Double Tree (已結業)

10:50分去到餐廳坐低，一坐低就催你寫野，早餐餐牌寫明早餐至11:15，但係廚房個女廚就大大聲叫侍應快啲落單，話11點就無早餐，唔緊要啦，快啲有野食都好吖，點知無炸菜無雪菜，再諗食乜啦，10:54分個女廚就再大大聲講「再唔寫就乜X都無喇」，之後當然起身唔食啦，可以好生意到隨時改last order，大大聲趕客走，廚房比個女廚管理又一致獨大，可能佢係老闆啦，祝君安好啦。

上完音樂堂一夥兒去了吃晚飯，找了間餐廳可容納我們一行六人。單點可加銭轉套餐，約一百元左右，合乎經濟原則。餐前飽是牛角飽，另我想起以前在超市買到的嘉頓麺飽出品的牛角麵包，可惜現在沒有了，好懷念啊！如再叮熱些少就更完美了。意大利菜湯味道不錯。有濃郁蕃茄味，酸酸咪咪，好開胃。三文魚什果沙律沒預期中好，因薯仔多於什果，有點騙人。另有疑似士多啤梨醬汁，我本人認為不加反而覺得更好食，因甜了。食物水準中規中矩，以價錢論是非常好的。

團購試伏，一入黎有種好暗既茶記氣氛，龍蝦湯味道好奇怪。前菜，煙三文魚沙律唔錯，水果沙律是個伏。主菜，黑毛豬扒ok但好多肥膏，西冷好多根又冇乜牛味，七成熟好似五成咁。到甜品，千萬唔好叫火焰雪山，真係伏到不得了，食左啖冇郁過…見格離台4個人，叫左3個火焰雪山，爭住食個心太軟，真係慘。個70%心太軟幾好食，但似30%甜…都幾甜。自助甜品是………跟火焰雪山不相伯仲的伏。總結，可一不可再。

又係團購試菜環境：可能灣仔貴租，所以間餐廳都好細間。佢啲桌都比西餐廳細少少。但佢比左個位我地方袋都okService:有個waitress真係好nice又好笑容。真係要比個like佢我地問佢事日餐湯係咩都講解得好詳盡。我地心大心細落左好耐order.佢仲好nice咁笑住等我地決定食咩。最搞笑，我地唔覺意叫左佢過黎，佢知唔係叫佢仲同我地講笑。食物：龍蝦湯：好濃，幾好味煙三文魚沙律：一般啦。法式田螺：雖然賣相唔靚，但估唔到佢咁好食，佢個薯溶好好食。羊扒：好好食，好香，好嫩！加埋啲汁豬手：個皮好香趣，內又咸香，好食！三文魚扒：加埋檸檬汁都好fresh.牛扒：唔知係咪其他扒好食，令佢失色左。一般啦。甜品：火焰雪山：無論視覺，味覺都好正！NY cheese cake:一般，少左酸忌廉。Blue berry cheese cake: 一般啦。Tiramisu:一般啦。焦糖布甸：本人最愛，所以我覺得好食。綠茶奶凍：有驚喜，估唔到咁香既綠茶味。好食。咖啡奶凍：咖啡好淡，佢奶味較多。整體：依間餐廳都唔錯！

自己一個放飯通常都係去茶餐廳﹑大快活。今日決定試試新地方，就去左位於船街既double tree。本身以為價錢會略貴，但一睇下午茶餐牌，飯同意粉既價位大概四十幾，係灣仔區黎講算ok。叫左客拿破侖肉醬飯，份量對我而言剛剛好，味道不過不失，大概各餐廳既肉醬飯都差唔多味吧。拿破侖肉醬飯不過最緊要係呢度環境幾好，自己一個食都唔會好突兀，相信會成為我獨食既飯堂之一。

話說 就系我夜晚冇野做既時候 我就開左個app去睇下有咩買拉 睇下睇下就睇左去野食到lu 見佢個餐牌d野食幾吸引 甘諗住同男朋友買返2張黎試下我地去之前有bk位既 我打去bk既時候 個waitess已經話好full 要bk就快手 最終bk吾到晏d既時段 只可以食早既時段 不過我都冇咩所謂由灣仔mtr行去個到都要10mins 基於我地都系路痴 所以系需要google map幫手既 個間野都算幾入 吾怪之得要做sales拉一入到去 個服務員態度吾錯 而且都幾nice 都會主動同你傾下計😊之後就幫我地order左野食頭盤2碗湯都普普通通 不過不失煙三文魚沙拉 d煙三文魚得好細塊鮮蝦沙拉 感覺上怪怪地個味道主菜蜜糖芥末咸豬手(炸得好味 又夠脆 有少少肥 值得推介)美國西冷牛扒(普通料 但個汁幾好味)甜品火焰雪山(個人覺得好難食)心太軟(吾錯)任食甜品(難食與ok之間)

叫set： 頭盤 ：三文魚蝦芒果沙沙 (食材不新鮮，沙律只是茶餐廳貨色)湯：酥皮龍蝦(酥皮唔酥， 暖唔夠熱的海鮮濃湯)main:西班牙海鮮炒飯(無咩海鮮，太濕，味道單詞無香味)煎比目魚(十個油有一百個油，似炸，超級不滿意，汁完全唔食唔到有味)甜品算吧 不值一提服務非常好係食物問題姐依間餐廳 哈

上回同大家分享咗我買嘅Double Tree團購有几抵食 ，今次畀大家睇睇回購下嘅新菜式 啦！是晚我同豬仔準時6:15pm到達餐廳，人客明顯多咗 ，我倆被安排坐係餐廳中央嘅圓檯，勢估唔到咁早啲卡座位就full晒啊 ！點嘢食先，依舊先來一白一紅湯，熱辣creamy嘅忌廉湯及濃味嘅龍蝦湯。頭盤揀咗我倆嘅至愛 ~鮮蝦芒果沙律 ，儘管田螺焗薯蓉點味美，但仍敵不過呢嗰芒果蝦沙律，有兩隻彈牙中蝦，沙律鮮甜爽口，絕對醒胃 ！亮點 主菜出場~醬燒豬肋骨配薯菜 : 通常啲豬肋骨都無咩肉食，呢個卻骨肉勻稱 ，恰到好處！肉質極之幼嫩 ，蘸上甜醬後，惹味非常 ！搞到豬仔話要再回購呢 ！德國鹹豬手配薯菜 : 豬手几大隻 ，皮脆肉帶鹹香，肉質嫩得嚟有一點兒靱實，水準則跟時下既鹹豬手差不多！跟餐甜品，我倆一致只揀心太軟 , 因為我地都係朱古力 迷囉！上次影得唔夠靚仔動感，今次捕捉返個澎湃流心 畀大家睇，朱古力蛋糕外皮焗得濃郁香脆 ，内裡有著勁量流心 ，蛋糕香口好好食   呀！豬仔嘴刁 ，專揀正 嘢食，任食甜品一件都唔吼 ！ 任性又為食嘅我，偏要每款食勻晒先安樂

買了團購去試下這裡的扒餐，這裡的環算唔錯，招呼都OK,但格調就一般，因為周圍的食客會高談闊論，不時還帶幾句粗口添！侍應兩位睇全場所以她們的動作好急速，不會讓你有高格調的感覺。講返食物，餐湯有三款讓你選擇，而我就選了這個龍蝦湯味道不會太濃，我好怕那些又濃又杰的龍蝦湯。跟住頭盆有三款，我選了煙三文魚沙律份量和味道都算OK，三文魚多一兩片就更好。跟住來個主菜，有成7款選擇，而我就選了一款要另外加十元的西冷牛扒這個真係好普通，周圍都食到這個味，最特別係墊底的茄子，又淋又好味，牛扒五乘熟都有點韌。最後是餐飲，我本來要凍檸茶，但要加五元，便改返熱檸茶，橫掂我坐正個風口位，都係熱飲好些檸檬唔夠香，反爾杯清水檸檬味重D最後就是甜品了，每人只可以選一次心太軟或者是火焰雪山這個火焰雪山唔錯喎！我幾喜歡！跟住還有些任點的，我只是吃了一轉便夠了！食咗咁多野都係埋單的時候，128元團購價，西冷加10元，服務費加15元，合共大約一百五十元，應這個價錢又唔係話好著數啫！ 所以覺得不過不失喇！

團購、團購~我愛你 ！今次我同豬仔揀左買"Double Tree"呢間餐廳 。大家想知有几抵食？！賣點係兩小時五道菜晚餐+任食 甜品 , 女仕們必然心動 , 抵食價係$128一位，堅正 ！是晚我倆準時6:15pm到達餐廳，見到門外嘅任食半自助餐牌係$158一位，較團購價貴20蚊, 慳得一蚊得一蚊，我地又慳左40蚊嘞 餐廳燈光柔和，佈置簡潔。侍應生姐姐安排我地坐卡位，極之舒適寫意 ！跟住畀左張menu我地order食物，menu跟足團購 ！侍應姐姐先幫我地點餐湯，我揀左周打魚湯，濃郁忌廉，creamy好飲 ！豬仔揀嘅係龍蝦湯，我飲左一啖，味道一般般啦！頭盤 : 三揀一，我揀左法式田螺焗薯蓉 , 田螺夠軟熟，薯蓉打得幼滑！豬仔揀左他至愛嘅鮮蝦芒果沙律 , 相當鮮甜好味 ！主菜 : 有西冷扒、鹹豬手、豬肋骨、功封鴨、羊脾扒、三文魚扒及大蝦天使麵，合共七款。我揀左蒙古烤羊脾扒配薯菜 ，兩大塊羊脾扒 , 羊脾肉質相當幼嫩呀 ，無咩羊羶味，烤得唔錯 ！豬仔係牛魔王，一揀就美國特選西冷 , 要6成熟。今次輪到牛扒被比下去，肉質明顯較靱實囉！食

我和朋友是購買了團購來試一試。格調是一間茶餐廳，主菜都是茶餐廳水平。叫了份三文魚扒和士多啤梨豬肋骨。碟係溫既，非常讚。惟魚扒有點腥😗， 可能因為我們比較嘴刁，其實PC 值OK。正當我們有點失望😱😱😱甜品竟然超水準！！！！！！！！真係講都唔信，唔好睇佢d 甜品細細件，每一件都係足料，落足心機，我幾驚佢係hea 貨， wow 實在一試難忘 😍😍😍 cheesecake 又滑又rich , lava cake 唔會太甜太稀，creme brulee pudding 係凍，焦糖係剛剛用火槍噴完 👍👍👍非常認真欣賞到睇佢有無甜品自助餐😝最後發現左間店係社企☺️下次再黎過☺️

之前見團購幾抵食，所以買左兩張同男朋友食，book左8:30，不過早左黎8:10就到左，職員都照比我地入去，湯同沙律都吾錯，主菜叫左個羊脾扒同西冷，羊脾扒好嫩，好好食，一點都吾難咬，羊騷味吾算太重，西冷叫左五成熟，吾多筋，都好好食，不過我覺得羊脾扒好食點，重點黎啦，食甜品，心太軟好好食，外邊好脆，裏面朱古力醬好溶，絕對值得再食過，火焰雪山，吾錯，好滑，配埋雪糕，一熱一冷，好好食，不過心太軟同火焰雪山都只可以簡一樣，無得任食，之後仲叫左藍莓芝士蛋糕同焦糖布丁，個人覺得焦糖布丁好食d，夠滑又吾會太甜，整體黎講十分滿意，其實佢團購吾係平好多，得閒可以再食過，

禮拜日去咗星街附近D舖頭行下 行下行下見之前飲茶冇乜點食 肚有D餓 就去咗船街Double Tree嘆返個港式下午茶 叫咗個寫意茶餐B 脆脆紅豆西多士加涼粉紅豆冰冇計 因為要成塊放咗油鑊炸 所以分甘同味呢家嘢就可以係呢個時候大派用場lu

團購買左晚餐加任食甜品，成餐所有野都好好食!評價一直話個服務好差 ，但我覺得呢到服務好好! 一坐低，就即刻問你想食咩呀，但冇乜壓力果種。 又會推介有d咩好食。食都咁上下自動波拿d甜品紙黎，見我地食到咁上下，就走過黎介紹我地有咩甜品好食同埋點樣填個甜品紙。 最後食到差唔多夠鐘 ，自動拿張單來。未試過一餐飯一次舉手叫侍應都唔駛!!同埋原來團購都唔係平好多。 佢晚餐加任食甜品都只係158。

早前買了團購，個位$128，另收加一。用餐時間1815〜2015龍蝦湯不錯，有鮮味，比雜菜湯好。沙律亦精緻。主菜揀了豬手及羊膝，兩個賣相同味道出色。當然，買這團購就是想試甜品。話任食，但1810入餐廳食，侍應後來放低甜品紙話甜品師傅1850才回來😓咁攪笑，咁幾時才來甜品？！食完主菜，我們問未有師傅整火焰雪糕同心太軟，那麼可以先來任食的甜品，如：奶凍、芝士蛋糕（這些應該事先預備啦！）但個侍應姐姐話唔係好願意咁話慢慢食住主菜先，等下先。最後等到1920才有火焰雪糕，賣相幾得，味道沒有什麼特別。就是任食的甜品，再後就是心太軟，𠝹開即朱古力流出👍外邊焗得香脆。食完後的確有點飽，不會太甜。上甜品的速度明顯慢，咖啡奶凍都幾有咖啡味，所以都食了三杯。但芝士餅有兩種味，藍莓同紐約，這就不吃也罷。沒有香香的芝士味，質地也一般。焦糖布甸可食，但不會有驚喜，只是不會難食。整體質素一般以上😋