Dr. Panini de Home-made Kitchen

营业中

休息中

初初諗住，雖然話聖誕要食火雞，但火雞不嬲都“鞋”㗎嘛，不抱期望當應節，殊不知呢度嘅火雞係好滑同好香！！加埋佢配嘅紅莓果醬，追住食！藍青口同牛脷又好味喎，個藍青口口感好似豆腐咁滑咁㗎！！一啲渣都冇，好滑溜溜，忌廉湯又好飲，未食主菜都已經飽。聖誕餐包埋飲品，重冇加一，我呢啲酒鬼聴到都興奮。除紅、白酒任飲（唔係垃圾紅酒呀）！重包氣泡酒同有氣紅酒，兩隻都好飲，係咁同你添，店員有時太忙，直頭成支放低大家 happy，真係好好人！！好開心呀！！又風趣喎，氹得人鬼咁開心。湯方面呢，有個傳統嘅基輔羅宋湯，辣㗎喎，同飲開嘅羅宋湯好唔同，好濃味，都好飲嘅，但聽朋友講，佢嘅意大利蒜香湯同蠔湯重正！到主菜嘞。主菜有5款選擇，一人一款大家 share 啦。有鹿、牛肩肉、法國豬五花，蘇格蘭三文魚同法國芝士火鍋。個鹿望上去好生但冇血水，食落個味唔知點形容，但一致都覺得係好食嘅，聴聞重話好補添，哈哈～下次都會再食。牛都唔錯，燒得外脆內嫩夠牛味。豬就好香，用蘋果白酒香草一齊燒，正㗎不過始終係五花腩，如自己一個人食一份就膩咗啲。魚最驚喜，三～四成熟到，聴店員講，呢隻蘇格蘭三文魚其實係刺生最正，完全 feel 到啲 ome

幫襯咗成十年，由博文街到搬到嚟富貴街大鋪，睇住老闆（即係一夫當關嘅主廚）對食材同煮法嘅堅持，佢一定要用最靚，同即刻煮，每個餸菜嘅煮法都講得出佢嘅典故，對食材同煮法係瞭如指掌，一撩起佢講嘢，就有排講😂講酒又係，講得興起，就攞埋自己啲珍藏出嚟畀我哋試😋今晚我哋一行6人，訂咗克羅地亞燒原隻西班牙墨魚海鮮飯、火焰雲石板燒冰島羊扒、酥皮焗美國限量 Flat Iron 牛肩肉牧羊批、法國頂級鵝肝、白酒忌廉煮法國聖米歇爾湖藍青口、瓦鍋芝士焗法國鮮羊肉腸肉醬意大利手工意粉同西班牙紅花忌廉麵包布甸伴蜂板配雪葩。墨魚飯隻墨魚好大隻，好彈牙架，個飯有啲湯汁，好鮮味，正！但份量大，一定要人多至得。冰島羊肉味好清冇咩騷味，老闆話因為佢哋嘅飼養環境係純天然冇污染，食嘅係島上全天然嘅植物，啱曬唔中意食騷味但又想試吓羊嘅朋友👍🏻Flat Iron 又係不得了，呢種 cut 老闆功架勁，質感牛柳咁嫩，肉味都濃，大大塊，但價錢只係牛柳一半，可惜係限量，隨時冇。藍青口係佢名菜，唔駛多講。佢個鵝肝多士都出名，但今次我哋試新嘢，係法國著名農場人道飼養嘅出品，油脂甜醇，超厚，真係外脆內嫩，4個人 share 一客好啲。羊肉醬意粉

對於這間歺廳我們從老店幫襯到新鋪，但今晚給我的印象是完全陌生，感覺非常之差！小店經營除了講求食物味道之外，服務態度亦是重要一環！當食客詢問妳有沒有沙律時，其實是對你們的一種信任，希望妳能介紹一下，但竟然換來冷冷一句「有！乜都有！你前面嗰menu有寫 ，自己睇啦！」想問這是想趕客嗎？甚麼服務態度！大家樂 和M 記都比妳好！好好檢討下吧！

係朋友推薦下黎到呢間餐廳，初初仲諗住好難book，點知當日下午都book到，於是同屋企人一齊去食晚飯。餐廳都容易搵。入到餐廳，大約可以坐到40人，一去到就即刻睇Menu。點知發覺Menu有好多唔同款式，有西班牙又有意大利野，結果憑感覺叫左以下餸菜。1.洋蔥湯、酥皮龍蝦湯、酥皮周打海鮮湯一致好評! 唔係出邊罐頭湯2.蒜蓉包同出邊的蒜蓉包有不同，出邊蒜蓉包比較脆口，但這間蒜蓉包比較有咬口，四塊要$50，價錢略貴3.美國野牛戰斧牛扒斧牛扒有兩個size，本身打算叫大塊$1500，但店員叫我地七個人叫細塊好了！不過不失4.燒西班牙橡果黑毛豬肋排呢個係全晚最出色嘅餸菜🤩 黑毛豬肋排用鐵板上，底層有好多配菜，薯仔、蘿蔔、椰菜、翠玉瓜，主角黑毛豬只有五至七成熟，但係一啲都唔會血淋淋，咬落好有肉味。5. 原隻墨魚西班牙海鮮飯因為媽咪唔太鍾意食意大利飯，感覺有點硬，所以店員介紹我們食墨魚西班牙海鮮飯。精粹係海鮮飯伴入薯仔、洋蔥、西芹、蘿蔔，同埋墨魚有鮮味！其實本身叫左紅蝦龍蝦汁意大利麵，但係實在太飽，下次有機會我一定會再過來試！食物係出色不過等候時間很長我地7:15叫海鮮飯，但最後8:45才到，可能只有

雖然大角咀富貴街看來並不富貴，卻發現了這間 Dr. Panini de Home-made Kitchen。所有款式都非常大件，當中丹尼斯焗豬扒飯令人難忘。丹尼斯焗豬扒飯原來丹尼斯就是炸酥皮。一碟厚切丹尼斯豬扒，香口鬆軟的豬肉，配上鮮甜的茄醬焗飯，慢慢咀嚼下，享受出豬肉的中和入味。真心說，焗豬扒飯是人生其中一樣的極品，這𥚃做得不錯。西西里菠菜大蝦意大利粉這一碟意大利粉帶來視覺上的驚喜，非常大碟，五隻大蝦躺在柔和的菠菜汁上。豐富的菠菜汁如湯一般的多。柚子蜜也材料豐富，味道也很充足。除了食物外，這店還有兩個利害的地方。第一，這𥚃只看到兩個員工，可能就是老闆。一個大叔就是大廚 master chef，一個大媽就是總服務。所有食物都是這一個大廚一手包辦？他還有時間自己拿餸菜遞給客人和問清楚客人要什麼。難道這就是瞬間轉移？ Dr. Panini 就是 Doctor Strange?第二個利害的地方就是餐牌和款式勁多。未點菜之先已經要克服選擇困難症。以這價錢、份量及質素來說，非常不錯。原來晚上的食物和價錢是另一個世界。這店雖小卻令人大開眼界。Eaten by CalvinCanEat

法國菜一般以精緻黎形容，動輒要食四小時，好難同抵食夾大件扯上關係，偏偏呢間餐廳卻能成功做出這個境界的法國菜，令人眼前一亮！法式香煎魚柳（$80）酸酸甜甜的檸檬汁，兩大條煎到金黃色的魚柳，就構成呢味法式香煎魚柳。檸檬的清香，將龍脷魚柳提昇到另一層次。魚柳很軟很滑，即使煎香了仍然很淋身，沒有半條魚骨，小朋友都可以放心進食。餐湯及餐飲（$10）隨餐附贈餐飲或餐湯，若然想兩者兼得，只要加多十蚊就可以，非常抵玩。

又是每月一餐的時候，同時都係一月之星生日飯，今次食飯的餐廳，是以前都去過的Dr.Panini，還記得出名的芝士火鍋好正~令人回味。 好幾年沒幫襯，已轉了新地址，唔知轉新店後水準又如何呢?一如以往，來呢到食最好BOOK左位先，因為好常爆場，似乎幾受歡迎。 小小的店子，位子不太多，但位子空間寬敞舒適，而且人少不太嘈雜，酒櫃入牆，展示了不少美酒，還掛有餐牌，用盡每一個空間，但感覺不密集，一些小佈置，感覺有心思，昏暗的環境，柔和光線下，感覺有氣氛，心情更放鬆。 芝士火鍋，要一天前預約。 Menu，來得呢到，芝士火鍋必食，除了芝士火鍋，食物都有好多選擇，咩都想食呀。 黃金雜錦法國芝士火鍋，$350。 有麵包粒、菠蘿、蘋果、西蘭花、春卷、薯角、魚柳、煙鴨胸及腸等，材料豐富。 芝士味道濃郁，質感稠身，微熱，份量恰好，配麵包粒是王道，菠蘿清新，蘋果爽口，比較另類的配料魚肉、煙鴨胸及春卷，魚肉口感鬆軟，配上芝士效果不俗，煙鴨胸，鹹香有嚼勁，配芝士呢個組合難得唔算太漏。 法式龍蝦湯，$45，轉酥皮湯+$10，好耐冇飲酥皮湯了。 唔好以為好細碗，份量都幾多，先試了香脆

而我不知道丹尼斯是誰？我只知丹尼斯豬扒很好味，廚師是不叫丹尼斯就不得而知啦！丹尼斯除左有豬扒，仲有丹尼斯雞扒，說穿了就是「炸豬扒」和「炸雞扒」；而丹尼斯豬扒除左炸之外，仲有丹尼斯焗豬扒飯，又係另一種風味。言歸正傳，講返我個丹尼斯豬扒，金黃鬆金脆嘅外層，加上厚切豬扒，入面仲有芝士同火腿添！塊豬扒咁厚，實以為會好「鞋」啦，丹丹好有心機，將塊火腿釀入豬扒中間，再加入芝士令塊扒更Juicy，真正做到外脆內嫩，抵讚！題外話呢間餐廳午餐送埋餐飲仲唔洗加一，難怪坐無虛席啦，丹尼斯豬扒好快賣曬，如果想試可以whatsapp預訂添！

《大食仔無老點》性價比 - 極高大食仔希望可以介紹香港性價比高嘅餐廳俾大家。作為第一篇食評，私心介紹呢間係大角咀嘅隱世西餐俾大家。首先要介紹佢嘅位置，係匯豐對面橫街，相信得附近返工或者住附近嘅人先會留意到。再加上佢平平無奇傳統西餐嘅外表，好似好貴嘅價錢，行過都無乜吸引力。但 事實完全唔係咁！成間餐廳只有大廚同廳面兩位同事咁多。但 成幅牆都係餐牌！選擇之多難以想像。一間只有大概三十個位嘅舖有咁多野食，仲要高質？咪傻！大食仔無老點啦！今晚四個人食飯，小小地叫左兩個湯，兩個小食，一個意粉，兩個甜品，加一枝啤酒夠唔夠食？話您知，飽到懵左！湯 - 洋蔥湯、牛肝菌湯新鮮滾熱辣既係濃郁洋蔥湯，湯既面放左焗到辣嘴既法包，加埋拉絲芝士。牛肝菌湯係足料浠身，基本上成個底都係牛肝菌，由於怕太飽，今次冇加到酥皮，但信我，食得落嘅一定加！小食 - 鵝肝多士、FISH & CHIPS鵝肝香味同油份加埋多士一齊，滿足啦，仲可以係咩？雖然個鵝肝有小小overcooked，但仍然係好香。FISH & CHIPS 份量大，粉漿夠薄，擺左一陣都仍然好脆，高質。意粉 - 羊腸羊肉肉醬意粉叫之前係有小小擔心，始終羊肉點都會有羶

識飲識食的安東尼奧推介法國廚神，事先張揚話明要等好耐，有好野一等又何妨呢？一於試試法國廚神Pierre的手勢。入到餐廳內被安排一張四人枱，留意到埋邊有張十人長餐枱留左俾「邱生」，一睇餐牌有過百款食物任君挑選，真係花多眼亂，令我選擇困難証發作。既然作客法國，就緊係要試下個法式西冷牛扒配意大利粉。同事則叫左香草燒羊脾同埋洋蔥煎豬扒。上菜速度算快，樓面由一位阿姐睇曬全場，理論上午巿只夠做一輪，經已忙到甩轆！講返塊西冷牛扒Sirloin，有手掌咁大，以量取勝。食落頗多筋，肉質有𡁻頭，基本上食完塊扒已經飽，意粉飽到食唔落！香草燒羊脾同樣份量十足，食完意粉仲有餸剩。豬扒大到有d過份，同樣超重量級巨扒，而且厚得驚人，岩食肉獸。响我地用餐同時，發覺鄰卓柯打的「丹尼斯炸豬扒飯」同「海明威牛尾」都非常吸引，最抵讚係免收加一，已約定下次要再來覆桌。

這間隱世了的法國私房菜餐廳, 我每次來都會有驚喜因為入秋了, 藍青口當造, 今晚衝著此而來!基本上來幫襯的都是熟客, 而且是當飯堂的熟客! 大家都比較嘴勻, 會跟Angel (女店員) 傾今晚食咩好, D 菜色會點煮點襯, 而且餐廳會不斷提醒我們portion 很大, 有些遲此叫, 可能吃不下! 不想客人浪費食物, 我真的十分欣賞! 至愛洋蔥湯 不是很多地方可以渴到, 要考廚師的功架, 不會把洋蔥煮燶, 加上超厚的芝士蒜蓉包在裡面, 得千絲萬縷的吃~~~法國白酒忌廉煮藍青口終於當造了, 上次想食都因為未當造別不到 滿滿的一大煲內有3X 多隻新鮮由法國回來的藍青口呢! 青口不會煮得太熟, 肉質很肥大鮮味, 而且嫩滑非常! 白酒忌廉底, 真的令青口更加香滑呢 蒜蓉包 所以我們叫多了個蒜蓉包, 配青口的汁, 剛剛好~~~包底十分香脆! 法國布列塔尼海盜批 這個是邪惡的薯蓉焗蠔, 大概有6 隻超大桶蠔底, 配上邪惡的薯蓉, 我知有點肥, 明天再減吧西班牙紅花多士配蜂板 Movenpick 雪糕這個冰火配搭很襯, 不會互相搶味道蜂板的蜜糖溶入雪糕中, 真的很好味! 性價比很高的法國餐廳, 一流服

我由2014年（或更早期）已經一直有幫襯開Dr. Panini ，早期佢係間街鋪嚟嘅，後尾搬咗去一間細鋪，雖然不比依家呢間新鋪大（店鋪size差唔多相差一倍），大概只坐到4台客人，一定要預早book位，但係間鋪頭用餐環境好精緻、舒適。樓面只係得老闆一個負責，服務未必好快，賣嘅係人情味，再加上食物水準超高之餘，價錢絕對唔貴，性價比十分高。我最鍾意就係食佢嘅芝士火鍋，材料豐富，又affordable。依家換咗呢間新鋪，鋪頭嘅地理位置當然好好多啦，容易喺地鐵站出嚟搵到路，不過價錢就貴左好多啦。搬左新鋪之後，第一次再黎光顧，都係點左芝士火鍋，味道同材料同以前一樣都係咁高質，不過性價比冇咁高，可能未必會再返嚟光顧。

餐廳位於大角咀，位於奧運站的巴士總站附近，只要穿過巴士總站便可以看到在店舖從小小的店面搬到現在的位置前吃過一次，大少在這個冬天提及過幾次想吃芝士火鍋，於是便帶他來Dr. Panini。因為打從開始就打算吃芝士火鍋，所以沒有進去以後就極速翻到芝士鍋的一頁，店員也笑指我們決定得很快。(因為Menu 中的食物種類其實有很多，扒類、意大利飯、手工意大利麵、薄餅都有很多)當中最基本的有黃金雜錦芝士鍋($350)、阿爾薩斯芝士鍋($350)黃金雜錦芝士鍋就會有基本的配料、菜、薯角、腸等等必備的配料而阿爾薩斯的一款則有較多不同類型的腸美國穀飼牛肉眼芝士鍋($380) 則有一些基本食材的同時再加上肉眼牛扒 只差$30 就可以吃我到肉眼牛扒，所以是當日的不二之選。芝士鍋大概10分鐘左右就來了，當中較令人驚喜的是芝士配上菠蘿的組合。菠蘿酸酸甜甜的味道可以為帶動食慾，配合著芝士，可以減去芝士的油膩飽濟感，清新可口。而其他食材當中更，牛扒的熟稔程度剛好，柔軟而不失牛的口感。另外配搭芝士的食材中，以牛脷最為出色，牛脷十分軟熟，有一種入口即溶化感覺。整體而言，芝士鍋的味道不錯，食材的配搭亦很好。唯獨當中的春卷有點

點左二個前菜，一個主菜，分量很大，而且味道不錯，服務亦很好，可以試一下。但因為分量大的關係，建議4個人而上，或聚餐食會好點， 二個人這樣點，分量是有點多，最近還帶包回家。餐湯，加10元多一個油封鴨自己覺得有點肥。。蝦多土，80元，比我想像中有點大，沒有油油的感覺。鹽焗西班牙海鮮飯$380隻紅色蝦幾好食但入面d 細蝦，就太老了。整體感覺

中秋節人月倆團圓，又喺時候做節！其實都係揾個藉口去食好嘢!下午先同辣友sss Happy Gathering，接住夜晚就同男友出動搵食！其實我想去元朗食omakase，但諗諗下又真係好貴，都係下次先去試，家姐話lunch平d！男友知我想食日本嘢，佢已經打去附近一間日式磯燒餐廳問，點知無晒位！......諗咗一陣，男友提議去大角咀食意大利菜，佢話呢間餐廳佢想去好耐。打去問咗有位之後，我哋就飛車去嘞！泊好車我哋就行去搵餐廳，喺新九龍廣場過馬路行幾分鐘就到！其實佢個招牌真係唔係好睇到個餐廳名，一嚟佢個草地background 加黑色字唔顯眼，二嚟夜晚黑媽媽，佢打燈打到反晒光，三嚟我發雞盲，哈哈哈！不過，佢下面嘅彩色Menu 又圍住閃閃燈，加埋個花糟仔，就成功吸引我哋望多兩眼就知係佢囉！餐廳名名為"Dr. Panini" ，Panini係指一種由長型麵包整成嘅意式三明治。"de Home Made Kitchen" 好明顯就係自家制啦！餐廳裝修簡單，有少少country style，又有個小小花糟(雖然係假花)，整整齊齊。牆身用咗d酒樽同色彩豐富嘅Menu去點綴門口玻璃仲有d溫馨貼紙圖案！配上