麵正常水準，天使麵creamy, 大蝦亦燒得爽口。總括來講三道主菜都在水準內，加上任食甜品，性價比相當高！

來過灣仔見客，都無點留意到呢間餐廳，價格同呢區架茶餐廳接近，都可以一試， 因為都係5，60蚊一個午餐，包飲品。中午有6，7款set lunch, 見有d 西餐廳feel ，穩陣叫意粉味道唔會有大落差吧雞肉都幾多呀， 個汁是蕃茄汁，加d 辣同甜紅椒青椒，但汁都好多油，成咀都黏住。篇意粉就淋身d左d,整體來講合格， 食悶了茶餐廳，下次來呢區可以再幫襯。

之前有一段時間好喜歡找團購，因為有一些確實比原價去餐廳吃便宜不過當然也會有中伏的時間吧。今次選的就好壞各半 >___<！所謂的五道菜其實就是~ 湯、頭盤、主菜、甜品、飲品湯是 秘制龍蝦湯 (*'-^*)味道還算惹味，但如果再濃一點應該可以更好頭盤選了 - 煙三文魚凱撒沙律芝士粉和沙律汁略嫌輕手了一點，番茄也只見到半粒、生菜很清新吧另外一個頭盤則選了 - 法式薯茸焗田螺 (半打)頗喜歡這個~薯茸夠香夠滑，而且也不算焗到好燶終於來到主菜了~但這是整個團購中失望的部份 (´Ａ')首先第一款是 - 板煎美國特選西冷 配薯菜這西冷很多脂肪和筋，能吃的部份少之又少 QAQ 而且肉有點煮到很老第二款的主菜則是 - 蒙古烤羊脾扒 配薯菜出乎意料這個羊比西冷好吃得多，至少肉比較嫩 ( ≧∀≦）在肉下面就是一堆配菜吧 >_____<！之後來到甜品的部份，首先是不屬於任食的 (有兩款可選)第一款是 - 火焰雪山剛剛好拍下「火焰」的一幕~ 這個我覺得酒味頗濃，如果不喜歡酒的就不建議喔雪山內有朱古力雪糕 (∩゜∀｀∩)另外一款則是 - 72%朱古力心太軟這個普普通通，可能是72%

是日約了好友吃lunch,　隨意地來到double tree。平日中午十二時三十分到達，剛好有座位不用等候，真幸運。場內裝修簡潔，淺灰色的牆身,　加上暗暗的燈光，也算有情調。可惜餐桌放得太密，感覺過分擠迫，坐得不算自在。Lunch set選擇頗多，可是筆者近日胃口不大好，想輕盈一點，點選了雜果沙律配魚柳＋凍檸茶(HK$48).十分鐘後侍應送上雜果沙律配魚柳。賣相一般，分量跟一般下午茶無異。材料有生菜，火龍果，薯仔，椰果和魚柳。生菜入口不夠爽脆，而且完全沒有混上任何dressing，感覺非常單調。幸好其他的材料則混合了丁點的沙律醬，否則不知道怎樣嚥下。魚柳炸得不錯，外層炸得夠乾身，一點也不油膩。內裏的肉質也頗嫩滑，算是有個焦點。凍檸茶味道正常，不特別評了。侍應禮貌不大好, 有進步空間.整體以這個價錢和質素來說，完全不值。朋友很好客地又再請客，筆者在此謝過。

忙了成個星期，今晚終於可以輕鬆食個晚餐。這家小店店面不大，但客人都絡繹不絕。我和朋友各選了德國鹹豬手和香草燴羊膝做主菜。德國鹹豬手是招牌菜，鹹豬手吃下去頗新鮮，以黑胡椒和香草等配料同煮，適中的鹹度反而更能帶出豬手的肉味；口感如煙肉但不膩，豬皮帶陣陣焦香，咬下脆卜卜。紅酒燴牛膝也不得不試。牛膝啖啖厚肉，卻不，配酸甜醬汁，肉香味美。本來實淨的牛膝被時間和湯汁征服了，它軟腍得……用叉輕力一扯已骨肉分離，肉汁唔覺意滲入薯茸，感覺很軟綿綿。每人不過百多元，相當抵食。

用團購買了2人餐，主菜都點了牛扒，侍應詢問要幾成熟，回應是5成，結果來了全無血色、兼鞋十十的10成牛扒最初吃了有脂肪的一邊尚可接受（以為是8成熟），但吃到無脂肪一邊真的鞋到趙唔到（實在是10成），但既然都食左一半，亦唔想難為侍應，通知左佢地一下，亦冇換過另一份，侍應回應時亦尚算有禮。5成竟可變10成，差咁遠，廚師你也太失敗了吧!

男友生日~~ 咁岩見到哩個團購鋒$128 再加一,所以一試~本身Book左8:30-10:30pm, 不過8點到左都照有位的~餐廳情調幾好又幾乾淨~ 唔迫,坐得好舒服~叫左一個龍蝦湯同周打湯...龍蝦湯幾濃幾香!仲有蠔係入面, 不過周打就只係一般忌廉湯..後悔叫左TIM前菜叫左一個煙三文魚沙律同埋田螺焗薯蓉,,個沙津係一般水準..冇話好唔好味既..前不過個薯蓉好好味! 拎出黎果陣好熱, 所以食田螺果陣好香,都有5-6粒~雖然好細杯, 不過D薯蓉都好香好滑,好鍾意食薯蓉既我真係要比佢好評 主菜: 炸豬手, 見到好多食評都話哩個OK就試下啦, 不過個皮就唔係好脆, 有D韌, 肉就幾好味, 咸咸地, 加番一D分數~ 不過真係有D後悔, 想叫羊扒~~主菜: 西冷牛扒, 雖然食評都話煮得太熟, 男友都話博一博, 叫左五成熟.. 黎果陣都驚驚地, 望到佢個面好熟好深色, 但切開見到好紅, 好驚喜呀 好林好易咬, D汁調教得好好, 又夠味, 唔使TIM燒汁都好好味, 真係意外收獲呢甜品: 心太軟 黎既時候熱辣辣, 又好流心, 面既朱古力好脆好香, 中間好濃好甜, 心太軟就係咁甜架喇, 咁樣先好味呢!

在某團購購買了四人晚餐,價值$488。我們選了兩個龍蝦湯、一個南瓜忌廉湯、一個雜菜湯。(龍蝦湯只有很淡的龍蝦味和海鮮,味道一般。南瓜湯只有少少南瓜汁,但好重忌廉味和少許蜆肉作點綴,味道還不錯。雜菜湯沒特別之處,味道一般。)到了前菜,四人一致選了田螺配薯蓉。田螺數量還多,大概有5,6粒,味道鮮甜加上香葉的薰香,肉質是軟棉的爽脆。終於到主菜,但不是很樂觀,我和朋友都揀了西冷牛扒,同樣是5成熟,但來了全熟的肉質。而其他朋友叫了豬鞍扒和豬手,普遍的餐館煮熟的豬扒很老的,質感極韌,但是這豬鞍扒沒想像中韌,只有牛扒7成熟的口感,比我揀的西冷好很多。最意想不到是……豬手,因在餐牌上不是這種煮法的,這是炸豬手,雖然很油膩,但是意外中最好味道的主菜。最後是甜甜甜甜甜品!“心太軟”70%的朱古力是我的最愛,只欠一球雲呢嗱雪糕,可惜可惜~

天氣現在這麼熱，如果還要等位子真的難受，我提早兩天就在DoubleTree訂了位子。又是一個星期五的晚上，我和男友約了八點半到達餐廳，看見裡面已經有很多客人!侍應姐姐帶我們到一張四人餐桌坐下。餐廳面積不是很大，大概有十多張檯子;不過，餐桌之間有足夠的空間，讓客人坐得舒服，還可以好好的聊天，不用怕給別人聽見!如果是情侶拍拖吃飯，可以考慮一下下這裡喔! 這家餐廳最大的賣點是任食甜品!相信女孩子看到一定會心動的!而且還有我很喜歡的朱古力心太軟!!! 每人可以選擇一個朱古力心太軟或是火焰雪山，其他的甜品可以任食! 不過吃到這裡，已經挺飽啦!

這晚，老公突然興起說外出食飯，還選了這間甜頭任吃的餐廳。個set $150左右，有沙律、龍蝦湯(好香好濃)，主菜及甜點。主菜：牛排 (很大份，也煎得剛好)主菜：ribs，一般最正係甜點：有火焰雪山及心太軟，每個set 只可點一次其中一款，2個都好好，火焰雪山特別d，酒味亦不會太over，但入面的雪糕大一點會更有冷靜與情熱的feel。個人偏好心太軟，雖然普通，但朱古力很香。任食的甜點，因太飽，吃不了很多，蛋糕有點失望外，其他的都很想多吃一round~

今晚收工同老公去灣仔做點事，之後正值晚飯時間，本來想去新開既神虎朝聖下，不過見到門口條人龍咁長都係下次先...走著走著，來到船街，路過Double Tree，見佢做緊任食甜品晚餐，價錢百零蚊也算合理，就入了去。點左兩個餐，先來餐湯，龍蝦湯和忌廉湯，龍蝦湯除了咸咸地外無乜味，反而忌廉湯夠creamy，又有少少甘筍絲，幾好飲~接下來係沙律，我叫左凱撒沙律幾清新幾好味，反而老公叫既芒果他他就細杯好多，味道亦無乜特別...主菜來了，我叫既龍脷柳竟然係成條魚上，老公叫既豬手當堂被比下去，佢問我點解次次點既都係抵食夾大件...條魚煎得好脆好好食，豬手其實都唔錯，只係份量較細...到了甜品時間，甜品選擇不多，但勝在任食~首先叫左咖啡布甸，幾香咖啡味，旁邊既焦糖燉蛋都好好食...綠茶布甸，New  York Cheesecake，Blueberry Cheesecake同Tiramisu，唔錯...仲有火焰雪山，賣相好靚，但燒過既部分有點苦，同埋成個甜品都偏甜...最後梗要叫番客朱古力心太軟，呢個真係好好食，流心得黎又唔會太甜，可以encore...跟餐既咖啡茶普普通通，所以無影相~順帶一提，待應服務

是日係週末，在灣仔區運動過後到了船街覓食幾間風評較好的店都已經落場了，下午茶沒有營業看見double tree門口正正常常再看看門外餐牌價錢尚算公道，就算了在這裡下午茶門口是很正常的西餐店feel店內設計有略為花心思，以灰色為主色，和門口的設計感覺一致右面一大幅牆上用了與與主色相配的灰、黑花紋字用上白色甚為突出灰色的牆身配上紅色吊燈，多添一點時尚感只是天花應該沒怎麼處理過，管狀物通通外露這不是前菜...而是我點的下午茶餐....煙三文魚沙律三文魚很難吃，無論質感同味道都強差人意，像在吃一片咸肉...現成沙律醬與十數粒味似罐頭水果的果肉混在一起...感覺是自己在家做的沙律也比它好吃....二、三十元價錢...給我這樣的質素、這樣的份量....像樣嗎?!?!朋友點的下午茶是紅酒燴牛飯跟茶餐廳的碟頭飯沒有兩樣朋友說飯不熱..茶餐廳至少份量大很多、味道也對胃得多、價錢也較親切總結:來過的不用再來，未來過的不用來。